5 years ago
ရိုဟင္ဂ်ာ ၇ ဦးကို အိႏၵိယႏိုင္ငံက ျမန္မာကို ပထမဆံုးအႀကိမ္ ျပန္ပို႔
6 years ago
ဓာတ္ျပားအဆိုေတာ္ ေတးသံရွင္ ေဒၚမာမာေဝ အသက္(၉၃) ႏွစ္ ကြယ္လြန္
6 years ago
ဒုကၡသည္စခန္းမွ လုပ္အားေပးဆရာမတစ္ဦး ရခိုင္မွ ရန္ကုန္သို႔လာစဥ္ လဝကဥပေဒျဖင့္ အဖမ္းခံရၿပီး ေထာင္တစ္ႏွစ္က်
6 years ago
ဦးေဇာ္ေဌး (ခ) မွဴးေဇာ္အား ဌာနေျပာင္းေရႊ႕တာဝန္ေပး
6 years ago
NVC ကဒ္ လက္ခံရန္ ဖိအားေပးခံရမႈကုိ ျငင္းဆုိေသာ ကမန္တုိင္းရင္းသားမ်ား စီးပြားေရးပိတ္ဆုိ႔ခံေနရ
6 years ago
ASEAN ထိပ္သီးမ်ား ရိုဟင္ဂ်ာအေရး ေဆြးေႏြး
6 years ago
Drone မႈနဲ႕ဖမ္းခံရသူ သတင္းေထာက္ေတြ မိသားစုနဲ႕ေတြ႕ခြင့္မရေသး
6 years ago
ျမန္မာ-ဘဂၤလားေဒ့ရွ္ သေဘာတူညီခ်က္ (၁၀)ခ်က္ လက္မွတ္ေရးထိုး
6 years ago
AA ဒုဗိုလ္မွဴးႀကီး အပါအ၀င္ ၉ ဦးကို ေငြေၾကးခ၀ါခ်မႈနဲ႔ အမႈဖြင့္စစ္ေဆး
6 years ago
ဘာသာေပါင္းစုံ ဆုေတာင္းပြဲ (ရုပ္သံ)

နိုဝင်ဘာ ၂၈၊ ၂၀၂၁
M-Media ‌

Myanmar’s Commander in Chief Senior General Min Aung Hlaing salutes as he attends an event marking Martyrs’ Day at Martyrs’ Mausoleum in Yangon, Myanmar July 19, 2018. REUTERS/Ann Wang – RC1F4623D2C0

-အဏာသိမ်းမြန်မာစစ်တပ်အပေါ် အကူအညီပေးနေတာတွေအားလုံးကို ရပ်တန့်ဖို့အတွက် နိုင်ငံတကာအသိုင်းအ၀ိုင်းကို တိုက်တွန်းဆော်ဩတဲ့ ကြေငြာချက်တစ်စောင်ကို အမေရိကန်ဦးဆောင်တဲ့ နိုင်ငံ ၇ နိုင်ငံက နိုဝင်ဘာ ၂၆ ရက်နေ့မှာ ထုတ်ပြန်လိုက်ပါတယ်။

အမေရိကန်၊ ဩစတေးလျ၊ ကနေဒါ၊ နယူးဇီလန်၊ နော်ဝေ၊ တောင်ကိုရီးယားနဲ့ ယူကေတို့က ပူးတွဲထုတ်ပြန်တာဖြစ်ပြီး စစ်ကောင်စီတပ်တွေရဲ့ လူ့အခွင့်အရေးချိုးဖောက်မှုတွေကို အလွန်အမင်း စိုးရိမ်တယ်လို့ ဖော်ပြထားပါတယ်။

“စစ်တပ်က လက်နက်တွေ စုဆောင်းနေတာ၊ ဗုံးကြဲမှု၊ လေကြောင်းတိုက်ခိုက်မှု၊ လက်နက်ကြီးတွေနဲ့ တိုက်ခိုက်မှု၊ အရပ်သားတွေအပေါ် ဆိုးဆိုးရွား ထိခိုက်စေမယ့် အကြမ်းဖက်တိုက်ဖျက်ရေး ခေါင်းစဉ်တပ်ကာ လုံခြုံရေးတပ်ဖွဲ့ဝင်တွေ၊ စစ်သားတွေ ထောင်ချီ ချထားတယ်ဆိုတဲ့ သတင်းတွေအတွက် ကျွန်တော်တို့ စိုးရိမ်မိပါတယ်”

လိင်အကြမ်းဖက်မှုနဲ့ ညှင်းပမ်းနှိပ်စက်မှုတွေအပါအဝင် စစ်ကောင်စီတပ်တွေရဲ့ လူ့အခွင့်အရေး ချိုးဖောက်မှုတွေ အထူးသဖြင့် စစ်ကောင်စီတပ်ရဲ့ ထိုးစစ်ကြောင့် နိုင်ငံအနောက်မြောက်ပိုင်းမှာ ပြည်သူ ထောင်သောင်းချီ အိုးအိမ်စွန့်ခွာ ထွက်ပြေးရမှုတွေကိုလည်း ကြေငြာချက်မှာ ထောက်ပြထားပါတယ်။

ကြေငြာချက်မှာပါဝင်တဲ့ နိုင်ငံ ၇ ခုစလုံးဟာ မြန်မာစစ်တပ်အပေါ် လက်နက်ရောင်းချမှု ပိတ်ပင်ထားသလို၊ ဖေဖော်ဝါရီ ၁ ရက်နေ့ အာဏာသိမ်းမှုနဲ့ပတ်သက်ပြီးတော့လည်း စစ်ခေါင်းဆောင်တွေ၊ သူတို့နဲ့ ဆက်စပ်ပတ်သက်သူတွေကို အရေးယူပိတ်ဆို့မှုတွေ လုပ်ဆောင်ထားပါတယ်။

စစ်ကောင်စီတပ်​တွေအနေနဲ့ အကြမ်းဖက်မှုရပ်တန့်ဖို့၊ ပြည်သူလူထုကို ကာကွယ်ပေးဖို့၊ လူသားချင်း စာနာထောက်ထားမှုဆိုင်ရာ အကူအညီတွေ အဟန့်အတားမရှိ ခွင့်ပြုပေးဖို့ တောင်းဆိုတဲ့ အခုလအစောပိုင်းက ကုလလုံခြုံရေးကောင်စီ ဆုံးဖြတ်ချက်ကိုလည်း ချီးကျူးခဲ့ပါတယ်။

မြန်မာစစ်တပ် လည်ပတ်နိုင်စေမယ့် အထောက်အပံ့ပေးတာတွေ၊ လက်နက်၊ ခဲယမ်း၊ စစ်ဖက်သုံးနိုင်မယ့် ပစ္စည်းတွေ၊ နည်းပညာဆိုင်ရာ အကူအညီ စတာတွေကို မြန်မာစစ်တပ်၊ သူတို့နဲ့ ပတ်သက်ဆက်နွယ်နေသူတွေကို ရောင်းချ၊ ပေးအပ်တာတွေ မလုပ်ဖို့လည်း နိုင်ငံ ၇ နိုင်ငံက နိုင်ငံတကာအသိုင်းအ၀ိုင်းကို တိုက်တွန်းခဲ့ပါတယ်။

အာဏာသိမ်းစစ်ကောင်စီက ဒီကြေငြာချက်ကို ရှုတ်ချတဲ့ ကြေငြာချက်တစ်စောင်ကို စနေနေ့မှာ ထုတ်ပြန်ခဲ့ပါတယ်။

Ref: AFP

Comments are closed.