3 years ago
ရိုဟင္ဂ်ာ ၇ ဦးကို အိႏၵိယႏိုင္ငံက ျမန္မာကို ပထမဆံုးအႀကိမ္ ျပန္ပို႔
3 years ago
ဓာတ္ျပားအဆိုေတာ္ ေတးသံရွင္ ေဒၚမာမာေဝ အသက္(၉၃) ႏွစ္ ကြယ္လြန္
3 years ago
ဒုကၡသည္စခန္းမွ လုပ္အားေပးဆရာမတစ္ဦး ရခိုင္မွ ရန္ကုန္သို႔လာစဥ္ လဝကဥပေဒျဖင့္ အဖမ္းခံရၿပီး ေထာင္တစ္ႏွစ္က်
4 years ago
ဦးေဇာ္ေဌး (ခ) မွဴးေဇာ္အား ဌာနေျပာင္းေရႊ႕တာဝန္ေပး
4 years ago
NVC ကဒ္ လက္ခံရန္ ဖိအားေပးခံရမႈကုိ ျငင္းဆုိေသာ ကမန္တုိင္းရင္းသားမ်ား စီးပြားေရးပိတ္ဆုိ႔ခံေနရ
4 years ago
ASEAN ထိပ္သီးမ်ား ရိုဟင္ဂ်ာအေရး ေဆြးေႏြး
4 years ago
Drone မႈနဲ႕ဖမ္းခံရသူ သတင္းေထာက္ေတြ မိသားစုနဲ႕ေတြ႕ခြင့္မရေသး
4 years ago
ျမန္မာ-ဘဂၤလားေဒ့ရွ္ သေဘာတူညီခ်က္ (၁၀)ခ်က္ လက္မွတ္ေရးထိုး
4 years ago
AA ဒုဗိုလ္မွဴးႀကီး အပါအ၀င္ ၉ ဦးကို ေငြေၾကးခ၀ါခ်မႈနဲ႔ အမႈဖြင့္စစ္ေဆး
4 years ago
ဘာသာေပါင္းစုံ ဆုေတာင္းပြဲ (ရုပ္သံ)

ဇွန် ၈၊ ၂၀၂၁
M-Media

အခင်းဖြစ်ပွားရာနေရာတွင် ကနေဒါပြည်သူများ ပန်းစည်းလာချနေမှု

-ကနေဒါနိုင်ငံတောင်ပိုင်းက မြို့တစ်မြို့မှာ မွတ်စလင်မိသားစုတစ်စု ကားနဲ့တိုက်သတ်ခံရပြီး ရဲတပ်ဖွဲ့က ဒါဟာ ဘာသာရေးမုန်းတီးမှုကို အခြေခံတဲ့ ရာဇဝတ်မှု ဖြစ်တယ်လို့ ထုတ်ပြန်ထားပါတယ်။

ဒီအဖြစ်အပျက်ဟာ အွန်တာရီယိုပြည်နယ် လန်ဒန်မြို့မှာ တနင်္ဂနွေနေ့ညပိုင်းက ဖြစ်ပွားခဲ့တာပါ။ လူ ၅ ယောက်ပါတဲ့ မိသားစုတစ်စု မျဉ်းကြားမှာ လမ်းကူးဖို့ စောင့်ဆိုင်းနေစဉ်အနက်ရောင် ပစ်ကတ်ထရက်ကားက ပလက်ဖောင်းကိုကျော်ပြီး ဝင်တိုက်ခဲ့တာ ဖြစ်ပါတယ်။

အသက် ၇၄ နှစ်အရွယ် အဘွားအိုတစ်ဦး နေရာတင် ပွဲချင်းပြီး သေဆုံးခဲ့ပြီး၊ အသက် ၄၆ နှစ်အရွယ် အမျိုးသား၊ ၄၄ နှစ်အရွယ် အမျိုးသမီးနဲ့ အသက် ၁၅ နှစ်အရွယ် မိန်းကလေးငယ်တို့ ဆေးရုံအရောက်မှာ သေဆုံးသွားပါတယ်။ အသက် ၉ နှစ်အရွယ် ယောကျ်ားလေးတစ်ဦးက ဒဏ်ရာဆိုးဆိုးရွားရွား ရခဲ့ပြီး အသက်အန္တရာယ် မစိုးရိမ်ရဘူးလို့ ရဲတပ်ဖွဲ့က ပြောပါတယ်။

ကားနဲ့ တိုက်သတ်သူဟာ အသက် ၂၀ အရွယ် နသန်နီယဲလ် ဗဲလ်တ်မန်ဆိုသူဖြစ်ပြီး ရဲတပ်ဖွဲ့က ဖမ်းဆီးနိုင်ခဲ့ပါတယ်။

“အမုန်းတရားကြောင့် ကြိုတင်စီစဉ်ပြီး တိုက်ခိုက်မှုလုပ်ခဲ့တယ်ဆိုတဲ့ အထောက်အေား တွေ့ရပါတယ်။ မွတ်စလင်ဖြစ်နေတဲ့အတွက် ဒီလိုတိုက်ခိုက်ခံရတာ ဖြစ်ပါတယ်။ သံသယရှိသူနဲ့ ထိခိုက်ခံစားရတဲ့သူတွေကြားမှာ အရင်က အဆက်အသွယ်မရှိပါဘူး” လို့ လန်ဒန်မြို့ ရဲတပ်ဖွဲ့က တာဝန်ရှိသူ ပေါလ်ဝိုက်က ပြောကြားခဲ့ပါတယ်။

ကျူးလွန်သူ ဗဲလ်တ်မန်ကို ပထမအဆင့် လူသတ်မှု ၄ မှု၊ လူသတ်ရန်ကြိုးစားမှု ၁ မှုနဲ့ တရားစွဲဆိုထားပါတယ်။ ဗဲလ်တ်မန်ကို အကြမ်းဖက်မှုနဲ့ စွဲချက်တင်နိုင်ဖို့ ဖက်ဒရယ်ရဲတပ်ဖွဲ့နဲ့ ညှိနှိုင်းနေတယ်လို့လည်း ပေါလ်၀ိုက်က ဆိုပါတယ်။

“ဒီအဖြစ်အပျက်ကြောင့် လူ့အဖွဲ့အစည်းမှာ စိုးရိမ်ကြောက်ရွံမှုတွေ ဖြစ်လာမယ်ဆိုတာ ကျွန်တော်တို့ နားလည်ပါတယ်။ အထူးသဖြင့် မွတ်စလင်လူ့အဖွဲ့အစည်း၊ အမုန်းတရား ဒဏ်ခံရတဲ့ အခြားလူ့အဖွဲ့အစည်းတွေမှာပါ။ ကျွန်တော်တို့အားလုံး ခင်ဗျားတို့ဘက်မှာရှိနေပြီး၊ အခြားသူတွေလည်း ခင်ဗျားတို့ကို အားပေးကူညီဖို့ ရှိနေတယ်ဆိုတာ လန်ဒန်မြို့သူမြို့သားအားလုံးကို ကျွန်တော် အခိုင်အမာပြောကြားလိုပါတယ်”

ကနေဒါဝန်ကြီးချုပ် ဂျက်စတင် ထရူဒူက တိုက်ခိုက်မှုအတွက် အလွန်အမင်း စိုးရိမ်ထိတ်လန့်မိတယ်လို့ တနင်္လာနေ့မှာ ထုတ်ပြန်ခဲ့ပါတယ်။

“ကျွန်တော်တို့အားလုံး ခင်ဗျားတိုနဲ့အတူ ရှိတယ်ဆိုတာ မနေ့က အမုန်းတရားနဲ့ အကြမ်းဖက်ခံလိုက်ရသူတွေရဲ့ ချစ်ရခင်ရသူတွေကို ပြောချင်ပါတယ်။ ဆေးရုံမှာ ဆေးကုသမှု ခံယူနေရတဲ့ ကလေးအတွက်လည်း စာနာ ဝမ်းနည်းမိတယ်။ ဝေဒနာ သက်သာပျောက်ကင်းပါစေလို့ အားလုံးက ဆုတောင်းပေးနေပါတယ်”

“လန်ဒန်မြို့က မွတ်စလင်လူ့အဖွဲ့အစည်း၊ နိုင်ငံတစ်ဝှမ်းက မွတ်စလင်လူ့အဖွဲ့အစည်းတွေနဲ့ ကျွန်တော်တို့ တစ်သားတည်းရှိကြောင်း ပြောလိုပါတယ်။ ကျွန်တော်တို့တိုင်းပြည်က ဘယ်လူ့အဖွဲ့အစည်းမှာမှ အစ္စလာမ်ကြောက်ရောဂါအတွက် နေရာမရှိပါဘူး။ စက်ဆုပ်ဖွယ်ကောင်းတဲ့ ဒီအမုန်းတရား စိမ့်ဝင်ပြန့်နှံ့မှုကို လုံး၀ တားဆီးရပါမယ်”

Ref: CNN

Comments are closed.