အာဖဂန်တွင် ကုန်သွယ်ရေးနှင့် ရင်းနှီးမြှုပ်နှံမှုကို တရုတ်တိုးမြှင့်မည်

ဇူလိုင် ၆၊ ၂၀၂၂
M-Media

-အာဖဂန်နစ္စတန်မှာ ကုန်သွယ်ရေးနဲ့ ရင်းနှီးမြှုပ်နှံမှုတွေ တိုးမြှင့်လုပ်ကိုင်သွားမယ်လို့ တရုတ်က ပြောကြားလိုက်ပါတယ်။

တရုတ်သံအမတ် ၀မ်ယူဟာ တာလီဘန် ဘေးအန္တရာယ် စီမံခန့်ခွဲရေး တာ၀န်ရှိသူနဲ့အတူ မနေ့က လူသိရှင်ကြား သတင်းစာရှင်းလင်းပွဲ လုပ်ခဲ့တာပါ။

၀မ်ယူက ဇွန်လ ၂၂ ရက်နေ့ ငလျင်ကြောင့် ထိခိုက်ခံစားရသူတွေကို ကူညီဖို့အတွက် ကန်ဒေါ်လာ ၈ သန်း ထောက်ပံ့ပေးအပ်သွားမယ်လို့ ပြောကြားခဲ့ပြီး၊ အာဖဂန်နစ္စတန်မှာ ရေရှည် ရင်းနှီးမြှုပ်နှံမှုစီမံကိန်းတွေ အကောင်အထည် ဖော်သွားမယ်လို့လည်း ဆိုပါတယ်။

တာလီဘန်အစိုးရကို နိုင်ငံတကာက အသိအမှတ်မပြုဘဲ တရုတ်တစ်နိုင်ငံတည်းကသာ အသိအမှတ်ပြုထားတာ ဖြစ်ပါတယ်။

တရုတ်ဟာ ကုန်သွယ်ရေးကို အဓိကထားမှာဖြစ်ပြီး နောက်ပိုင်းမှာ ရင်းနှီးမြှုပ်နှံမှုနဲ့ စိုက်ပျိုးရေးကဏ္ဍကို တိုးမြှင့်လုပ်ဆောင်သွားမယ်လို့လည်း ၀မ်ယူက ပြောပါတယ်။

နိုင်ငံတကာက တာလီဘန်ကို မလွှဲဘဲ ခေတ္တသိမ်းဆည်းထားတဲ့ အာဖဂန်နစ္စတန်ပိုင် နိုင်ငံခြားအရန်ငွေတွေကို ပြန်ပေးဖို့ ၀မ်ယူက သတင်းစာရှင်းလင်းပွဲမှာ တောင်းဆိုခဲ့ပါတယ်။

Ref: CNA