အလိုရှိနေသည့် ဆိုမာလီမှ အလ်-ရှာဘတ်ခေါင်းဆောင်တစ်ဦး အစိုးရထံ လက်နက်ချ အဖမ်းခံ

– ဆိုမာလီနှင့် ပတ်ဝန်းကျင်နိုင်ငံများတွင် အကြမ်းဖက်လုပ်ရပ်များ လုပ်ဆောင်နေသော အလ်ရှာဘတ်အဖွဲ့မှ အကြီးတန်းခေါင်းဆောင် ဇာကရီယာ အစ္စမာအီလ် အဟ်မဒ်ဟာစီမှာ အစိုးရထံ လက်နက်ချခဲ့သည်ဟု သိရသည်။

ဆုကြေးငွေ ကန်ဒေါ်လာ ၃ သန်း ထုတ်ခံထားရသည့် ဟာစီမှာ ဆိုမာလီယာ၊ ကင်ညာနှင့် အီသီယိုးပီးယား သုံးနိုင်ငံနယ်စပ်ရှိ ဂီဒိုဒေသရှိ ဆိုမာလီ ရဲတပ်ဖွဲ့သို့ ယမန်နေ့က လာရောက် အဖမ်းခံခဲ့ခြင်းဖြစ်ပြီး အဆိုပါဒေသ စစ်ဘက်ဆိုင်ရာ တာဝန်ရှိသူ ဂျမား
မူဆီကမူ ဟာဆီမှာ ဂီဒိုဒေသရှိ အလ်-ရှာဘတ် အကြီတန်းခေါင်းဆောင်တစ်ဦး ဖြစ်သည်ဟုပြောကြားခဲ့သည်။

`သူဟာ ထောက်လှမ်းရေးနဲ့ ဘဏ္ဍာရေးကို တာဝန်ယူရတဲ့သူ တစ်ယောက်ပါ။ ပြီးတော့ အမေရိကန်အစိုးရက ဆုကြေးငွေအများကြီးထုတ်ထားတဲ့ အလ်-ရှာဘတ်တပ်မှူးတွေထဲက တစ်ဦးလည်းဖြစ်ပါတယ်´ ဟု ဂျမားက ထပ်လောင်းပြောကြားခဲ့သည်။

ဆိုမာလီ စစ်ဘက်မှ တာဝန်ရှိသူ မိုဟာမက် အိုစမာအီလ်ကလည်း ဟာစီမှာ
နယ်စပ်မြို့တစ်မြို့တွင် ပုန်းအောင်နေပြီးနောက် လက်နက်ချရန် အစိုးရနှင့်
လျှို့ဝှက်ဆက်သွယ်ခဲ့သည်ဟု ပြောကြားခဲ့သည်။

သို့သော်လည်း အလ်-ရှာဘတ်မှ ပြောရေးဆိုခွင့်ရှိသူ တစ်ဦးကမူ ဟာစီမှာ
ထောက်လှမ်းရေးကိုတာဝန်ယူသူမဟုတ်ဘဲ အလယ်အလတ် ခေါင်းဆောင်တစ်ဦးသာ ဖြစ်ကာ လွန်ခဲ့သည့် ၂ နှစ်အတွင်းက ၎င်းတို့အဖွဲ့မှ ထွက်ခွာသွားခဲ့သူသာဖြစ်ကြောင်း ပြောကြားခဲ့သည်။

အခြားသော သတင်းရင်းမြစ်ကမူ ဟာစီမှာ အလ်-ရှာဘတ်အဖွဲ့အတွင်း မကြာသေးမီက ဖြစ်ပွားခဲ့သော ကွဲပြဲမှုများကြောင့် လက်နက်ချရန် ဆုံးဖြတ်ခဲ့သည်ဟု ဖော်ပြခဲ့သည်။

ဟာစီမှာ အမေရိကန် အစိုးရက ကန်ဒေါ်လာ ၃၃ သန်း ဆုကြေးငွေထုတ်ထားသော အလ်ရှာဘတ်ခေါင်းဆောင် ၈ ဦးထဲမှ တစ်ဦးလည်းဖြစသည်။

Ref : Aljazeera