4 years ago
ရိုဟင္ဂ်ာ ၇ ဦးကို အိႏၵိယႏိုင္ငံက ျမန္မာကို ပထမဆံုးအႀကိမ္ ျပန္ပို႔
4 years ago
ဓာတ္ျပားအဆိုေတာ္ ေတးသံရွင္ ေဒၚမာမာေဝ အသက္(၉၃) ႏွစ္ ကြယ္လြန္
4 years ago
ဒုကၡသည္စခန္းမွ လုပ္အားေပးဆရာမတစ္ဦး ရခိုင္မွ ရန္ကုန္သို႔လာစဥ္ လဝကဥပေဒျဖင့္ အဖမ္းခံရၿပီး ေထာင္တစ္ႏွစ္က်
5 years ago
ဦးေဇာ္ေဌး (ခ) မွဴးေဇာ္အား ဌာနေျပာင္းေရႊ႕တာဝန္ေပး
5 years ago
NVC ကဒ္ လက္ခံရန္ ဖိအားေပးခံရမႈကုိ ျငင္းဆုိေသာ ကမန္တုိင္းရင္းသားမ်ား စီးပြားေရးပိတ္ဆုိ႔ခံေနရ
5 years ago
ASEAN ထိပ္သီးမ်ား ရိုဟင္ဂ်ာအေရး ေဆြးေႏြး
5 years ago
Drone မႈနဲ႕ဖမ္းခံရသူ သတင္းေထာက္ေတြ မိသားစုနဲ႕ေတြ႕ခြင့္မရေသး
5 years ago
ျမန္မာ-ဘဂၤလားေဒ့ရွ္ သေဘာတူညီခ်က္ (၁၀)ခ်က္ လက္မွတ္ေရးထိုး
5 years ago
AA ဒုဗိုလ္မွဴးႀကီး အပါအ၀င္ ၉ ဦးကို ေငြေၾကးခ၀ါခ်မႈနဲ႔ အမႈဖြင့္စစ္ေဆး
5 years ago
ဘာသာေပါင္းစုံ ဆုေတာင္းပြဲ (ရုပ္သံ)

စက်တင်ဘာ ၃၀၊ ၂၀၂၁
M-Media

-တူနီးရှားသမ္မတ ကာအစ် စအီးဒ်ဟာ မနေ့က နဂျ်လာ ဘူဒန် ရွမ်ဟာနီဆိုတဲ့ အမျိုးသမီးကို ဝန်ကြီးချုပ်အဖြစ် ခန့်အပ်ပြီး အစိုးသစ်ဖွဲ့ဖို့ တာဝန်ပေးလိုက်ပါတယ်။

ဒါဟာ တူနီးရှားနိုင်ငံသမိုင်းမှာ အမျိုးသမီးတစ်ဦး ပထမဆုံး ဝန်ကြီးချုပ်ဖြစ်လာတာပါ။

“တူနီးရှားနိုင်ငံသမိုင်းမှာ အမျိုးသမီးတစ်ဦးU အစိုးရကို ပထမဆုံး ဦးဆောင်ရတာ ဖြစ်ပါတယ်” လို့ စအီးဒ်က သမ္မတရုံး Facebook စာမျက်နှာမှာ လွှင့်တင်ထားတဲ့ ဗီဒီယိုမှာ ပြောကြားခဲ့ပါတယ်။

အစိုးရအဖွဲ့အစည်းအတွင်းမှာ ပြန့်နှံ့နေတဲ့ ခြစားမှုတွေ၊ ပြဿနာတွေကို ဖြေရှင်းဖို့ ဝန်ကြီးချုပ် ရွမ်ဟာနီနဲ့ ပူးပေါင်းဆောင်ရွက်သွားမယ်လို့လည်း စအီးဒ်က ဆိုပါတယ်။

အသက် ၆၃ နှစ်အရွယ်ရှိပြီဖြစ်တဲ့ ရွမ်ဟာနီဟာ မြို့တော်တူနစ် အင်ဂျင်နီယာတက္ကသိုလ်က ဘူမိဗေဒ ပရော်ဖက်ဆာတစ်ဦးပါ။ ၁၉၅၈ ခုနှစ် နိုင်ငံအလယ်ပိုင်း ကိုင်ရိုအန်ပြည်နယ်မှာ မွေးဖွားခဲ့သူဖြစ်ပါတယ်။

ဝန်ကြီးချုပ်အဖြစ် ခန့်အပ်မခံရခင် အဆင်မြင့်ပညာရေးနှင့် သုတေသနဝန်ကြီးဌာန ဝန်ကြီးအဖြစ် တာဝန်ထမ်းဆောင်ခဲ့ပါတယ်။ ရွမ်ဟာနီဟာ နိုင်ငံရေးအတွေ့အကြုံနည်းသူဖြစ်ပြီး ဘယ်နိုင်ငံရေးပါတီကိုမှလည်း မဝင်ထားပါဘူး။

ရွမ်ဟာနီကို ဝန်ကြီးချုပ်အဖြစ် ခန့်အပ်မှုအတွက် ဩဇာကြီးတဲ့ အလုပ်သမားသမဂ္ဂအပါဝင် ဘယ်နိုင်ငံရေးအဖွဲ့အစည်းကမှ မှတ်ချက်ပေးတာမျိုး မရှိသေးပါဘူး။

သမ္မတ ကာအစ် စအီဒ်းအပေါ်မှာတော့ တူနီးရှား နိုင်ငံရေးအသိုင်းအ၀ိုင်းက ဝေဖန်မှုတွေ ရှိပါတယ်။ ၂၀၁၉ ခုနှစ်ကတည်းက သမ္မတဖြစ်လာခဲ့တဲ့ စအီးဒ်ဟာ ပြီးခဲ့တဲ့ ၂ လအရင်က သမ္မတရဲ့ အထူးအခွင့်အာဏာကို ကျင့်သုံးပြီး ဝန်ကြီးချုပ်ကို ထုတ်ပယ်ခဲ့သလို လွှတ်တော်ကိုလည်း ဖျက်သိမ်းခဲ့ပါတယ်။

လက်ရှိ အရေးပေါ်ကာလကြေငြာထားချိန်မှာ ရွမ်ဟာနီဦးဆောင်တဲ့ အစိုးရကလည်း သမ္မတ စအီးဒ်ရဲ့ အမိန့်အောက်မှာ လုပ်ဆောင်ရမှာပါ။

အချို့လွှတ်တော်အမတ်တွေကတော့ လက်ရှိမှာ ဖျက်သိမ်းထားတဲ့ လွှတ်တော်ရဲ့ သဘောတူညီချက်မရဘဲ ခန့်အပ်တဲ့ အစိုးရရဲ့ တရားဝင်မှုကို မေးခွန်းထုတ်သွားမယ်လို့ သတိပေးထားပါတယ်။

တူနီးရှားနိုင်ငံဟာ ပြီးခဲ့တဲ့နှစ် အနည်းငယ်ကတည်းက နိုင်ငံရေး၊ စီးပွားရေးဆိုင်ရာ ပြဿနာတွေ ကြုံတွေ့နေရတာ ဖြစ်ပါတယ်။ ဒါ့အပြင် ပုံပြောင်းကိုဗစ်ဒဏ်ကိုလည်း လတ်တလော ပြည်နယ်တော်တော်များများမှာ ရင်ဆိုင်နေရပါတယ်။

တူနီးရှားနိုင်ငံက တော်တော်များများကတော့ အာရပ်နွေဦးတော်လှန်ရေးအပြီး အောင်မြင်တဲ့ ဒီမိုကရေစီအသွင်ကူးပြောင်းရေးကို လုပ်ဆောင်နိုင်ခဲ့တဲ့ တစ်ခုတည်းသောနိုင်ငံဖြစ်တဲ့ တူနီးရှားရဲ့ပုံရိပ်ကို ပြန်လည်ရှင်သန်အောင် ရွမ်ဟာနီက လုပ်ဆောင်နိုင်လိမ့်မယ်လို့ မျှော်လင့်နေကြပါတယ်။

Ref: Aljazeera

Tags:

Comments are closed.