3 years ago
ရိုဟင္ဂ်ာ ၇ ဦးကို အိႏၵိယႏိုင္ငံက ျမန္မာကို ပထမဆံုးအႀကိမ္ ျပန္ပို႔
3 years ago
ဓာတ္ျပားအဆိုေတာ္ ေတးသံရွင္ ေဒၚမာမာေဝ အသက္(၉၃) ႏွစ္ ကြယ္လြန္
3 years ago
ဒုကၡသည္စခန္းမွ လုပ္အားေပးဆရာမတစ္ဦး ရခိုင္မွ ရန္ကုန္သို႔လာစဥ္ လဝကဥပေဒျဖင့္ အဖမ္းခံရၿပီး ေထာင္တစ္ႏွစ္က်
4 years ago
ဦးေဇာ္ေဌး (ခ) မွဴးေဇာ္အား ဌာနေျပာင္းေရႊ႕တာဝန္ေပး
4 years ago
NVC ကဒ္ လက္ခံရန္ ဖိအားေပးခံရမႈကုိ ျငင္းဆုိေသာ ကမန္တုိင္းရင္းသားမ်ား စီးပြားေရးပိတ္ဆုိ႔ခံေနရ
4 years ago
ASEAN ထိပ္သီးမ်ား ရိုဟင္ဂ်ာအေရး ေဆြးေႏြး
4 years ago
Drone မႈနဲ႕ဖမ္းခံရသူ သတင္းေထာက္ေတြ မိသားစုနဲ႕ေတြ႕ခြင့္မရေသး
4 years ago
ျမန္မာ-ဘဂၤလားေဒ့ရွ္ သေဘာတူညီခ်က္ (၁၀)ခ်က္ လက္မွတ္ေရးထိုး
4 years ago
AA ဒုဗိုလ္မွဴးႀကီး အပါအ၀င္ ၉ ဦးကို ေငြေၾကးခ၀ါခ်မႈနဲ႔ အမႈဖြင့္စစ္ေဆး
4 years ago
ဘာသာေပါင္းစုံ ဆုေတာင္းပြဲ (ရုပ္သံ)

စက်တင်ဘာ ၂၂၊ ၂၀၂၁
M-Media

-တာလီဘန်အနေနဲ့ အားလုံး ပူးပေါင်းပါဝင်တဲ့ အစိုးရမျိုး မဖွဲ့စည်းနိုင်ဘူးဆိုရင် ပြည်တွင်းစစ်ဖြစ်ကာ ပါကစ္စတန်ကိုပါ ရိုက်ခတ်လာနိုင်တယ်လို့ ပါကစ္စတန်ဝန်ကြီးချုပ် အင်မရန်းခန်းက သတိပေးလိုက်ပါတယ်။

ဩဂုတ်လ အလယ်ပိုင်းမှာ တစ်နိုင်ငံလုံးကို သိမ်းပိုက်နိုင်ခဲ့တဲ့ တာလီဘန်ဟာ အခုလအစောပိုင်းမှာ အစိုးရအဖွဲ့ကို ကြေငြာခဲ့ပေမယ့် နိုင်ငံအတွင်းက လူမျိုးစုတွေ မပါဝင်ပါဘူး။ အခုတစ်ပတ်အစောပိုင်း ဒုဝန်ကြီးတွေ ခန့်အပ်ရာမှာလည်း လူနည်းစုတွေထဲက ၃ ဦးကို ထည့်ထားပေမယ့် ပါဝင်သင့်သလောက် မပါဝင်လာဘူးဆိုတဲ့ ဝေဖန်မှုတွေ ရှိနေပါတယ်။

မနေ့က BBC သတင်းဌာနနဲ့ အင်တာဗျူးမှာ အင်မရန်းခန်းက တာလီဘန်အနေနဲ့ ​အားလုံးပါဝင်တဲ့အစိုးရမျိုး မဖွဲ့စည်းနိုင်ဘူးဆိုရင် ပြည်တွင်းစစ်ဖြစ်လာလိမ့်မယ်လို့ သတိပေးခဲ့ပါတယ်။

“အားလုံးပါဝင်တဲ့ အစိုးရမျိုး မဖွဲ့စည်းနိုင်ဘူး၊ မတူညီတဲ့အဖွဲ့အစည်းတွေကလူတွေကို မထည့်ဘူးဆိုရင် တစ်ဖြည်းဖြည်းနဲ့ ပြည်တွင်းစစ်ဖြစ်လာမယ်။ အဲဒီပြည်တွင်းစစ်က ပါကစ္စတန်ကို ထိခိုက်လာပါလိမ့်မယ်”

အာဖဂန်နစ္စတန်မှာ ပြည်တွင်းစစ်ဖြစ်လာရင် လူသားချင်း စာနာထောက်ထားမှုဆိုင်ရာ ပြဿနာတွေ၊ ဒုက္ခသည်ပြဿနာတွေ ဖြစ်လာမှာနဲ့ အာဖဂန်မြေကိုအသုံးချပြီး ပါကစ္စတန်အစိုးရကို တိုက်ခိုက်မယ့် လက်နက်ကိုင်အဖွဲ့အစည်းတွေ ပေါ်လာမှာ စိုးရိမ်တယ်လို့လည်း အင်မရန်းခန်းက ပြောပါတယ်။

လက်ရှိ တာလီဘန်အစိုးရကို ပြင်ဆင်ဖွဲ့စည်းဖို့ အင်မရန်းခန်းက တိုက်တွန်းဆော်ဩဖူးပြီး တာလီဘန်ခေါင်းဆောင်တစ်ဦးဖြစ်တဲ့ မိုဟာမက် မိုဘင်းက အားလုံးပူးပေါင်းပါဝင်တဲ့အစိုးရ ဖွဲ့စည်းရေး တိုက်တွန်းဖို့ ဘယ်သူ့ကိုမှ မိမိတို့အဖွဲ့က အခွင့်အရေး မပေးထားဘူးလို့ တုန့်ပြန်ထားပါတယ်။

၁၉၉၆-၂၀၀၁ ခုနှစ်က တာလီဘန်အုပ်စိုးမှုတုန်းကလို အာဖဂန်နစ္စတန်မှာ လူ့အခွင့်အရေး ချိုးဖောက်မှုတွေ ရှိမှာကို နိုင်ငံကာအသိုင်းအ၀ိုင်းက စိုးရိမ်နေပြီး တာလီဘန်အဖွဲ့ပြောရေးဆိုခွင့်ရှိသူ ဇဘီဟွတ်လာ မူဂျာဟစ်က မိမိတို့ကို နိုင်ငံကာအသိုင်းအ၀ိုင်းက အသိအမှတ်ပြုပြီးနောက်ပိုင်းမှ ဒီစိုးရိမ်မှုတွေအတွက် အဖြေပေးမယ်လို့ တနင်္လာနေ့မှာ ပြောကြားခဲ့ပါတယ်။

Ref: Aljazeera

Comments are closed.