အရှေ့တောင်အာရှ၏ ပထမဆုံး ကျည်ဆံရထားလိုင်း အင်ဒိုနီးရှားတွင် ဖွင့်လှစ်

အောက်တိုဘာ ၃၊ ၂၀၂၃

M-Media 

-မြို့တော်ဂျကာတာကနေ အနောက်ဂျာဗာကျွန်း မြို့တော် ဘန်ဒုန်မြို့ကို ဆက်သွယ်ထားတဲ့ ကျည်ဆံရထားလိုင်းကို အင်ဒိုနီးရှားသမ္မတ ဂျိုကို၀ီဒိုဒိုက တနင်္လာနေ့မှာ ဖွင့်လှစ်ပေးလိုက်ပါတယ်။ 

၈၈ ဒဿမ ၂၃ မိုင်ရှည်လျားတဲ့ ဒီရထားလိုင်းဟာ ကန်ဒေါ်လာ ၇ ဒဿမ ၃ ဘီလီယံ ကုန်ကျခဲ့ပြီး အရှေ့တောင်အာရှရဲ့ ပထမဆုံး ကျည်ဆံရထားလိုင်းအဖြစ် မှတ်တမ်း၀င်ပါတယ်။ 

ခါးပတ်တစ်ကွင်း လမ်းတစ်စင်းစီမံကိန်း တစ်စိတ်တစ်ပိုင်းအဖြစ် တရုတ်က ဒီရထားလမ်းကို ဆောက်ပေးခဲ့တာပါ။ စီမံကိန်းအတွက် မြေယာသိမ်းယူမှု ပြဿနာတွေ၊ ကိုဗစ်ကပ်ရောဂါတွေကြောင့် သတ်မှတ်ချိန်ထက် ၄ နှစ်လောက် နောက်ကျပြီးမှ ဖွင့်လှစ်နိုင်ခဲ့ပါတယ်။ 

ရထားဟာ တစ်နာရီကို ၂၁၇ မိုင်အထိ သွားနိုင်မှာဖြစ်ပြီး သဘာ၀ပတ်၀န်းကျင်ကို မထိခိုက်တဲ့ သယ်ယူပို့ဆောင်ရေးစနစ် ပြောင်းလဲရေး စီမံကိန်းတစ်စိတ်စတ်ပိုင်းဖြစ်တယ်လို့ သမ္မတ ၀ီဒိုဒိုက ပြောကြားခဲ့ပါတယ်။ 

ရထားကို စက်တင်ဘာ ဒုတိယပတ်ကတည်းက အခမဲ့ စတင်ပြေးဆွဲနေတာဖြစ်ပြီး အောက်တိုဘာလအလယ်အထိ အခမဲ့စနစ် ရှိနေအုံးမယ်လို့ အစိုးရ အကြီးတန်းတာ၀န်ရှိသူ လူဟွတ် ပန်ဂျိုင်တန်က ပြောပါတယ်။ 

Ref: Reuters