2 years ago
ရိုဟင်ဂျာ ၇ ဦးကို အိန္ဒိယနိုင်ငံက မြန်မာကို ပထမဆုံးအကြိမ် ပြန်ပို့
2 years ago
ဓာတ်ပြားအဆိုတော် တေးသံရှင် ဒေါ်မာမာဝေ အသက်(၉၃) နှစ် ကွယ်လွန်
2 years ago
ဒုက္ခသည်စခန်းမှ လုပ်အားပေးဆရာမတစ်ဦး ရခိုင်မှ ရန်ကုန်သို့လာစဉ် လဝကဥပဒေဖြင့် အဖမ်းခံရပြီး ထောင်တစ်နှစ်ကျ
3 years ago
ဦးဇော်ဌေး (ခ) မှူးဇော်အား ဌာနပြောင်းရွှေ့တာဝန်ပေး
3 years ago
NVC ကဒ် လက်ခံရန် ဖိအားပေးခံရမှုကို ငြင်းဆိုသော ကမန်တိုင်းရင်းသားများ စီးပွားရေးပိတ်ဆို့ခံနေရ
3 years ago
ASEAN ထိပ်သီးများ ရိုဟင်ဂျာအရေး ဆွေးနွေး
3 years ago
Drone မှုနဲ့ဖမ်းခံရသူ သတင်းထောက်တွေ မိသားစုနဲ့တွေ့ခွင့်မရသေး
3 years ago
မြန်မာ-ဘင်္ဂလားဒေ့ရှ် သဘောတူညီချက် (၁၀)ချက် လက်မှတ်ရေးထိုး
3 years ago
AA ဒုဗိုလ်မှူးကြီး အပါအ၀င် ၉ ဦးကို ငွေကြေးခ၀ါချမှုနဲ့ အမှုဖွင့်စစ်ဆေး
3 years ago
ဘာသာပေါင်းစုံ ဆုတောင်းပွဲ (ရုပ်သံ)

အောက်တိုဘာ ၁၄ ၊ ၂၀၁၄
M-Media
WP-muslim-minorities-Dreamstime-sm
မွတ်စ်လင်မ်လူနည်းစုရှိရာ တိုင်းပြည်များရှိ ပုံသေ မူဟန်များမှ ခွဲထွက်ပြီး ထူးခြား ထိရောက်စွာ ဖောက်ထွက် အောင်မြင်ခဲ့သည့် မွတ်စ်လင်မ်များ အကြောင်း လေ့လာနိုင်အောင် တင်ဆက်ပါမည်။

နယ်သာလန်နိုင်ငံသား မွတ်စ်လင်မ်တစ်ဦးအနေနှင့် ကျွန်ုပ်သည် ရွှေ့ပြောင်းဝင်ရောက် အခြေချလာသည့်မွတ်စ်လင်မ် (တူရကီနှင့် မော်ရိုကိုနွယ်ဖွား အများစု) တို့မှာ ဒတ်ခ်ျ ယဉ်ကျေးမှုအတွင်း ရောယှက် လက်ခံသင့်ကြောင်း မကြာခဏ ဆိုသလို မီဒီယာများမှ တဆင့် ဖတ်ရှုရပါသည်။

ထိုဒတ်ခ်ျယဉ်ကျေးမှုအား လူသားဝါဒ၊ လောကီဝါဒ၊ ကက်သလစ်ဝါဒနှင့် ပရိုတက်စတင့်ဝါဒတို့ကို သဟဇာတဖြစ်စွာ ယာယီပေါင်းစည်ချက် တစ်ရပ်အဖြစ် ကျယ်ကျယ်ပြန့်ပြန့် ဖော်ပြကြသည်။ ယဉ်ကျေးမှု အားနည်းခြင်းကြောင့် လည်းကောင်း၊ ဖိအားပေးခံရခြင်းကြောင့်လည်းကောင်း အခြေချသူ လူသစ်တို့မှာ ကြီးစိုးလွှမ်းမိုးနေသည့် ယဉ်ကျေးမှုဖက် ပိုမိုအားသာသည်ကို တွေ့ရ၏။

ကံမကောင်းအကြောင်းမလှစွာဖြင့် ၉/၁၁ အရေးပြီးသည့်နောက် မွတ်စ်လင်မ်တို့မှာ အယူသည်းဝါဒီ အုပ်စုဝင်များ၊ ခေတ်နောက်ပြန်ဆွဲ ဖိုဝါဒီ အစွန်းရောက်သမားများ အဖြစ် တံဆိပ်တပ်ခံရသည်။ ဒုတိယကမ္ဘာစစ်နောက်ပိုင်း ဥရောပနှင့် မြောက်အမေရိကတိုက်တွင် ယဉ်ကျေးမှုနှင့် လူမျိုး ရောယှက်မှု ကိစ္စများ အတော်အတန် မြင့်မားလာခဲ့သည်။ လွတ်လပ်စ ကိုလိုနီနယ်များမှ အလုံးအရင်းပြောင်းရွှေ့ ၀င်ရောက်လာကြခြင်း၊ ၁၉၇၀-၈၀နှစ်များအတွင်း တမဟုတ်ချင်း စီးပွားဖွံ့ဖြိုးမှုကို ကျားကန်ပေးမည့် လုပ်သားများ ခေါ်ယူခြင်း၊ ပဋိပက္ခဒေသများရှိ ဒုက္ခသည်များကို လက်ခံခြင်းတို့ကြောင့်ဖြစ်၏။ ယခုသော် ပြောင်းရွှေ့အခြေချခြင်းနှင့် ၎င်း၏ပြဿနာများက လူမျိုးစုံ၊ ဘာသာစုံ၊ ယဉ်ကျေးမှုစုံအကြား ရှုပ်ထွေးယှက်နွယ်မှု ကြီးမားစွာ ဖြစ်ပေါ်လာတော့သည်။ မွတ်စ်လင်မ်လူနည်းစုရှိရာ တိုင်းနိုင်ငံများစွာ၌ မွတ်စ်လင်မ်တို့သည် ဓားစာခံများ ဖြစ်နေကြရသည်။ ထို့ပြင် ဗြောင်ကျကျတစ်မျိုး ကောက်ကျစ်စွာတစ်ဖုံ အစ္စလာမ်ဆန့်ကျင်ရေးသမားတို့၏ တိုက်ခိုက်မှုများကို ရင်ဆိုင်နေရသည်။

ကံကောင်းသည့်အချက်ကား ကမ္ဘာအနှံ့ ယင်းနိုင်ငံများတွင် အောင်မြင်ပေါက်မြောက်သော မွတ်စ်လင်မ် အမြောက်အများ ပေါ်ထွန်း လာခြင်းပင် ဖြစ်သည်။ မှိုင်းသွင်းခံရမှုများအပေါ် အလုပ်ဖြင့် ရင်ဆိုင်ခဲ့ကြသည့် အမျိုးသမီး သုံးဦးနှင့် အမျိုးသားနှစ်ဦးအကြောင်းကို ကျွန်ုပ်တို့မှ တစေ့တစောင်း လေ့လာကြည့်ကြပါစို့။

၎။  ဆူမိုနပန်းသမား အဗ်ဒုရ် ရဟ်မာန်း အဟ်မဒ် ရှာလန် (ဂျပန်) Abdelrahman Ahmed Shalan, aka Osunaarashi, Sumo wrestler (Japan)
———————————————————————–

04a-sm
ဆူမို နပန်း အားကစားသည် ဂျပန်နိုင်ငံနှင့် ခွဲမရ။ သို့သော် ကြိုးဝိုင်းထဲတွင် အီဂျစ်နိုင်ငံသား အဗ်ဒုရ် ရဟ်မာန်း အဟ်မဒ် ရှာလန် (၂၁ နှစ်)မှ လက်စွမ်းပြလိုက်သောအခါ တမူ ထူးခြားသွားပါတော့သည်။ ဂျပန်လူမျိုး မဟုတ်သူ နပန်းသမား အများစုတို့သည် မွန်ဂိုးလီးယား၊ ရုရှားနှင့် ဘရာဇီးလ်တို့မှ ထွက်ပေါ်ခဲ့ကြသော်လည်း အဗ်ဒုရ် ရဟ်မာန်းမှာ ပထမဦးဆုံးသော မွတ်စ်လင်မ်နှင့် အာရဗ်လူမျိုး ကြေးစား ဆူမိုနပန်းသမား ဖြစ်သည်။ သူသည် မိမိ၏ အာဖရိက န်နွယ်ဖွားများကို ဆွဲဆောင်ရန် “မဟာသဲမုန်တိုင်း”ဟု အဓိပ္ပာယ်ထွက်သော “အိုဆူနားရရှိ” အမည်ကိုသုံး၍ နပန်းပြိုင်ပွဲ ၀င်လေ့ရှိသည်။

အဗ်ဒုရ် ရဟ်မာန်းသည် အသက် ၁၄ နှစ်အရွယ်တွင် နပန်းအားကစားနှင့် စတင်ထိတွေ့သည်။ အီဂျစ်ရှိ ဆူမိုအသင်းတစ်သင်း၏ တောင်းဆိုမှုအရ ရုပ်ရှင်ပြကွက်တစ်ခု၌ ပါဝင်ခဲ့သည်။ ထိုစဉ်က သူ့ကိုယ်အလေးချိန်မှာ ၂၆၅ ပေါင် (၁၂၀ ကီလို)ရှိနေခြင်းကြောင့်ဖြစ်၏။ ၂၀၀၈ ခုနှစ် ကမ္ဘာ့အငယ်တန်းဆူမိုချန်ပီယံလုပွဲတွင် ကြေးတံဆိပ် ဆွတ်ခူးပြီးနောက် အားပေးသူများပြားလာသဖြင့် အချိန်ပြည့်ဆူမိုနပန်းသမား ဖြစ်လာရေးအတွက် ၂၀၁၁ ခုနှစ်၌ သူသည် ဂျပန်သို့ ပြောင်းရွှေ့သည်။ ဂျပန်တွင် ပြိုင်ပွဲ ၈ ပွဲ ၀င်ရောက်ပြီးသည့်နောက် အချိန်တိုတို အတွင်း အဆင့်မြင့်တက်သွားခဲ့သည်။ သူသည် ၂၀၁၁ ခုနှစ် မြေငလျင်၊ ဆူနာမီနှင့် နျူကလိယပြဿနာများအပြီး မရှေးမနှောင်းမှာပင် ဂျပန်သို့ လာရောက်ခဲ့၍ ဆူမိုလောကသား များစွာက သူ့အား အသိအမှတ်ပြုကြသည်။

ယခုနှစ် ဇူလိုင်လ အတွင်းပြုလုပ်သည့် အဓိကရ နာဂိုယာပြိုင်ပွဲကြီးမှာ ရမ်ဿွာန်လနှင့် တိုက်ဆိုင်နေသည်ဖြစ်၍ အဗ်ဒုရ် ရဟ်မာန်းမှာ ဥပုသ်သီလစောင့်ထိန်းခြင်း၊ ၀တ်ပြုခြင်းနှင့် နပန်းလေ့ကျင့်မှုကို ဟန်ချက်ညီစွာ ကြိုးစားလုပ်ဆောင်နေရကြောင်း သတင်းထုတ်ပြန်ခဲ့ရသည်။ အေပီသတင်းဌာနသို့ သူမှ ဤသို့ ၀န်ခံပြောကြားသည်။
“ ကျွန်တော်ဟာ ပထမဆုံး အာဖရိကန် လူမျိုး ဆူမိုနပန်းသမားဖြစ်နေတဲ့ အတွက် ဖိအား တော်တော်ကြီးမားတယ်လို့ ခံစားနေရပါတယ်။ ပထမဆုံး အာဖရိကန်ကြီးက ဆူမိုလောကမှာ ဘာဆက်လုပ်မလဲလို့ တစ်ကမ္ဘာလုံးက စောင့်ကြည့်နေမှာ အမှန်ပါပဲ ”။

ထိပ်ဆုံးမှာရပ်တည်နိုင်အောင် အမြောက်အများ ပေးဆပ်ရမည်ကို အဗ်ဒုရ်ရဟ်မာန်း သိပါသော်လည်း မိမိကိုယ်ကို ယုံကြည်မှုအပြည့်ဖြင့် သူက ဆိုလိုက်သည်မှာ –

“ ကျွန်တော်ဟာ ပထမဆုံး အာရဗ်သား ချန်ပီယံဖြစ်လာမယ်လို့ ယုံကြည်ထားပါတယ် ”။

( Jim Armstrong, ‘Osunaarashi: Abdelrahman Ahmed Shalan Becomes First Pro Sumo Wrestler From African Continent’, AP, 12 Jul 2013 )

ပုံ ၁။ ၂၀၁၃ ခုနှစ် ဇူလိုင်လ ၇ ရက်၊ ဂျပန်နိုင်ငံ နာဂိုယာမြို့မှ ၁၅ ရက်တာ အဆင့်မြင့် ဆူမိုပြိုင်ပွဲအတွင်း ပြိုင်ဖက် အိုနိယာရာရှိ စည်းဝိုင်းပြင်ပသို့ ရောက်သွားပုံ (AFP Photo / Jiji Press)

ပုံ ၂။  ဆူမိုလောက၏ ဒုတိယအဆင့်အမြင့်ဆုံးအတန်းသို့ စာရင်းဝင်သွားပြီးနောက် တိုကျိုရှိ သတင်းစာရှင်းလင်းပွဲတစ်ရပ်တွင် ကြည်နှူးရွှင်ပျစွာ ပြုံးနေပုံ (AFP Photo / Jiji Press)

 

အပိုင်း(၁) ဖတ်လိုလျှင် Click Here

အပိုင်း(၂) ဖတ်လိုလျှင် Click Here

အပိုင်း(၃) ဖတ်လိုလျှင် Click Here
– ဆက်လက်ဖော်ပြပါမည်။
xxxxxxxxxxxxxxxxxxxx

Sya Taha ရေးသားသော 5 amazing Muslim achievers in minority-Muslim nations ကို မင်းထွဋ်ခေါင် မှ ဆီလျော်အောင် ပြန်ဆိုသည်။

Leave a Reply