အစ္စရေးဘောလုံးကလပ်အသင်းတစ်ခုကို ယူအေအီးက တရားဝင်ဝယ်ယူ

ဒီဇင်ဘာ ၈၊ ၂၀၂၀
M-Media

-အာရပ်တွေအပေါ် လူမျိုးရေးခွဲခြားစော်ကားတဲ့ ပရိတ်သတ်တွေကြောင့် နာမည်ဆိုးနဲ့ကျော်ကြားတဲ့ အစ္စရေးဘောလုံးကလပ်အသင်း Beitar Jerusalem ရဲ့ ရှယ်ယာ ၅၀ ရာခိုင်နှုန်းကို အာရပ်စော်ဘွားများပြည်ထောင်စု (ယူအေအီး) က မနေ့မှာ တရားဝင် ၀ယ်ယူလိုက်ပါတယ်။

အောက်တိုဘာလက သံတမန်ဆက်ဆံရေးတည်ဆောက်အပြီး အစ္စရေးနဲ့ ယူအေအီးတို့အကြား စီးပွားရေးသဘောတူညီချက် အမြောက်အများ ရရှိခဲ့ပြီးတဲ့နောက် ဒီလို ဘောလုံးအသင်းဝယ်ယူမှု ပေါ်ပေါက်လာတာပါ။

Beitar Jerusalem ဆိုတဲ့ ဘောလုံးအသင်းဖြစ်ပြီး ယူအေအီး အုပ်စိုးသူ မိသားစုဝင်တစ်ဦးဖြစ်တဲ့ ရှိခ် ဟာမဒ် ဘင် ခလီဖာ အလ် နဟ်ယန်က ဝယ်လိုက်တာပါ။

“အစ္စရေးရဲ့ မြို့တော်ဖြစ်ပြီး ကမ္ဘာပေါ်က မြင့်မြတ်ရာမြို့တွေထဲကတစ်ခုဖြစ်တဲ့ ဂျေရုစလင်အ​ခြေစိုက် ဂုဏ်သိက္ခာကြီးမားတဲ့ ကလပ်အသင်းတစ်ခုနဲ့ ဒီလို မိတ်ဖတ်ဖြစ်ရတဲ့အတွက် စိတ်လှုပ်ရှားမိပါတယ်” လို့ ဟာမဒ် ဘင် ခလီဖာရဲ့ ပြောကြားမှုကို မနေ့က ထုတ်ပြန်တဲ့ ဘောလုံးအသင်းရဲ့ ကြေငြာချက်မှာ ဖော်ပြထားပါတယ်။

Beitar Jerusalem ဘောလုံးအသင်း အစ္စရေးက လက်ယာစွန်းရောက်နိုင်ငံရေး အမာခံအဖွဲ့အစည်းတစ်ခုဖြစ်ပြီး၊ La Familia လို့အမည်ပေးထားတဲ့ အသင်းပရိတ်သတ်အဖွဲ့ကလည်း အာရပ်တွေအပေါ် လူမျိုးရေး ခွဲခြားစော်ကားမှုအတွက် အမည်ဆိုးနဲ့ ကျော်ကြားပါတယ်။

ရှိခ်ဟာမဒ် ဘင် အလ် ခါလီဖာဟာ လာမယ့် ၁၀ နှစ်အတွင်း ဒီဘောလုံးအသင်းမှာ ကန်ဒေါ်လာ ၉၂.၁၈ သန်း ရင်းနှီးမြှုပ်နှံမှာ ဖြစ်ပါတယ်။

Beitar Jerusalem ဘောလုံးအသင်းက သူတို့ရဲ့ ဘုတ်အဖွဲ့ကို ပြန်လည်ဖွဲ့စည်းမှာဖြစ်ပြီး ဟာမဒ် ဘင် အလ်ခါလီဖာရဲ့သားဖြစ်သူ ပါဝင်လာလိမ့်မယ်လို့ ထုတ်ပြန်ခဲ့ပါတယ်။

Ref : Reuters