4 years ago
ရိုဟင္ဂ်ာ ၇ ဦးကို အိႏၵိယႏိုင္ငံက ျမန္မာကို ပထမဆံုးအႀကိမ္ ျပန္ပို႔
5 years ago
ဓာတ္ျပားအဆိုေတာ္ ေတးသံရွင္ ေဒၚမာမာေဝ အသက္(၉၃) ႏွစ္ ကြယ္လြန္
5 years ago
ဒုကၡသည္စခန္းမွ လုပ္အားေပးဆရာမတစ္ဦး ရခိုင္မွ ရန္ကုန္သို႔လာစဥ္ လဝကဥပေဒျဖင့္ အဖမ္းခံရၿပီး ေထာင္တစ္ႏွစ္က်
5 years ago
ဦးေဇာ္ေဌး (ခ) မွဴးေဇာ္အား ဌာနေျပာင္းေရႊ႕တာဝန္ေပး
5 years ago
NVC ကဒ္ လက္ခံရန္ ဖိအားေပးခံရမႈကုိ ျငင္းဆုိေသာ ကမန္တုိင္းရင္းသားမ်ား စီးပြားေရးပိတ္ဆုိ႔ခံေနရ
5 years ago
ASEAN ထိပ္သီးမ်ား ရိုဟင္ဂ်ာအေရး ေဆြးေႏြး
5 years ago
Drone မႈနဲ႕ဖမ္းခံရသူ သတင္းေထာက္ေတြ မိသားစုနဲ႕ေတြ႕ခြင့္မရေသး
5 years ago
ျမန္မာ-ဘဂၤလားေဒ့ရွ္ သေဘာတူညီခ်က္ (၁၀)ခ်က္ လက္မွတ္ေရးထိုး
5 years ago
AA ဒုဗိုလ္မွဴးႀကီး အပါအ၀င္ ၉ ဦးကို ေငြေၾကးခ၀ါခ်မႈနဲ႔ အမႈဖြင့္စစ္ေဆး
5 years ago
ဘာသာေပါင္းစုံ ဆုေတာင္းပြဲ (ရုပ္သံ)

စက်တင်ဘာ ၄၊ ၂၀၂၂
M-Media

-ပါလက်စတိုင်းမှာ နိုင်ငံခြားသားတွေ ရှိနေမှုကို ကန့်သတ်တဲ့ စည်းကမ်းချက်အသစ်တွေကို အစ္စရေးက ထုတ်ပြန်လိုက်ပါတယ်။

ဒါဟာ ပါလက်စတိုင်းတွေ ဖိနှိပ်ညှင်းပမ်းခံနေရတာကို ကမ္ဘာက မသိရှိနိုင်ဖို့၊ နိုင်ငံတကာက ပါလက်စတိုင်းကို ပေးနေတဲ့ အကူအညီတွေ လျော့ကျသွားဖို့၊ ပါလက်စတိုင်းပြည်သူတွေ အဆင့်မြင့်ပညာရပ်တွေ မဆည်းပူးနိုင်စေဖို့ ရည်ရွယ်တာလို့ စောင့်ကြည့်အဖွဲ့တွေက ပြောပါတယ်။

စက်တင်ဘာ ၅ ရက်နေ့မှာ စတင်သက်ရောက်မယ့် အဲဒီ ကန့်သတ်ချက်အသစ်တွေထဲမှာ ပါလက်စတိုင်းနိုင်ငံသားတွေနဲ့ ချစ်ကြိုက်တဲ့ နိုင်ငံခြားသားတွေဟာ ရက် ၃၀ အတွင်း အစ္စရေးစစ်တပ်ကို အကြောင်းကြားဖို့ ပါ၀င်ပါတယ်။

ပါလက်စတိုင်းနိုင်ငံသားနဲ့ လက်ထက်လိုက်တဲ့ နိုင်ငံခြားသားတွေကတော့ ၂၇ လအတွင်း ထွက်ခွာရမှာဖြစ်ပြီး နောက်ထပ် ၆ လကြာမှ ပါလက်စတိုင်းထဲ ပြန်၀င်ဖို့ အစ္စရေးထံမှာ ဗီဇာလျှောက်နိုင်မှာ ဖြစ်ပါတယ်။

ပါလက်စတိုင်းတက္ကသိုလ်အားလုံးဟာ စုစုပေါင်း နိုင်ငံခြားကျောင်းသား ၁၅၀ ကိုသာ ဗီဇာပေးခွင့်ရှိမှာ ဖြစ်ပြီး၊ နိုင်ငံခြားသားကျောင်းဆရာ ၁၀၀ သာ ခန့်ထားခွင့်ရှိမယ်လို့ ကန့်သတ်ချက်အသစ်မှာ ဖော်ပြထားပါတယ်။

ဒီစည်ကမ်းအသစ်မှာ ပါလက်စတိုင်းပိုင်နက်မှာ ရှိနေတဲ့ နိုင်ငံခြားသားတွေ၊ ဗီဇာလျှောက်ခွင့်၊ သက်တမ်းတိုးခွင့်ကို ပိုမိုကန့်သတ်တာတွေလည်း ပါ၀င်ပါတယ်။

ပါလက်စတိုင်းပိုင်နက်တွေဖြစ်တဲ့ အနောက်ဖက်ကမ်းနဲ့ ဂါဇာကမ်းမြှောင်တွေကို အစ္စရေးက ထိန်းချုပ်ပိတ်ဆို့ကာ ပါလက်စတိုင်းပြည်တွေကို ပုံစံမျိုးစုံနဲ့ ဖိနှိပ်ချုပ်ချယ် တိုက်ခိုက်နေတာ ဖြစ်ပါတယ်။

နိုင်ငံခြားသားတွေ တည်ရှိမှုကို ကန့်သတ်တဲ့ စည်းမျဥ်းအသစ်တွေကြောင့် ပါလက်စတိုင်းမှာ လုပ်ဆောင်နေတဲ့ အကူအညီပေးရေးလုပ်ငန်းတွေ၊ စီးပွားရေးလုပ်ငန်းတွေ အကြီးအကျယ် ထိခိုက်လိမ့်မယ်လို့ အကူအညီပေးရေး အဖွဲ့တွေက ပြောပါတယ်။

“ပါလက်စတိုင်းလူ့အဖွဲ့အစည်းရဲ့ အနေအထားကို ပြောင်းသွားအောင် ပါလက်စတိုင်းလူ့အဖွဲ့အစည်းကို ကမ္ဘာကြီးနဲ့ အဆက်အသွက်ပျက်အောင်၊ ပါလက်စတိုင်းက အဖွဲ့အစည်းတွေမှာ အလုပ်လုပ်လိုသူတွေ၊ စေတနာ့၀န်ထမ်းတွေ၊ ရင်းနှီးမြှုပ်နှံသူတွေ၊ ပညာသင်ပေးလိုသူတွေ၊ ကျောင်းတက်လိုသူတွေကို ပိုခက်အောင် လုပ်လိုက်တာပါ” လို့ အစ္စရေး အကူအညီပေးရေး အဖွဲ့အစည်း HaMoked ရဲ့ အကြီးအကဲ ဂျက်ဆီကာ မွန်တဲလ်က ပြောပါတယ်။

ဒီစည်းမျဥ်းတွေကို ပြန်လည်ရုပ်သိမ်းပေးရေးအတွက် HaMoked အပါအ၀င်၊ အစ္စရေးနဲ့ ပါလက်စတိုင်း တက်ကြွလှုပ်ရှားသူ ၁၉ ဦးက လက်မှတ်ရေးထိုးကာ အစ္စရေးတရားရုံးကို အသနားခံစာ တင်ထားပါတယ်။

Ref: BBC

Tags:

Comments are closed.