12 months ago
ရိုဟင်ဂျာ ၇ ဦးကို အိန္ဒိယနိုင်ငံက မြန်မာကို ပထမဆုံးအကြိမ် ပြန်ပို့
1 year ago
ဓာတ်ပြားအဆိုတော် တေးသံရှင် ဒေါ်မာမာဝေ အသက်(၉၃) နှစ် ကွယ်လွန်
1 year ago
ဒုက္ခသည်စခန်းမှ လုပ်အားပေးဆရာမတစ်ဦး ရခိုင်မှ ရန်ကုန်သို့လာစဉ် လဝကဥပဒေဖြင့် အဖမ်းခံရပြီး ထောင်တစ်နှစ်ကျ
2 years ago
ဦးဇော်ဌေး (ခ) မှူးဇော်အား ဌာနပြောင်းရွှေ့တာဝန်ပေး
2 years ago
NVC ကဒ် လက်ခံရန် ဖိအားပေးခံရမှုကို ငြင်းဆိုသော ကမန်တိုင်းရင်းသားများ စီးပွားရေးပိတ်ဆို့ခံနေရ
2 years ago
ASEAN ထိပ်သီးများ ရိုဟင်ဂျာအရေး ဆွေးနွေး
2 years ago
Drone မှုနဲ့ဖမ်းခံရသူ သတင်းထောက်တွေ မိသားစုနဲ့တွေ့ခွင့်မရသေး
2 years ago
မြန်မာ-ဘင်္ဂလားဒေ့ရှ် သဘောတူညီချက် (၁၀)ချက် လက်မှတ်ရေးထိုး
2 years ago
AA ဒုဗိုလ်မှူးကြီး အပါအ၀င် ၉ ဦးကို ငွေကြေးခ၀ါချမှုနဲ့ အမှုဖွင့်စစ်ဆေး
2 years ago
ဘာသာပေါင်းစုံ ဆုတောင်းပွဲ (ရုပ်သံ)

ဧပြီ ၂၇၊ ၂၀၁၉
မြင်သစ်

ကာတွန်းဆရာ Angelo Lopez ရဲ့ သရုပ်ဖော်မှု

ခုခေတ်မှာ ဘာသာအယူဝါဒတိုင်းမှာ အမည်ခံ အစွန်းရောက်သမားတွေ ရှိနေတာဟာ အရှိတရားပါ။ အချို့က စိတ်အတွေးထဲလောက်ပဲ အစွန်းရောက်မယ်၊ အချို့က အကောင်ထည်ဖော်ခြင်းတွေပါရှိမယ်။

အစွန်းရောက်မှုကို တိုက်ဖျက်ဖို့ လူတိုင်းမှာ တာဝန်ရှိတယ်၊ သက်ဆိုင်ရာ ဘာသာဝင်တွေမှာ ပိုတာဝန်ထိုက်ပါတယ်။ ကိုယ်နဲ့ အဓိက ဆိုင်တဲ့ အစ္စလာမ်တွင်း ဘာသာတရားအမည်ခံ အစွန်းရောက်ခြင်း အကြောင်း ပြောပါမယ်။

ပြဿနာတစ်ခုကို ဖြေရှင်းဖို့ အဲ့ဒီ့ပြဿနာ အရှိတရားကို ဦးစွာ လက်ခံဖို့လိုပါမယ်။ သူများလွှဲချ ခရူးဆိတ်နဲ့ ဇီယွန်ဝါဒီတွေ၊ နိုင်ငံရေးလက်မဲတွေကြောင့်ချည်းပဲဆိုတဲ့ Conspiracy Theoryက ရသေ့စိတ်ဖြေပဲရပါမယ်၊ လက်တွေ့ကျ အဖြေမဟုတ်ပါ။

အစ္စလာမ်ဟာ ငြိမ်းချမ်းရေးဘာသာတရား၊ ပျက်စီးရာပျက်စီးကြောင်းတွေ မလုပ်ဖို့နဲ့ အပြစ်မဲ့သူ(ဘာသာလူမျိုး ကျားမမခွဲ) တွေ အသက်မသတ်ဖို့ တားမြစ်ထားလို့ ဖောက်ဖျက်ကျူးလွန်သူဟာ မွတ်စလင်မ်မဟုတ်ဘူးဆိုတဲ့ အကြောင်းပြချက်ဟာလည်း သီအိုရီပိုင်းအရ မှန်ပေမယ့် လုံလောက်တဲ့ အားထုတ်မှုမဟုတ်သေးပါ။ ကျူးလွန်သူက ကိုယ့်ဘာသာတရားအမည်ခံထားနေပြီ၊ ကိုယ်ရော စိတ်ရော ထောက်ခံအားပေးသူတွေက ကိုယ့်ဘာသာဝင်အမည်ခံထားပြီးနေပြီ။

ဒီပြဿနာရဲ့ အဖြေအတွက် ကျွန်တော်တို့တွေ နောက်ခံအကြောင်းတရားတွေကို မရောထွေးလိုက်ဖို့လိုပါမယ်။ ရေခံမြေခံတွေထဲမှာ နိုင်ငံရေး လူမှုရေး စီးပွားရေး ဖိနှိပ်မှုတွေ၊ မတရားမှုတွေ၊ နိုင်ငံရေးလက်မဲတွေ ပါတာ သေချာသလောက်ပါ။ ကိုယ် မဖြေရှင်းနိုင်သေးတဲ့ ရှုပ်ထွေးမှုတွေကိုချည်း လက်ညှိုးထိုးနေလို့ အဖြေရလာမှာ မဟုတ်လို့ပါ။

ကျွန်တော်တို့ အဖြေက ကိုယ့်အတိုင်းအတာတွင်း လက်ရှိ အခင်းအကျင်းမှာ ထုတ်မှ လက်တွေ့ဆန်မှာပါ။ မေးခွန်းက ကိုယ်မလုပ်နိုင်တဲ့ အကြောင်းတွေပြရင်း လူ့အဖွဲ့အစည်း ပျက်စီးခံမလား၊ နိုင်တာကို လက်တွေ့ကျလုပ်ရင်း တိုးတက်မလား။ ညစ်ပတ်တဲ့ နိုင်ငံရေး အခင်းအကျင်းကတော့ မျက်ဖြူစိုက်လေ ကြိုက်လေပဲလေ။

အခု သီရိလင်္ကာမှာဖြစ်တယ် (အကြမ်းဖက် ကျူးလွန်သူတွေကို ပြင်းထန်စွာ ကန့်ကွက်ရှုံ့ချပြီး အကြမ်းဖက်ခံတွေနဲ့အတူရပ်တည်ပြီး စိတ်မကောင်းဝမ်းနည်းကြောင်းဖော်ပြလိုပါတယ်)။ ဘာသာနိုင်ငံရေးလုပ် လူနည်းစုတွေကို ဖိနှိပ်တိုက်ခိုက်နေတဲ့ အခင်းအကျင်းအရ ဒီအကြမ်းဖက်မှုကို ဘီ၂လုံးအက်စ် ထေရဗုဒ္ဓဝါဒအမည်ခံ အမျိုးသားရေးအစွန်းရောက်အဖွဲ့ကို သံသယဦးစွာဖြစ်ကြတယ်။ ဘာသာရေးသမိုင်းကြောင်းတူ၊ လက်ရှိ ဖိနှိပ်ခံချင်းတူနေတဲ့ မွတ်စလင်မ် ခရစ်ယာန်လူ့အဖွဲ့အစည်းကြား ပြဿနာမရှိ၊ မဟာမိတ်ကိုး။

အဖြစ်နိုင်ဆုံး သံသယရှိ ကျူးလွန်သူက သဘောထားတင်းမာ၊ သင်းကွဲနေတဲ့ သီရိလင်္ကာမွတ်စလင်မ်အဖွဲ့ငယ်တစ်ခု။ သမိုင်းချီနိုင်ငံရေး မတည်ငြိမ်မှုကလည်း ရှိခဲ့၊ သမ္မတနဲ့ ဝန်ကြီးချုပ်ကလည်း လက်ရှိ နိုင်ငံရေးကွဲပြဲ၊ မဟာပါဝါနိုင်ငံတွေအားပြိုင်နေတဲ့ အခင်းအကျင်းမို့ အချို့မွတ်စလင်မ်တွေက သူများလွှဲချ သီအိုရီ သုံးချင်ကြပြန်ပါတယ်။

တာဝန်သိ မွတ်စလင်မ်အဖွဲ့အစည်းကြီးက နှစ်ချီကြိုတင် သံသယသတင်း ထောက်ထားတိကျပေးပေမယ့် ညစ်ပတ်တဲ့ နိုင်ငံရေးခင်းကျင်းမို့ တာဝန်ရှိအာဏာပိုင်က ထိရောက်စွာ အရေးမယူခဲ့တာ ဘွင်းဘွင်းပြောရရင် “ဟ” ပေးလိုက်နိုင်ချေရှိတာက တစ်ပိုင်းပါ။  ဒါတွေက အပေါ်မှာညွှန်းသလို Dark Power နဲ့ Dirty Politics က အမြဲရှိနေမှာ၊ ဒါကို လက်ညှိုးထိုးလိုက်ရုံနဲ့ မွတ်စလင်မ်လူ့အဖွဲ့အစည်းတွေအတွက် မလုံလောက်သွားပါ။ အိုက်စစ် ISက လတ်တလောပဲ သူတို့ လုပ်တာဆိုပြီး ထကြေငြာပြီ၊ ကျူးလွန်သူအချို့ရဲ့ ကိုယ်ရေးအသေးစိတ်တွေလည်း ထွက်လာနေပြီ။

ဒီဖြစ်ရပ်ဟာ သီရိလင်္ကာနဲ့ သမိုင်းကြောင်းနဲ့ နိုင်ငံရေး ဆင်တဲ့ မြန်မာနိုင်ငံနေ မြန်မာ့မွတ်စလင်မ်တွေအတွက် တပ်လှန့်မှုပါပဲ။

ကြောက်စရာအကောင်းဆုံးအချက်က အိုက်စစ်ရဲ့ ဗျူဟာအပြောင်းပါ၊ တစ်နည်းပြောရရင် အသက်ငင်လာချိန်ဗျူဟာပေါ့။  ဖိနှိပ်ခံရလို့အားနည်းနေပြီသား၊ ညစ်ပတ်တဲ့ နိုင်ငံရေးခင်းကျင်းရှိလို့ သူတို့လုပ်ရပ်ကို ဟပေးနိုင်ချေရှိပြီးသား၊ ဒေသခံမွတ်စလင်မ်များစုနဲ့ကလည်း မဟာမိတ် စတဲ့ လုံးဝမထင်ထားတဲ့ အားအနည်းဆုံး ပြစ်မှတ်ကို ရွေးချယ်လာမှုပါ။ အများသူငါ မွတ်စလင်မ်တွေလည်း သူတို့ကို လက်မခံရင် အယူပျက်သူလို့ သတ်မှတ်ပြီးမို့ နောက်ဆက်တွဲအကျိုးဆက်ကို သူတို့ ထည့်ကို မစဉ်းစားပါ။

ကျွန်တော်တို့မှာ အတွေးပူတစ်ခုရှိတယ်။ ကိုယ်ရေးမှ ညစ်ပတ်တဲ့ နိုင်ငံရေးလက်မဲတွေအတွက် လမ်းကြောင်းသလိုဖြစ်မလားပေါ့။ မမှန်ပါ။ သူတို့မှ အင်အားကြီးတဲ့ သတင်းရယူကွန်ရက်နဲ့ အခြားလိုအပ်တဲ့ ရင်းမြစ်အားလုံးရှိပါတယ်။ ကိုယ် ပြောပြော မပြောပြော သူတို့ လုပ်ချင်ရင် လုပ်မှာပါပဲ၊ အသုံးချမှာပါပဲ။ ဘာသာရေး နိုင်ငံရေး ကူးလူးဆက်စပ်မှုရှိတဲ့ နိုင်ငံတွေအကြား ဒီသတင်းကလည်း လူထုအမြင်ပေါ် ကိုယ်တွေ မပြောလည်း ရောက်နေပြီးသားပါ။

ဘာသာပြု နိုင်ငံရေးနဲ့ အမျိုးသားရေးအစွန်းရောက်မှု အားကောင်းလာနေတဲ့ မြန်မာနိုင်ငံရေးအခင်းအကျင်းမှာ ဖိနှိပ်ခံနေရတဲ့၊ နိုင်ငံရေး ဓားစာခံလုပ်ခံနေရတဲ့ လူ့အဖွဲ့အစည်းတွေဟာ အဆိုးသံသရာလည် သဘောတရားအရ အစွန်းရောက်အဖွဲ့တွေရဲ့ တိုက်ပွဲခေါ်သံအတွက် အာရုံကျရဖြစ်ပြီး အဲ့ဒါကပဲ တခါ နိုင်ငံရေးလက်မဲတွေအတွက် အကြိုက်ပါပဲ။

အဲ့တော့ မြန်မာမွတ်စလင်မ်အသိုင်းအဝိုင်းကပဲ ဖြစ်ရပ်ဆိုးတွေ မဖြစ်ရအောင်၊ မျက်ဖြူစိုက်လေအဖြစ်မျိုး မဖြစ်ရအောင် စတင်ပြီး သဘောမျှတတဲ့ အခြားလူ့အဖွဲ့အစည်း အသိုင်းအဝိုင်းတွေနဲ့ ပူးပေါင်းပြီး ကာကွယ်ဆောင်ရွက်တာ၊ အစိုးရနဲ့ အာဏာပိုင်တွေကိုလည်း တတ်နိုင်သမျှ advocate ဆော်သြတိုက်တွန်းတာတွေ လုပ်ရမှာပါပဲ။

ဘူးတစ်လုံးဆောင်နေတာ၊ လွှဲချသီအိုရီသုံးနေလို့၊ ၂၀၁၀သင်္ကြန်ဗုံးကွဲမှုဖြစ်ရပ်မှာ မတရား အပြစ်လွှဲချခံရတာလို့ နိုင်ငံတကာက ယုံကြည်တဲ့ ကိုဖြိုးဝေအောင် အမှုနဲ့ အခြားအလားတူအမှုတွေကို ထောက်ပြနေလို့၊ နိုင်ငံရေးလက်မဲတွေက အားကြီးလွန်းပါတယ်ကွာလုပ်နေတာလို့ ရသေ့စိတ်ဖြေပဲဖြစ်မှာပါ။ လက်တွေ့အဖြေမဟုတ်ပါ။

နည်းပညာကြောင့် ကမ္ဘာ့ရွာဖြစ်လာမှုမှာ စင်ကာပူလို လူမှုသဟဇတဖြစ်တဲ့ နိုင်ငံမှာတောင် self-radicalization case တွေရှိလို့ အရေးယူထားရတာတွေ ရှိနေပါတယ်။

ဘာသာရေးသင်ကြားချက်တွေကို လွှဲမှားစွာ ဖွင့်ဆို ကောက်ယူမှု၊ (Extreme Form of Political Islam) ဘာသာရေးပြု နိုင်ငံရေး အစွန်းရောက်ပုံစံနဲ့ ဝါဒဖြန့်ချီမှုတွေကို ပြတ်ပြတ်သားသားဆန့်ကျင်ပြီး ထိရောက်စွာ တားစီးရပါမယ်။ တားစီးရာမှာ ဥပဒေကြောင်းအရရော သဘောမျှတတဲ့ ဘာသာရေး ideology တွေးခေါ်နဲ့ ဝါဒပိုင်းကို မြှင့်တင်အားပေးခြင်းတွေပါ လုပ်ရပါမယ်။ မြန်မာမွတ်စလင်မ်လူ့အဖွဲ့အစည်းအနေနဲ့ ဒီကိစ္စမှာ ကိုယ့်အချင်းချင်းမို့ဆိုပြီး လက်သိပ်ထိုးဆုံးမနေတာမျိုးထက် Zero Tolerance Policy ပြတ်သားတဲ့ လုံးဝသည်းမခံခြင်း မူကို သုံးရပါမယ်။

အစိုးရအာဏာပိုင်တွေအနေနဲ့ သတိပြုအပ်တာကလည်း အစွန်းရောက်မှုကို တားဆီးရာမှာ လောအားကြီး တစ်ဖက်သတ် ဝါးလုံးရမ်းပုံစံ ဘာသာရေးဆိုင်ရာ နှိပ်ကွက်မှုတွေဟာ မထိရောက်တဲ့အပြင် အစွန်းရောက်အားပေးဖြစ်နိုင်တယ်ဆိုတာနဲ့ ပူးပေါင်းပါဝင်စေမှုကသာ အဖြေဆိုတာကိုပါ။ အစိုးရအာဏာပိုင်တွေအနေနဲ့လည်း နိုင်ငံတွင်း သက်ဆိုင်ရာလူ့အဖွဲ့အစည်းတွင်းက သဘောမျှတတဲ့ အဖွဲ့အစည်းတွေ၊ ခေါင်းဆောင်တွေ၊ ဘာသာရေးဆရာတွေနဲ့ ပူးပေါင်းပြီး စနစ်တကျ လုပ်ဆောင်အပ်ပါတယ်။ ဒေသတွင်းမှာ ဘာသာရေးအစွန်းရောက်တိုက်ဖျက်ရေးအောင်မြင်နေတဲ့ စင်ကာပူ၊ မလေးရှား၊ အင်ဒိုနီးရှားတို့ နဲ့ နိုင်ငံတကာမှာ မျှတလယ်လတ်ကျတဲ့ အစ္စလာမ်ရဲ့ ပုံရိပ်ကောင်းတွေဖြစ်တဲ့ ကျောင်းတော်တွေ (ဥပမာ-အီဂျစ်အလ်အဇ်ဟရ်တက္ကသိုလ်အမေရိကန် ဇိုင်သွန်နာကောလိပ်)နဲ့ ပညာရှင်တွေ (ဥပမာ-ရှိခ်ဘင်ဘယားရှိခ်ဟမ်ဇားယူစွဖ်)စသည်တို့ရဲ့ အကူအညီတွေကိုလည်း ယူအပ်ပါတယ်။

ရေခံမြေခံဆိုးတွေဖြစ်တဲ့ မြန်မာမွတ်စလင်မ်တွေ ရင်ဆိုင်နေရတဲ့ နိုင်ငံသားခွင့်ရေးပြည့်ဝမရရှိဘဲ ခွဲခြားဆက်ဆံခံရမှု၊ ဘာသာပြုနိုင်ငံရေး၊ အမျိုးသားရေးအစွန်းရောက်ဝါဒနဲ့ အမုန်းစကားတွေရဲ့ ပြစ်မှတ်ထားခံရမှုစတဲ့ စိန်ခေါ်မှုတွေကိုလည်း အစိုးရအာဏာပိုင်တွေဘက်က အသိအမှတ်ပြုပြီး မြန်မာမွတ်စလင်မ်လူ့အဖွဲ့အစည်းကို လမ်းညွှန်မှုပြုကာ အခြား အရပ်ဖက်လူ့အဖွဲ့အစည်းတွေရဲ့အားကိုယူ ပူးပေါင်းပြီး ထိထိရောက်ရောက် ဖြေရှင်းအပ်ပါတယ်။

မြန်မာမွတ်စလင်မ်တိုင်းကလည်း ဦးဆောင်သူအလိုက်၊ အသင်းအဖွဲ့အလိုက်၊ တစ်ဦးချင်းအလိုက် တာဝန်ယူမှု တာဝန်ခံမှုအလိုက် အသီးသီး မိမိတို့အဝန်းအဝိုင်းမှာ စတင်ဆောင်ရွက်တာ၊ ပူးပေါင်းပါဝင်တာတွေလုပ်ကြရပါမယ်။

မြန်မာမွတ်စလင်မ်လူ့အဖွဲ့အစည်းဟာ အခြားဘာသာတရားတွေနဲ့ သက်ဆိုင်ရာ လူ့အဖွဲ့အစည်းတွေက သူတို့အဝန်းအဝိုင်းအတွင်း ဘာသာအမည်ခံ နိုင်ငံရေးနဲ့ အစွန်းရောက်မှုတွေကို ကာကွယ်ဆန့်ကျင်ရာမှာလည်း အပြည့်အဝ ပူးပေါင်းအားထည့် ကူညီပေးရပါမယ်။

မြင့်မြတ်တော်မူတဲ့ အနှိုင်းမဲ့ အရှင်ဆီမှာ ဆုမွန်ပြုကြရင်း၊ ပြဿနာကို လက်တွေ့ဆန်ဆန် ချဉ်းကပ်ကာ ပူးပေါင်းပါဝင်အဖြေရှာကြမယ်၊ ကြိုတင်ပြင်ဆင်ထားမယ်ဆိုရင် ကျွန်တော်တို့တွေ ဘာသာအမည်ခံအစွန်းရောက်ခြင်းကို  အကောင်းဆုံး ကိုင်တွယ်နိုင်ကြမှာပါ။

Photo from Internet

(ဆောင်းပါးရှင်၏ အမြင်နှင့် အာဘော်သာ ဖြစ်ပါသည်။)

Comments are closed.