ဆင်းရဲမွဲတေခြင်းက ခွဲခြားဆက်ဆံမှုနှင် ဆက်စပ်နေသည်ဟု လူမျိုးခွဲခြားရေးဝါဒ လေ့လာရေး ကျွမ်းကျင်သူ ကုလ အထူးကိုယ်စားလှယ်ပြောကြား

နိုဝင်ဘာ- ၇ ၂၀၁၃
M-Media

ဓါတ်ပုံအညွန်း- ချင်းပြည်နယ် တွန်းဇံမြို့နယ်မှ ချင်းလူမျိုး မိသားစု တစ်စု (Photo: CHRO/Benny)

ဆင်းရဲမွဲတေမှုက ကမ္ဘာ့တစ်ဝှမ်းရှိ လူနည်းစုများကို မည်မျှရိုက်ခတ်စေပြီး၊ ခွဲခြားဆက်ဆံခြင်းနှင့်၊ လူမျိုးကြီးဝါဒများနှင့် မည်မျှ ဆက်နွယ်နေသည်ကို မီးမောင်းထိုးပြထားသော ကုလသမဂ္ဂ၏ အစီအရင်ခံစာအသစ်တစ်ခုမှာ ပြီးခဲ့သည့်လက ထွက်ပေါ်လာခဲ့သည်။

ထိုအစီရင်ခံစာအား ခေတ်အဆက်ဆက် လူမျိုးကြီးဝါဒဖြစ်ပေါ်လာမှုကို အထူးပြုလေ့လာသည့် ကုလသမဂ္ဂ အထူး ကိုယ်စားလှယ် မူတူမာ ရူတီရီက ကုလသမဂ္ဂ အထွေထွေညီလာခံသို့ အောက်တိုဘာလ ၆ ရက်နေ့တွင် တင်သွင်းခဲ့ခြင်းဖြစ်ပြီး ထိုအစီရင်ခံစာတွင် “လူမျိုးရေး၊ ဘာသာရေး၊ ဘာသာစကားနှင့် စီပွားရေးဆိုင်ရာများကို အခြေခံသော ခွဲခြားဆက်ဆံမှုများမှာ အားနည်ချက်၊ ပျော့ကွက်များအား ဆွပေးသကဲ့သို့ ဖြစ်စေသည်။ ထိုကဲ့သို့ အားနည်းချက်များရှိနေသော လူအဖွဲ့အစည်းများသည် (နိုင်ငံရှိ) အဓိကကျသည့် ဆောင်ရွက်ချက်များတွင် ပူးပေါင်းဆောင်ရွက်ခွင့်မရရှိခြင်းမှာ သမိုင်းတွင်သည့်ရလဒ်များ ဖြစ်ပေါ်လာစေသည်” ဟု ရေးသားဖော်ပြထားသည်။ ထို့ပြင် စီပွားရေးဆင်းရဲမွဲတေမှု၊ ပညာရေး၊ ကျန်းမာရေးစောင့်ရှောက်မှုနှင့် အစာရေစာများမပြည့်စုံမှုတို့ကလည်း ထိုကဲ့သို့သော ရလဒ်များကို ဖြစ်ပွားစေနိုင်သည်ဟု ထိုအစီရင်ခံစာတွင် ထည့်သွင်းရေးသားထားသည်။

၂၀၁၁ ခုနှစ် ကုလသမဂ္ဂဖွံ့ဖြိုးရေး အစီအစဉ်၏ ဆင်းရေးမွဲတေမှု အစီရင်ခံစာအရ မြန်မာနိုင်ငံလူဦးရေ၏ ၇၀ ရာခိုင်နှုန်းမှာ ဆင်းရဲမွဲတေမှု သတ်မှတ်ချက်အောက်တွင် နေထိုင်နေရပြီး ချင်းပြည်နယ်မှာ တိုင်းနှင့်ပြည်နယ် ၁၄ ခုတွင် အဆင်းရဲဆုံးပြည်နယ်အဖြစ်ရှိနေသည်ဟု ဖော်ပြထားသည်။

ချင်းလူ့အခွင့်အရေးအဖွဲ့(CHRO) ၏ ဥပဒေအကြံပေးဒါရိုက်တာဖြစ်သူ ရေချယ်ဖလီမင်းက ချင်းလူမျိုးများနှင့်ပက်သက်ပြီး နားလည်မှု လွဲမှားခြင်းများ၊ တင်ကူးမှန်ဆမှုများ အများအပြားရှိနေကြောင်း၊ ချင်းလူမျိုးများမှာ လွန်စွာဆင်းရဲ မွဲတေမှုအား ရင်ဆိုင်နေရသည်ကို လူအများက သိရှိနေကြောင်း၊ သို့သော်လည်း အဆိုပါဆင်းရဲမွဲတေမှုမှာ အဘယ်ကြောင့်ဖြစ်ရခြင်းနှင့် ဆင်းရဲမွဲတေမှု၏ အရင်းအမြစ်မှာ မည်သည့်အရာဖြစ်သည်ကို မစဉ်းစားကြောင်း  Chinland Guardian နှင့် အင်တာဗျူးတွင် ပြောဆိုသွားခဲ့သည်။

ထို့ပြင် မစ္စတာ ရူတီရီ၏ အစီရင်ခံစာနှင့်ပက်သက်၍ “ရူတီရီရဲ့အစီရင်ခံစာဟာ ချင်းလူမျိုးတွေရဲ့ အခြေအနေနဲ့ ဆက်စပ်နေပါတယ်။ လူမျိုးရေးနဲ့ ဘာသာရေးကို အခြေခံပြီး အစိုးရကပြုလုပ်တဲ့ ခွဲခြားဆက်ဆံမှုဒဏ်တွေကို ချင်းလူမျိုးတွေ ခံနေရပါတယ်။ ချင်းလူမျိုးတွေရဲ့ ဆင်းရဲမွဲတေမှုကို တိုက်ရိုက် သက်ရောက်မှုရှိတဲ့ အတင်းအဓမ္မခိုင်းစေမှုတွေ၊ မြေယာများသိမ်းဆည်းမှုတွေလို လူ့အခွင်အရေးချိုးဖောက်မှုတွေဟာ ချင်းလူမျိုးတွေ ဆယ်စုနှစ်များစွာကြာ ခံစားနေရတဲ့ ခွဲခြားဆက်ဆံမှုတွေထဲက တစ်ခုပါပဲ။ အဲဒီလို လူ့အခွင့်အရေး ချိုးဖောက်မှုတွေဟာ ချင်းလူမျိုးတွေရဲ့ အဓိကအစားအစာ ထုတ်လုပ်ရာ လယ်ယာမြေတွေကို ထွန်ယက်လုပ်ကိုင်ဖို့ လိုအပ်ချက်တွေကို တိုက်ရိုက်အကျိုးသက်ရောက်မှုရှိနေပါတယ်။ အခြား အကျိုးသက်ရောက်မှုတွေကတော့ ချင်းလူမျိုးတွေရဲ့ အခြေံလိုအပ်ချက်တွေဖြစ်တဲ့ လုံလောက်သောကျန်းမာရေးစောင့်ရှောက်မှု၊ ရေကောင်းရေသန့်၊ လျှပ်စစ်ဓာတ်အား၊ စာသင်ကျောင်းများနဲ့ လမ်းပန်းဆက်သွယ်ရေးတွေမှာ အစိုးရရဲ့ လစ်လျူရှုခံထားရတာမျိုးပါ” ဟု ရေချယ်က ထပ်လောင်းပြောကြားခဲ့သည်။

ကုလသမဂ္ဂ၏ လူ့အခွင့်အရေးအထူးကိုယ်စားလှယ် သောမတ်စ်ကင်တားနား၏ ကုလသမဂ္ဂအထွေထွေညီလာခံသို့ ပေးပို့ခဲ့သည့် မြန်မာနိုင်ငံရှိ လူ့အခွင့်အရေးအခြေအနေနှင့် ပက်သက်သည့် အစီရင်ခံစာတွင် ဖွံ့ဖြိုးတိုးတက်မှုမရှိသည့် ချင်းပြည်နယ်၏ အခြေအနေကို အသားပေးဖေါ်ပြခဲ့သည်။ ထိုအစီရင်ခံစာတွင် ချင်းပြည်နယ်ရှိ ခရစ်ယာန်ဘာသာဝင်များအား စနစ်တကျပြုလုပ်နေသည့် ခွဲခြားမှုများကို အစိုးရအနေဖြင့် တိတိကျကျကိုင်တွယ်ဖြေရှင်းရန်တိုက်တွန်းခဲ့ပြီး၊ ထိုကိစ္စနှင့်ပက်သက်၍ ပြည်နယ်အစိုးရ၏ လစ်လျူရှုမှုများကိုလည်း ဖော်ပြခဲ့သည်။

Ref:chinlandguardian