5 years ago
ရိုဟင္ဂ်ာ ၇ ဦးကို အိႏၵိယႏိုင္ငံက ျမန္မာကို ပထမဆံုးအႀကိမ္ ျပန္ပို႔
6 years ago
ဓာတ္ျပားအဆိုေတာ္ ေတးသံရွင္ ေဒၚမာမာေဝ အသက္(၉၃) ႏွစ္ ကြယ္လြန္
6 years ago
ဒုကၡသည္စခန္းမွ လုပ္အားေပးဆရာမတစ္ဦး ရခိုင္မွ ရန္ကုန္သို႔လာစဥ္ လဝကဥပေဒျဖင့္ အဖမ္းခံရၿပီး ေထာင္တစ္ႏွစ္က်
6 years ago
ဦးေဇာ္ေဌး (ခ) မွဴးေဇာ္အား ဌာနေျပာင္းေရႊ႕တာဝန္ေပး
6 years ago
NVC ကဒ္ လက္ခံရန္ ဖိအားေပးခံရမႈကုိ ျငင္းဆုိေသာ ကမန္တုိင္းရင္းသားမ်ား စီးပြားေရးပိတ္ဆုိ႔ခံေနရ
6 years ago
ASEAN ထိပ္သီးမ်ား ရိုဟင္ဂ်ာအေရး ေဆြးေႏြး
6 years ago
Drone မႈနဲ႕ဖမ္းခံရသူ သတင္းေထာက္ေတြ မိသားစုနဲ႕ေတြ႕ခြင့္မရေသး
6 years ago
ျမန္မာ-ဘဂၤလားေဒ့ရွ္ သေဘာတူညီခ်က္ (၁၀)ခ်က္ လက္မွတ္ေရးထိုး
6 years ago
AA ဒုဗိုလ္မွဴးႀကီး အပါအ၀င္ ၉ ဦးကို ေငြေၾကးခ၀ါခ်မႈနဲ႔ အမႈဖြင့္စစ္ေဆး
6 years ago
ဘာသာေပါင္းစုံ ဆုေတာင္းပြဲ (ရုပ္သံ)

ဖေဖော်ဝါရီ ၁၄၊ ၂၀၂၁
M-Media

စင်ကာပူရှိ မြန်မာသံရုံး

-မြန်မာသံရုံးရှေ့မှာ ခွင့်ပြုချက်မရှိဘဲ ဆန္ဒပြခဲ့မှုအတွက် လူ ၃ ယောက်ကို စစ်ဆေးနေတယ်လို့ စင်ကာပူရဲတပ်ဖွဲ့က ဒီကနေ့မှာ ထုတ်ပြန်ပါတယ်။

အသက် ၄၈ နှစ်နဲ့ ၆၁ နှစ်အရွယ် ဂျပန်အမျိုးသားနှစ်ဦးနဲ့ အသက် ၄၉ နှစ်အရွယ် အင်ဒိုနီးရှားနိုင်ငံသားတို့ ဖြစ်ပါတယ်။ သူတို့ ၃ ဦးဟာ ဗုဒ္ဓဟူးနေ့ နေလည် ၃ နာရီ ၄၅ လောက်မှာ မြန်မာသံရုံးရှေ့သွားပြီး ‘မြန်မာပြည်သူတွေနဲ့ တစ်သားတည်းရှိကြောင်း’ ဆန္ဒထုတ်ဖော်ခဲ့တာ ဖြစ်ပါတယ်။

ဆိုင်းဘုတ်နှစ်ခု၊ မိုဘိုင်းဖုန်းတွေနဲ့ စာတစ်စောင်ကို သိမ်းဆည်းခဲ့ပြီး စုံစမ်းစစ်ဆေးမှုတွေ ပြုလုပ်နေတယ်လို့ ရဲတပ်ဖွဲ့ရဲ့ ဒီနေ့ကြေငြာချက်မှာ ဖော်ပြထားပါတယ်။

စင်ကာပူမှာ ရဲတပ်ဖွဲ့ရဲ့ခွင့်ပြုချက်မရဘဲ စုဝေးဆန္ဒ​ထုတ်ဖော်တာဟာ ရာဇဝတ်မှုမြောက်တယ်ဆိုတာ အများပြည်သူကို သတိပေးလိုတယ်လို့ ကြေငြာချက်က ဆိုပါတယ်။

“နိုင်ငံခြားတိုင်းပြည်တွေရဲ့ နိုင်ငံရေးကိစ္စအတွက် တိုက်တွန်းဆော်ဩတဲ့ ဆန္ဒထုတ်ဖော်မှုမျိုးကို ရဲတပ်ဖွဲ့က ခွင့်ပြုချက် ထုတ်မပေးပါဘူး။ စင်ကာပူမှာနေထိုင်ကြတဲ့ ဒါမှမဟုတ် လာရောက်လည်ပတ်ကြတဲ့ နိုင်ငံခြားသားတွေအနေနဲ့ စင်ကာပူရဲ့ဥပဒေကို လိုက်နာရပါမယ်”

ဖေဖော်ဝါရီလ ၁ ရက်နေ့ မြန်မာနိုင်ငံမှာ စစ်တပ်က အာဏာသိမ်းမှုဖြစ်ပွားပြီးတဲ့နောက် စင်ကာပူရောက် မြန်မာနိုင်ငံသားတွေ ဆန္ဒထုတ်ဖော်ဖို့ စီစဉ်ခဲ့ကြပါတယ်။ ဒါပေမယ့် ဒီလို ဆန္ဒပြမှုတွေကို ခွင့်မပြုဘူးလို့ စင်ကာပူက ဖေဖော်ဝါရီ ၅ ရက်နေ့မှာ သတိပေးချက် ထုတ်ပြန်ခဲ့ပါတယ်။

စင်ကာပူရဲတပ်ဖွဲ့ရဲ့ ဒီကနေ့ထုတ်ပြန်ချက်မှာ ဆန္ဒပြဖို့အတွက် အွန်လိုင်းမှာ ပြောတာတွေကို မိမိတို့ သိရှိတယ်လို့ ဆိုပါတယ်။

“စင်ကာပူကို လာရောက်လည်ပတ်သူ၊ အလုပ်လာလုပ်သူ၊ လာရောက်နေထိုင်သူ နိုင်ငံခြားသားတွေအနေနဲ့ စင်ကာပူဥပဒေကို လိုက်နာဖို့ သတိပေးလိုပါတယ်။ ကိုယ့်နိုင်ငံက နိုင်ငံရေးပြဿနာတွေကို စင်ကာပူနိုင်ငံထဲ သယ်လာလို့ မရပါဘူး”

ဥပဒေချိုးဖောက်သူတွေကို ထိထိရောက်ရောက် အရေးယူသွားမှာဖြစ်ပြီး ဗီဇာရုပ်သိမ်းတာ၊ အလုပ်လုပ်ကိုင်ခွင့်ပါမစ် ရုပ်သိမ်းတာတွေပါ လုပ်ဆောင်မယ်လို့လည်း သတိပေးခဲ့ပါတယ်။

Ref: CNA

Comments are closed.