5 years ago
ရိုဟင္ဂ်ာ ၇ ဦးကို အိႏၵိယႏိုင္ငံက ျမန္မာကို ပထမဆံုးအႀကိမ္ ျပန္ပို႔
6 years ago
ဓာတ္ျပားအဆိုေတာ္ ေတးသံရွင္ ေဒၚမာမာေဝ အသက္(၉၃) ႏွစ္ ကြယ္လြန္
6 years ago
ဒုကၡသည္စခန္းမွ လုပ္အားေပးဆရာမတစ္ဦး ရခိုင္မွ ရန္ကုန္သို႔လာစဥ္ လဝကဥပေဒျဖင့္ အဖမ္းခံရၿပီး ေထာင္တစ္ႏွစ္က်
6 years ago
ဦးေဇာ္ေဌး (ခ) မွဴးေဇာ္အား ဌာနေျပာင္းေရႊ႕တာဝန္ေပး
6 years ago
NVC ကဒ္ လက္ခံရန္ ဖိအားေပးခံရမႈကုိ ျငင္းဆုိေသာ ကမန္တုိင္းရင္းသားမ်ား စီးပြားေရးပိတ္ဆုိ႔ခံေနရ
6 years ago
ASEAN ထိပ္သီးမ်ား ရိုဟင္ဂ်ာအေရး ေဆြးေႏြး
6 years ago
Drone မႈနဲ႕ဖမ္းခံရသူ သတင္းေထာက္ေတြ မိသားစုနဲ႕ေတြ႕ခြင့္မရေသး
6 years ago
ျမန္မာ-ဘဂၤလားေဒ့ရွ္ သေဘာတူညီခ်က္ (၁၀)ခ်က္ လက္မွတ္ေရးထိုး
6 years ago
AA ဒုဗိုလ္မွဴးႀကီး အပါအ၀င္ ၉ ဦးကို ေငြေၾကးခ၀ါခ်မႈနဲ႔ အမႈဖြင့္စစ္ေဆး
6 years ago
ဘာသာေပါင္းစုံ ဆုေတာင္းပြဲ (ရုပ္သံ)

မတ် ၁၆၊ ၂၀၂၃

M-Media 


-မြန်မာနိုင်ငံမှာ အခြေအနေတွေက တစ်ဖြည်းဖြည်း ဆိုးရွားလာပြီး ကျရှုံးနိုင်ငံဖြစ်လာပြီလို့ မြန်မာနိုင်ငံဆိုင်ရာ ကုလအထူးကိုယ်စားလှယ် တွမ်အန်ဒရူးက Guardian သတင်းစာနဲ့ အင်တာဗျူးမှာ ပြောကြားလိုက်ပါတယ်။ 

ယူကရိန်းအရေးဖြေရှင်းရေး ကမ္ဘာက စုစုစည်းစည်း ဆောင်ရွက်ကြသလို မြန်မာကိစ္စကိုလည်း အဲဒီလိုပုံစံ တုန့်ပြန်ဆောင်ရွက်ကြဖို့ အန်ဒရူးက တိုက်တွန်းခဲ့ပါတယ်။ 

“ယူကရိန်းပြည်သူတွေကို သတ်ဖြတ်နေတဲ့ (ရုရှားရဲ့) လက်နက်တွေဟာ မြန်မာပြည်သူတွေကိုလည်း သတ်ဖြတ်နေတာပါ”

မြန်မာစစ်အာဏာရှင်ရဲ့ ရက်စက်ကြမ်းကြုတ်မှုတွေကို တစ်ချို့နိုင်ငံတွေက အခုအချိန်အထိ ကူညီပေးနေပြီး နိုင်ငံတကာအသိုင်းအ၀ိုင်းရဲ့ တုန့်ပြန်ဆောင်ရွက်မှု အားနည်းနေသေးတယ်လို့ အထူးကိုယ်စားလှယ်က ထောက်ပြပါတယ်။ 

“ဖြစ်နေတာတွေက ပြောလို့တောင်မကောင်းတဲ့ ကိစ္စတွေပါ။ ကမ္ဘာ့နိုင်ငံအများစုကသာ အရေးတယူလုပ်ရင် ဒါမျိုးတွေ ဖြစ်လာစရာ အကြောင်းမရှိပါဘူး။ အခုတော့ ၀ရုန်းသုန်းကားအခြေအနေတွေကို ကမ္ဘာက ထိုင်ကြည့်နေတယ်။ ကျွန်တော်တို့ ဘာမှမလုပ်ဘဲ ထိုင်ကြည့်နေတဲ့အတွက်ကြောင့် မြန်မာနိုင်ငံဟာ ကျရှုံးနိုင်ငံဖြစ်နေပြီ”

မြန်မာကိစ္စနဲ့ ပတ်သက်တဲ့ အစီရင်ခံစာကို ကုလသမဂ္ဂ လူ့အခွင့်အရေးကောင်စီ ညီလာခံမှာ အန်ဒရူးက လာမယ့်တစ်ပတ် တင်ပြဖို့ ရှိနေပါတယ်။ 

စာသင်ကျောင်းတွေ၊ ဆေးရုံတွေကို တိုက်ခိုက်တာ၊ ရွာလုံးကျွတ်မီးရှို့ဖျက်ဆီးတာတွေကို မြန်မာစစ်တပ်က ပိုမိုလုပ်ဆောင်လာပြီး မြေပြင်မှာ အမှန်တကယ် ထိခိုက်ခံစားရသူတွေနဲ့ စကားပြောဆို မေးမြန်းတာတွေ ရှိခဲ့တယ်လို့လည်း အန်ဒရူးက အင်တာဗျူးမှာ ထည့်သွင်းပြောဆိုခဲ့ပါတယ်။ 

ပြည်သူကိုသတ်ဖြတ်နေတဲ့ စစ်အာဏာရှင်ကို တင်းတင်းကြပ်ကြပ်ကိုင်တွယ်ရေး စိတ်စေတနာ မှန်ကန်တဲ့ တိုင်းပြည်တွေက တတ်နိုင်တဲ့ နည်းလမ်းပေါင်းစုံနဲ့ ဆောင်ရွက်ကြဖို့ အန်ဒရူးက တိုက်တွန်းခဲ့ပါတယ်။ 

ဒီလိုဆောင်ရွက်တာဟာ နိုင်ငံတကာအသိုင်းအ၀ိုင်း အထူးသဖြင့် အိမ်နီးချင်းနိုင်ငံတွေရဲ့ အကျိုးစီးပွားလည်းဖြစ်တယ်လို့ သူက ဆိုပါတယ်။ 

“မြန်မာနိုင်ငံဟာ အလွန်ထူးခြားတဲ့နိုင်ငံပါ။ လူဦးရေ ၅၄ သန်းရှိတယ်။အိန္ဒိယနဲ့ တရုတ်ကြားက အရမ်းအရေးပါတဲ့ နေရာမှာ တည်ရှိပါတယ်။ မတည်ငြိမ်မှုရဲ့ ရိုက်ခတ်မှုတွေကို အခု ကျွန်တော်တို့ တွေ့နေရပါတယ်။ လစဥ် လူထောင်သောင်းချီ နယ်စပ်ဖြတ်ကျော်ပြီး ဒေသတွင်းကို ထွက်ပြေးနေရပါတယ်”

Ref: The Guardian 

Comments are closed.