အပစ်ရပ်သဘောတူညီချက်ရသော်လည်း ဂါဇာတွင် အစ္စရေးက တိုက်ခိုက်မှု ထပ်လုပ်

နိုဝင်ဘာ ၁၅၊ ၂၀၁၉
M-Media

-အစ္စရေးနဲ့ ပါလက်စတိုင်းလက်နက်ကိုင်အဖွဲ့တို့အကြား ငြိမ်းချမ်းရေးသဘောတူညီချက် ရရှိထားပေမယ့် အစ္စရေးက ဒီကမနေ့မနက်မှာ ဂါဇာကမ်းမြှောင်ကို လေကြောင်းကနေ တိုက်ခိုက်မှုတွေ ထပ်မံပြုလုပ်ခဲ့ပါတယ်။

ပါလက်စတိုင်း တော်လှန်ရေးအဖွဲ့ Islamic Jihad ရဲ့ ခေါင်းဆောင်တစ်ဦး အင်္ဂါနေ့မှာ အစ္စရေးရဲ့ သတ်ဖြတ်ခြင်းကို ခံလိုက်ရပြီးတဲ့နောက် တင်းမာမှုတွေ အစပြုခဲ့တာပါ။ အစ္စရေးဟာ အင်္ဂါနေ့ကစတင်ကာ ဂါဇာကမ်းမြှောင်ကို လေကြောင်းတိုက်ခိုက်မှုတွေ၊ လက်နက်ကြီးနဲ့ ပစ်ခတ်မှုတွေ လုပ်ဆောင်ခဲ့ပြီး ပါလက်စတိုင်းပြည်သူ ၃၀ ကျော် သေဆုံးခဲ့ပါတယ်။

အီဂျစ်ရဲ့ ကြားဝင် စေ့စပ်ပေးမှုကြောင့် မနေ့က အစ္စရေးနဲ့ Islamic Jihad တို့အကြား အပစ်ရပ်သဘောတူညီချက် ရရှိခဲ့ပေမယ့် သောကြာနေ့မှာတော့ ပျက်ပြယ်သွားခဲ့တာဖြစ်ပါတယ်။ အစ္စရေးက ဂါဇာဖက်ကနေ ဒုံးကျည်တွေ ပစ်ခတ်တာကြောင့် လေကြောင်းက ပြန်လည်တိုက်ခိုက်ရတာလို့ ထုတ်ပြန်ခဲ့ပါတယ်။

အောက်တိုဘာ ၁၂၊ ၁၃ ရက်နေ့တွေမှာ အစ္စရေးရဲ့ တိုက်ခိုက်မှုတွေကြောင့် လူ ၃၄ ဦး သေဆုံးခဲ့ပြီး ကလေးငယ် ၈ ဦး၊ အမျိုးသမီး ၃ ဦးအပါအဝင် ထက်ဝက်နီးပါးလောက်က အရပ်သားတွေဖြစ်တယ်လို့ ဂါဇာအာဏာပိုင်တွေက ထုတ်ပြန်ခဲ့ပါတယ်။ Islamic Jiahad အဖွဲ့ရဲ့ ဒုံးကျည်နဲ့ပစ်ခတ်မှုတွေကြောင့် အစ္စရေးတောင်းပိုင်းမှာ အနည်းဆုံး ၆၃ ဦး ဒဏ်ရာရခဲ့ပါတယ်။

၁၉၄၈ ခုနှစ် အစ္စရေးနိုင်ငံထူထောင်ချိန် ပါလက်စတိုင်းပိုင်နက်တွေကို ကျူးကျော်သိမ်းပိုက်မှုကြောင့် ထွက်ပြေးခဲ့ရတဲ့ ပါလက်စတိုင်းတွေ နေရပ်ပြန်ရေး ဆန္ဒ‌ပြမှုတစ်ခုကို ဂါဇာမှာ ၂၀၁၈ ခုနှစ်မတ်လကနေ အပတ်စဉ် လုပ်ဆောင်နေပြီး အစ္စရေးက ပစ်ခတ်နှိမ်နှင်းမှုကြောင့် ပါလက်စတိုင်းပြည်သူ ၃၁၃ ဦး သေဆုံးခဲ့ပါတယ်။

Ref: Aljazeera