10 months ago
ရိုဟင်ဂျာ ၇ ဦးကို အိန္ဒိယနိုင်ငံက မြန်မာကို ပထမဆုံးအကြိမ် ပြန်ပို့
1 year ago
ဓာတ်ပြားအဆိုတော် တေးသံရှင် ဒေါ်မာမာဝေ အသက်(၉၃) နှစ် ကွယ်လွန်
1 year ago
ဒုက္ခသည်စခန်းမှ လုပ်အားပေးဆရာမတစ်ဦး ရခိုင်မှ ရန်ကုန်သို့လာစဉ် လဝကဥပဒေဖြင့် အဖမ်းခံရပြီး ထောင်တစ်နှစ်ကျ
2 years ago
ဦးဇော်ဌေး (ခ) မှူးဇော်အား ဌာနပြောင်းရွှေ့တာဝန်ပေး
2 years ago
NVC ကဒ် လက်ခံရန် ဖိအားပေးခံရမှုကို ငြင်းဆိုသော ကမန်တိုင်းရင်းသားများ စီးပွားရေးပိတ်ဆို့ခံနေရ
2 years ago
ASEAN ထိပ်သီးများ ရိုဟင်ဂျာအရေး ဆွေးနွေး
2 years ago
Drone မှုနဲ့ဖမ်းခံရသူ သတင်းထောက်တွေ မိသားစုနဲ့တွေ့ခွင့်မရသေး
2 years ago
မြန်မာ-ဘင်္ဂလားဒေ့ရှ် သဘောတူညီချက် (၁၀)ချက် လက်မှတ်ရေးထိုး
2 years ago
AA ဒုဗိုလ်မှူးကြီး အပါအ၀င် ၉ ဦးကို ငွေကြေးခ၀ါချမှုနဲ့ အမှုဖွင့်စစ်ဆေး
2 years ago
ဘာသာပေါင်းစုံ ဆုတောင်းပွဲ (ရုပ်သံ)

အောက်တိုဘာ ၁၀ ၊ ၂၀၁၄
M-Media
WP-muslim-minorities-Dreamstime-sm
မွတ်စ်လင်မ်လူနည်းစုရှိရာ တိုင်းပြည်များရှိ ပုံသေ မူဟန်များမှ ခွဲထွက်ပြီး ထူးခြား ထိရောက်စွာ ဖောက်ထွက် အောင်မြင်ခဲ့သည့် မွတ်စ်လင်မ်များ အကြောင်း လေ့လာနိုင်အောင် တင်ဆက်ပါမည်။

နယ်သာလန်နိုင်ငံသား မွတ်စ်လင်မ်တစ်ဦးအနေနှင့် ကျွန်ုပ်သည် ရွှေ့ပြောင်းဝင်ရောက် အခြေချလာသည့်မွတ်စ်လင်မ် (တူရကီနှင့် မော်ရိုကိုနွယ်ဖွား အများစု) တို့မှာ ဒတ်ခ်ျ ယဉ်ကျေးမှုအတွင်း ရောယှက် လက်ခံသင့်ကြောင်း မကြာခဏ ဆိုသလို မီဒီယာများမှ တဆင့် ဖတ်ရှုရပါသည်။

ထိုဒတ်ခ်ျယဉ်ကျေးမှုအား လူသားဝါဒ၊ လောကီဝါဒ၊ ကက်သလစ်ဝါဒနှင့် ပရိုတက်စတင့်ဝါဒတို့ကို သဟဇာတဖြစ်စွာ ယာယီပေါင်းစည်ချက် တစ်ရပ်အဖြစ် ကျယ်ကျယ်ပြန့်ပြန့် ဖော်ပြကြသည်။ ယဉ်ကျေးမှု အားနည်းခြင်းကြောင့် လည်းကောင်း၊ ဖိအားပေးခံရခြင်းကြောင့်လည်းကောင်း အခြေချသူ လူသစ်တို့မှာ ကြီးစိုးလွှမ်းမိုးနေသည့် ယဉ်ကျေးမှုဖက် ပိုမိုအားသာသည်ကို တွေ့ရ၏။

ကံမကောင်းအကြောင်းမလှစွာဖြင့် ၉/၁၁ အရေးပြီးသည့်နောက် မွတ်စ်လင်မ်တို့မှာ အယူသည်းဝါဒီ အုပ်စုဝင်များ၊ ခေတ်နောက်ပြန်ဆွဲ ဖိုဝါဒီ အစွန်းရောက်သမားများ အဖြစ် တံဆိပ်တပ်ခံရသည်။ ဒုတိယကမ္ဘာစစ်နောက်ပိုင်း ဥရောပနှင့် မြောက်အမေရိကတိုက်တွင် ယဉ်ကျေးမှုနှင့် လူမျိုး ရောယှက်မှု ကိစ္စများ အတော်အတန် မြင့်မားလာခဲ့သည်။ လွတ်လပ်စ ကိုလိုနီနယ်များမှ အလုံးအရင်းပြောင်းရွှေ့ ၀င်ရောက်လာကြခြင်း၊ ၁၉၇၀-၈၀နှစ်များအတွင်း တမဟုတ်ချင်း စီးပွားဖွံ့ဖြိုးမှုကို ကျားကန်ပေးမည့် လုပ်သားများ ခေါ်ယူခြင်း၊ ပဋိပက္ခဒေသများရှိ ဒုက္ခသည်များကို လက်ခံခြင်းတို့ကြောင့်ဖြစ်၏။ ယခုသော် ပြောင်းရွှေ့အခြေချခြင်းနှင့် ၎င်း၏ပြဿနာများက လူမျိုးစုံ၊ ဘာသာစုံ၊ ယဉ်ကျေးမှုစုံအကြား ရှုပ်ထွေးယှက်နွယ်မှု ကြီးမားစွာ ဖြစ်ပေါ်လာတော့သည်။ မွတ်စ်လင်မ်လူနည်းစုရှိရာ တိုင်းနိုင်ငံများစွာ၌ မွတ်စ်လင်မ်တို့သည် ဓားစာခံများ ဖြစ်နေကြရသည်။ ထို့ပြင် ဗြောင်ကျကျတစ်မျိုး ကောက်ကျစ်စွာတစ်ဖုံ အစ္စလာမ်ဆန့်ကျင်ရေးသမားတို့၏ တိုက်ခိုက်မှုများကို ရင်ဆိုင်နေရသည်။

ကံကောင်းသည့်အချက်ကား ကမ္ဘာအနှံ့ ယင်းနိုင်ငံများတွင် အောင်မြင်ပေါက်မြောက်သော မွတ်စ်လင်မ် အမြောက်အများ ပေါ်ထွန်း လာခြင်းပင် ဖြစ်သည်။ မှိုင်းသွင်းခံရမှုများအပေါ် အလုပ်ဖြင့် ရင်ဆိုင်ခဲ့ကြသည့် အမျိုးသမီး သုံးဦးနှင့် အမျိုးသားနှစ်ဦးအကြောင်းကို ကျွန်ုပ်တို့မှ တစေ့တစောင်း လေ့လာကြည့်ကြပါစို့။

၂။ လွှတ်တော်အမတ် ဟဒီယဟ် တာဂျစ် (နော်ဝေ) Hadia Tajik, Member of Parliament (Norway)

WP-hadia-tajik1
ပါကစ္စတန်နွယ်ဖွား ဟဒီယဟ် တာဂျစ် (၃၀ နှစ်)သည် နော်ဝေလွှတ်တော်၏ ပထမဆုံးသော မွတ်စ်လင်မ် ဥပဒေပြုလွှတ်တော်အမတ်တစ်ဦးဖြစ်သည်။ သူမသည် နော်ဝေနိုင်ငံရေးလောကထဲ ကာလရှည်စီးမျောလာခဲ့သူလည်း ဖြစ်၏။ တရားရေးဝန်ကြီး၏ အတွင်းရေးမှူးနှင့် အကြံပေးမဖြစ်မီ ၂၀၀၈ နှင့် ၂၀၀၉ ခုနှစ်တွင် စာနယ်ဇင်းသမားအဖြစ် အသက်မွေးခဲ့သည်။ ၂၀၀၉ ခုနှစ် စက်တင်ဘာလတွင် နော်ဝေအလုပ်သမားများ ပါတီ၏ ရွေးချယ်ခံလွှတ်တော် အမတ် ဖြစ်လာသည်။ သုံးနှစ်လွန်သော် ယဉ်ကျေးမှုဝန်ကြီးအဖြစ် ခန့်အပ်ခံရပြီး နော်ဝေ အစိုးရ ဝန်ကြီးများ အနက် အသက်အငယ်ဆုံး ဖြစ်သည်။

တရားရေးဌာန၌ တာဝန် ထမ်းဆောင်နေစဉ် ဟဒီယဟ်သည် ရဲမေများ ဟိဂျာ့ဗ်ဝတ်ဆင်ခွင့်ရရရေး အဆိုပြုချက်ပါဝင်သော “ဟိဂျာ့ဗ်အရေး” အမည်ရှိ လှုပ်ရှားမှုအတွင်း ပါဝင်ခဲ့သည်။ ရှေးရိုးစွဲပါတီများနှင့် ညွန့်ပေါင်းအစိုးရ အဖွဲ့ဝင်များထံမှ ပြင်းထန်သော ဝေဖန်မှု ထွက်လာပြီးနောက် ယင်းအဆိုပြုချက် ပယ်ချခံရသည်။

၂၀၁၂ ခုနှစ်တွင် လာမည့်နှစ် အတွက် သူမ၏အစီအစဉ်များကို လူသိရှင်ကြားထုတ်ပြန်ရာဝယ် ယဉ်ကျေးမှု မတူကွဲပြားခြင်းအား နော်ဝေ လူနေမှုစနစ်ထဲ လက်ခံသင့်ကြောင်း အထူးပြုပြောကြားခဲ့သည်။ “ဟိဂျာ့ဗ်အရေး”၏ နိုင်ငံရေးဂယက် တစ်ဖက်ရှိ သူမ၏ ပါကစ္စတန် ယဉ်ကျေးမှုနှင့် မွတ်စ်လင်မ် အသိုင်းအ၀ိုင်းကိုမူ အထွေအထူး ပူပင်ကြဟန်မတူ။ ဟဒီယဟ်မှာ မိမိကိုယ်ကို မွတ်စ်လင်မ်ဟု ဖော်ညွှန်းနေသော်လည်း သူမထံ လောကီရေးဆိုင်ရာ အရည်အသွေးပြည့်မှီမှု ရှိနေခြင်းကြောင့်လည်း ဖြစ်နိုင်ပေမည်။  နော်ဝေသတင်းဌာန Nettavisen အား သူမက ဤသို့ပြောခဲ့သည်။

“ကျွန်မက မွတ်စ်လင်မ်ဖြစ်နေတဲ့ နိုင်ငံရေးသမားပါ။ ဒါပေမယ့် မွတ်စ်လင်မ် နိုင်ငံရေးသမား မဟုတ်ပါဘူး”။

သူမသည် tweets @HadiaTajik အမည်ဖြင့် ဆိုရှယ်မီဒီယာကို အသုံးပြုသည်။ ၂၀၁၃ စက်တင်ဘာရွေးကောက်ပွဲ၌ သူမ၏ပါတီ ရှုံးနိမ့်သွားပြီးနောက် သူမသည် ယဉ်ကျေးမှုဝန်ကြီးရာထူးကို လက်လွှတ်ခဲ့ရသည်။ သို့တစေ လွှတ်တော်အမတ်နေရာ၌ ဆက်လက်တည်ရှိနေပြီး နော်ဝေနိုင်ငံမြို့တော် အော်စလိုတွင် တာဝန်ထမ်းဆောင်ဆဲဖြစ်သည်။

– ဆက်လက်ဖော်ပြပါမည်။

အပိုင်း(၁) ဖတ်လိုလျှင် Click Here
xxxxxxxxxxxxxxxxxxxx

Sya Taha ရေးသားသော 5 amazing Muslim achievers in minority-Muslim nations ကို မင်းထွဋ်ခေါင် မှ ဆီလျော်အောင် ပြန်ဆိုသည်။

Leave a Reply