2 years ago
ရိုဟင်ဂျာ ၇ ဦးကို အိန္ဒိယနိုင်ငံက မြန်မာကို ပထမဆုံးအကြိမ် ပြန်ပို့
2 years ago
ဓာတ်ပြားအဆိုတော် တေးသံရှင် ဒေါ်မာမာဝေ အသက်(၉၃) နှစ် ကွယ်လွန်
2 years ago
ဒုက္ခသည်စခန်းမှ လုပ်အားပေးဆရာမတစ်ဦး ရခိုင်မှ ရန်ကုန်သို့လာစဉ် လဝကဥပဒေဖြင့် အဖမ်းခံရပြီး ထောင်တစ်နှစ်ကျ
3 years ago
ဦးဇော်ဌေး (ခ) မှူးဇော်အား ဌာနပြောင်းရွှေ့တာဝန်ပေး
3 years ago
NVC ကဒ် လက်ခံရန် ဖိအားပေးခံရမှုကို ငြင်းဆိုသော ကမန်တိုင်းရင်းသားများ စီးပွားရေးပိတ်ဆို့ခံနေရ
3 years ago
ASEAN ထိပ်သီးများ ရိုဟင်ဂျာအရေး ဆွေးနွေး
3 years ago
Drone မှုနဲ့ဖမ်းခံရသူ သတင်းထောက်တွေ မိသားစုနဲ့တွေ့ခွင့်မရသေး
3 years ago
မြန်မာ-ဘင်္ဂလားဒေ့ရှ် သဘောတူညီချက် (၁၀)ချက် လက်မှတ်ရေးထိုး
3 years ago
AA ဒုဗိုလ်မှူးကြီး အပါအ၀င် ၉ ဦးကို ငွေကြေးခ၀ါချမှုနဲ့ အမှုဖွင့်စစ်ဆေး
3 years ago
ဘာသာပေါင်းစုံ ဆုတောင်းပွဲ (ရုပ်သံ)

ကြာနီကန်ကဘာရ်စတာန်ဥယျာဉ်သာယာရေးကော်မတီမှ ဦးဆောင်ပြီး မန္တလေးမြို့ရှိ သာရေးနာရေးအဖွဲ့များနှင့် လူငယ်များစုပေါင်းလုပ်အားပေးပြီး ၀ိုင်းဝန်းသန့်ရှင်းမှုကို ဒီနေ့(၂၈.၄.၂၀၁၂-စနေနေ့)မှာ ပြုလုပ်ခဲ့ကြပါတယ်။

ကျွန်မ ကြာနီကန်ကဘာရ်စတာန်ကိုရောက်တော့ မနက် ၆း၄၅ နာရီရှိပါပြီ။ အဲဒီအချိန်မှာပဲ ဖွဂျေရ်ဆွလာသ် အပြီးမှာ စုပြီးအသီးသီးထွက်လာကြတဲ့ အသင်းက ကားတွေ တစ်စီးပြီးတစ်စီး ကဘာရ်စတာန်ထဲဝင်လာပြီး စုရပ်နေရာမှာ ရပ်လိုက်တာကို ပထမဆုံးမြင်လိုက်ရပါတယ်။စုပေါင်းလုပ်အားပေးသန့်ရှင်းရေးသို့ မန္တလေးမြို့ရှိ လူမှုရေးအဖွဲ့ တို့မှ လူငယ်များဝိုင်းဝန်းလုပ်အားပေးကြပါတယ်။ စုပေါင်းလုပ်အားပေးရာတွင် အဖွဲ့များမှ လူငယ်အင်အား (၂၀၀)ကျော်ပါဝင်ခဲ့ပါတယ်။ လုပ်အားပေးရာနေရာသို့ ရောက်ရှိခဲ့ပြီး လုပ်အားပေးနေစဉ်တစ်ချို့ကို အနည်းငယ်မေးမြန်းခဲ့တာလေးနဲ့ ဓါတ်ပုံများကို ဖော်ပြလိုက်ပါတယ်။ စိန်ပန်းသာရေးနာရေး လူငယ်အဖွဲ့၊ စေတနာမွန်လူမှုရေးအသင်း(စကြာအနောက်ဗလီ)၊ ကျောက်ဗလီလူမှုရေးအသင်း၊ အစ္စလာမ့်ရောင်ခြည်လူမှုရေးအသင်း(လက်ပံဗလီ)၊ စကြာလူမှုရေးအသင်း၊ ဟင်ဒွတ်စ်တာနီလူမှုရေးအသင်း၊ ဈ-လူမှုဆောင်ရွက်ရေး(မြို့သစ်)၊ နိဗ္ဗာန်ဆော်+ဇာဝေယာလူမှုရေးအသင်း၊ အိုးတော်ဗလီလူမှုရေးအသင်း … တို့မှ ပါဝင်ခဲ့ကြပါတယ်။ ကရ်စတာန်ထဲဝိုင်းဝန်းသန့်ရှင်းရေးလုပ်ခဲ့ကြပြီး သစ်ပင်တွေ စိုက်ပျိုးခဲ့တာကိုလည်းမြင်တွေ့ခဲ့ရပါတယ်။

လုပ်အားပေးလာရောက်လာသူအားလုံးကို နတ်စ်တာစာ၊ အအေး၊ မုန်၊ ငှက်ပျောသီး အစရှိတာတွေ ကျွေးမွေးတာအပြင် နေ့လည်စာထမင်းပါကျွေးပြီး နေ့လည်ပိုင်းမှာတော့ အားလုံးပြန်လည်ထွက်ခွာခဲ့ကြပါတယ်။

xxxxxxxxxx

မေး – အစ်ကို ဒီနေ့အစီအစဉ်လေးအကြောင်းနည်းနည်းလောက် မေးချင်လို့ပါ။

ဖြေ – ဟုတ်ကဲ့မေးပါ။

မေး – ဒါဆို ပထမဆုံးအနေနဲ့ အစ်ကို့နာမည်လေးပြောပြပေးပါလား။

ဖြေ – ဟုတ်ကဲ့ ကျွန်တော် ကိုအောင်နိုင်ပါ။

မေး – ဟုတ်ကဲ့ အစ်ကိုက ဘယ်အဖွဲ့နဲ့အတူပါဝင်ပြီး လုပ်အားပေးတာပါလဲ။

ဖြေ – ကျွန်တော် စိန်ပန်းကပါ။ စိန်ပန်းသာရေးနာရေး လူငယ်အဖွဲ့ခေါင်းဆောင်ပါ။

မေး – ဟုတ်ကဲ့ ကိုအောင်နိုင်တို့အနေနဲ့ ဒီနေ့လုပ်အားပေးဖို့အတွက်ကို ဘယ်လိုဆက်သွယ်ပြီး ဘယ်လိုပါဝင်ခဲ့တာပါလဲ။

ဖြေ – ကဘာရ်စတာန်သာယာရေးကော်မတီက ဖိတ်ကြားပြီး အစည်းအဝေးခေါ်တယ်။ သူတို့က ဆက်သွယ်တယ်။ ကဘာရ်စတာန်မှာ ညစ်ပတ်နေတယ်။ အထူးသဖြင့် သစ်ရွက်တွေနဲ့တအားရှုပ်ပွနေပြီး သန့်ရှင်းရေးအတွက် လိုအပ်နေတယ်။ ဒါဆိုရင် ကျွန်တော်တို့ သာရေးနာရေးအသင်းတွေစုပေါင်းပြီး သန့်ရှင်းရေးလုပ်ကြရင် ကောင်းမယ်လို့ပြောကြပြီးကဘာရ်စတာန်စုပေါင်းသန့်ရှင်းရေးအတွက် ၀ိုင်းဝန်းလုပ်အားပေးပြီးလုပ်ဆောင်ကြဖို့ဆုံးဖြတ်လိုက်ကြတာပါ။ လူငယ်အဖွဲ့တွေအနေနဲ့ ဘယ်လိုပါဝင်နိုင်မလဲဆိုတာမေးတော့ အဲဒီနေ့က အစည်းအဝေးတက်ကြတဲ့ အဖွဲ့တွေက တစ်ဖွဲ့ကို လူ-၂၀ လောက်စီပါဝင်ကြမယ်လို့ပြောတယ်။ တချို့အဖွဲ့ကလည်း လူ-၅၀လောက် ပါဝင်ကြမယ်လို့ပြောတယ်။

မေး – ဒါဆို အစ်ကိုတို့ စိန်ပန်းလူငယ်အဖွဲ့က လူ-၂၀ လာကြတယ်ပေါ့။ ကျန်တဲ့အဖွဲ့တွေကရော ဘယ်လိုလာကြလဲ။

ဖြေ – ဟုတ်ကဲ့ ကျွန်တော်တို့က လူ-၂၀ ပါဝင်ကြတယ်။ တချို့အဖွဲ့တွေက ၁၅-ယောက်၊ အယောက်-၂၀၊ တချို့ အယောက်-၃၀ ပါဝင်ကြပါတယ်။ စုစုပေါင်းအင်အား ၂၀၀-ကျော်လောက်ရှိပါတယ်။

မေး – အခု … တစ်ခြား ဘယ်အဖွဲ့တွေ ပါဝင်သေးလဲ။

ဖြေ – စကြာမြောက်ဗလီ၊ စိန်ပန်းသာရေးနာရေး လူငယ်အဖွဲ့၊ စေတနာမွန်လူမှုရေးအသင်း၊ ကျောက်ဗလီလူမှုရေးအသင်း၊ အစ္စလာမ့်ရောင်ခြည်လူမှုရေးအသင်း၊ စကြာလူမှုရေးအသင်း၊ ဟင်ဒွတ်စ်တာနီလူမှုရေးအသင်း၊ ဈ-လူငယ်၊ နိဗ္ဗာန်ဆော်+ဇာဝေယာလူမှုရေးအသင်း၊ အိုးတော်ဗလီလူမှုရေးအသင်း … ဒါက ကျွန်တော် လှမ်းမြင်သလောက်ပြောတာပါ။

မေး – ဟုတ်ကဲ့ အစ်ကို့အနေနဲ့ ဒီနေ့ ပါဝင်ခဲ့ရတဲ့လုပ်အားပေးအစီအစဉ်လေးကို ဘယ်လိုများ ခံစားရပါသလဲ။

ဖြေ – ဒါကတော့ ကိုယ့်သင်္ချိုင်းကိုယ် တန်ဖိုးထားရမှာပဲလေ။ ဒါကြီး ညစ်ပတ်ရှုပ်ပွနေတာမြင်ရင် စိတ်မချမ်းသာပါဘူး။ မွတ်စလင်မ်တစ်ယောက်အနေနဲ့ သင်္ချိုင်းကိုတန်ဖိုးထားပါတယ်။ ပြီးတော့ အခုဒီမှာ အဖွဲ့ပေါင်းစုံပါဝင်တဲ့အတွက် တစ်မြို့တည်းသားတွေ အားလုံးစုစုစည်းစည်းလုပ်ဆောင်နေကြတာတွေ့ရတော့ ၀မ်းသာတယ်။

မေး – ဒါဆို အခုဒီမှာ လူငယ်တွေ တစ်ဖွဲ့နဲ့တစ်ဖွဲ့ အချိတ်အဆက်မိမိ စုစည်းလုပ်ဆောင်နေကြတာလေး ရှိတယ်ပေါ့နော်။

ဖြေ – ဟုတ်ကဲ့ တစ်ယောက်နဲ့တစ်ယောက် ရင်းနှီးမှု၊ စုစည်းမှု ပိုလာတယ်လို့ ခံစားရတယ်။

မေး – ဟုတ်ကဲ့အစ်ကို ကျေးဇူးတင်ပါတယ်။ တစ်ခြားတော့ အများကြီးမမေးတော့ပါဘူး။ အစ်ကိုရော ဘာများပြောချင်ပါသေးလဲ။

ဖြေ – ကျွန်တော်လည်းဝမ်းသာပါတယ်။ ဒါပေမယ့် စိတ်ထဲမှာတော့ မန္တလေးမြို့ မွတ်စလင်မ်ထုအနေနဲ့ ကဘာရ်စတာန်ဟာ အားလုံးနဲ့ဆိုင်နေတယ်။ အများပါဝင်သင့်ပေမယ့် လူအများမပါဝင်ကြတာတော့ စိတ်မကောင်းဖြစ်မိပါတယ်။

မေး – ဟုတ်ကဲ့ပါ ကျေးဇူးတင်ပါတယ်နော် အစ်ကို။

ဖြေ – ဟုတ်ကဲ့ပါ ဟုတ်ကဲ့။

xxxxxxxxxxxxxxxxxxxx

မေး – အတ်စလာမုအလိုင်ကွမ်း …

ဖြေ – ၀အလိုင်ကွမ်းစလာမ် …

မေး – အန်ကယ်လ်ကို ကဘာရ်စတာန်နဲ့ပတ်သက်ပြီး နည်းနည်းလောက်မေးခွင့်ပြုပါ။

ဖြေ – မေးပါ ရပါတယ်။

မေး – အန်ကယ်လ်နာမည်လေးတစ်ချက်လောက် ပြောပြပေးပါလား။

ဖြေ – ကျွန်တော့်နာမည်က ဦးတင်ဝင်း၊ ကီးမားဦးတင်ဝင်းပါ။

မေး – အန်ကယ်လ်က ဒီကြာနီကန်ကဘာရ်စတာန်မှာ ဘာတာဝန်များယူထားတာပါလဲ။

ဖြေ – ဥက္ကဋ္ဌပါ။ ကဘာရ်စတာန်သာယာလှပရေးကော်မတီမှာ ဥက္ကဋ္ဌတာဝန်ပါ။

မေး – ဒီနေ့လုပ်တဲ့အစီအစဉ်လေးကို နည်းနည်းပြောပြပေးပါဦး။ ဘယ်လိုစီစဉ်ပြီး လုပ်ခဲ့ကြသလဲဆိုတာကိုပေါ့။ ဒီမှာ လူငယ်တွေအများစုပါဝင်တယ်ဆိုတော့လေ။

ဖြေ – ဒီမှာက အမြဲတမ်းတော့သန့်ရှင်းရေးလုပ်ပါတယ်။ ဒါပေမယ့် အခုက နွေရာသီမှာ သစ်ရွက်တွေ ကြွေတော့ သစ်ရွက်ခြောက်တွေနဲ့တအားရှုပ်ပွသွားတယ်။ ဒါဆို ရှင်းလင်းဖို့လည်းလိုတယ်လေ။ ပြီးတော့ မကြာခင်မှာ ရှဗေ့ဗရသ်လည်းရောက်တော့မယ်။ ဒီမှာ ရှုပ်ပွနေရင် ကဘာရ်စတာန်ကို ဇေယာရသ်လာတဲ့လူတွေလည်း စိတ်အနှောက်အယှက်ဖြစ်မယ်။ ဒါကြောင့် အခု ကြိုပြီးတော့သန့်ရှင်းရေးလုပ်တာပါ။ နောက်ပိုင်းမှာ အခုလို စုပေါင်းပြီး တစ်လတစ်ကြိမ်လောက်လုပ်ဖို့လည်း စိတ်ကူးရှိတယ်။

မေး – ဟုတ်ကဲ့၊ တစ်လတစ်ကြိမ် ပုံမှန်လုပ်ဖို့ပေါ့နော်။

ဖြေ – ဟုတ်ပါတယ် အမြဲတမ်းပါ။

မေး – အန်ကယ်လ်တို့ ကဘာရ်စတာန်သာယာလှပရေးအတွက် လုပ်ဆောင်တဲ့အခါ ဘာတွေများလိုအပ်ချက်တွေရှိပါသလဲ။ ရှေ့ဆက်ပြီး ဘာတွေများလုပ်ဖို့ အစီအစဉ်တွေ ရှိပါသလဲ။

ဖြေ – ဟိုးအရင် ပထမက မန္တလေးမှာ ဒဖွနာလို့ရတဲ့နေရာတွေ အများကြီးပေါ့။ ဒါပေမယ့် အခုနောက်ပိုင်း မြို့ထဲက ကဘာရ်စတာန်တွေလည်း ပိတ်ခံလိုက်ရတယ်လေ။ အခုဆို အမရပူရတို့ကအစ ဒီမှာလာပြီး ဒဖွနာရတော့ ဒီဘက်အခြမ်းကပြည့်လာပြီဆိုတော့ မြောက်ဘက်ခြမ်းမှာ တိုးချဲ့ရတော့မှာ။ အဲလိုချဲ့ရတဲ့အခါမှာ သင်္ချိုင်းတစ်ခုရဲ့ အင်္ဂါရပ်နဲ့ညီအောင် ရေပိုက်လိုင်းတွေသွယ်ရမယ်၊ မီးတိုင်တွေစိုက်ရမယ်၊ နားနေဆောင်တွေလုပ်ရမယ်၊ လူသွားလမ်း(အုတ်လမ်း)တွေရှိရမယ်။ အဲဒီအတွက်ကို အခုလုပ်ဆောင်နေတာတော့ သိန်း-၃၀၀ လောက်ကုန်နေပြီ။ နောက်ထပ် သိန်း-၁၅၀ လောက်တော့ထပ်လိုမယ်။ အဲဒီအတွက်လည်း ရှာဖွေနေပါတယ်။

မေး – ဟုတ်ကဲ့ ကဘာရ်စတာန်သာယာလှပရေးအတွက် တခြားစိတ်ဝင်စားသူများရှိလို့ အန်ကယ်လ်တို့နဲ့ ဆက်သွယ်ချင်တယ်ဆိုရင်ရော။

ဖြေ – ဟုတ်ကဲ့ အန်ကယ်လ်တို့နဲ့ ဆက်သွယ်နိုင်ပါတယ်။ အန်ကယ်ကတဆင့်လည်း ကော်မတီကို ဆက်သွယ်လို့ရပါတယ်။ အန်ကယ့်လိပ်စာက ၃၅-လမ်း၊ ၇၆-လမ်းထောင့်၊ ကီးမားတင်ဝင်း ဆိုရင် အားလုံးသိကြပါတယ်။ ဖုန်းနံပါတ်က (09-2005110) ပါ။ နောက်ပြီးတော့ အတွင်းရေးမှူး ဦးဝလီတင်အောင် (09-43171940) နဲ့ ဘဏ္ဍာရေးမှူး ဦးဘညွန့် (09-402578378) ကိုလည်း ဆက်သွယ်နိုင်ပါတယ်။

မေး – ဟုတ်ကဲ့ပါ အန်ကယ်လ်။ အခုဆို ဒီမှာ လူငယ်အဖွဲ့တွေ တော်တော်များများတွေ့ရတယ်နော်။

ဖြေ – ဟုတ်ပါတယ် အဖွဲ့တွေ တော်တော်များများကလာပြီး လုပ်အားပေးကြပါတယ်။ နှစ်စဉ်လည်း လုပ်အားပေးဖြစ်ကြပါတယ်။

မေး – ဟုတ်ကဲ့ပါ အန်ကယ်လ်။ အန်ကယ့်လ်အနေနဲ့ တစ်ခြား ဘာများပြောချင်ပါသေးလဲ။ ကဘာရ်စတာန်ကိစ္စနဲ့ပတ်သက်ပြီးတော့ရော နောက်ပြီး ဒီနေ့ အစီအစဉ်လေးအတွက်ရောပေါ့။

ဖြေ – အခုလို စုံစုံလင်လင်လာပြီးလုပ်အားပေးကြတော့ အရမ်းကိုဝမ်းသာပါတယ်။ နောက်ပြီး အခုလုပ်အားပေးကြသူတွေကို ကျွေးမွေးဧည့်ခံတာတွေအတွက် ကော်မတီက ပိုက်ဆံကို တစ်ပြားတစ်ချပ်မှ မသုံးစွဲပါဘူး။ ကော်မတီဝင်တချို့နဲ့ အခြားအလှူရှင်တချို့ကစိုက်ထုတ်ပြီးတော့ ကျွေးမွေးဧည့်ခံတာအားလုံးဆောင်ရွက်ပါတယ်။

မေး – ဟုတ်ကဲ့ပါ။

ဖြေ – သင်္ချိုင်းသာယာလှပရေးအတွက်လည်း အလှူရှင်တွေရဲ့အင်အားက အင်မတန်မှ လိုအပ်ပါတယ်။ ကဘာရ်စတာန်အတွက်က ပုံမှန်ဝင်ငွေမရှိဘူး။ ဖြစ်နိုင်ရင်တော့ ၀န်ထမ်းတစ်ယောက်လောက် ခန့်ထားသင့်ပါတယ်။ ခန့်ထားသင့်တယ်ဆိုတာ ဒီမှာလာပြီးတော့ လှူဒါန်းချင်သူ ဘာညာရှိရင်လည်း လွယ်ကူအောင်လို့ပါ။ အဲဒါလေး စဉ်းစားထားတာတော့ရှိတယ်။ ကြိုးစားနေပါတယ်။

မေး – ဟုတ်ကဲ့ပါအန်ကယ်လ် အခုလို ပြောပြပေးတာ ကျေးဇူးအများကြီးတင်ပါတယ်။

ဖြေ – အခုလို မေးတာအတွက် အန်ကယ်လ်ကလည်းကျေးဇူးတင်ပါတယ် …… ။

xxxxxxxxxxxxxxxxxxx

လုပ်အားပေးကြရန် ရောက်လာကြစဉ်နှင့် ပြင်ဆင်နေကြစဉ်

 

 

 

သန့်ရှင်းရေး စလုပ်ကြစဉ်

 

 

လုပ်အားပေးကြသူအားလုံးထမင်းစားကြချိန် (အလှူရှင်ရဲ့ ဒံပေါက်ထမင်းဗူး)

< ကိုယ်တိုင်လည်း ထမင်းစားနေလိုက်လို့ ဓါတ်ပုံနည်းနည်းပဲ ရိုက်လိုက်ရတယ် >

ရှင်းလင်းပြီးတဲ့ တစ်စိတ်တစ်ပိုင်း

xxxxxxxxxxxxxxxxxxx

ကျွန်မမြင်တွေ့ခဲ့ရတဲ့ လုပ်အားပေးအစီအစဉ်လေးကတော့ လူငယ်တွေရော လူကြီးတွေပါ ချွေးဒီးဒီးကျ ပင်ပန်းနေပေမယ့် ပျော်ရွှင်စွာ ၀ိုင်းဝန်လုပ်ဆောင်နေကြတာလေးမြင်ရတော့ ရင်ထဲမှာဝမ်းသာပီတိဖြစ်မိပါတယ်။

စုစုစည်းစည်းတက်ညီလက်ညီလုပ်အားပေးကြခဲ့သများအားလုံးကို ဂုဏ်ယူဝမ်းမြောက်ကြောင်း မှတ်တမ်းတင်မိပါတယ်။

ကျွန်မပြန်လာတဲ့အချိန်မှာ သိလိုက်ရတာတစ်ခုက စုပေါင်းသန့်ရှင်းရေးလုပ်တာ ဒီနေ့ မပြီးပြတ်တာကြောင့် နောက်တစ်ပတ်ခြားမှာ စုပေါင်းသန့်ရှင်းရေး တစ်ခါပြန်လုပ်မယ်ဆိုတာကို သိခဲ့ရပါတယ်။

နောက်ပိုင်းလုပ်မယ့် လစဉ်သန့်ရှင်းရေးလုပ်အားပေးအစီအစဉ်လေးမှာ အလ္လာဟ်အရှင်မြတ် အလိုတော်နဲ့ မန္တလေးမြို့မှ မွတ်စလင်မ်လူငယ်ထုအင်အား ဒီထက်မက ပါဝင်နိုင်ကြပါစေလို့ ဒုအာပြုမိပါတယ် ………

အခုအစီအစဉ်လေးမှာ ပါဝင်ခဲ့ကြသူများအားလုံးအပေါ်သို့ အလ္လာဟ်အရှင်မြတ်မှ ထာဝရကူညီစောင့်ရှောက်တော်မူပါစေ …….. အာမီးန်း ……

 

ဓါတ်ပုံနှင့် အင်တာဗျူး- ဝိုင်း

Tags:

Leave a Reply