5 years ago
ရိုဟင္ဂ်ာ ၇ ဦးကို အိႏၵိယႏိုင္ငံက ျမန္မာကို ပထမဆံုးအႀကိမ္ ျပန္ပို႔
6 years ago
ဓာတ္ျပားအဆိုေတာ္ ေတးသံရွင္ ေဒၚမာမာေဝ အသက္(၉၃) ႏွစ္ ကြယ္လြန္
6 years ago
ဒုကၡသည္စခန္းမွ လုပ္အားေပးဆရာမတစ္ဦး ရခိုင္မွ ရန္ကုန္သို႔လာစဥ္ လဝကဥပေဒျဖင့္ အဖမ္းခံရၿပီး ေထာင္တစ္ႏွစ္က်
6 years ago
ဦးေဇာ္ေဌး (ခ) မွဴးေဇာ္အား ဌာနေျပာင္းေရႊ႕တာဝန္ေပး
6 years ago
NVC ကဒ္ လက္ခံရန္ ဖိအားေပးခံရမႈကုိ ျငင္းဆုိေသာ ကမန္တုိင္းရင္းသားမ်ား စီးပြားေရးပိတ္ဆုိ႔ခံေနရ
6 years ago
ASEAN ထိပ္သီးမ်ား ရိုဟင္ဂ်ာအေရး ေဆြးေႏြး
6 years ago
Drone မႈနဲ႕ဖမ္းခံရသူ သတင္းေထာက္ေတြ မိသားစုနဲ႕ေတြ႕ခြင့္မရေသး
6 years ago
ျမန္မာ-ဘဂၤလားေဒ့ရွ္ သေဘာတူညီခ်က္ (၁၀)ခ်က္ လက္မွတ္ေရးထိုး
6 years ago
AA ဒုဗိုလ္မွဴးႀကီး အပါအ၀င္ ၉ ဦးကို ေငြေၾကးခ၀ါခ်မႈနဲ႔ အမႈဖြင့္စစ္ေဆး
6 years ago
ဘာသာေပါင္းစုံ ဆုေတာင္းပြဲ (ရုပ္သံ)

အောက်တိုဘာ ၈၊ ၂၀၂၁
M-Media

-၂၀၂၁ ခုနှစ်အတွင် နိုဘယ်ငြိမ်းချမ်းရေးဆုကို ဖိလစ်ပိုင်နဲ့ ရုရှားက ဂျာနယ်လစ်တွေဖြစ်တဲ့ မာရီယာ ရက်ဆာနဲ့ ဒီမီထရီ မူရာတော့ဗ်တို့က ရရှိသွားပါတယ်။

ကမ္ဘာတစ်ဝှမ်းမှာ ခြိမ်းခြောက်ခံနေရတဲ့ လွတ်လပ်စွာပြောဆိုခွင့်ကို ထိန်းသိမ်းနိုင်ရေး အားထုတ်ကြိုးပမ်းမှုတွေအတွက် ဒီဆုကို ချီးမြှင့်တာလို့ နိုဘယ်ဆုရွေးချယ်ရေးကော်မတီရဲ့ ထုတ်ပြန်ချက်မှာ ဖော်ပြထားပါတယ်။

၁၉၃၅ ခုနှစ်က ဂျာမနီဂျာနယ်လစ် ကားလ်ဗွန် အိုဆစ်ဇကီ နောက်ပိုင်း ပထမဆုံးအကြိမ်အဖြစ် ဂျာနယ်လစ်တွေ ငြိမ်းချမ်းရေးနိုဘယ်ဆုကို ရရှိခဲ့တာပါ။

နိုဘယ်ဆုကော်မတီဥက္ကဌ ဘီရစ် ရီအစ် အန်ဒါဆန်က ဖိလစ်ပိုင်နဲ့ ရုရှားတို့မှာ လွတ်လပ်စွာပြောဆိုခွင့်နဲ့ပတ်သက်ပြီး တိုက်ပွဲဝင်ခဲ့တဲ့ သူတို့ရဲ့ သူရသတ္တိအတွက် အခုလို ဆုချီးမြှင့်ရခြင်းဖြစ်တယ်လို့ ပြောပါတယ်။

“ကမ္ဘာကြီးမှာ ဒီမိုကရေစီနဲ့ လွတ်လပ်စွာပြောဆိုခွင့် နောက်ပြန်ဆုတ်မှု မြင့်လာတဲ့အချိန် ဒါကို ရပ်တည်ကာကွယ်ပေးနေတဲ့ ဂျာနယ်လစ်အားလုံးအတွက် သူတို့နှစ်ဦးက ပြယုဂ်ပါ”

ဖိလစ်ပိုင်ဂျာနယ်လစ် မာရီယာရက်ဆာဟာ လျှို့ဝှက်ကိစ္စတွေကို စုံစမ်းဖော်ထုတ်တဲ့ သတင်းဝဘ်ဆိုက် Rappler ကို တည်ထောင်သူဖြစ်ပါတယ်။ သူမရဲ့ ဝဘ်ဆိုက်ဟာ ဖိလစ်ပိုင်သမ္မတ ရော်ဒရီဂိုဒူတာတေးရဲ့ နာမည်ဆိုးနဲ့ကျော်ကြားတဲ့ မူးယစ်စစ်ပွဲက အာဏာအလွဲသုံးစားမှုတွေ၊ ကျူးလွန်မှုတွေကို အဓိက ဖော်ထုတ်တာပါ။

အခုလို နိုဘယ်ဆုရရှိတဲ့အတွက် မယုံနိုင်လောက်အောင် ဖြစ်ရတယ်လို့ မာရီယာက ပြောပါတယ်။

ရုရှားဂျာနယ်လစ် ဒီမီထရီ မူတာရော့ဗ်ဟာ ရုရှားသတင်းစာ Novaya Gazeta ကို ၁၉၉၃ ခုနှစ်က တည်ထောင်ကာ ၂၄ နှစ်တိုင်တိုင် အယ်ဒီတာချုပ်အဖြစ် တာဝန်ထမ်းဆောင်ခဲ့ပါတယ်။ ဒီနေ့မှာတော့ မူတာရော့ဗ်ရဲ့ သတင်းစာဟာ ရုရှားက လွတ်လပ်တဲ့ အနည်းငယ်သော သတင်းစာတွေထဲက တစ်စောင် ဖြစ်နေပါပြီ။

Novaya Gazeta သတင်းစာဟာ ရုရှားအာဏာပိုင်တွေကို မကြာခဏ ဝေဖန်လေ့ရှိပြီး စတင်တည်ထောင်စဉ်ကနေ ယနေ့အချိန်အထိ သတင်းစာတိုက်က သတင်းသမား ၆ ဦး အသတ်ခံခဲ့ရပါတယ်။

ရုရှားသမ္မတအိမ်တော်က မူတာရော့ဗ် နိုဘယ်ဆု ရရှိတဲ့အတွက် ဂုဏ်ယူဝမ်းမြောက်မိတယ်လို့ ထုတ်ပြန်ခဲ့ပါတယ်။

ပြီးခဲ့တဲ့နှစ်က ငြိမ်းချမ်းရေးနိုဘယ်ဆုကို ကုလသမဂ္ဂရဲ့ ကမ္ဘာ့စားနပ်ရိက္ခာအဖွဲ့ WFP က ဆွတ်ခူးရရှိခဲ့ပါတယ်။

Ref: Reuters

Comments are closed.