3 years ago
ရိုဟင်ဂျာ ၇ ဦးကို အိန္ဒိယနိုင်ငံက မြန်မာကို ပထမဆုံးအကြိမ် ပြန်ပို့
3 years ago
ဓာတ်ပြားအဆိုတော် တေးသံရှင် ဒေါ်မာမာဝေ အသက်(၉၃) နှစ် ကွယ်လွန်
3 years ago
ဒုက္ခသည်စခန်းမှ လုပ်အားပေးဆရာမတစ်ဦး ရခိုင်မှ ရန်ကုန်သို့လာစဉ် လဝကဥပဒေဖြင့် အဖမ်းခံရပြီး ထောင်တစ်နှစ်ကျ
3 years ago
ဦးဇော်ဌေး (ခ) မှူးဇော်အား ဌာနပြောင်းရွှေ့တာဝန်ပေး
3 years ago
NVC ကဒ် လက်ခံရန် ဖိအားပေးခံရမှုကို ငြင်းဆိုသော ကမန်တိုင်းရင်းသားများ စီးပွားရေးပိတ်ဆို့ခံနေရ
4 years ago
ASEAN ထိပ်သီးများ ရိုဟင်ဂျာအရေး ဆွေးနွေး
4 years ago
Drone မှုနဲ့ဖမ်းခံရသူ သတင်းထောက်တွေ မိသားစုနဲ့တွေ့ခွင့်မရသေး
4 years ago
မြန်မာ-ဘင်္ဂလားဒေ့ရှ် သဘောတူညီချက် (၁၀)ချက် လက်မှတ်ရေးထိုး
4 years ago
AA ဒုဗိုလ်မှူးကြီး အပါအ၀င် ၉ ဦးကို ငွေကြေးခ၀ါချမှုနဲ့ အမှုဖွင့်စစ်ဆေး
4 years ago
ဘာသာပေါင်းစုံ ဆုတောင်းပွဲ (ရုပ်သံ)

ရဲရင့်သစ္စာ

စာမျက်နှာ (၄၃) မှာရေးသားထားတာက-
“မိုဟာမက်ကွယ်လွန်သောအခါတပည့်ဖြစ်သူ အဘူဘေကာရ်ကသူ၏ အရိုက် အရာကိုဆက်ခံ၏။ သူ့လက်ထက်တွင် ဆော်ဒီအာရေးဗီးယား၏ မြောက် ဘက်တွင် ရှိသော နိုင်ငံများကိုတိုက်ခိုက် သိမ်းယူပြီး အစ္စလမ်ထီးရိပ်အောက်သို့ထပ်မံသွတ်သွင်း နိုင်ခဲ့ပြန်သည်။”

တမန်တော်မုဟမ္မဒ်ဟာ အေဒီ (၆၃၂) မှာ ကွယ်လွန်ခဲ့ကြောင်း အထက် မှာရေးသားခဲ့ပါတယ်။ တမန်တော်မုဟမ္မဒ် ကွယ်လွန်ပြီးနောက် အဗူဗကရ် အဆွ် ဆွိဒ်ဒီးက် ဟာတမန်တော်မုဟမ္မဒ် ရဲ့ အရိုက် အရာကို ဆက်ခံတဲ့ ပထမဆုံး ခလီဖွာ (Caliph) အဖြစ်ကို ရရှိခဲ့ပါတယ်။ သူ့ရဲ့ Caliph သက်တမ်း ဟာ ၂၇ လခန့်ဘဲ ရှိ ခဲ့ပါတယ်။ သူ့သက်တမ်းမှာ တမန်တော်မုဟမ္မဒ် လက်ထက်က စာချုပ်ချုပ်ဆိုခဲ့တဲ့ အချို့ အာရပ်မျိုးနွယ်စုတွေ ဟာ ပုန်ကန်ခြားနားလာခဲ့ပြီး အစ္စလာမ်ဘာသာနဲ့ မဒီနာ အုပ်ချုပ်ရေး ကို ထိပါး စော်ကားလာခဲ့ပါတယ်။ အချို့ မျိုးနွယ် စုတွေဟာ အစ္စလာမ် ဘာသာဝင် အဖြစ် ခံယူလင့်ကစား၊ အစ္စလာမ်သာသနာရဲ့ ပညတ်ချက် တွေကိုတရား ဝင်ငြင်းဆန်ချိုးဖောက်ပြီး သာသနာကိုဖျက်ဆီးလာကြပြန်ပါတယ်။ ဒါကြောင့် Caliph ဟာ မဒီနာစစ်တပ်ကို အသင့်ပြင်၊ ခါလိဒ်ဘင်န် ဝလိဒ် မည်တဲ့ ဗိုလ်ချုပ်ကိုအလံနှင်းပြီး မဒီနာမြောက်ပိုင်း ပုန်ကန်ခြားနားမှုတွေကို နှိမ်နင်းခဲ့ရပါတယ်။ မဒီနာစစ်တပ်ဟာ သာသ နာ ကို ပုံဖျက်တဲ့ ပုန်ကန်သူတွေ နဲ့မဒီနာမြို့ကို လုပ်ကြံမည့် ညွန့်ပေါင်းအင်အား စု တွေကို နှိမ်နင်း ပြီးနောက်မှာတော့ အာရေဗျ ကျွန်းဆွယ်တစ်ခုလုံးမှာ မဒီနာအုပ်ချုပ်မှု အခြေခိုင်သွား ပါတော့တယ်။

တမန်တော်မုဟမ္မဒ် ရဲ့ အရိုက်အရာကို ဆက်ခံတဲ့ ပထမဆုံး (Caliph) အဗူ ဗကရ်ရဲ့လက်ထက်မှာ အာရေဗျတစ်ခွင်ကို မွတ်စ်လင်မ်အုပ်ချုပ်ရေး သက်ရောက် ခဲ့ပေမဲ့၊ခရစ်ယျာန်ဘာသာဝင်တွေနဲ့ဂျူးဘာသာဝင်တွေကို၎င်းတို့ဘာသာ အလျောက် လွတ်လပ်စွာ ကိုးကွယ်ခွင့်ပြုခဲ့ကြောင်း University of Chicago က အရှေ့တိုင်း သမိုင်းပါမောက္ခကြီး Fred M. Donner က သူ့ရဲ့ Muhammed and the Believers စာအုပ် စာမျက်နှာ (၁၀၁) မှာ ဆိုထားပါတယ်။

တမန်တော်မုဟမ္မဒ် နဲ့ Caliph တွေရဲ့နိုင်ငံရေး၊ အုပ်ချုပ်ရေး သမိုင်းတွေကို လေ့လာမယ်ဆိုရင်အဲဒီခေတ် အဲဒီအချိန်က အာရေဗျ ပတ်ဝန်းကျင်မှာ ရှိတဲ့အင်ပါ ယာကြီးတွေ (Empires) နဲ့နိုင်ငံရေးခြိမ်းချောက်မှု (political threat)၊ စစ်ရေးခြိမ်း ချောက်မှု (military threat) တွေ ကို မျက်ကွယ်ပြုထားလို့မရပါဘူး။ အဲဒီအချိန် မှာ မဒီနာ အုပ်ချုပ်ရေးကို အကြီးအကျယ်ခြိမ်းခြောက်နေတဲ့ အင်အားကြီး အင်ပါ ယာကြီး (၂)ခု ရှိခဲ့ပါတယ်။ အာရေဗျ အရှေ့မြောက်ဖက်မှာ Sassanian/ Sassanid လို့ခေါ်တဲ့ ပါရှန်းအင်ပါယာနဲ့မြောက်ဖက်မှာ Byzantine လို့ခေါ်တဲ့ အရှေ့ရောမ အင်ပါယာတွေပါ။ အဲဒီအင်ပါယာကြီးတွေရဲ့  ခြိမ်းခြောက်မှုကြောင့် အာရပ်မွတ်စ်လင်မ်တွေ ဟာ အရဲစွန့်ပြီး အဲဒီအင်ပါယာကြီးတွေနဲ့ ရင်ဆိုင်ရင်း တစ်ဖြည်းဖြည်းနဲ့အောင်မြင် လာတာဖြစ်ပါတယ်။ ကျမ်း အလွန်လေးသွားမှာစိုးလို့ အဲဒီ သမိုင်းတွေကို အသေးစိတ် ဒီမှာရေးမပြတော့ပါဘူး။ တကယ်သိချင်ရင်၊ တကယ် မ “အ” ချင်ရင် ကိုယ်တိုင် ကိုယ်ကျသာ လေ့လာကြည့် ပါတော့လို့ ရိုသေ စွာ အားပေးတိုက်တွန်းအပ်ပါတယ်။

ဘိုင်ဇန်တင်း (Byzantine) အင်ပါယာရဲ့ အစိတ်အပိုင်းတွေ ဖြစ်တဲ့ ဆီးရီးယားနဲ့အီဂျစ်မှာရှိတဲ့ ခရစ်ယျာန်ဘာသာဝင်တွေ ၊ စတ်စနီယန်း ပါရှန်း အင်ပါယာ မှာရှိတဲ့ဇိုရိုအက်စတာ ဘာသာဝင်တွေဟာအစ္စလာမ်ဘာသာဝင်တွေ အဖြစ်ကို ၎င်း တို့ဆန္ဒအလျောက်ရောက်ရှိခဲ့ တာဖြစ်ကြောင်း၊အဓမ္မသွတ်သွင်းခြင်းခံရတာ မဟုတ် ကြောင်း University of Cambridge မှ ကထိက တစ်ဦးဖြစ်သူ Reynold A. Nicholson က သူ့ရဲ့ “A Literary History of the Arabs” စာအုပ် စာမျက်နှာ (၁၈၄) မှာ အခိုင်အမာကို ရေးသားထားပါတယ်။

Caliph တွေဟာအခြားဘာသာဝင်တွေကိုအတင်းအဓမ္မအစ္စလာမ် ဘာသာ ထဲသွတ်သွင်းခဲ့ခြင်းမရှိရုံမက၊အခြားဘာသာသာသနာရဲ့ဘာသာရေး အဆောက်အဦး တွေကိုပါ ထိန်းသိမ်း စောင့်ရှောက်ပေးဖို့ သောကကြီးခဲ့ပါ သေးတယ်။ ဥပမာအနေ နဲ့- ဒုတိယ Caliph ကြီး အုမရ်အိဗ်နုအလ်ခသ်သားဗ် ဟာ ဂျေရုစလင်မ် မြို့ကို ရောက် တော့ မွန်းလွဲဝတ်ပြုချိန်ကျ ရောက်နေပါတယ်။ ဂျေရုစလင်မ်မြို့ရဲ့ သာသနာ ပိုင် Patriarch ခရစ်ယျာန်ဘုန်းတော်ကြီးဟာ Caliph အနေနဲ့ရှင်ပြန်ထမြောက်ခြင်း ဘုရားကျောင်း (Church of the Resurrection) / (Church of the Holy Sepulchre) မှာ မွန်းလွဲဝတ်ပြုနိုင်ကြောင်း ကမ်းလှမ်းခဲ့ပါတယ်။ သို့သော် Caliph ဟာ ဘယ်လောက်သောကကြီးခဲ့သလဲ ဆိုရင်၊ အကယ်၍သာ အဲဒီ ခရစ်ယျာန် ဘုရားကျောင်း မှာသူဝတ်ပြုလိုက်ရင် နောင်လာနောက်သား အချို့က ဒီနေရာဟာ တို့Caliph အလ္လာဟ်ကိုဦးချခဲ့ တဲ့နေရာဘဲလို့ အမြတ်တနိုးမှတ်ယူပြီး ခရစ်ယျာန် တွေရဲ့ ဘုရားကျောင်း နေရာ မှာ ဗလီဆောက် လိုက်ကြရင် ခက်ရချေရဲ့ လို့တွေးပူခဲ့ ပြီး ခရစ်ယျာန် ဘုန်းတော်ကြီး ရဲ့ ကမ်းလှမ်းဖိတ်ကြားချက်ကို လက်မခံခဲ့ပါဘူး။ သူ ဟာ ဘုရားကျောင်း အပြင်ဖက် အနီးအနား မှာဘဲ ဝတ်ပြုခဲ့ပါတယ်။ ဒီ အကြောင်း ကို အင်္ဂလိပ် လူမျိုးသမိုင်း ဆရာ နဲ့ လွှတ်တော်အမတ် Edward Gibbon ကသူ့ရဲ့ The Decline and Fall of the Roman Empire အတွဲ ၉၊ စာမျက်နှာ (၁၆၂) မှာ မှတ်တမ်းတင်ထားပါတယ်။ Caliph အုမရ် ဝတ်ပြုခဲ့တဲ့နေရာဟာ Mosque of Umar အမည်နဲ့ ယနေ့တိုင် Jerusalem မြို့ Holy Sepulchre ဘုရားကျောင်း တောင်ဖက်အနီးမှာတည်ရှိနေပါတယ်။ တမန်တော်မုဟမ္မဒ် လက်ထက်မှာ မက္ကဟ် မြို့ကို သွေးမြေတစ်စက် မကျဘဲ မွတ်စ်လင်မ်တွေ အုပ်ချုပ်ခွင့်ရခဲ့သလို၊ Great Prophet တစ်ပါးဖြစ်တဲ့ ခရစ်တော် ဂျီးစတ်စ် ခရိုက်စ် (Jesus Christ) သာသနာပြုခဲ့ရာ ဂျေရုစလင်မ် မြို့ကိုလည်း တမန်တော် မုဟမ္မဒ် ရဲ့ ဒုတိယ Caliph လက်ထက်မှာ သွေးမြေတစ်စက်မကျဘဲ မွတ်စ်လင်မ်တို့အုပ်ချုပ်ခွင့်ရခဲ့ပါတယ်။

အထက်မှာ စတိသဘောတင်ပြခဲ့တဲ့ သမိုင်းအစစ်အမှန်တွေက ဘယ်အချက်ကိုရောင်ပြန်ဟပ်ပြနေသလဲ ဆိုရင် တမန်တော်မုဟမ္မဒ်ရဲ့ အရိုက်အရာ ကိုဆက်ခံခဲ့ တဲ့ အစ္စလာမ် ဘာသာရဲ့ Caliphတွေဟာ အခြားတိုင်းနိုင်ငံတွေကို ထီးအောက် သွင်းရေးဆိုတဲ့ ရည်ရွယ်ချက်ကြီးနဲ့တိုက်ခိုက်သိမ်း ပိုက်ပြီးအစ္စလာမ်ထီးရိပ်အောက် ကိုသွင်းခဲ့တာမဟုတ်ဘူး ဆိုတာ။

ဆက်ရန်- သမိုင်းဟူသည် ဤသို့တည် [မင်းကြီးအသောက နှင့် ယောနက-အာဖဂန် နှင့် အစ္စလာမ်-အာဖဂန်မင်းနှင့် ဗုဒ္ဓဘာသာ]

အစ္စလာမ်သာသနာ နှင့်ပတ်သတ်ပြီး သမိုင်းအလွဲများစွာ ထည့်သွင်းေ၇းသားထားတဲ့

ဗုဒ္ဓဘာသာမြစ်ဖျား နှင့် သမိုင်းရှုထောင့် မူ၇င်းစာအုပ်လင်ခ့်

Leave a Reply