4 years ago
ရိုဟင္ဂ်ာ ၇ ဦးကို အိႏၵိယႏိုင္ငံက ျမန္မာကို ပထမဆံုးအႀကိမ္ ျပန္ပို႔
4 years ago
ဓာတ္ျပားအဆိုေတာ္ ေတးသံရွင္ ေဒၚမာမာေဝ အသက္(၉၃) ႏွစ္ ကြယ္လြန္
4 years ago
ဒုကၡသည္စခန္းမွ လုပ္အားေပးဆရာမတစ္ဦး ရခိုင္မွ ရန္ကုန္သို႔လာစဥ္ လဝကဥပေဒျဖင့္ အဖမ္းခံရၿပီး ေထာင္တစ္ႏွစ္က်
5 years ago
ဦးေဇာ္ေဌး (ခ) မွဴးေဇာ္အား ဌာနေျပာင္းေရႊ႕တာဝန္ေပး
5 years ago
NVC ကဒ္ လက္ခံရန္ ဖိအားေပးခံရမႈကုိ ျငင္းဆုိေသာ ကမန္တုိင္းရင္းသားမ်ား စီးပြားေရးပိတ္ဆုိ႔ခံေနရ
5 years ago
ASEAN ထိပ္သီးမ်ား ရိုဟင္ဂ်ာအေရး ေဆြးေႏြး
5 years ago
Drone မႈနဲ႕ဖမ္းခံရသူ သတင္းေထာက္ေတြ မိသားစုနဲ႕ေတြ႕ခြင့္မရေသး
5 years ago
ျမန္မာ-ဘဂၤလားေဒ့ရွ္ သေဘာတူညီခ်က္ (၁၀)ခ်က္ လက္မွတ္ေရးထိုး
5 years ago
AA ဒုဗိုလ္မွဴးႀကီး အပါအ၀င္ ၉ ဦးကို ေငြေၾကးခ၀ါခ်မႈနဲ႔ အမႈဖြင့္စစ္ေဆး
5 years ago
ဘာသာေပါင္းစုံ ဆုေတာင္းပြဲ (ရုပ္သံ)

ဇွန် ၂၉၊ ၂၀၂၂

M-Media  


-အိန္ဒိယနိုင်ငံ မြောက်ပိုင်း ရာဂျက်စသန်ပြည်နယ်မှာ တမန်တော်မိုဟာမက်ကို စော်ကားပြောဆိုတဲ့ ဟိန္ဒူအမျိုးသားတစ်ဦး အသတ်ခံခဲ့ရပြီးတဲ့နောက် တင်းမာမှုတွေ မြင့်တက်လာပါတယ်။

အူဒိုင်ပူးခရိုင်မှာ မွတ်စလင်အမျိုးသား ၂ ဦးက သတ်ဖြတ်ခဲ့တာဖြစ်ပြီး သူတို့ သတ်ဖြတ်နေတဲ့ ဗီဒီယိုကိုလည်း ဆိုရှယ်မီဒီယာမှာ လွှင့်တင်ခဲ့ပါတယ်။ 

အာဏာရ ဟိန္ဒူအမျိုးသားရေးပါတီ BJP က တာ၀န်ရှိသူတွေ အခုလအစောပိုင်းမှာ တမန်တော်မိုဟာမက်အပေါ် စော်ကားပြောဆိုမှုကို ထောက်ခံအားပေးတဲ့အတွက် လက်တုန့်ပြန် သတ်ဖြတ်ခဲ့တာလို့ ကျူးလွန်သူ ၂ ဦးက ပြောပါတယ်။ 

BJP တာ၀န်ရှိသူနှစ်ဦးရဲ့  ဘာသာရေးစော်ကားပြောဆိုမှုကြောင့် နိုင်ငံတစ်၀ှမ်း ဆန္ဒပြမှုတွေ ဖြစ်ပေါ်ခဲ့ပြီး BJP အစိုးရကလည်း ဆန္ဒပြသူတွေနဲ့ သူတို့ရဲ့ မိသားစု၀င်တွေကို ပြင်းပြင်းထန်ထန် လက်တုန့်ပြန်ခဲ့ပါတယ်။ 

အူဒိုင်ပူးက အခုကိစ္စမှာ ကျူးလွန်သူတွေကို ဖမ်းဆီးထားတယ်လို့ ရဲတပ်ဖွဲ့က ထုတ်ပြန်ထားပါတယ်။ အင်တာနက်၀န်ဆောင်မှုတွေကို အစိုးရက ရပ်ဆိုင်းလိုက်သလို၊ လူစုလူ၀ေးလုပ်မှုကိုလည်း တားမြစ်ထားပါတယ်။ 

သတ်ဖြတ်သူတွေဟာ ၀န်ကြီးချုပ် နရန်ဒရာမိုဒီကိုလည်း ဗီဒီယိုထဲမှာ ကြိမ်း၀ါးပြောဆိုခဲ့ပါတယ်။ 

သတ်ဖြတ်ခံရသူဟာ ကန်ဟိုင်ယာ လာလ်ဆိုသူဖြစ်ပြီး ဘာသာရေး စော်ကားပြောဆိုမှုနဲ့ အရင်ကဖမ်းဆီးခံခဲ့ရကာ နောက်ပိုင်းမှာ ပြန်လွတ်လာသူပါ။ 

သတ်ဖြတ်မှုနောက်ဆက်တွဲ ရာဂျက်စသန်ပြည်နယ်မှာ ဆန္ဒပြမှုတွေ မီးရှို့မှုတွေ ဖြစ်နေပြီး ပြည်နယ်အစိုးရကတော့ တည်တည်ငြိမ်ငြိမ်နေကြဖို့ ပြည်သူတွေကို တိုက်တွန်းထားပါတယ်။ 

အာဏာရ BJP ခေါင်းဆောင်တစ်ချို့က ဒီသတ်ဖြတ်မှုကို ဆန့်ကျင်ကြောင်း ပြသဖို့အတွက် ချီတက်ဆန္ဒပြပွဲတွေလုပ်ဖို့ စီစဥ်နေပါတယ်။ 

အိန္ဒိယနိုင်ငံအတွင်းက အစ္စလာမ်ဘာသာရေးဆိုင်ရာ အဖွဲ့အစည်းတွေက ဒီသတ်ဖြတ်မှုကို ရှုတ်ချခဲ့ပြီး ကိုယ့်သဘောနဲ့ကိုယ် အရေးယူ အပြစ်ပေးတာမျိုးဟာ နိုင်ငံရဲ့  ဥပဒေနဲ့ရော အစ္စလာမ်ရဲ့ သင်ကြားမှုနဲ့ပါ ဆန့်ကျင်တဲ့အတွက် ဒီလို ထပ်မကျူးလွန်ကြဖို့ မွတ်စလင်တွေကို တိုက်တွန်းခဲ့ပါတယ်။ 

Ref: BBC

Comments are closed.