2 years ago
ရိုဟင်ဂျာ ၇ ဦးကို အိန္ဒိယနိုင်ငံက မြန်မာကို ပထမဆုံးအကြိမ် ပြန်ပို့
2 years ago
ဓာတ်ပြားအဆိုတော် တေးသံရှင် ဒေါ်မာမာဝေ အသက်(၉၃) နှစ် ကွယ်လွန်
2 years ago
ဒုက္ခသည်စခန်းမှ လုပ်အားပေးဆရာမတစ်ဦး ရခိုင်မှ ရန်ကုန်သို့လာစဉ် လဝကဥပဒေဖြင့် အဖမ်းခံရပြီး ထောင်တစ်နှစ်ကျ
2 years ago
ဦးဇော်ဌေး (ခ) မှူးဇော်အား ဌာနပြောင်းရွှေ့တာဝန်ပေး
2 years ago
NVC ကဒ် လက်ခံရန် ဖိအားပေးခံရမှုကို ငြင်းဆိုသော ကမန်တိုင်းရင်းသားများ စီးပွားရေးပိတ်ဆို့ခံနေရ
3 years ago
ASEAN ထိပ်သီးများ ရိုဟင်ဂျာအရေး ဆွေးနွေး
3 years ago
Drone မှုနဲ့ဖမ်းခံရသူ သတင်းထောက်တွေ မိသားစုနဲ့တွေ့ခွင့်မရသေး
3 years ago
မြန်မာ-ဘင်္ဂလားဒေ့ရှ် သဘောတူညီချက် (၁၀)ချက် လက်မှတ်ရေးထိုး
3 years ago
AA ဒုဗိုလ်မှူးကြီး အပါအ၀င် ၉ ဦးကို ငွေကြေးခ၀ါချမှုနဲ့ အမှုဖွင့်စစ်ဆေး
3 years ago
ဘာသာပေါင်းစုံ ဆုတောင်းပွဲ (ရုပ်သံ)

ဒီဇင်ဘာ ၁၁၊ ၂၀၁၆
M-Media

– အခုအချိန်မှာ အမေရိကန်မွတ်စလင်တွေဟာ ဘာသာရေး သည်းမခံနိုင်မှု၊ အစ္စလာမ်ကြောက်ရောဂါတွေကိုရဲ့ ဒဏ်ကို အပြင်းအထန် ခံစားနေရပြီး ရလဒ်အနေနဲ့ နိုင်ငံရေးသမားတွေ၊ ကွန်ဆာဗေးတစ်မီဒီယာတွေရဲ့ တိုက်ခိုက်မှုကို ကြုံတွေ့နေရပါတယ်။ အမေရိကန်မွတ်စလင်တွေဟာ ကိုယ်ထိလက်ရောက် စော်ကားခံရတယ်၊ အရှက်ခွဲခံရတယ်၊ သူတို့ရဲ့ ဘာသာအယူ ယုံကြည်သက်ဝင်မှုကြောင့် အသတ်ခံရတာမျိုးတွေအထိ ရှိပါတယ်။ ခေါင်းဆောင်းပုဝါနဲ့ မွတ်စလင်အမျိုးသမီးတွေကလည်း အကြမ်းဖက်မှုတွေကို ခံနေရပါတယ်။

ဒါပေမယ့် သူတို့တွေဟာ အရှုံးပေးသူတွေတော့ မဟုတ်ပါဘူး။ မွတ်စလင်အမျိုးသမီးတွေဟာ လူနည်းစုတွေရဲ့ အခွင့်အရေးအတွက် ဦးဆောင်တိုက်ပွဲဝင်နေကြတယ်၊ အမေရိကန်ရဲ့ အုတ်မြစ်ဖြစ်တဲ့ ‘လူတိုင်းအတွက် အသက်ရှင်သန်နိုင်မှု၊ လွတ်မြောက်မှုနဲ့ တရားမျှတမှု’ ဆိုတာတွေ ဆက်လက် ဆုပ်ကိုင်ထားနိုင်ပါ့မလားဆိုတာ အမေရိကန်ကို စမ်းသပ်နေပါတယ်။

အောက်မှာဖော်ပြမယ့် အမေရိကန်မွတ်စလင်အမျိုးသမီးတွေကတော့ ၂၀၁၆ ခုနှစ်ကို ကြင်နာတဲ့၊ တရားမျှတတဲ့၊ လှပတဲ့ နှစ်တစ်နှစ်ဖြစ်အောင် ပုံဖော်ခဲ့သူတွေဖြစ်ပြီး သူတို့ရဲ့ အဖတိုင်းပြည်ကို ကြီးကျယ်အောင် လုပ်ခဲ့ကြသူတွေလည်း ဖြစ်ပါတယ်။

၁။ အီလ်ဟန် အိုမာရ်

1

ဆိုမာလီမှာ မွေးဖွားခဲ့တဲ့ အီလ်ဟန် အိုမာရ်ဟာ ကင်ညာဒုက္ခသည်စခန်းမှာ ၄ နှစ် ကုန်ဆုံးခဲ့ပြီးတဲ့နောက် အသက် ၁၂ နှစ်အရွယ်မှာ အမေရိကန်ကို ပြောင်းရွှေ့အခြေခဲ့ပါတယ်။ နိုဝင်ဘာ ၈ ရက်နေ့ ရွေးကောက်ပွဲမှာတော့ မင်နီဆိုတာ ပြည်နယ်လွှတ်တော်အမတ်အဖြစ် ရွေးကောက်တင်မြှောက်ခံရပြီး၊ ပြည်နယ်လွှတ်တော်မှာ ပါဝင်ခွင့်ရတဲ့ ပထမဆုံး ဆိုမာလီ-အမေရိကန် မွတ်စလင် အမျိုးသမီးတစ်ဦးအဖြစ် မှတ်တမ်းဝင်ခဲ့ပါတယ်။

သူမဟာ တန်ဖိုးနည်း ကောလိပ် ထွန်းကားရေး၊ ရာဇ၀တ်မှုဆိုင်ရာ တရားရေး ပြုပြင်ပြောင်းလဲမှု၊ စီးပွားရေး တန်းတူညီမျှမှုနဲ့ သန့်ရှင်းသောစွမ်းအင် စတဲ့ လူမှုအသိုင်းအ၀ိုင်း ပြုပြင်ပြောင်းလဲရေးကို ချပြမဲဆွယ်ခဲ့သူလည်း ဖြစ်ပါတယ်။

“ဒီတိုင်းပြည်က လူတိုင်းအတွက် လွတ်မြောက်မှု၊ တရားမျှတမှုကို ပေးတဲ့ တိုင်းပြည်ပါ။ ဒါပေမယ့် ကျွန်မတို့ ဒီအတွက် အလုပ်တော့လုပ်ရမှာပေါ့လေ။ ကျွန်မတို့တိုင်းပြည်ရဲ့ ဒီမိုကရေစီက ကြီးကျယ်တယ်။ ဒါပေမယ့် ပျက်ဆီးလွယ်တယ်။ တိုးတက်မှု တော်တော်များများကို ဖြတ်သန်းလာရတယ်။ လူတိုင်းအတွက် တရားမျှတမှုကို ဆောင်ကျဉ်းပေးဖို့ ကျွန်မတို့ဟာ ဆက်လက်တိုးတက်အောင် ဆောင်ရွက်သွားဖို့ လိုပါတယ်” လို့ The Huffignton Post နဲ့ အောက်တိုဘာ အင်တာဗျူးမှာ အိုမာရ်က ပြောကြားခဲ့ပါတယ်။

၂။ အစ်ဘ်သီဟဂ်ျ မိုဟာမက်

ဓားသိုင်းအားကစားသမားဖြစ်တဲ့ အစ်ဘ်သီဟဂ်ျ မိုဟာမက်ဟာ အခုနှစ်အိုလံပစ်မှာ ခေါင်းဆောင်းပုဝါနဲ့ ၀င်ရောက်ယှဉ်ပြိုင်တဲ့ ပထမဆုံး အမေရိကန်အားကစားသမားအဖြစ် မှတ်တမ်းဝင်ခဲ့ပါတယ်။ ဆုတံဆိပ် မဆွတ်ခူးနိုင်ခဲ့ပေမယ့် ရီယို အိုလံပစ် ၀င်ရောက်ခွင့် ရခဲ့ခြင်းအားဖြင့် အသိအမှတ်ပြုခံရဆုံး ကစားသမားတစ်ဦးဆိုတဲ့ အောင်မြင်မှုကိုတော့ ရခဲ့ပါတယ်။ ပြီးတော့ သူမဟာ ရည်မှန်းချက်တွေရဲ့ စေစားရာနောက်ကိုလိုက်တဲ့အခါ အခက်အခဲတွေကို ကျော်ဖြတ်ရတဲ့ မွတ်စလင်အမျိုးသမီးတွေရဲ့ စံနမူယူစရာ အမျိုးသမီးတစ်ဦးလည်း ဖြစ်ပါတယ်။

“ကျွန်မတို့ဟာ ခက်ခဲတဲ့ နိုင်ငံရေးအခြေအနေတစ်ခုကို အခု ရောက်နေပါတယ်။ မွတ်စလင်တွေဟာ စောင့်ကြည့်ခံနေရပါတယ်။ (ဒီလိုအာင်မြင်တာဟာ) ကျွန်မအတွက် တကယ့်ကို ကြီးမားတဲ့ အိပ်မက်ကြီးဖြစ်ပြီး အမှန်တကယ်ဖြစ်လာမယ်လို့ ကျွန်မ ထင်မထားခဲ့ပါဘူး။ မွတ်စလင်အမျိုးသမီးတွေနဲ့ လူမည်းအမျိုးသမီးတွေကို ကိုယ်စားပြုရတယ်ဆိုတဲ့ ဂုဏ်တစ်ခုကို ကျွန်မ ပေါ့ပေါ့တန်တန် သဘောမထားပါဘူး” လို့ လော့စ်အိန်ဂျလိစ်မှာ ကျင်းပပြုလုပ်ခဲ့တဲ့ အိုလံပစ်ကော်မတီ အစည်းအဝေးမှာ အစ်ဘ်သီဟဂ်ျ မိုဟာမက်က ပြောကြားခဲ့ပါတယ်။

၃။ လင်ဒါ ဆာဆူရ်

3

ထင်ရှားတဲ့ တက်ကြွလှုပ်ရှားသူတစ်ဦးဖြစ်တဲ့ လင်ဒါ ဆာဆူရ်ဟာ ၂၀၁၇ ခုနှစ် ဇန်န၀ါရီ ၂၁ ရက်နေ့ ၀ါရှင်တန် ဒီစီမှာပြုလုပ်မယ့် ‘၀ါရှင်တန်အမျိုးသမီး ချီတက်လမ်းလျှောက်ပွဲ’ ကို ဦးဆောင်ဖို့ ဖိတ်ကြားခံရတဲ့ အမျိုးသမီး ၃ ဦးထဲမှာ ပါဝင်ခဲ့သူဖြစ်ပါတယ်။ အမေရိကန်သမ္မတသစ် ဒေါ်နယ်ထရမ့် ကျမ်းကျိန်ပြီးနောက်နေ့မှာ ပြုလုပ်မယ့် အဲဒီ ချီတက်ပွဲဟာ ‘လူ့အဖွဲ့အစည်း ခေါင်းဆောင်မှုရဲ့ အဆင့်တိုင်းမှာ အမျိုးသမီးတွေ တန်းတူညီမျှမှု မရမချင်း’ တက်ကြွလှုပ်ရှားသူတွေက သူတို့ လုပ်ဆောင်စရာရှိတာကို ဆက်လက်လုပ်ဆောင်သွားမယ်ဆိုတဲ့ သတင်းစကားကို ပေးချင်လို့ ဖြစ်ပါတယ်။ Facebook စာမျက်နှာမှာတော့ လူပေါင်း ၁ သိန်းလောက် အဲဒီအခမ်းအနားကို တက်ရောက်မယ်လို့ စာရင်းပေးထားပါတယ်။

“ဒေါ်နယ်ထရမ့် အစိုးရဟာ အုပ်ချုပ်ရေး အိပ်မက်ဆိုးကို ယူလာမှာပါ။ ကျွန်မတို့ အမျိုးသမီးတွေအနေနဲ့ ဒါကို မကြောက်ဘူးဆိုတာ ပြသဖို့ အရေးကြီးပါတယ်” လို့ ဆာဆူရ်က Th Huffington Post ကို ပြောကြားခဲ့ပါတယ်။

၎။ ဂါဇလာခန်း

4

ဇူလိုင်လက ဒီမိုကရက်တစ်ပါတီရဲ့ နိုင်ငံလုံးဆိုင်ရာ ညီလာခံမှာ ခင်ပွန်းဖြစ် မိန့်ခွန်းပြောတဲ့အချိန် တည်ကြည်လေးနက်စွာနဲ့ ဘေးနားမှာရှိတေဲ့ ဂါဇလာခန်းကို အမေရိကန်ပြည်သူတွေ မေ့မှာ မဟုတ်ပါဘူး။ သူမရဲ့သားဖြစ်သူ ဗိုလ်ကြီး ဟူမေယွန်ခန်းဟာ အီရတ်မှာ တိုင်းပြည်တာဝန်ထမ်းဆောင်ရင်း ကျဆုံးသွားခဲ့သူတစ်ဦးလည်း ဖြစ်ပါတယ်။ ဒေါ်နယ်ထရမ့်ကတော့ ဒီညီလာခံမှာ သူ့ရဲ့ခင်ပွန်းကသာ မိန့်ခွန်းပြောပြီး ဂါဇလာခန်းတစ်ယောက် တိတ်ဆိတ်နေခဲ့တဲ့အတွက် ထိုးနှက်တိုက်ခိုက်မှု ပြုလုပ်ခဲ့ပါသေးတယ်။ ဒါပေမယ့် ဂါဇလာခန်းက ဒီလိုတုန့်ပြန်ခဲ့ပါတယ်။

“စကားတစ်လုံးမှမပြောတာကိုက အမေရိကန်နဲ့ ကမ္ဘာ့ပြည်သူတွေ ကျွန်မ ဘယ်လောက်ကြေကွဲရတယ်ဆိုတာကို ခံစားမိမှာပါ။ ကျွန်မဟာ Gold Star (သားဖြစ်သူ ချီးမြှင့်ခဲ့ရသည့် သူရဲ့ဘွဲ့) ရသူတစ်ဦးရဲ့ အမေဖြစ်တယ်။ ကျွန်မကိုတွေ့တဲ့လူတိုင်းက ကျွန်မရဲ့ ခံစားချက်ကို မျှဝေခံစားရမှာပါ (ထုတ်ပြောနေစရာ မလိုပါဘူး)”

ခါဇလာခန်းရဲ့ ဒီပြောကြားမှုကြောင့် အမေရိကန်အမျိုးသမီး ရာပေါင်းများစွာက #CanYouHearUsNow ခေါင်စဉ်နဲ့ ဆိုရှယ်မီဒီယာမှာ ဒေါ်နယ်ထရမ့်ကို တုန့်ပြန်ခဲ့ကြပါတယ်။

၅။ အမာနီ အလ်-ခါသပ်ဘာဟ်

အသက် ၂၄ နှစ်အရွယ်သာရှိသေးတဲ့ အမာနီ အလ်-ခါသပ်ဘာဟ်ဟာ စာရေးဆရာနဲ့ စွန့်ဦးထိုးဖောက်သူတစ်ယောက်ဖြစ်ပြီး အမေရိကန် မီဒီယာလောကမှာ ထင်ရှားကျော်ကြားတဲ့ မွတ်စလင်အမျိုးသမီးအဖြစ် နာမည်တစ်လုံး ရရှိထားသူဖြစ်ပါတယ်။ အသက် ၁၇ နှစ်အရွယ်ကတည်းက MuslimGirl.com ဆိုတဲ့ ၀ဘ်ဆိုက်ကို တည်ထောင်ခဲ့ပြီး အခုအချိန်အထိ အယ်ဒီတာချုပ်အဖြစ် ဆောင်ရွက်နေပါတယ်။ ၉/၁၁ နောက်ပိုင်း မွတ်စလင်တစ်ဦးအနေနဲ့ ဘယ်လိုဖြတ်သန်းခဲ့ရတယ်ဆိုတဲ့ အတွေ့အကြုံကို ဖော်ပြထားတဲ့ ကိုယ်တွေ့မှတ်တမ်းတစ်ခုကိုလည်း မကြာသေးခင်ကမှ ထုတ်ဝေခဲ့ပါတယ်။

သူမဟာ အစ္စလာမ်ကြောက်ရောဂါ၊ မတူကွဲပြားမှုနဲ့ မီဒီယာတွေမှာ ဖော်ပြမှုတွေနဲ့ပတ်သက်တဲ့ အမြင်တွေကို ပွင့်ပွင့်လင်းလင်း ပြောကြားသူပါ။ အိမ်ဖြူတော်ရဲ့ ပထမဆုံး ‘အမေရိကန်အမျိုးသမီး ထိပ်သီးအစည်းအဝေး’ မှာ ပင်တိုင်ဆွေးနွေးသူအဖြစ် ပါဝင်ရတဲ့ သူမက အောက်ပါအတိုင်း ဖွင့်ဟခဲ့ပါတယ်။

“မွတ်စလင်တွေ အသံတွေ ကျယ်ကျယ်ထွက်ဖို့ ကျွန်မတို့လုပ်ဆောင်ရမယ့် အရေးပါအဆုံးအချက်တွေထဲက တစ်ခုကတော့ အခွင့်အရေးရတိုင်း သူတို့ကို ပေးပြောဖို့ပါပဲ။ တစ်ယောက်ယောက်က သူတို့ရဲ့အတွေ့အကြုံကို ပြောခွင့်ရပြီး တစ်ခြားသူတွေ ပြောခွင့်မရဘူးဆိုရင်၊ ကွက်လပ်မဖြည့်ပါနဲ့၊ ပြောခွင့်မရသူတွေကိုယ်စားလည်း မပြောပေးပါနဲ့။ သူတို့ကို ပြောခွင့်ပေးလိုက်ပါ”

Ref: Huffingtonpost

(ဆက်လက်ဖော်ပြပါမည်)

Comments are closed.