3 years ago
ရိုဟင္ဂ်ာ ၇ ဦးကို အိႏၵိယႏိုင္ငံက ျမန္မာကို ပထမဆံုးအႀကိမ္ ျပန္ပို႔
3 years ago
ဓာတ္ျပားအဆိုေတာ္ ေတးသံရွင္ ေဒၚမာမာေဝ အသက္(၉၃) ႏွစ္ ကြယ္လြန္
3 years ago
ဒုကၡသည္စခန္းမွ လုပ္အားေပးဆရာမတစ္ဦး ရခိုင္မွ ရန္ကုန္သို႔လာစဥ္ လဝကဥပေဒျဖင့္ အဖမ္းခံရၿပီး ေထာင္တစ္ႏွစ္က်
3 years ago
ဦးေဇာ္ေဌး (ခ) မွဴးေဇာ္အား ဌာနေျပာင္းေရႊ႕တာဝန္ေပး
3 years ago
NVC ကဒ္ လက္ခံရန္ ဖိအားေပးခံရမႈကုိ ျငင္းဆုိေသာ ကမန္တုိင္းရင္းသားမ်ား စီးပြားေရးပိတ္ဆုိ႔ခံေနရ
4 years ago
ASEAN ထိပ္သီးမ်ား ရိုဟင္ဂ်ာအေရး ေဆြးေႏြး
4 years ago
Drone မႈနဲ႕ဖမ္းခံရသူ သတင္းေထာက္ေတြ မိသားစုနဲ႕ေတြ႕ခြင့္မရေသး
4 years ago
ျမန္မာ-ဘဂၤလားေဒ့ရွ္ သေဘာတူညီခ်က္ (၁၀)ခ်က္ လက္မွတ္ေရးထိုး
4 years ago
AA ဒုဗိုလ္မွဴးႀကီး အပါအ၀င္ ၉ ဦးကို ေငြေၾကးခ၀ါခ်မႈနဲ႔ အမႈဖြင့္စစ္ေဆး
4 years ago
ဘာသာေပါင္းစုံ ဆုေတာင္းပြဲ (ရုပ္သံ)

ဇန်နဝါရီ ၈၊ ၂၀၂၁
M-Media

ဒေလီမြို့မှ မွတ်စလင်များအား ပစ်မှတ်ထားသည့် တိုက်ခိုက်မှု မြင်ကွင်းတစ်ခု

-၂၀၂၀ ခုနှစ် ဖေဖော်ဝါရီလက မြို့တော်ဒေလီက မွတ်စလင်တွေကို ပစ်မှတ်ထားတဲ့ အကြမ်းဖက်မှုမှာ ထိခိုက်ခံစားရသူတွေ၊ အမှုလိုက်ပေးနေတဲ့ရှေ့နေတွေနဲ့ တက်ကြွလှုပ်ရှားသူတွေပေါ် အသက်အန္တရာယ် ခြိမ်းခြောက်တာမျိုး ရှိတယ်လို့ ကာယကံရှင်တွေက ပြောကြားလိုက်ပါတယ်။

ဟိန္ဒူအမျိုးသားရေးပါတီ BJP နဲ့ ဟိန္ဒူအစွန်းရောက်အဖွဲ့ RSS တို့ကို ထောက်ခံသူတွေက စတင်ခဲ့တဲ့ ဒီတိုက်ခိုက်မှုမှာ လူ ၅၀ ကျော်သေဆုံးခဲ့ပြီး အများစုက မွတ်စလင်တွေဖြစ်ပါတယ်။ ဗလီတွေ၊ မွတ်စင်လင်တွေရဲ့ နေအိမ်တွေ၊ စီးပွားရေးလုပ်ငန်းတွေလည်း မီးရှို့ဖျက်ဆီးခံခဲ့ရပါတယ်။ အခြေခံဥပဒေနဲ့ ဆန့်ကျင်တဲ့ နိုင်ငံသားဥပဒေ ပြင်ဆင်ချက်ကို ကန့်ကွက်တဲ့ ထိုင်သပိတ်ကို ဒီလူအုပ်စုက ဝင်ရောက်တိုက်ခိုက်ပြီးတဲ့နောက် မွတ်စလင်​ေတွရှိရာ ရပ်ကွက်တွေကို ပစ်မှတ်ထားခဲ့ကြတာပါ။ ဒါဟာ နှစ်ပေါင်း ၄၀ အတွင်း ဒေလီမှာ အဆိုးရွားဆုံး အကြမ်းဖက်တိုက်ခိုက်မှုလည်း ဖြစ်ပါတယ်။

ဒီအမှုမှာ မွတ်စလင်တွေဖက်က လိုက်ပါဆောင်ရွက်ပေးနေတဲ့ ရှေ့နေတွေ၊ တက်ကြွလှုပ်ရှားသူတွေကို ခြိမ်းခြောက်တာ၊ စီးနင်းတာတွေလည်း ရှိနေပါတယ်။

ဒေလီက အသက် ၅၆ နှစ်အရွယ် ရှေ့နေ မဟ်မူးဒ် ပရာချာက ပြည်ထဲရေးဝန်ကြီး အေမစ်ရှားနဲ့ ပတ်သက်နိုင်တဲ့ အမှုတွေကို သူက ကိုင်တွယ်ထားတာကြောင့် သူ့အပေါ် အစိုးရက ပစ်မှတ်ထားလာတွေ ရှိတယ်လို့ ပြောပါတယ်။

ပရာချာရဲ့ရုံးခန်းကို ပြီးခဲ့တဲ့လမှာ ဒေလီရဲတပ်ဖွဲ့က ဝင်ရောက်စီးနင်းခဲ့ပြီး ဒါဟာ ဥပဒေချိုးဖောက်မှုဖြစ်တယ်လို့ ကျွမ်းကျင်သူတွေက ဝေဖန်ခဲ့ကြပါတယ်။

“ကျွန်တော်ရထားတဲ့ သက်သေအထောက်အထားတွေကို ဖျက်ဆီးဖို့ဆိုတဲ့ ရည်ရွယ်ချက်နဲ့ ဝင်ရောက်စီးနင်းတာပါ။ ပြည်ထဲရေး၊ ဒေလီရဲတပ်ဖွဲ့၊ RSS နဲ့ BJP ကေဒါတွေရဲ့ ပါဝင်ပတ်သက်မှုကို မဖော်ထုတ်နိုင်အောင်ပါ။ သူတို့ရဲ့အစီအစဉ်မှာ ကျွန်တော့်ကို လုပ်ကြံဖို့လည်း ပါဝင်ပါတယ်” လို့ ပရာချာက ပြောပါတယ်။

BJP ပြောရေးဆိုခွင့်ရှိသူ ဟာရစ်ရှ် ကူရာနာက ပရာချာရဲ့ ဒီပြောကြားမှုကို ငြင်းဆိုခဲ့ပြီး လူတွေအာရုံစိုက်လာအောင် လုပ်ဆောင်နေတာလို့ တုန့်​ပြန်ခဲ့ပါတယ်။

ထိခိုက်ခံစားရသူတွေလည်း ခြိမ်းခြောက်ခံရ

မွတ်စလင်တွေကိုပစ်မှတ်ထားတဲ့ ဒေလီကအကြမ်းဖက်မှုမှာ ထိခိုက်ခံစားရသူတွေကလည်း အမှုပိတ်ဖို့ ရဲတပ်ဖွဲ့က သူတို့ကို ဖိအားပေးတာမျိုး၊ ဒီလိုမလုပ်ရပ် နောက်ဆက်တွဲဆိုးကျိုး ခံစားရမယ်ဆိုတဲ့ ခြိမ်းခြောက်မှုမျိုးတွေ ရှိတယ်လို့ ဖွင့်ဟခဲ့ကြပါတယ်။

ပရာချာရဲ့ ရုံးခန်းကို ရဲတပ်ဖွဲ့က ဝင်ရောက်စီးနင်းပြီး နောက်တစ်နေ့မှာ ပြုလုပ်တဲ့ သတင်းစာရှင်းလင်းပွဲမှာ ထိခိုက်ခံစားရသူတွေက ရှေ့နေဟာ မမှန်မကန်ထွက်ဆိုခိုင်းတယ်ဆိုတဲ့ ခံဝန်ကို လက်မှတ်ထိုးဖို့ ရဲတပ်ဖွဲ့က သူတို့ကို ဖိအားပေးခဲ့တယ်လို့ ထုတ်ပြောခဲ့ပါတယ်။

ရဲတပ်ဖွဲ့ရဲ့ ဒီစွပ်စွဲချက်ဟာ အခြေအမြစ်မရှိဘူးလို့ ပရာချာက တုန့်ပြန်ခဲ့ပြီး ရဲတွေဟာ အမှုသည်တွေပေးထားတဲ့ အထောက်အထားတွေကို ဖျက်ဆီးဖို့ လုပ်နေကြောင်း၊ အမှုကို လိုက်ပါဆောင်ရွက်ပေးနေတဲ့ အခြားရှေ့နေတွေကို ရဲတပ်ဖွဲ့က ခြိမ်းခြောက်တာတွေရှိကြောင်း ထည့်သွင်းပြောဆိုခဲ့ပါတယ်။

ဒေလီအကြမ်းဖက်မှုမှာ ထိခိုက်ခံစားရသူတွေအတွက် လိုက်ပါဆောင်ရွက်ပေးနေတဲ့ ရှေ့နေ တာမာနာ ပန်ကက်ရှ်ကလည်း ဒီကိစ္စမှာ ပါဝင်တဲ့ ရှေ့နေတွေအပေါ် အမြဲတမ်း စောင့်ကြည့်နေတယ်ဆိုတာကို ရဲတပ်ဖွဲ့က မြင်သာအောင် ပြနေတယ်လို့ ဆိုပါတယ်။

“အမှုတွေကို လိုက်ပါဆောင်ရွက်ပေးနေတဲ့ ရှေ့နေအချို့၊ ဆန္ဒပြမှုမှာ ပါဝင်တဲ့ လူအချို့ကို ရဲတပ်ဖွဲ့က ခေါ်ယူစစ်ဆေးတာတွေ လုပ်ပါတယ်။ ​ထောင်ချောက်ထဲဝင်အောင် လုပ်တာမျိုးပါ”

အကြမ်းဖက်မှုမှာ ဖခင်ဖြစ်သူ အသတ်ခံခဲ့ရတဲ့ ဆာဟီလ် ပါရ်ဗက်ဇ်က သူဖွင့်ထားတဲ့ အမှုကို ပိတ်ဖို့ ရဲတွေက သူ့ကို ဖိအားပေးခဲ့တယ်လို့ ဆိုပါတယ်။ ပါရ်ဗက်ဇ်ရဲ့ ထွက်ဆိုချက်ကြောင့် ဟိန္ဒူအစွန်းရောက်အဖွဲ့ RSS အဖွဲ့ဝင် ၁၆ ဦး ဖမ်းဆီးခံခဲ့ရပြီး လူသတ်မှု၊ အကြမ်းဖက်ဖို့ လှုံ့ဆော်မှု အပါအဝင် စွဲချက်များစွာနဲ့ တရားစွဲ ခံထားရပါတယ်။

“ငါတို့ပြောတဲ့အတိုင်းမလုပ်ရင် တစ်ခြားအမှုတွေမှာ မင်းကို ဆွဲထည့်မယ်လို့ ရဲတွေက ပြောပါတယ်။ အကြမ်းဖက်မှုကို ကျူးလွန်သူတွေနဲ့ ရဲတပ်ဖွဲ့အကြား ဆက်စပ်မှု ရှိပါတယ်။ ကျူးလွန်သူတွေက ပြောခိုင်းလို့ လာပြောတဲ့ပုံစံမျိုး ကျွန်တော်တို့ကို ရဲက ပြောတာပါ”

​BJP လွှတ်တော်အမတ်က ဖမ်းဆီးခံထားရတဲ့သူတွေရဲ့ မိသားစုဝင်တွေထံသွားရောက်ကာ ကူညီပေးမယ်လို့ ပြောကြားခဲ့တဲ့အတွက် တရားမျှတမှုကို မျှော်လင့်လို့မရဘူးလို့လည်း ပါရ်ဗက်ဇ်က ထည့်သွင်း ပြောဆိုခဲ့ပါတယ်။

အကြမ်းဖက်မှုအတွင်း မျက်စိမှာဒဏ်ရာရရခဲ့တဲ့ မိုဟာမက် နာဆီရ်က တရားရုံးက အမှုဖွင့်ပေးဖို့ အမိန့်ပေးထားပေမယ့် ရဲတပ်ဖွဲ့က သူ့ရဲ့ တိုင်ကြားမှုကို အခုအချိန်အထိ လက်မခံဘူးလို့ ဆိုပါတယ်။

“အမှုမဖွင့်ပေးတဲ့အပြင် မတိုင်ဖို့ပါ သူတို့က ကျွန်တော့်ကို ဖိအားပေးပါတယ်”

ရှေ့နေ မဟ်မူးဒ် ပရာချာရဲ့ ရုံးခန်းကို ဝင်မစီးခင်မှာ ရဲတပ်ဖွဲ့က လာရောက်ပြီး ရှေ့နေပြောင်းဖို့၊ မပြောင်းရင် တစ်ခြားအမှုတွေမှာ ဆွဲထည့်မယ်လို့ ခြိမ်းခြောက်ခဲ့ကြောင်း နာဆီရ်က ထည့်သွင်းပြောဆိုခဲ့ပါတယ်။

လူ့အခွင့်အရေးအဖွဲ့တွေနဲ့ တက်ကြွလှုပ်ရှားသူတွေကလည်း ရဲတပ်ဖွဲ့ဟာ ကျူးလွန်သူတွေဖက်ပင်းတာမျိုး၊ အမှုကို ဖျက်လိုဖျက်ဆီးဖြစ်အောင် လုပ်တာမျိုး ရှိတယ်လို့လည်း ဝေဖန်ပြောကြားခဲ့ကြပါတယ်။

ဒေလီရဲတပ်ဖွဲ့ရဲ့ ပြောရေးဆိုခွင့်ရှိသူ အနီလ်မစ်တဲလ်က ဒီကိစ္စကို သူတို့ မသိဘူးလို့ တုန့်ပြန်ပြောကြားခဲ့ပါတယ်။

Ref: Aljazeera

Comments are closed.