1 year ago
ရိုဟင်ဂျာ ၇ ဦးကို အိန္ဒိယနိုင်ငံက မြန်မာကို ပထမဆုံးအကြိမ် ပြန်ပို့
2 years ago
ဓာတ်ပြားအဆိုတော် တေးသံရှင် ဒေါ်မာမာဝေ အသက်(၉၃) နှစ် ကွယ်လွန်
2 years ago
ဒုက္ခသည်စခန်းမှ လုပ်အားပေးဆရာမတစ်ဦး ရခိုင်မှ ရန်ကုန်သို့လာစဉ် လဝကဥပဒေဖြင့် အဖမ်းခံရပြီး ထောင်တစ်နှစ်ကျ
2 years ago
ဦးဇော်ဌေး (ခ) မှူးဇော်အား ဌာနပြောင်းရွှေ့တာဝန်ပေး
2 years ago
NVC ကဒ် လက်ခံရန် ဖိအားပေးခံရမှုကို ငြင်းဆိုသော ကမန်တိုင်းရင်းသားများ စီးပွားရေးပိတ်ဆို့ခံနေရ
2 years ago
ASEAN ထိပ်သီးများ ရိုဟင်ဂျာအရေး ဆွေးနွေး
2 years ago
Drone မှုနဲ့ဖမ်းခံရသူ သတင်းထောက်တွေ မိသားစုနဲ့တွေ့ခွင့်မရသေး
2 years ago
မြန်မာ-ဘင်္ဂလားဒေ့ရှ် သဘောတူညီချက် (၁၀)ချက် လက်မှတ်ရေးထိုး
2 years ago
AA ဒုဗိုလ်မှူးကြီး အပါအ၀င် ၉ ဦးကို ငွေကြေးခ၀ါချမှုနဲ့ အမှုဖွင့်စစ်ဆေး
2 years ago
ဘာသာပေါင်းစုံ ဆုတောင်းပွဲ (ရုပ်သံ)

ဇူလိုင် ၁၆၊ ၂၀၁၉
M-Media


ခရစ်ကတ် ကမ္ဘ္ဘာ့ချန်ပီယံ အင်္ဂလန်အသင်

-မိမိတို့အသင်း ကမ္ဘ္ဘာ့ဖလား ခရစ်ကတ်ချန်ပီယံဖြစ်မှုမှာ မတူကွဲပြားစွာ ညီညွတ်မှုက အရေးပါတယ်လို့ အင်္ဂလန် ခရစ်ကတ်အသင်းရဲ့ အသင်းခေါင်းဆောင် အိုအင် မော်ဂန်က ပြောကြားလိုက်ပါတယ်။

အင်္ဂလန်အသင်းဟာ ဇူလိုင် ၁၄ ရက်နေ့က ကစားခဲ့တဲ့ ခရစ်ကတ် ကမ္ဘ္ဘာ့ဖလား နောက်ဆုံးဗိုလ်လုပွဲမှာ နယူးဇီလန်ကို အနိုင်ရပြီး သမိုင်းတစ်လျှောက် ပထမဆုံးအကြိမ် ခရစ်ကတ် ကမ္ဘ္ဘာ့ချန်ပီယံ ဖြစ်ခဲ့တာပါ။

အသင်းခေါင်းဆောင် မော်ဂန်ဟာ အိုင်ယာလန်နွယ်ဖွားဖြစ်ပြီး ပွဲအပြီးသတင်းစာရှင်းလင်းပွဲမှာ သတင်းထောက်တစ်ဦးက အိုင်းရစ်ရ်ှလူမျိုးတစ်ယောက်ရဲ့ ကံတရားကြောင့် အင်္ဂလန်အသင်း ဗိုလ်စွဲခဲ့တယ်ထင်လားလို့ မေးခဲ့ပါတယ်။

“အလ္လာဟ်အရှင်မြတ်လည်း ကျွန်တော်တို့နဲ့အတူ ရှိခဲ့ပါတယ်။ ပွဲအကြောင်း အဒီလ်ရာရှစ်နဲ့ ဆွေးနွေးတဲ့အခါ သူက – စိတ်မပူနဲ့ အလ္လာဟ်က ငါတို့နဲ့အတူ ကျိန်းသေရှိနေမှာ – လို့ပြောတယ်။ ကျွန်တော်ကလည်း ငါတို့ ကံကောင်းမှာပါလို့ ပြန်ပြောခဲ့တယ်။ ကျွန်တော်တို့အသင်းက စံနမူနာယူရမယ့်အသင်းဗျ။ လူမျိုးစုံ၊ ဘာသာစုံပါတယ်။ မိုးထဲရေထဲ ရောက်တဲ့အခါမျိုးမှာလည်း ပျော်ပျော်ပါးပါးပဲ အတူတူ ကျော်ဖြတ်ခဲ့ကြတယ်” လို့ မော်ဂန်က ပြန်လည်ဖြေကြားခဲ့ပါတယ်။

အင်္ဂလန် ခရစ်ကတ်အသင်းမှာ နိုင်ငံခြားနွယ်ဖွား ကစားသမား တော်တော်များများ ပါဝင်ပြီး အဲဒီအထဲက ရာရှစ်နဲ့ မိုအင် အလီတို့ဟာ နိုင်ငံခြားနွယ်ဖွား အစ္စလာမ်ဘာသာဝင်တွေ ဖြစ်ပါတယ်။ ဂျိုဖရာ အာချာဟာ ဘာဘာဒို့စ်နွယ်ဖွားဖြစ်ပြီး၊ ဘင်စတုတ်က နယူးဇီလန်နွယ်ဖွား၊ ဂျေဆန်ရွိုင်က တောင်အာဖရိကနွယ်ဖွားတွေ ဖြစ်ပါတယ်။

အသင်းခေါင်းဆောင် မော်ဂန်ရဲ့ ဒီလိုဖြေကြားမှုကို ယူကေပြည်သူတွေက ဆိုရှယ်မီဒီယာတွေမှာ ချီးကျူးပြောဆိုခဲ့ကြပါတယ်။

ခရစ်ကတ် ကမ္ဘ္ဘာ့ချန်ပီယံ ဖြစ်လာတာကြောင့် အင်္ဂလန်အသင်းဟာ ဘောလုံး၊ ခရစ်ကတ်နဲ့ ရပ်ဘီ အားကစားနည်းတွေမှာ ကမ္ဘ္ဘာ့ချန်ပီယံဖြစ်တဲ့ တစ်ခုတည်းသောနိုင်ငံ ဖြစ်လာပါတယ်။

Ref: The Sun



Comments are closed.