5 years ago
ရိုဟင်ဂျာ ၇ ဦးကို အိန္ဒိယနိုင်ငံက မြန်မာကို ပထမဆုံးအကြိမ် ပြန်ပို့
6 years ago
ဓာတ်ပြားအဆိုတော် တေးသံရှင် ဒေါ်မာမာဝေ အသက်(၉၃) နှစ် ကွယ်လွန်
6 years ago
ဒုက္ခသည်စခန်းမှ လုပ်အားပေးဆရာမတစ်ဦး ရခိုင်မှ ရန်ကုန်သို့လာစဉ် လဝကဥပဒေဖြင့် အဖမ်းခံရပြီး ထောင်တစ်နှစ်ကျ
6 years ago
ဦးဇော်ဌေး (ခ) မှူးဇော်အား ဌာနပြောင်းရွှေ့တာဝန်ပေး
6 years ago
NVC ကဒ် လက်ခံရန် ဖိအားပေးခံရမှုကို ငြင်းဆိုသော ကမန်တိုင်းရင်းသားများ စီးပွားရေးပိတ်ဆို့ခံနေရ
6 years ago
ASEAN ထိပ်သီးများ ရိုဟင်ဂျာအရေး ဆွေးနွေး
6 years ago
Drone မှုနဲ့ဖမ်းခံရသူ သတင်းထောက်တွေ မိသားစုနဲ့တွေ့ခွင့်မရသေး
6 years ago
မြန်မာ-ဘင်္ဂလားဒေ့ရှ် သဘောတူညီချက် (၁၀)ချက် လက်မှတ်ရေးထိုး
6 years ago
AA ဒုဗိုလ်မှူးကြီး အပါအ၀င် ၉ ဦးကို ငွေကြေးခ၀ါချမှုနဲ့ အမှုဖွင့်စစ်ဆေး
6 years ago
ဘာသာပေါင်းစုံ ဆုတောင်းပွဲ (ရုပ်သံ)

မတ်လ ၅၊ ၂၀၁၃
အောင်တင်

အစ္စလာမ်သာသနာမှာ ကောင်းမြတ်တဲ့ အလုပ်၊ အပြောတွေကို မလုပ်ခင် (ဘုရားသခင်၏ ဂုဏ်တော်ကို တသပြီး အစပြုပါသည်)လို့ ရွတ်ဆိုရတဲ့ အစဉ်အလာတစ်ခုရှိတယ်။ အာရဗျီစာမှာ အက္ခရာတိုင်းက တန်ဖိုးတစ်ခုရှိတယ်။ မြန်မာစာမှာ က ခ ဂ ဃ င မှာ တစ်ဆိုတဲ့ တန်ဖိုးရှိသလိုပေါ့။ အဲဒီ (ဘုရားသခင်၏ ဂုဏ်တော်ကို တသပြီး အစပြုပါသည်)ဆိုတဲ့ စာပုိုဒ်ကို ရေးသားတဲ့ အာရဗျီစာလုံး တစ်လုံးချင်းတွေရဲ့ တန်ဖိုးတွေကို ပေါင်းလိုက်တော့ စုစုပေါင်း (၇၈၆)ဆိုတဲ့ ဂဏန်းတစ်ခုကို ရခဲ့ခြင်းတယ်။ သို့သော် ဒီ (၇၈၆)ဆိုတဲ့ ဂဏန်းအသုံးပြုခြင်းကို အာရဗ်စကားပြောတဲ့ မူရင်းမွတ်စလင်နိုင်ငံတွေက လုံးဝ လက်မခံကြဘူး။ အသိအမှတ်လည်း မပြုဘူး။ မလုပ်ကောင်းဘူးလို့ တားမြစ်ကြတယ်။ အာရှက မွတ်စလင်အချို့ကသာ အာရဗျီစကား အားနည်းမှုပေါ်မှာ အခြေခံပြီး လွယ်ကူမှုအနေနှင့် အသုံးပြုနေကြတာဖြစ်တယ်။ ဒါကိုလည်း တစ်ချို့သော အာရှပညာရှင်တွေကပင် လက်မခံကြတာလည်း ရှိနေတယ်။

12

 

bismillah

2

မည်သို့ပင်ဖြစ်စေ ၇+၈+၆= ၂၁ ဆိုပြီး ၂၁ရာစုမှာ မွတ်စလင်တွေ လွှမ်းမိုးရမယ်ဆိုတာကတော့ မဟုတ်မမှန် တမင်လုပ်ကြံ ထိုးနှက်ချက်ဖြစ်ပါတယ်။ တစ်ကယ်လို့ အဲဒီလို အကြံအစည်သာရှိရိုးမှန်ရင် (၇၈၆)ကို အခြားမွတ်စလင်နိုင်ငံတွေ၊ အထူးသဖြင့် အစ္စလာမ်စတင် ပေါ်ထွန်းရာ အာရဗ်နိုင်ငံတွေက အသိအမှတ်ပြု သုံးစွဲရမှာပေါ့။ အခု မြန်မာတွေ ကမ္ဘာပါတ်နေကြပါပြီ။ ဘယ်အာရဗ် မွတ်စလင်နိုင်ငံတွေက (၇၈၆)ကို အသုံးပြုတာ တွေ့ဖူးပါသလဲလို့ မေးခွန်းထုတ်ချင်ပါတယ်။

နောက်တစ်ချက်က မြန်မာမွတ်စလင်တွေက သူတို့နဲ့ ဘာသာတူဆိုင်တွေမှာသာ ရွေးချယ်အားပေးတယ်ဆိုတဲ့ စွပ်စွဲချက်ဖြစ်ပါတယ်။ မွတ်စလင်တွေမှာ အစားအစာ (Diet) ကန့်သတ်ချက်က ဘာသာရေးဆိုင်ရာ အဓိကလိုက်နာရမဲ့ အချက်ကြီးဖြစ်နေတာကို အားလုံးသိကြပါတယ်။ ဒါကြောင့် အစားအစာနှင့် ပတ်သက်ရင် ဘာသာတရားရဲ့ လိုအပ်ချက်အရ ဘာသာတူဆိုင်တွေမှာ ယုံကြည်စိတ်ချစွာ စားသုံးချင်ကြပါတယ်။ ကျန်တဲ့ပစ္စည်းတွေ ရောင်းဝယ်ဖေါက်ကားရာမှာတော့ လူ့သဘာဝအရ ဈေးသက်သာရာ၊ ဆက်ဆံရေး ကောင်းရာ၊ အဆင်သင့်ရာ၊ ပစ္စည်းမှန် ဈေးမှန်ရရာ ဘာသာမရွေး လူမျိုးမရွေးဆိုင်တွေမှာဘဲ ရောင်းဝယ်ကြပါတယ်။ ဒါကြောင့် ပစ္စည်းမှန်၊ ဈေးမှန်ရောင်းဝယ်နေကြတဲ့ မြန်မာ၊ တရုပ်၊ မွတ်စလင်ဆိုင်တွေမှာ လူမျိုးစုံ ရောင်းဝယ်ဖေါက်ကားနေကြလို့ အရောင်းအဝယ်ကောင်းနေကြတာကို အားလုံးသိနေ၊ မြင်နေကြတာပါဘဲ။ အတုယူလိုလျှင် အတုယူနိုင်ကြပါတယ်။ မွတ်စလင်တွေနှင့်သာ ရောင်းဝယ်ဖောက်ကားရမယ်လို့ အစ္စလာမ်ဘာသာတရားက သင်ကြားထားတာ မရှိပါဘူး။ ဘယ်ဘာသာမှ ဘာသာတူသာ ရောင်းဝယ် ဆက်ဆံရမယ်လို့ မပြဌာန်းကြပါဘူး။ ဗုဒ္ဓဘာသာကလည်း မပြဌာန်းထားဘူး။

နောက်တစ်ချက်က လူနည်းစု လူများစု သဘာဝတစ်ခုကိုလည်း ထောက်ပြချင်ပါတယ်။ လူနည်းစုဟာ လူနည်းစုသဘာဝအရ စုစည်းတတ်ပါတယ်။ လူများစုဟာ လူများစု သဘာဝအရ ပြန့်ကြဲတတ်ပါတယ်။ အခုတိုင်းရင်းသားပေါင်းစုံ မြန်မာတွေ ထိုင်း၊ မလေးရှားတင်မက အနောက်နိုင်ငံတွေမှာ ရောက်နေကြပါပြီ။ ဘယ်လိုနေထိုင်ကြသလဲ။ ဖြစ်သလို ကြုံရာ နေကြသလား။ တူရာ တူရာ စုနေတတ်သလား။ အခြေအနေအရ ရောက်ချင်ရာ ရောက်နေရင်တောင် ကိုယ့်ဘာသာတူ၊ လူမျိုးတူတွေ ရှိတဲ့နေရာကိုဘဲ ကြိုးစားပြီး ပြောင်းလာကြတာဘဲ။ လူများစုကတော့ ဒီလိုလုပ်စရာ မလိုဘူးလေ။ လူများစုဖြစ်နေတာကိုး။ ဒီအတိုင်းဘဲ မြန်မာပြည်မက ကြိုက်တဲ့မြို့၊ ရွာတွေကိုကြည့်ပါ။ မြန်မာမွတ်စလင်မှ မဟုတ်ပါဘူး။ ရှမ်း၊ ကရင်၊ ချင်း၊ ရခိုင်တွေလည်း တတ်နိုင်သလောက် သူတို့တူရာ တူရာတွေ စုနေကြတာပါဘဲ။ လူနည်းစုဖြစ်ခြင်း သဘောသဘာဝကြောင့် တတ်နိုင်သလောက် အချင်းချင်း ယိုင်းပင်းနေကြတာဘဲ။ ဒါကို အပြစ်တစ်ခုသဘောနှင့် မဟုတ်ဘဲ၊ သဘာဝနှင့် ချိန်ထိုးပြီး အမြင်ရှင်းကြစေချင်ပါတယ်။ သို့သော် အပြစ်ရှာလိုသူတွေ အတွက်ကတော့ ဘယ်လို သဘာဝ ယုတ္တိကျကျ ဆွေးနွေးသော်လည်း လက်ခံကြမှာ မဟုတ်ဘူးဆိုတာကိုလည်း သိထားပါတယ်။

အခုမြန်မာပြည်မှာ (၉၆၉)ဆိုပြီး ဗုဒ္ဓဘာသာရဲ့ မြင့်မြတ်သော ဂုဏ်တော်သုံးပါးကို အသုံးပြုကာ အဲဒီမြင့်မြတ်တဲ့ ဂုဏ်တော်တွေနှင့် လုံးလုံးလျားလျား ဆန့်ကျင်တဲ့ လုပ်ရပ်တွေကို မြန်မာမွတ်စလင် လူ့အဖွဲ့အစည်း ထိုးနှက်တိုက်ခိုက်ရေး တစ်လွဲလုပ်နေတာ စိတ်မသက်မသာ ကြားသိနေရပါတယ်။

ဘုရားဂုဏ်တော် (၉)ပါး၊ တရားဂုဏ်တော်(၆)ပါး၊ သံဃာဂုဏ်တော်(၉)ပါးသည် လူသားတိုင်း လေးစားကြည်ညိုထိုက်တဲ့ ဂုဏ် အင်္ဂါတွေဖြစ်ပါတယ်။ အဲဒီဂုဏ်တော်တွေက လူသားအားလုံးအတွက် မေတ္တာ၊ ဂရုဏာ၊ မုဒိတာ၊ ဥပက္ခာဆိုတဲ့ ဗြဟ္မစိုရ် တရားလေးပါးနဲ့ ပြည့်လျှမ်းနေတဲ့ ဂုဏ်တော်တွေဖြစ်တယ်လို့ သိထားပါတယ်။ မွတ်စလင် မပါဘူးလုပ်လို့ မရပါဘူး။ လူသားအားလုံးနှင့် သက်ဆိုင်တဲ့ ဒီမြင့်မြတ်တဲ့ ဂုဏ်တော်တွေကို ဦးတင်ပြီး လူတစ်ဖက်သားတွေရဲ့ အကျိုးစီးပွါး ပျက်ရာ ပျက်ကြောင်းတွေကို ဘယ်လိုအကြောင်းပြချက်နှင့်မှ မလုပ်သင့်ကြဘူး၊ လုပ်ခွင့်မရှိဘူးလို့ ယုံကြည်ပါတယ်။

ဗုဒ္ဓဘာသာအပါအဝင် ဘာသာတိုင်းဟာ လူသားအားလုံးအတွက်ဖြစ်ပါတယ်။ ဘယ်လူမျိုးအတွက်ဘဲဆိုပြီး ပွင့်ပေါ်လာတဲ့ ဘာသာတရား လောကမှာ မရှိပါဘူး။ ဗုဒ္ဓမြတ်စွာကသာ အမျိုး၊ ဘာသာစွဲခဲ့ပြီး သူ့လူမျိုးတွေ၊ သူ့ဘာသာစကား ပြောတတ်တဲ့သူတွေကိုဘဲ တရားဟောခဲ့မယ် ဆိုရင် ဘယ်လိုလုပ်ပြီး ကမ္ဘာ့သာသနာတစ်ရပ် ဖြစ်လာနိုင်မလဲ။ မြန်မာနိုင်ငံအပါအဝင် ကမ္ဘာတလွှားကို ဗုဒ္ဓသာသနာက ဘယ်လို ပြန့်ပွါးလာမလဲ။ ဗုဒ္ဒမြတ်စွာက တရားဦးဟောကြားခဲ့သူတွေ အားလုံးဟာ မူလက ဘာသာခြားတွေ မဟုတ်ဘူးလား၊၊ လူမျိုးခြားတွေ မပါဘူးလား။  ဗုဒ္ဒမြတ်စွာရဲ့ အဂ္ဂသာဝက၊ မဟာသာဝကတွေ၊ အာသောကမင်းကြီးလက်ထက် ကိုးတိုင်း ကိုးဌာနကို ဗုဒ္ဓသာသနာရောင်ဝါ ဖြန့်ကျက်ခဲ့ သူတွေဟာ အခုဗုဒ္ဓဘာသာဝင် မြန်မာအချို့ မိန်ရေ၊ ရှက်ရေ စော်ကားနေကြတဲ့ ကုလားတွေဘဲ မဟုတ်ဘူးလား။ ဘာဖြစ်လို့ လူမျိုးစွဲနေကြတာလဲ။ သတ္တဝါအားလုံးအတွက် ပွင့်ပေါ်ခဲ့တဲ့ ဂုဏ်ယူဖွယ် မြင့်မြတ်သော သာသနာတစ်ရပ်ရဲ့ ထူးမြတ်တဲ့ ဂုဏ်အင်္ဂါတွေကို ဘာဖြစ်လို့ မစဉ်းမစား မတော်မသင့် လုပ်ပစ်နေကြတာလဲ။

စကားကုန်အောင်ပြောရရင် မြန်မာမွတ်စလင်ဆိုင်တွေကို ဒါကြောင့် ဒါကြောင့် မဝယ်ကြနဲ့ ပြောချင် ပြောပါ။ သို့သော် လူသားအားလုံးနဲ့ သက်ဆိုင်တဲ့ ဘုရား၊ တရား၊ သံဃာဂုဏ်တော်တွေကို တလွဲကိုးကား၊ လွဲမှားစွာ အသုံးချပြီး ကိုယ့်သာသနာကို ကိုယ်ကပဲပြန်ပြီး သေးသိမ်အောင် မလုပ်သင့်ဘူး ဆိုတာလောက်တော့ သိထားသင့်ကြပါတယ်။ ကျနော်တို့ မြန်မာပြည်မှာ ခက်နေတာက လူမှန်ရင် ဗြဟ္မစိုရ်တရား လက်ကိုင်ထားရမယ်ဆိုပြီး အကြီးအကျယ် ကြွေးကျော်နေတဲ့ နာမည်ကြီး နာရေးကူညီမှု ခေါင်းဆောင်ကြီးတောင်မှ ရခိုင်က ဒုက္ခသည်တွေကို သွားရောက်ကူညီတဲ့အခါကျတော့ သူခါးဝတ်ပုဆိုးလို တတွတ်တွတ် ရွတ်နေခဲ့တဲ့ဗြဟ္မစိုရ် တရားတွေကို ခါးချိတ်ပစ်လိုက်ခဲ့ ဖူးတာကိုး။ ရှေ့ဆောင်နွားလား ဖြောင့်ဖြောင့်သွားက နောက်နွားစိုက်စိုက် ဖြောင့်ဖြောင့်လိုက်၏လို့ ဆိုပါတယ်။

မြန်မာပြည်မှာ မြန်မာမွတ်စလင်တွေဟာ မြန်မာလူမျိုးစုပြီးရင် ဒုတိယအများဆုံး လူများစုဖြစ်ပါတယ်။ တိုင်းပြည်တစ်ပြည်ရဲ့ ဒုတိယအင်အားအကြီးဆုံး လူအုပ်စုကြီးကို ဖိနှိပ်လို့ဖြစ်ဖြစ်၊ ဘေးဖယ်လို့ဖြစ်ဖြစ်၊ အဲဒီအုပ်စုကြီးရဲ့ အင်အားကို အသုံးမပြု လစ်လျူရှုလို့ဘဲဖြစ်ဖြစ် တိုင်းပြည်ကို တည်ထောင်နိုင်မယ်လို့ ထင်မြင်ခြင်းသည် ညံ့ဖျင်းနုံနဲ့မှုဖြစ်သည်လို့ အတိအလင်း ဆိုပါရစေ။ အားတော့နာပါတယ်။ ငြင်းနိုင်သူ၊ ငြင်းရဲသူများ ငြင်းလိုက်ပါ။

ဒီမြန်မာမွတ်စလင်(ပသီ)တွေဟာ မြန်မာပြည်လွတ်လပ်ရေးမရခင်ကတည်းက ၁၉၄၆ ရွှေတိဂုံအလယ်ပစ္စယံမှာ ကျင်းပတဲ့ ဖဆပလညီလာခံကြီးက တိုင်းရင်းသားလူနည်းစုအဖြစ် အသိအမှတ်ပြုခံထားပြီးသူများဖြစ်သလို၊ တိုင်းပြု ပြည်ပြု၊ လွတ်လပ်ရေးတိုက်ပွဲဝင် လူမျိုးတွေဖြစ်သလို၊ ၁၉၇၄ခုနှစ်အထိ တရားဝင် အတည်ပြုသတ်မှတ်ထားတဲ့ တိုင်းရင်းသား(၁၄၄)မျိုး စာရင်းဝင်လဲဖြစ်ပါတယ်။ ပုဂံခေတ်ကတည်းက ကျောက်စာဝင် တိုင်းရင်းသားလူမျိုးတွေပါ။ ဒါကြောင့်လဲ (၉-၉-၂၀၁၂)နေ့ ရန်ကုန်အိဒ်ပွဲတော် အခမ်းအနားမှာ အမျိုးသားဒီမိုကရေစီအဖွဲ့ချုပ် နာယကကြီး ဦးတင်ဦးက (၁)မြန်မာမွတ်စလင်များသည် တိုင်းရင်းသားများဖြစ်သည်။ (၂) မြန်မာမွတ်စလင်များကို လက်တွဲခေါ်ဖို့ မလို၊ မြန်မာမွတ်စလင်များသည် တိုင်းပြည်ထူထောင်ရေး၊ လွတ်လပ်ရေးအတွက် ဒိုးတူဘောင်ဖက် အစဉ်အဆက် လုပ်ကိုင်ခဲ့ကြသူများဖြစ်သည်လို့ တိုတိုရှင်းရှင်း ပြောခဲ့ပါတယ်။

၁၉၄၇ခုနှစ် ပင်လုံညီလာခံ ပင်လုံစာချုပ်မချုပ်ဆိုမီ ဖေဖေါ်ဝါရီ (၁၁)ရက်မှာ ဗိုလ်ချုပ်အောင်ဆန်းက အမျိုး၊ ဘာသာ၊ သာသနာဆိုတဲ့ ဆောင်ပုဒ်သည် လွတ်လပ်ရေးတိုက်ပွဲဝင်စဉ်က အလုပ်ဖြစ်ခဲ့ပေမဲ့ ဒီဆောင်ပုဒ်ကို ပြည်ထောင်စုနိုင်ငံတော် တည်ထောင်ရေးမှာ ဆက်သုံးလို့ မရတော့ဘူး၊၊ ဗမာ(မြန်မာ)လူမျိုး ဗုဒ္ဓဘာသာဆိုပြီး လူမျိုးရေးတရားလုပ်လို့ မရတော့ဘူးလို့ အတိအလင်း ပယ်ချခဲ့တဲ့ ဆောင်ပုဒ်ကို အခု(၆၆)နှစ်ကျော်ကာမှ တိုင်းပြည်မတည်မငြိမ်ဖြစ်အောင် ဘာဖြစ်လို့ ပြန်အသက်သွင်းချင်ရတာလဲ။ အဲဒီမိန့်ခွန်းမှာ ဗိုလ်ချုပ်က အစ္စလာမ်ဘာသာကိုလည်း တိုင်းရင်းသားတွေ ကိုးကွယ်တဲ့ဘာသာ တစ်ခုအဖြစ် အသိအမှတ်ပြု ပြောကြားခဲ့ပါတယ်။  ပြန်လေ့လာကြပါ။

တစ်ကယ်တော့မြန်မာမွတ်စလင်တွေဟာ တိုင်းရင်းသားပေါင်းစုံမြန်မာ့လူ့အဖွဲ့အစည်းရဲ့ ယဉ်ကျေးမှုကိုမြတ်နိုးသူများဖြစ်ကြတယ်။ အကြမ်းဖက်မှုကို ဘယ်တုန်းကမှ အားမပေး၊ မကျင့်သုံးသူများလည်းဖြစ်တယ်။ ငြိမ်းချမ်းစွာ အတူယှဉ်တွဲ နေထိုင်ကြသူ များလည်းဖြစ်တယ်။မြန်မာ့လူ့ဘောင်ရဲ့ ကဏ္ဍအသီးသီးမှာ အားထားထိုက်သော တာဝန်သိနိုင်ငံ သားကောင်းများလည်း ဖြစ်တယ်။ နှစ်ငါးဆယ် စစ်အာဏာရှင် သမိုင်းကို နှစ်တစ်ထောင်ကျော် မြန်မာ့သမိုင်းလို့ လွဲမှားယူဆနေသူတွေက ပသီအပါအဝင် တိုင်းရင်းသား မွတ်စလင်တွေကို နိုင်ငံခြားသား သဖွယ်၊ သူတို့ ကိုးကွယ်တဲ့ အစ္စလာမ် ဘာသာကို နိုင်ငံခြား ဘာသာသဖွယ်၊ မှားယွင်းစွာ ထင်မြင်နေကြတာ ဝမ်းနည်းစရာကောင်းလှပါတယ်။

၂၀၁၂ခု ကြားဖြတ်ရွေးကောက်ပွဲမှာ ထမင်းလုံးအိပ်မက် မက်ကောင်းတုန်း နားရင်းရိုက် အနှိုးခံလိုက်ရတဲ့ပြုပြင်ပြောင်းလဲရေး မလိုလားသူများက ဒီအတိုင်းသွားရင် လာမည့်၂၀၁၅ရွေးကောက်ပွဲမှာ ဒေါ်အောင်ဆန်းစုကြည်နှင့် တိုင်းရင်းသား အင်အားစုတွေလက်ထဲ အနဲဆုံး လွှတ်တော်နှစ်ရပ်ကို ရွှေလင်ပန်းနှင့်တင်ပြီး ဆက်သရတော့မယ်ဆိုတာကို သိလာကြတယ်။ စိုးရိမ်လာကြတယ်။ ၂၀၁၂ကြားဖြတ် ရွေးကောက်ပွဲ ပုံစံမျိုး ၂၀၁၅မှာ မဖြစ်လာရေးအတွက် တိုင်းပြည်မတည်ငြိမ်အောင် နည်းမျိုးစုံနဲ့ အချိန်ယူ အစပျိုး လုပ်ဆောင်နေတာကို ကျနော်တို့ ဒီမိုကရေစီ အင်အားစုတွေ မမြင်ကြတာကို အံ့သြမိတယ်။

လူမျိုးရေး၊ ဘာသာရေး အစွန်းရောက် လှုံ့ဆော်မှုတွေကို ဒီမိုကရေစီအင်အားစုတွေက ကုလားတစ်စုလောက်ကိုဘဲ ဒုက္ခပေးနေတာဆိုတဲ့ သဘောနဲ့ဖြစ်ဖြစ် အခုနုနယ်စဉ်ကတည်းက မသိကြိုးကျင်နေကြမယ်ဆိုရင် ဒီအရှိန်တွေဟာ အချိန်နှင့်အမျှ တစ်ရိပ်ရိပ် မြင့်တက်လာမှာ အသေအချာဖြစ်တယ်။ အခြေအနေတွေ ထိမ်းမနိုင် သိမ်းမရဖြစ်လာပြီး တစ်ကယ်လို့ ၂၀၁၅ရွေးကောက်ပွဲမှာ အင်အားစုတစ်ခုက အမျိုး ဘာသာ သာသနာအတွက် မဲပုံးထောင်လိုက်ရင် – – –

နောင်တရရင် နောက်ကျသွားပါပြီ။ တပ်မတော်က ကတိတစ်ခုပေးပြီးရင် နောက်ကတိတစ်ခု ထပ်ပေးဖို့ အနည်းဆုံး နှစ်နှစ်ဆယ် အချိန်ယူတတ်တယ်ဆိုတာကို မမေ့ကြပါနဲ့။ ဦးနုက ၁၉၆၀ရွေးကောက်ပွဲမှာ ဘာသာရေးမဲပုံးထောင်ပြီး တည်မြဲဖဆပလကို အပြတ်ဖြုတ်ခဲ့တဲ့ သမိုင်းရှိပါတယ်။ သမိုင်းတပတ် လည်မယ်ဆိုရင် ကောင်းသောလည်ခြင်း ဖြစ်စေချင်ပါတယ်။ ဒီနေ့  မွတ်စလင်တွေကို နှိပ်ကွက်ပြီး၊ မနက်ဖန် ခရစ်ယာန်၊ သဘက်ခါ ဗုဒ္ဓဘာသာဖြစ်လာမယ်ဆိုရင် အမြဲနိုင်နေသူက နာမည်ကျော် ပွကြီးပါ။

(ဆောင်းပါးရှင်၏ အမြင်နှင့် အာဘော်သာဖြစ်ပါသည်။ )

Leave a Reply