5 years ago
ရိုဟင်ဂျာ ၇ ဦးကို အိန္ဒိယနိုင်ငံက မြန်မာကို ပထမဆုံးအကြိမ် ပြန်ပို့
6 years ago
ဓာတ်ပြားအဆိုတော် တေးသံရှင် ဒေါ်မာမာဝေ အသက်(၉၃) နှစ် ကွယ်လွန်
6 years ago
ဒုက္ခသည်စခန်းမှ လုပ်အားပေးဆရာမတစ်ဦး ရခိုင်မှ ရန်ကုန်သို့လာစဉ် လဝကဥပဒေဖြင့် အဖမ်းခံရပြီး ထောင်တစ်နှစ်ကျ
6 years ago
ဦးဇော်ဌေး (ခ) မှူးဇော်အား ဌာနပြောင်းရွှေ့တာဝန်ပေး
6 years ago
NVC ကဒ် လက်ခံရန် ဖိအားပေးခံရမှုကို ငြင်းဆိုသော ကမန်တိုင်းရင်းသားများ စီးပွားရေးပိတ်ဆို့ခံနေရ
6 years ago
ASEAN ထိပ်သီးများ ရိုဟင်ဂျာအရေး ဆွေးနွေး
6 years ago
Drone မှုနဲ့ဖမ်းခံရသူ သတင်းထောက်တွေ မိသားစုနဲ့တွေ့ခွင့်မရသေး
6 years ago
မြန်မာ-ဘင်္ဂလားဒေ့ရှ် သဘောတူညီချက် (၁၀)ချက် လက်မှတ်ရေးထိုး
6 years ago
AA ဒုဗိုလ်မှူးကြီး အပါအ၀င် ၉ ဦးကို ငွေကြေးခ၀ါချမှုနဲ့ အမှုဖွင့်စစ်ဆေး
6 years ago
ဘာသာပေါင်းစုံ ဆုတောင်းပွဲ (ရုပ်သံ)

ဇူလိုင် ၁၉၊ ၂၀၁၇
M-Media

(ဤမိန့်ခွန်းမှာ ၁၉၄၁ ခုနှစ် မေလ ၄ ရက်နေ့က ယင်းတော်မြို့တွင် ကျင်းပပြုလုပ်ခဲ့သည့် ဗမာနိုင်ငံလုံးဆိုင်ရာ ဗမာမွတ်စလင်မ်ကွန့်ဖရင့်တွင် ဆရာကြီးဦးရာဇတ် ပြောကြားခဲ့သည့် မိန့်ခွန်းဖြစ်ပြီး ‘ပြည်ထောင်စု သမ္မတမြန်မာနိုင်ငံတော် အစ္စလာမ်သာသနာရေးရာ ကောင်စီဌာနချုပ်’ ၏ ၀ဘ်စာမျက်နှာတွင် လွှင့်တင်ထားမှုကို ကူးယူဖော်ပြခြင်းဖြစ်သည်။)

– ကျက်သရေမင်္ဂလာနှင့် ပြည့်စုံသော ဒုတိယ အကြိမ်မြောက်  ဗမာနိုင်ငံတော်လုံးဆိုင်ရာ ဗမာမွတ်စ်လင်မ်အဖွဲ့များ၏ အစည်း အဝေးကြီး ဥက္ကဋ္ဌအဖြစ် ကျွန်တော့အား ရွေးချယ်ခန့်ထားခြင်းကို ဗမာမွတ်စ်လင်မ် အချင်းချင်းပေးအပ်ချီးမြှင့်နိုင်သော ဂုဏ်ဒြပ် အပေါင်းတွင် အကြီးဆုံးသော ဂုဏ်ဒြပ်တစ်ခုဟု အောက်မေ့ပါသည်။ ဤချီးမြှင့်အပ်သော ၀တ္တရားကို ကျွန်ုပ်သည် အရှင်မြတ်၏ အလိုတော် နှင့် ကျွန်ုပ်တတ်စွမ်းသမျှ ဆောင်ရွက်ပါမည်။ ယင်းသို့ ဆောင်ရွက် ရာတွင် ကြွရောက်တော်မူကြကုန်သော ကိုယ်စားလှယ်အပေါင်းတို့ ကလည်း ကူညီ ထောက်ပံ့ကြလိမ့်မည်ဟု ယုံကြည် အားထား ပါကြောင်း…………..။

ပါတီဝိုင်းအစည်းအဝေးမဟုတ်

ကျွန်ုပ်သည် ဤအစည်းအဝေးကြီး၏ ဥက္ကဋ္ဌအဖြစ် ဥက္ကဋ္ဌ၏ မိန့်ခွန်းမြွက်ကြားရန် စဉ်းစားစီစဉ်ရာတွင် ဆင်ခြင်မိသည်ကား  ဤအစည်းအဝေးကြီးသည်  မြန်မာပြည်တွင် မကြာခဏ ပြုလုပ်နေကြ ဖြစ်သည့် နိုင်ငံရေးပါတီ အစည်းအဝေးမျိုးလော။

နိုင်ငံရေးပါတီအစည်းအဝေးမျိုးလည်း မဟုတ်။

အဘယ်ကြောင့်ဆိုသော် ဤကျွန်ုပ်တို့အစည်းအဝေးပွဲကြီးတွင် ဆင်းရဲသားဝါဒ  ပါတီ ကိုနှစ်သက်၍ ဆင်းရဲသားဝါဒပါတီဝင်များလည်းပါကြပေလိမ့်မည်။

တို့ဗမာအစည်းအရုံးဂိုဏ်းဝင် ဗမာမွတ်စ်လင်မ်သခင်များလည်း ပါကြ ပေလိမ့်မည်။ မျိုးချစ်ပါတီဝင် မျိုးချစ်အသင်းသား ဗမာမွတ်စ်လင်မ် များ လည်းပါဝင်ကြပေလိမ့်မည်။အခြားဂိုဏ်းများကို နှစ်သက်သူများ လည်း ပါဝင်ကြပေလိမ့်မည်။

ထို့ကြောင့် ဤအစည်း အဝေးကြီးသည် နိုင်ငံရေးပါတီဂိုဏ်း  အစည်းအဝေးမျိုးလည်း  မဟုတ်နိုင်ပေ။

သို့တည်းမဟုတ် ကျွန်ုပ်တို့သည် ရဟန်းပျိုအဖွဲ့နှင့် ယှဉ်ပြိုင် ရန်  အစ္စလာမ်ဘာသာရေး အစည်းအဝေး ပေလော။

ဤသည်လည်းမဟုတ်သေး။ အဘယ်ကြောင့်ဆိုသော် ရဟန်းပျို ကိုယ်တော်များသည် နိုင်ငံရေးတွင်မည်သို့မျှ မစွက်ဖက်၊ ဘာသာရေးကို အဓိကထား၍ ဆောင်ရွက်ကြပေသည်။ ကျွန်ုပ်တို့က နိုင်ငံရေးကို ရှေးရှု၍ ဆောင်ရွက်ကြ၏။

ကျွန်ုပ်တို့ အစည်းအဝေးကြီးသည် မည်သို့သဘောရှိသော အစည်း အဝေးကြီးပေနည်း။ ဖြေဆိုရန် မလွယ်။

ယခု ကြွရောက်လာကြကုန်သော မင်းမိန်းမ၊ ယောက်ျား ပရိတ်သတ်ထဲတွင်- အချို့ကား  အဘသည်  နိုင်ငံခြားသားဖြစ်ပေလိမ့်မည်။

အချို့ကား အဖိုးသာလျှင် နိုင်ငံခြားသားဖြစ်ပေလိမ့်မည် ။  အချို့ကား ဘီ၊ အချို့ကား ဘင်သာလျှင် ဖြစ်ပေလိမ့်မည်။  အချို့ကား မည်သည့် တိုင်းတပါးသားကိုမျှ ပြန်လည် ဆက် သွယ်နိုင်ခြင်းမရှိဘဲ နိုင်ငံခြားသွေး လုံးဝ ချောက်ခန်း ကွယ်ပျောက်၍  ဗမာ လူမျိုး စစ်စစ်သာလျှင် ဖြစ်ကြတော့၏။

မှန်စီရွှေချဗလီ

ဗမာမွတ်စ်လင်မ်တို့မှာ မြန်မာမင်းအဆက်ဆက်တို့က ချီးမြှင့် မြှောက်စား၊ ယုံကြည်သဒ္ဓါတော်မူခြင်းခံခဲ့ကြ၍ ကုန်းတပ်၊ အမြောက် တပ်များကိုအုပ်ချုပ်လျက် သက်စွန့် ကြိုးပမ်းအမှုတော်ကိုထမ်းဆောင် သော လူမျိုးများဖြစ်ခဲ့ကြ၏။

အလောင်းမင်းတရား (ဦးအောင်ဇေယျ) သည် တလိုင်းတို့ ရန်ကို ဖြိုဖျက်ရာ၌ ဗမာမွတ်စ်လင်မ်တို့သည် အလုံး အရင်းနှင့်ဘုရင်မင်းမြတ်၏ ကျေးဇူး သစ္စာတော်ကိုစောင့်သိရိုသေစွာ အမှုတော်ထမ်းသဖြင့်မတူးနယ်၌ မှန်စီရွှေချ ဗလီကြီးများကို ဆောက်လုပ်ချီးမြှင့်ပေးသနားတော်မူခြင်း ခံရပေ၏ ။

ယင်းကဲ့သို့ နှစ်ပရိစ္ဆေဒအဓွန့်ရှည်စွာ မြန်မာဗုဒ္ဓဘာသာများ နှင့် ဒိုးတူဘောင်ဖက် ဘုရင်အကျိုးကို သယ်ပိုးထမ်းဆောင်လာခဲ့ ကြသော ဗမာမွတ်စ်လင်မ်များကို

လွန်ခဲ့သည့်(၁၃၀၀)ပြည့်နှစ် တွင်မှ အမှိုက်ကစ ပြသာဒ်မီးလောင်၊ တိမ်မြုတ်ငုပ်ကွယ်နေသော  စာအုပ် ဟောင်းတစ်အုပ်ကို ရိုးမယ်ဖွဲ့ကာ နိုင်ငံရေးသွေးစုပ်သမား အချို့၏ ပယောဂကြောင့် အဓိကရုဏ်းဖြစ်ခဲ့ရသည်။ ဗမာမွတ်စ်လင်မ်တို့မှာ စိတ်မချမ်းမသာဖြစ်ခဲ့ရသည်။

ဥစ္စာပစ္စည်းဆုံးရှုံးနစ်နာသည်ထက်ရှေးအခါက လုပ်ဖော် ကိုင်ဖက်၊ ပေါင်းဟောင်း သင်းဟောင်း၊ အချင်းချင်းတို့၏ မေတ္တာ ဓာတ်ကို မေ့လျော့လျက်၊ မြန်မာပြည်တွင် စီးပွားရှာရန်မျှသာ လာရောက်သော နိုင်ငံခြားသားများနှင့် မခြား၊ သူစိမ်းပြင်ပြင် ပြုလုပ်ထင်မှတ်ခြင်းခံရသည်ကို ပိုမို နစ်နာကြ၏။ ကျွန်ုပ်တို့သာလျှင် စိတ်မချမ်းမသာဖြစ်ရသည် မဟုတ်။

တိုင်းပြည် ရာဇ၀င်နှင့် နိုင်ငံရေး အမြင်ကျယ်သော ဗုဒ္ဓ ဘာသာ ခေါင်းဆောင်ကြီးများလည်း စိတ်အပျက်ကြီး ပျက်ခဲ့ကြ၏။

ကျွန်ုပ်၏ ထင်မြင်ယူဆချက်ကား ထို(၁၃၀၀)ပြည့်နှစ် အဓိ ကရုဏ်းသည်  ဤအစည်းအဝေးကြီးဖြစ်ပေါ်စေသော အကြောင်းများ အနက် အကြောင်းတစ်ရပ်ဖြစ်၏။ထိုကဲ့သို့ အချင်းချင်း အထင်မှား၊ အမြင်မှား၊ သွေးကွဲခြင်းကို ကာကွယ်ရန်ဖြစ်၏။  ဤသို့ နှစ်စဉ်ကျင်းပလျက်ရှိသည့် ဗမာမွတ်စ်လင်မ် အစည်း အဝေးကြီး၏ ရည်ရွယ်ချက်ကား အဘယ်နည်းဟူသော ပုစ္ဆာ သည် ပေါ်ပေါက်လာပေ၏။

သွေးခွဲအုပ်ချုပ်သောစနစ်

ယခုခေတ်ကား ရှေးခေတ်မဟုတ်တော့ပြီ။ ယခုမင်းကား ရှေးမင်း မဟုတ်တော့ပြီ။ ငါ၏ ကျေးတော်မျိုး ကျွန်တော်မျိုးများဖြစ် ကုန်သော “ပသီ”တို့သည် ရပ်ခြား တိုင်းတစ်ပါးဖြစ်သော မက္ကဟ် မြို့တော်၌ မျက်နှာငယ်၍ ညိုးနွမ်းပင်ပန်းချိမ့်မည်ဟု၊ ဒေါင်းတံဆိပ်ခပ် သော ဇရပ်ကို မက္ကဟ်မြို့တော်တွင် ဆောက်လုပ်ချီးမြင့်ပေးသနား တော် မူသော ပဉ္စမသင်္ဂါယနာတင်(မင်းတရားကြီး) မရှိတော့ပြီ။

ယခုအုပ်ချုပ်ရေးစနစ်ကား “ပသီ”တို့၏ လိုအင်ဆန္ဒကို အစဉ် သိရှိရန် ၊ “ပသီ”၀န် ကို ခန့်ထားသော နည်းစနစ် မဟုတ်။ နိုင်ငံရေးခေါင်းဆောင်ကြီးများ အစဉ်သတိပေးလျက်ရှိသည့် လူမျိုးချင်း သွေးခွဲ၍ အုပ်ချုပ်သော နည်းစနစ်ဖြစ်၏။  ထိုကြောင့် ကျွန်ုပ်တို့၏ ရည်ရွယ်ချက်ကား လူမျိုးချင်း သွေး မကွဲစေမှုကို သတိပြု၍ ဆောင်ရွက်ရေးလည်းဖြစ်၏။

ထို့ပြင် လူတို့မည်သည် ဂုဏ်ရှိသောသူ၊ ဥစ္စာဓနကုံလုံကြွယ် ၀သူ၊ အင်အားကြီးမားသောသူကိုသာလျှင် ခေါ်ချင်၊ ပေါင်းသင်းချင်၊ ဆက်ဆံချင်သော စိတ်အာသီသရှိကြ၏။

ကျွန်ုပ်တို့ ဗမာမွတ်စ်လင်မ် များသည်  မညီမညွတ်၊ တစ်ကွဲတစ်ပြား၊ ကသီလင်တ နေကြပါလျှင် မည်သူကမျှ ဂရုမစိုက်၊ အသိအမှတ်ပြုကြမည် မဟုတ်။ သို့ဖြစ်ခြင်းကြောင့် ဤအစည်းအဝေးက ဤချွတ်ယွင်းချက် ကို လျစ်လျူမရှု။  အားကြိုးမာန်တက် ဆောင်ရွက်ရန်ကိုလည်း အာရုံ ပြုထိုက်၏။

ကျွန်ုပ်အထက်က ဖော်ပြသည့်အတိုင်း အလောင်းဘုရား (ဦးအောင်ဇေယျ)သည် တလိုင်းတို့ ရန်ကို ဖြိုဖျက်၍  မြန်မာအင်ပါယာ နိုင်ငံကြီး ထူထောင်ရာ၌ မြေထူး(၇)ရွာမှ တို့ဗမာမွတ်စ်လင်မ်တို့သည် အလုံးအရင်းနှင့် စစ်မှုကို ထမ်းခဲ့၏။

စစ်သားအမျိုး

ထို့ပြင်ဘကြီးတော်ဘုရားလက်ထက် မဟာဗန္ဓုလစစ်သူကြီး အင်္ဂလိပ်နှင့် ယှဉ်ပြိုင်တိုက်ခိုက်သည့် ပထမစစ်ပွဲတွင်လည်း တို့ဗမာ မွတ်စ်လင်မ်တို့  ရဲမက်စစ်သည်တော်အဖြစ် စစ်မှုထမ်းခဲ့ကြသည်။

ထို့ဗမာမွတ်စ်လင်မ်တို့သည် စစ်ရေးစစ်ရာ၌ နှစ်ပရိစ္ဆေဒ အဓွန့်ရှည်ကြာစွာ အခါသမယမှ  ရင်းနှီးဆက်ဆံလေ့လာလိုက်စား ၀ါသနာထုံခဲ့သည်ကို ရာဇ၀င်တွင် ထင်ရှားခဲ့သည်သာ မဟုတ်၊ သာဓက အထူးလိုငြားအံ့  မန္တလေးရွှေမြို့တော်ကိုသာ ရှုလော့။

တို့ဗမာမွတ်စ်လင်မ်တို့ ယခုတိုင် နေထိုင်ကြသည့် ရပ်ကွက် များ၏အမည်များကို ဆင်ခြင်သည်ရှိသော် – မြန်မာမင်းတို့၏ အမြောက်တပ်ကို စီးနင်းအမှုထမ်းခဲ့ကြသူ အမြောက်တပ်သားများနေရာ အမြောက်တန်းဖြစ်၏။ ဘုရင့် ဗုံးတပ်တွင် အမှုထမ်းခဲ့သည် ဗုံးတပ်သားများ ဖြစ်ကြ ကုန်သော တို့ဗမာမွတ်စ်လင်မ်တို့သည် ဗုံးအိုး ရပ်၌ နေကြ၏။

တို့ဗမာမွတ်စ်လင်မ်များနေကြသော စင်္ကြာနွယ်စဉ် အရပ် ကား စင်္ကြာ အမြောက်တပ်သားများ၏ နေထိုင်ရာအရပ်ဖြစ်၏။ မြန်မာဘုရင်များ ယုံကြည်သဒ္ဓါတော်မူခြင်းတည်းဟူသော ဂုဏ်ကိုရရှိခဲ့၍ ဘုရင်မင်းမြတ်၏အသက်စည်းစိမ်ကိုသက်စွန့်ကြိုးပမ်း ဆောင်ရွက်ရန် ရွေးချယ်ခန့်ထား သနားတော်မူခြင်း ခံစားကြရသော ကိုယ်ရံတော်ဗိုလ်မှူးများဖြစ်ကြကုန်သော တို့ဗမာမွတ်စ်လင်မ်များ၏ နေထိုင်ရာအရပ်သည် ကိုယ်ရံတော်ရပ်ဟု ယခုတိုင် ထင်ရှားရှိ၏။

ဤမျှ သာဓကထင်ရှားသည့် တို့ဗမာမွတ်စလင်မ်တို့သည် ရှေးမင်းတို့လက်ထက်က စစ်မှုရေးရာဝါသနာထုံ၍ ကျင်လည် ကုန်သော Martial Race ဖြစ်သည်။

တို့ဗမာမွတ်စ်လင်မ်များ၏တန်ခိုး

အရှိန်မှေးမှိန်နေခိုက်ဖြစ်၍ ယခုအခါ ချင်း၊ ကရင်၊ ကချင် တို့ကို သာလျှင် စစ်တပ်များတွင် လက်ခံ၍ တို့ဗမာမွတ်စ်လင်မ် များကို စစ်တပ်များတွင် လျှောလျှောလျှူလျှူ ၀င်ခွင့်မပြုခြင်းကား ၀မ်းနည်း ဖွယ်ပင်ဖြစ်၏။ အင်္ဂလိပ်မင်းတို့ အမြင်မကျယ်ရာလည်းကျရောက်၏။

လူနည်းစု ပြဿနာ လုံးဝ မပေါ်ထိုက်။ ထို့ပြင် ၀မ်းနည်းဖွယ်ရာ တစ်ရပ်ကားဤမျှလောက် ဘုရင်၏ အကျိုး တိုင်းပြည်အကျိုးကို သယ်ပိုး ရွက် ဆောင်ခဲ့သော ဗမာမွတ်စ်လင်မ်တို့အတွင်းမှ ယခုလက်ရှိ အောက် လွှတ်တော်တွင် ဗမာမွတ်စ်လင်မ်အမတ် တစ်ဦး တစ်ယောက်မျှ  မရှိ ခြင်း ပင်ဖြစ်၏။

ဘိလပ်မြို့ မျက်နှာစုံညီအစည်းအဝေးကြီးတွင် ဗမာ မွတ်စ်လင်မ်တို့၏ ကိုယ်စားရွေးချယ်ခန့်ထားခြင်းခံရသော ယခု အထက်လွှတ်တော်အမတ်ကြီး ဦးအောင်သင်းသည် ဗမာမွတ်စ်လင်မ်များအဖို့ သီးသန့်နေရာရရှိရန်ကို အားတက်သရောတောင်းဆိုခဲ့၏။ ကျွန်ုပ်ကိုယ်တိုင်လည်း လူများစုအခြေမှ လူနည်းစုအခြေသို့ ဆိုက် ရောက်ခြင်းကို မနှစ်မြို့ပါ။

သို့သော် ကျွန်ုပ်တို့၏ ကိုယ်စားလှယ်ကြီး ဦးအောင်သင်းကားအခြားအခြားသော လူနည်းစုများကို သီးခြား နေရာပေးလျှင် ဗမာမွတ်စ်လင်မ်များလည်း ထိုအရေးကို လိုလား၏။

ကျွန်ုပ်၏ ယူဆချက်ကား ဦးအောင်သင်း ယူဆသကဲ့သို့ မြန်မာပြည် တွင် လူနည်းစု ပြဿနာ လုံးဝ  မပေါ်ထိုက်။ ကျွန်ုပ်တို့သည် (၁၉၄၁) ခု နှစ် သန်းကောင်စာရင်းကောက်ရာတွင် ဗမာမွတ်စ်လင်မ်တို့၏  လူဦး ရေ စာရင်းကို သီးခြား ကောက်ယူရန် တောင်းဆိုရာ၌ ဤလူနည်းစု ပြဿနာနှင့် သီးခြားရွေးကောက်ခွင့်ပေးခြင်းကို ပပျောက် စေရန် ရည်ရွယ်ခဲ့၏။

ဒီမိုကရေစီစနစ်၏အခြေခံအုတ်မြစ်

မြန်မာပြည်တွင် လက်ရှိ အုပ်ချုပ်ရေးစနစ်ကား ဒီမိုကရေစီ နည်းစနစ်ဖြစ်၏။ ဒီမိုကရေစီနည်းစနစ်၏ အခြေခံအုတ်မြစ်ကား မဲဆန္ဒသာလျှင်ဖြစ်၏။ ထိုမဲဆန္ဒကိုအဖိုးထိုက်တန်အောင် အသုံးပြု နိုင် လျှင် ကိုယ်စားလှယ်နှင့်တကွ အုပ်ချုပ်ရေးသည်လည်း အဖိုးတန်၏။

ဗမာမွတ်စ်လင်မ်တို့၏ မဲဆန္ဒများကား မြန်မာပြည်၌ အနှံ့ အပြား အစုလိုက်အအုပ်လိုက်မြို့တိုင်းနယ်တိုင်း၌ရှိ၏။ ထိုမဲဆန္ဒများ၏တန်ဖိုးကိုရရှိရန် ယခု ကွန်ဖရင့်အစည်းအဝေးကြီး ၊ ဗမာမွတ်စလင်မ် အစည်းအရုံးအားလုံးတို့၏ အသင်းချုပ်ကြီးက စီမံခန့်ခွဲနိုင်သင့်၏။

သို့ စီမံခန့်ခွဲနိုင်သော အခြေရှိလျှင် ဗမာမွတ်စ်လင်မ် အမတ်များ သော်လည်း ရနိုင်ဖွယ်ရှိ၏။  ဗမာမွတ်စ်လင်မ်အမတ် မရနိုင်သည့် နယ်ပယ် များ၌ ဗမာမွတ်စ်လင်မ်တို့၏ အကျိုးကို စောင့်ရှောက်ပါမည်ဟု အာမ၀န်တာခံယူသော အမတ်များကိုသော်လည်းကောင်း စေ လွှတ်နိုင်ရန် အကြောင်းရှိ၏။

နိဂုံးချုပ်ပြောလိုသည်ကား မြန်မာပြည်အတွင်း အယူဝါဒကွဲ ပြားခြင်းကို အကြောင်းပြု၍ လူမျိုး၏စည်းလုံးမှု၊ တိုင်းပြည်၏ တိုးတက်မှု၊  ချမ်းသာမှုကို မပျက်စီး စေရာ။သဘောထားကြီးခြင်း၊ တိုင်းပြည်ကို ချစ်ခြင်း စသော မေတ္တာတရားတို့ဖြင့်  လူမျိုးစည်လုံးမှုကို ဖြစ်စေလျက်၊ ငါကား သူနှင့်မတူ သီးခြားလူမျိုးဟူသော စိတ်ထားကို တိုင်းပြည်နှင့် လူမျိုးအတွက် ဖိနှိပ်ထားရာသည်။

ငါတို့သည် လူမျိုးအားဖြင့် မြန်မာ ၊

ဘာသာအားဖြင့် မွတ်စ်လင်မ် ၊

နေထိုင်ရာဌာန မြန်မာပြည်၊

သယ်ပိုးရန်ကိစ္စ မြန်မာ့အကျိုးဟူ၍

စွဲစွဲလန်းလန်း ကြိုးစား ကြရန်ဖြစ်၏ ။   ။

ဆရာကြီး  A ရာဇတ်  (B.A)

(သဘာပတိ

ဗမာနိုင်ငံလုံးဆိုင်ရာဗမာမွတ်စ်လင်မ်ကွန်ဖရင့်

(၁၉၄၁)ခုနှစ်၊မေလ(၄)ရက်၊နံနက်(၉း၁၅)နာရီ

ယင်းတော်မြို့)

Comments are closed.