6 months ago
ရိုဟင်ဂျာ ၇ ဦးကို အိန္ဒိယနိုင်ငံက မြန်မာကို ပထမဆုံးအကြိမ် ပြန်ပို့
10 months ago
ဓာတ်ပြားအဆိုတော် တေးသံရှင် ဒေါ်မာမာဝေ အသက်(၉၃) နှစ် ကွယ်လွန်
10 months ago
ဒုက္ခသည်စခန်းမှ လုပ်အားပေးဆရာမတစ်ဦး ရခိုင်မှ ရန်ကုန်သို့လာစဉ် လဝကဥပဒေဖြင့် အဖမ်းခံရပြီး ထောင်တစ်နှစ်ကျ
1 year ago
ဦးဇော်ဌေး (ခ) မှူးဇော်အား ဌာနပြောင်းရွှေ့တာဝန်ပေး
1 year ago
NVC ကဒ် လက်ခံရန် ဖိအားပေးခံရမှုကို ငြင်းဆိုသော ကမန်တိုင်းရင်းသားများ စီးပွားရေးပိတ်ဆို့ခံနေရ
1 year ago
ASEAN ထိပ်သီးများ ရိုဟင်ဂျာအရေး ဆွေးနွေး
1 year ago
Drone မှုနဲ့ဖမ်းခံရသူ သတင်းထောက်တွေ မိသားစုနဲ့တွေ့ခွင့်မရသေး
1 year ago
မြန်မာ-ဘင်္ဂလားဒေ့ရှ် သဘောတူညီချက် (၁၀)ချက် လက်မှတ်ရေးထိုး
1 year ago
AA ဒုဗိုလ်မှူးကြီး အပါအ၀င် ၉ ဦးကို ငွေကြေးခ၀ါချမှုနဲ့ အမှုဖွင့်စစ်ဆေး
1 year ago
ဘာသာပေါင်းစုံ ဆုတောင်းပွဲ (ရုပ်သံ)

ဇန်နဝါရီ ၂၃၊ ၂၀၁၄
ရေးသူ- အတီး ဝါးလုံးရှည်

မြန်မာနိုင်ငံရှိ ဈေးတစ်ဈေး တွင် ညလူခြေတိတ်ချိန်တွင် မီးလန့်လေသည်။(ဖွဟဲ့ မပြောကောင်း မဆိုကောင်း) မီးသတ်ကား ဥဩဆွဲသံများ လူများ၏ ဆူဆူညံညံ အသံများကြောင့် လူအများသည် မီးလောင်နေရာသို့ စုရုံးရောက်ရှိသွားပြီး မီးခိုးလုံးဖြူဖြူကြီးများမှာ ကောင်းကင်ပေါ်သို့ တလိမ့်လိမ့်တက်နေပြီ ဖြစ်သည်။

ထို လူအုပ်ထဲမှ လူတစ်ယောက် သည် လူအုပ်ကြီးအား တိုးဝှေ့ကာ ဓာတ်ပုံရိုက်ပြီး ဘယ်နေရာ ဘယ်ဈေးတွင် ဘယ်အချိန်မီးလောင်ဟု ဖေ့ဘုတ်ပေါ်တွင် စတေးတပ်တင်လိုက်လေသည်။ စက္ကန့် အနည်းငယ် အကြာတွင် အောက်မှ ကောမန့်များ ရှယ်လုပ်သူများ ဝေဝေ ဆာဆာ တက်လာလေသည်။

ပြည်တွင်းနေ၊ပြည်ပနေများ။        

။အင်း ဒီဈေးမှာ မွတ်စလင်တွေ ပိုင်တာများလို့ မနာလို မရှူစိမ့်လို့ လုပ်ကြံပြီး တစ်ယောက်ယောက်က မီးတင်ရှို့တာပဲဖြစ်ရမယ်။ ဪ အတော်အကြင်နာတရား ကင်းမဲ့ပြီး ယုတ်မာတဲ့ လူတွေပါပဲလား။

ဒီမို သာကူး။ ။

ဟာကွာ၊ ဒီအစိုးရတော့ သက်သက် ယုတ်မာပြီ၊ဒီနယ်မြေဟာ ရွေးကောက်ပွဲ မှာ အမေစုကို မဲ အများဆုံးပေးခဲ့လို့ သက်သက် ယုတ်မာတာပဲဖြစ်ရမယ်။တော်တော် ယုတ်မာတဲ့ အစိုးရ။အဆင့်ကိုမရှိတာ။ ဒီလို အချိုးမျိုးနဲ့ အမျိုးသား ရင်ကြားစေ့ရေး၊ အမျိုးသမီး ရင်ညွန့် ဖော်ရေးတွေ ဘယ်လိုလုပ်ပြီး ဖြစ်နိုင်မှာလဲ။ထွီ၊

လူ အခွင့်အရေး သမား။ ။

ဟ မြန်မြန်ငြိမ်းပါဟ၊ တကတည်းမှပဲ လူ့ အသက်တွေဟာ အားလုံးထက် ပိုအရေးကြီးတယ် ဆိုတာ မသိကြဘူးလား။ ငါတို့ မြန်မာပြည်သူတွေ အသိဉာဏ် မဖွံ့ဖြိုးသေးတာ ဘာဆန်းလဲ၊အဲဒါပဲကြည့်တော့ ၊မဖြစ်သေးပါဘူး။အင်း ငါသိ ငါတတ်ထားတာလေးတွေ ချရေးပြီး ဖေ့ဘုတ်ပေါ်ကပြည်သူတွေကို အလင်းရောင် ဖြန့်ဝေဦးမှပါပဲ။

အွန်လိုင်း မျိုးချစ် ကီးဘုတ် သူရဲကောင်း။ ။

တောက် ကုလားတွေတော့ ယုတ်မာပြီဟေ့၊ ကဲ အဲဒါပဲကြည့်ကြပေတော့ မြန်မာ အမျိုးသားကောင်းတို့ရေ၊ ဒီကုလားတွေဟာ မီးရှို့မယ်။ ပြီးရင် မီးရှို့ခံရလို့ ဆို အသနားခံပြီး မြန်မာမလေးတွေကို ရအောင်ယူမယ်၊သူတို့ ဘာသာထဲကိုဝင်ခိုင်းမယ်။အဆုံးသတ်မှာတော့ အမျိုးရော၊ဘာသာကိုပါ ဖျက်ဖို့ ကြံနေကြပြီ၊ကုလားမှန်ရင် မသနားနဲ့ အကုန်ရှင်း။

တိုင်းချစ်ပြည်ချစ် တပ်မတော်သားတစ်ဦး။ ။

ကြည့်လေ ကြည့်ပါလား၊ ဒီ ပြည်သူဆိုတဲ့ကောင်တွေ မီးလောင်တာလေးကို များပွဲလုပ်နေသေးတယ်၊ ငါတို့ဆို နေ့တိုင်း ငပိစား၊ ပဲကြီးရည်သောက်၊ ငှက်ပျောအူကို ဟင်းလုပ်ပြီး အသက်ဆက်နေရတာ၊ဘယ်လောက် သနားဖို့ကောင်းလိုက်တဲ့ ငါတို့ ဘဝ။ငါတို့တပ်မတော်သားတွေ ဘယ်လောက်သေသေ အကောင်းပြောမဲ့ကောင်တွေ မဟုတ်ပါဘူးကွာ။

ကြံ့ဖွတ် လွှတ်တော် အမတ်တစ်ဦး။ ။

ဒီကိစ္စဟာ အတော်အရေးကြီးပါတယ်၊ ဒါတွေကို ကျွန်တော်တို့ အတွေ့အကြုံ ယူပြီး ဒီလိုမျိုး နောင် မဖြစ်အောင်လို့ မီးသတ် ထောက်ပံ့ရေး ပစ္စည်းတွေ၊ဆောက်လုပ်ရေး ပစ္စည်းကောင်းကောင်းတွေကို ဦးပိုင် မှတဆင့် တရုတ်နိုင်ငံက ဝယ်ယူတင်သွင်းဖို့ လွှတ်တော်မှာ အဆိုတင်သွင်းဖို့ ကျွန်တော်ကြိုးစားပါ့မယ်။ စကားမစပ် သမ္မတကြီး ဦးသိန်းစိန် ကျန်းမာချမ်းသာပါစေ။

ခရိုနီ သူဌေးကြီး တစ်ဦး။ ။

အို ဒီလို သတင်းမျိုးတွေ ကြားရတာ ကျွန်တော် အလွန် စိတ်မကောင်းဖြစ်မိပါတယ်ခင်မျာ။ မီးဘေးဒါဏ်ခံ ပြည်သူတွေကို ကူညီဖို့ အတွက် ကျွန်တော် အလကားရထားတဲ့ ဖုန်း sim card တွေကို တခါသုံးလို့ ပြောပြီး ဒေါ်လာတွေ၊ FEC တွေနဲ့ တင်ရောင်းလို့ ရတဲ့ အမြတ်ငွေတွေထဲက ခွဲဝေ လှူဒါန်းပါတယ်ခင်မျာ။ပြည်သူများ ဘေးရန် ကင်းဝေးကြပါစေ။

ဖေ့ဘုတ်ပေါ်က လစ်ဘရယ်။ ။

ဒီ မီးလောင်မှူဟာ သွေးရိုးသားရိုး မဟုတ်ပေမဲ့ လက်ရှိ အစိုးရက လုပ်တယ်လို့ တထစ်ချ ယူဆလို့ မရသလို အမျိုးသား ဒီမိုကရေစီ အဖွဲ့ချုပ်နဲ့ တိုက်ရိုက် ပတ်သက်နေတယ်လို့ ကျွန်တော်မယုံကြည်ပါဘူး။ အရှိကို အရှိအတိုင်း ဝေဖန်သုံးသပ်ရမယ် ဆိုရင်တော့ ဒါတွေအားလုံးဟာ ပြည်သူတွေရဲ့ ပေါ့ဆမှူလို့ အမြဲ မှတ်ယူလို့ မရနိုင်သလို မီးသတ်သမားတွေရဲ့ ခေတ်မှီ မီးသတ် ကာကွယ်ရေး နည်းပညာနဲ့ ပစ္စည်းပိုင်း ဆိုင်ရာအားနည်းချက်ကိုလဲ ကျွန်တော်တို့ ထည့်စဉ်းစားသင့်ပါတယ်။ အသေးစိတ်ကိုတော့ ကျွန်တော် အိမ်ပြန်ရောက်ပြီး အမူးပြေတော့မှပဲ စတေးတပ် သက်သက်တင်ပြီး တင်ပြပါမယ် ခင်မျာ။ ဂေ့ (လေချဉ်တက်သံ)

ဖျာခင်း နိုင်ငံရေးသမား။ ။

ဟ ဟ ဒါမျိုးတော့ ကျွန်တော်တို့က လက်မခံနိုင်ပါဘူး။ဈေးတွေမီးလောင်မယ်။ လောင်ပြီး ကျန်တဲ့ မြေကွက်ကို ပြည်သူပိုင်သိမ်းပြီး တရုတ်ကုန်သည်တွေလတ်ကို ထိုးရောင်းမယ်။ ဟ ဟ ရိုးနေပြီ အဆင်တွေက၊ဒါမျိုးတွေ လက်မခံဘူး။ အတတ်နိုင်ဆုံး ကန့်ကွက်ဆန့်ကျင်ပြီး ဆန္ဒထုတ်ဖော်ပွဲ ကျင်းပရမယ်။စိတ်ဝင်စားသူများ မနက်ကျရင် မြို့တော်ခန်းမရှေ့ကိုလာခဲ့ကြပါ။ အခုတောင် ဗီနိုင်းတွေရိုက်ပြီးပြီ၊ ပြီးတာနဲ့ လယ်သမားတွေကို ကားတစီးနဲ့ အပြည့်သွားခေါ်လာဖို့ ကျွန်တော့တာဝန်ထားပါ။

ထို အတိုင်း ကောမန့် နိုတီများ တတီတီတက်နေပြီးနောက် တစ်နာရီခန့် အကြာတွင် အောက်ဆုံးမှ ကောမန့်လေးတစ်ကြောင်း တက်လာသည်။ထို့ ကောမန့်တက်လာပြီးနောက် မည်သူမှ ထပ် မမန့်ရဲကြတော့ပဲ အပေါ်က မန့်ထားသူ အချို့ အရင် မန့်ပြီးသားကို မသိချင်ယောင်ဆောင်ကာ အသာလေး ဖျက်သူက ဖျက်သွားကြသည်။
ထိုကောမန့်မှာကား

မီးသတ်သမားတစ်ဦ။ ။ ဒီမှာ ဘာတွေဖြစ်နေကြတာလဲဗျို့၊ ကျွန်တော် အဲဒီနေရာက မီးသတ်သမားပါ၊ ညဘက် လူခြေတိတ်ချိန် ခြင်နိုင်ဆေး မီးခိုးငွေ့ လိုက်မှုတ်တာကို မီးခိုးငွေ့နဲ့ မှားပြီး လမ်းပေါ်က ပြည်သူတစ်ယောက်က အကြောင်းကြားလိုက်လို့ပါ။ စိတ်မပူကြပါနဲ့၊ ဟူး။

စာရေးသူ၏ ခွင့်ပြုချက်ဖြင့် ဖော်ပြပါသည်။

Tags:

Leave a Reply