3 years ago
ရိုဟင္ဂ်ာ ၇ ဦးကို အိႏၵိယႏိုင္ငံက ျမန္မာကို ပထမဆံုးအႀကိမ္ ျပန္ပို႔
3 years ago
ဓာတ္ျပားအဆိုေတာ္ ေတးသံရွင္ ေဒၚမာမာေဝ အသက္(၉၃) ႏွစ္ ကြယ္လြန္
4 years ago
ဒုကၡသည္စခန္းမွ လုပ္အားေပးဆရာမတစ္ဦး ရခိုင္မွ ရန္ကုန္သို႔လာစဥ္ လဝကဥပေဒျဖင့္ အဖမ္းခံရၿပီး ေထာင္တစ္ႏွစ္က်
4 years ago
ဦးေဇာ္ေဌး (ခ) မွဴးေဇာ္အား ဌာနေျပာင္းေရႊ႕တာဝန္ေပး
4 years ago
NVC ကဒ္ လက္ခံရန္ ဖိအားေပးခံရမႈကုိ ျငင္းဆုိေသာ ကမန္တုိင္းရင္းသားမ်ား စီးပြားေရးပိတ္ဆုိ႔ခံေနရ
4 years ago
ASEAN ထိပ္သီးမ်ား ရိုဟင္ဂ်ာအေရး ေဆြးေႏြး
4 years ago
Drone မႈနဲ႕ဖမ္းခံရသူ သတင္းေထာက္ေတြ မိသားစုနဲ႕ေတြ႕ခြင့္မရေသး
4 years ago
ျမန္မာ-ဘဂၤလားေဒ့ရွ္ သေဘာတူညီခ်က္ (၁၀)ခ်က္ လက္မွတ္ေရးထိုး
4 years ago
AA ဒုဗိုလ္မွဴးႀကီး အပါအ၀င္ ၉ ဦးကို ေငြေၾကးခ၀ါခ်မႈနဲ႔ အမႈဖြင့္စစ္ေဆး
4 years ago
ဘာသာေပါင္းစုံ ဆုေတာင္းပြဲ (ရုပ္သံ)

အောက်တိုဘာ ၁၆၊ ၂၀၂၁
M-Media

-လာမယ့်တစ်ပတ်မှာလုပ်မယ့် အာဆီယံ ထိပ်သီးအစည်းအဝေးမှာ အာဏာသိမ်းစစ်ကောင်စီ အကြီးအကဲ ဗိုလ်ချုပ်မှူးကြီး မင်းအောင်လှိုင်ကို တက်ရောက်ခွင့်မပြုဖို့ အာဆီယံနိုင်ငံခြားရေးဝန်ကြီးတွေက မနေ့မှာ ဆုံးဖြတ်ခဲ့ပါတယ်။

စစ်ကောင်စီကို စိတ်ပျက်လာကြောင်း အာဆီယံအဖွဲ့ဝင်နိုင်ငံတွေ လူသိရှင်ကြား ထုတ်ပြောခဲ့ပြီး တစ်ပတ်အကြာမှာ ဒီဆုံးဖြတ်ချက် ထွက်လာတာပါ။ မနေ့က အာဆီယံနိုင်ငံခြားရေးဝန်ကြီးတွေရဲ့ မြန်မာကိစ္စ အထူးအစည်းအဝေးမှာ ဧပြီလက ရထားတဲ့ ငြိမ်းချမ်းရေးလုပ်ငန်းစဉ် သဘောတူညီချက်အတိုင်း လိုက်နာ ဆောင်ရွက်ဖို့လည်း စစ်ကောင်စီကို တိုက်တွန်း ဆော်ဩခဲ့ပါတယ်။

အောက်တိုဘာ ၂၆ ရက်နေ့ကနေ ၂၈ ရက်နေ့အထိ ကျင်းပမယ့် အာဆီယံ ထိပ်သီးအစည်းအဝေးမှာ စစ်ကောင်စီ အကြီးအကဲကို တက်ရောက်ခွင့်ပေးမှာမဟုတ်သလို၊ မြန်မာနိုင်ငံက ဘယ်နိုင်ငံရေးခေါင်းဆောင်မှ တက်ရောက်ခွင့်ရမှာမဟုတ်ဘဲ မြန်မာအတွက် ခုံနေရာကို အလွတ်ထားမယ်လို့ အာဆီယံသတင်းရင်းမြစ်တွေက ရိုက်တာသတင်းဌာနကို ပြောကြားခဲ့ပါတယ်။

ဒီကိစ္စနဲ့ပတ်သက်ပြီး အာဆီယံက ဘာထုတ်ပြန်ချက်မှမလုပ်သေးဘဲ အာဆီယံဥက္ကဌ ဘရူနိုင်းနိုင်ငံက ဒီကနေ့မှာ ကြေငြာချက်တစ်စောင် ထုတ်ပြန်ဖို့ ရှိနေပါတယ်။

အာဆီယံဟာ မြန်မာနိုင်ငံက စစ်အာဏာရှင်တွေကို ထိန်းကြောင်းနိုင်ခြင်းမရှိတဲ့အတွက် ဝေဖန်ခံနေရတဲ့ အဖွဲ့အစည်းအဖြစ်ပြီး မြန်မာစစ်ခေါင်းဆောင်ကို ထိပ်သီးအစည်းအဝေး တက်ရောက်ခွင့်မပြုတာက လတ်တလော အာဆီယံသမိုင်းမှာ မကြုံစဖူး ဆောင်ရွက်မှုလည်း ဖြစ်ပါတယ်။

ဧပြီလမှာပြုလုပ်တဲ့ မြန်မာနိုင်ငံအရေး အာဆီယံထိပ်သီးအစည်းအဝေးမှာ အာဏာသိမ်းစစ်ခေါင်းဆောင် ဗိုလ်ချုပ်မှူးကြီးမင်းအောင်လှိုင် တက်ခွင့်ရခဲ့ပြီး သဘောတူညီချက် ၅ ခုကို လက်ခံခဲ့ပေမယ့် အကောင်အထည်ဖော် ဆောင်ရွက်ခြင်း မရှိပါဘူး။

မနှစ်မြို့တော့

မြန်မာနိုင်ငံက မတည်ငြိမ်မှုတွေကို အာဆီယံအဖွဲ့က ဦးဆောင်ဖြေရှင်းဖို့ နိုင်ငံတကာအသိုင်းအ၀ိုင်းက တာဝန်ပေးထားတာပါ။

အာဆီယံကလည်း အထူးကိုယ်စားလှယ်တစ်ဦးခန့်ကာ မြန်မာ့နိုင်ငံရေးနယ်ပယ်က သက်ဆိုင်သူတွေနဲ့ တွေ့ဆုံပြီး ညှိနှိုင်းပေးဖို့ ကြိုးပမ်းနေတာဖြစ်ပါတယ်။ ဒါပေမယ့် စစ်ကောင်စီက အထူးကိုယ်စားလှယ် အရီဝမ်ယူစွဖ်ရဲ့ တောင်းဆိုမှုတွေကို လိုလျောခြင်းမပြုပါဘူး။

ဒီအတွက် မလေးရှား၊ အင်ဒိုနီးရှား၊ စင်ကာပူနဲ့ ဖိလစ်ပိုင်တို့က အာဏာသိမ်းစစ်ကောင်စီကို စိတ်ပျက်ကြောင်း ပြီးခဲ့တဲ့တစ်ပတ်မှာ တရားဝင် ထုတ်ပြောလာပါတယ်။

မလေးရှားနဲ့ ဖိလစ်ပိုင်တို့က ဗိုလ်ချုပ်မှူးကြီးမင်းအောင်လှိုင်ကို ထိပ်သီးအစည်းအဝေး တက်ခွင့်မပေးဖို့ လူသိရှင်ကြားပြောလာသလို၊ အဖွဲ့ဝင်နိုင်ငံတွေကလည်း ဒီကိစ္စနဲ့ပတ်သက်ပြီး ပြီးခဲ့တဲ့တစ်ပတ်မှာ ကနဦး ဆွေးနွေးမှုတွေ ပြုလုပ်ခဲ့တာဖြစ်ပါတယ်။

အင်ဒိုနီးရှားနိုင်ငံခြားရေးဝန်ကြီး ရက်တနို မာဆူဒီက ‘သက်ဆိုင်သူအားလုံးပါဝင်တဲ့ ဆွေးနွေးမှုလုပ်ငန်းစဉ်ကတစ်ဆင့် ဒီမိုကရေစီပြန်လည်ဖော်ဆောင်ရေး မလုပ်ဆောင်သမျှ ကာလပတ်လုံး အာဆီယံရဲ့ နိုင်ငံရေးအဆင့်မှာ မြန်မာနိုင်ငံကို ဖယ်ထုတ်ထားဖို့ အဆိုပြုခဲ့တယ်’ လို့ Twitter စာမျက်နှာမှာ မနေ့က ရေးသားခဲ့ပါတယ်။

အမေရိကန်၊ ဩစတေးလျ၊ ကနေဒါ၊ တောင်ကိုရီးယား၊ ဗြိတိန်နဲ့ ဩရောပသမဂ္ဂတို့အပါအဝင် နိုင်ငံတော်တော်များများ မနေ့က စုပေါင်း ကြေငြာချက် ထုတ်ခဲ့ပြီး မြန်မာနိုင်ငံက ဆိုးရွားတဲ့ အခြေအနေတွေအတွက် စိုးရိမ်မိကြောင်း၊ ငြိမ်းချမ်းပြီး အကြမ်းမဖက်တဲ့နည်းလမ်းနဲ့ ပြဿနာဖြေရှင်းရေး၊ ဒီမိုကရေစီ ပြန်လည်ဖော်ဆောင်ရေးတွေကို အမြန်ဆုံးလုပ်ဆောင်ဖို့ လိုအပ်ကြောင်း ပြောကြားခဲ့ပါတယ်။

Ref: Reuters

Comments are closed.