4 years ago
ရိုဟင္ဂ်ာ ၇ ဦးကို အိႏၵိယႏိုင္ငံက ျမန္မာကို ပထမဆံုးအႀကိမ္ ျပန္ပို႔
5 years ago
ဓာတ္ျပားအဆိုေတာ္ ေတးသံရွင္ ေဒၚမာမာေဝ အသက္(၉၃) ႏွစ္ ကြယ္လြန္
5 years ago
ဒုကၡသည္စခန္းမွ လုပ္အားေပးဆရာမတစ္ဦး ရခိုင္မွ ရန္ကုန္သို႔လာစဥ္ လဝကဥပေဒျဖင့္ အဖမ္းခံရၿပီး ေထာင္တစ္ႏွစ္က်
5 years ago
ဦးေဇာ္ေဌး (ခ) မွဴးေဇာ္အား ဌာနေျပာင္းေရႊ႕တာဝန္ေပး
5 years ago
NVC ကဒ္ လက္ခံရန္ ဖိအားေပးခံရမႈကုိ ျငင္းဆုိေသာ ကမန္တုိင္းရင္းသားမ်ား စီးပြားေရးပိတ္ဆုိ႔ခံေနရ
5 years ago
ASEAN ထိပ္သီးမ်ား ရိုဟင္ဂ်ာအေရး ေဆြးေႏြး
5 years ago
Drone မႈနဲ႕ဖမ္းခံရသူ သတင္းေထာက္ေတြ မိသားစုနဲ႕ေတြ႕ခြင့္မရေသး
5 years ago
ျမန္မာ-ဘဂၤလားေဒ့ရွ္ သေဘာတူညီခ်က္ (၁၀)ခ်က္ လက္မွတ္ေရးထိုး
5 years ago
AA ဒုဗိုလ္မွဴးႀကီး အပါအ၀င္ ၉ ဦးကို ေငြေၾကးခ၀ါခ်မႈနဲ႔ အမႈဖြင့္စစ္ေဆး
5 years ago
ဘာသာေပါင္းစုံ ဆုေတာင္းပြဲ (ရုပ္သံ)

ဒီဇင်ဘာ ၃၊ ၂၀၂၁
M-Media

-၂၀၁၄ ခုနှစ် ဇွန်လက အီရတ်နိုင်ငံ မူဆိုးလ်​မြို့အကျဉ်းထောင်မှာ လူ ၁၀၀၀ ကျော်ကို အစုလိုက်အပြုံလိုက် သတ်ဖြတ်ခဲ့တဲ့ IS အကြမ်းဖက်အဖွဲ့ရဲ့လုပ်ရပ်ဟာ လူသားထုအပေါ်ကျူးလွန်တဲ့ ရာဇဝတ်မှုနဲ့ စစ်ရာဇဝတ်မှုမြောက်ကြောင်း ကုလသမဂ္ဂ စုံစမ်းစစ်ဆေးရေးအဖွဲ့ခေါင်းဆောင်က မနေ့မှာ ပြောကြားလိုက်ပါတယ်။

Badush Central အကျဉ်းထောင်ကို ၂၀၁၄ ခုနှစ် ဇွန်လ ၁၀ ရက်နေ့က သိမ်းပိုက်နိုင်ခဲ့ပြီးတဲ့နောက်ပိုင်း IS အကြမ်းဖက်အဖွဲ့ဟာ ဒီသတ်ဖြတ်မှုကို စနစ်တကျ ကျူးလွန်ခဲ့တာပါ။

အီရတ်မှာ IS ရဲ့ ရက်စက်ကြမ်းကြုတ်မှု​တွေကို ဖော်ထုတ်နေတဲ့ ကုသမဂ္ဂ စုံစမ်းစစ်ဆေးရေးအဖွဲ့ (UNITAD) အကြီးအကဲ ခရစ္စတီယန် ရစ်ချာက သတ်ဖြတ်ခံရသူတွေကို အစုလိုက်အပြုံလိုက် မြှုပ်ထားတဲ့ နေရာတွေ၊ IS ထိပ်ပိုင်းခေါင်းဆောင်တွေကိုယ်တိုက်က ဒီသတ်ဖြတ်မှုကို စီစဉ်ခဲ့ကြောင်း လွတ်မြောက်လာသူတွေရဲ့ ပြောကြားချက်တွေလို သက်သေအထောက်အထား အသေးစိတ်တွေ ရရှိခဲ့တယ်လို့ ဆိုပါတယ်။

“အကျဉ်းသားတွေကို ထောင်နားက ကွင်းပြင်တွေဆီ ခေါ်သွားတယ်။ ဘာသာအလိုက်ခွဲထုတ်ပြီး စော်ကားမော်ကားလုပ်တယ်။ အဲဒီနောက် ရှီအာမွတ်စလင် အနည်းဆုံး ၁၀၀၀ လောက်ကို စနစ်တကျ သတ်ဖြတ်ခဲ့ပါတယ်”

ဒစ်ဂျစ်တယ်အထောက်အထားတွေ၊ မှတ်တမ်း​တွေ၊ လွတ်မြောက်လာသူတွေရဲ့ ပြောကြားမှုတွေ၊ သေဆုံးသူတွေကို မှုခင်းဆိုင်ရာ စစ်ဆေးမှုတွေ၊ IS အဖွဲ့ရဲ့ စာရွက်စာတမ်းတွေကို လေ့လာဆန်းစစ်ခဲ့ရာမှာ ဒီသတ်ဖြတ်မှုအတွင်း IS အဖွဲ့ဝင် အများအပြား ပါဝင်ခဲ့တယ်ဆိုတာကို စုံစမ်းစစ်ဆေးသူတွေက တွေ့ခဲ့ရကြောင်း ရစ်ချာက ထည့်သွင်းပြောဆိုခဲ့ပါတယ်။

အသေးစိတ် လေ့လာဆန်းစစ်မှုတွေ ပြုလုပ်ခဲ့ပြီးတဲ့နောက် Badush Central အကျဉ်းထောင်မှာ IS ရဲ့ ဒီသတ်ဖြတ်မှုဟာ လူသားထုပေါ် ကျူးလွန်တဲ့ ရာဇဝတ်မှု၊ စစ်ရာဇဝတ်မှုတွေမြောက်ကြောင်း UNITAD အဖွဲ့က သတ်မှတ်ခဲ့ပါတယ်။

IS အကြမ်းဖက်အဖွဲ့ဟာ ၂၀၁၄ ခုနှစ်မှာ အီရတ်နဲ့ ဆီးရီးယားတို့က နေရာတော်တော်များများကို သိမ်းပိုက်နိုင်ခဲ့ပြီး ခါလီဖိတ်နိုင်ငံအဖြစ် ကြေငြာခဲ့ပါတယ်။ အမေရိကန်ဦးဆောင်တဲ့ မဟာမိတ်တွေအကူအညီနဲ့ အီရတ်စစ်တပ်ဟာ ၃ နှစ်ကြာ တိုက်ခိုက်ခဲ့ရပြီးနောက်ပိုင်း ၂၀၁၇ ခုနှစ် IS အဖွဲ့ ကင်းစင်ကြောင်း ကြေငြာနိုင်ခဲ့ပါတယ်။ ဒါပေမယ့် အဖွဲ့ရဲ့အကြွင်းအကျန်တွေ ရှိနေပြီး တိုက်ခိုက်မှုတွေလည်း ဆက်လက်လုပ်ဆောင်နေပါတယ်။

IS ဟာ အီရတ်နဲ့ ဆီးရီးယားတို့က ယာဇီဒီလူမျိုးတွေအပေါ် လူမျိုးတုန်းသတ်ဖြတ်မှု ကျူးလွန်ခဲ့တာကို တွေ့ရကြောင်း UNITAD အဖွဲ့ အကြီးအကဲဟောင်း ကာရင်ခန်းက မေလမှာ ထုတ်ပြန်ခဲ့ပါတယ်။

Ref: Aljazeera

Tags: ,

Comments are closed.