10 months ago
ရိုဟင်ဂျာ ၇ ဦးကို အိန္ဒိယနိုင်ငံက မြန်မာကို ပထမဆုံးအကြိမ် ပြန်ပို့
1 year ago
ဓာတ်ပြားအဆိုတော် တေးသံရှင် ဒေါ်မာမာဝေ အသက်(၉၃) နှစ် ကွယ်လွန်
1 year ago
ဒုက္ခသည်စခန်းမှ လုပ်အားပေးဆရာမတစ်ဦး ရခိုင်မှ ရန်ကုန်သို့လာစဉ် လဝကဥပဒေဖြင့် အဖမ်းခံရပြီး ထောင်တစ်နှစ်ကျ
2 years ago
ဦးဇော်ဌေး (ခ) မှူးဇော်အား ဌာနပြောင်းရွှေ့တာဝန်ပေး
2 years ago
NVC ကဒ် လက်ခံရန် ဖိအားပေးခံရမှုကို ငြင်းဆိုသော ကမန်တိုင်းရင်းသားများ စီးပွားရေးပိတ်ဆို့ခံနေရ
2 years ago
ASEAN ထိပ်သီးများ ရိုဟင်ဂျာအရေး ဆွေးနွေး
2 years ago
Drone မှုနဲ့ဖမ်းခံရသူ သတင်းထောက်တွေ မိသားစုနဲ့တွေ့ခွင့်မရသေး
2 years ago
မြန်မာ-ဘင်္ဂလားဒေ့ရှ် သဘောတူညီချက် (၁၀)ချက် လက်မှတ်ရေးထိုး
2 years ago
AA ဒုဗိုလ်မှူးကြီး အပါအ၀င် ၉ ဦးကို ငွေကြေးခ၀ါချမှုနဲ့ အမှုဖွင့်စစ်ဆေး
2 years ago
ဘာသာပေါင်းစုံ ဆုတောင်းပွဲ (ရုပ်သံ)

ဒီဇင်ဘာ ၂၇-၂၀၁၃
M-Media
သီရိ

 

8
ရန်ကုန်။           ။ ၂၇ ကြိမ်မြောက် အရှေ့တောင်အာရှ အားကစားပြိုင်ပွဲ ဖွင့်ပွဲအထိမ်းအမှတ် မီးရှူးတိုင်သယ်ဆောင်သည့် အခမ်အနားတွင်  နိုင်ငံ အတွက် အာရှနှင့် အရှေ့တောင် အာရှ အားကစားပြိုင်ပွဲများတွင် ဆုတံဆိပ်များ ဆွတ်ခူးပေးခဲ့သော မြန်မာမွတ်စလင် အားကစားသမားများ ဖြစ်ကြသည့် ဒေါ်ဘေဘီ (ဘော်လီဘော)၊ ဦးအေးလွင်(ဘောလီဘော)၊ ဦးဝင်းမောင်(လက်ဝှေ့)၊ ဦးမောင်လှ(ပြေးခုန်ပစ်)၊ ဦးသိန်းလွင်(လက်ဝှေ့) တို့ ပါဝင်သယ်ဆောင်ခွင့်ရခဲ့ရရှိခဲ့ပါသည်။ အဆိုပါ (၅) ဦး အနက်မှာ နိုင်ငံတကာ ပြိုင်ပွဲများ တွင် လက်ဝှေ့အားကစားနည်းဖြင့် တိုင်းပြည်အတွက် ဆုတံဆိပ်များ ရရှိအောင် စွမ်းဆောင်ပေးခဲ့သူ လက်ဝှေ့ ချန်ပီယံဟောင်း ဦးသိန်းလွင်ကို M-Media မှ တွေ့ဆုံမေးမြန်းခွင့် ရရှိခဲ့ပါသည်။

အဖ ဦးမောင်အေး၊ အမိ ဒေါ်အေးခင် တို့မှ ၂၂ ရက် မေလ ၁၉၄၄ ခုနှစ်တွင် ဟသာင်္တခရိုင် ထူးကြီး တွင် မွေးဖွားခဲ့သည်။ မွေးချင်းလေးယောက်အနက် အကြီးဆုံးဖြစ်သည်။ ၁၉၆၇ ခုနှစ်တွင် ဒေါ်စန်းအေးနှင့် အိမ်ထောင်ကျကာ သားနှစ်ယောက် သမီးနှစ်ယောက် ထွန်းကားခဲ့သည်။

M-Media ။          ။ အန်ကယ်သူငယ်တန်းမှစပြီးဘယ်လိုပညာကိုသင်ကြားခဲ့ပါသလဲ။
ဖြေ။           ။ အန်ကယ် သူငယ်တန်းကနေစပြီး ၁၀ တန်းအောင်တဲ့အထိ Burmar Muslim (ယခု အ.ထ.က ၅ မင်္ဂလာတောင်ညွန့်) မှာ သင်ကြားခဲ့တယ်။

M-Media ။         ။ ၁၀ တန်းအောင်တော့ရော ဘယ်လိုကျောင်းတွေဆက်တက်ခဲ့ပါသလဲ။
ဖြေ။          ။ ၁၀ တန်းအောင်စာရင်းထွက်ပြီးကတည်းက အားကစားပဲလုပ်ခဲ့တာ၊ ကျောင်းဆက်တက်ဖို့ စိတ်လဲ မ၀င်စားတော့ဘူး စိတ်လဲမပါဘူး အဲတော့ဆက်မတက်ဖြစ်ခဲ့ပါဘူး။

M-Media ။         ။ အန်ကယ် ဘောက်စင်ထိုးတာကို ဘယ်အချိန်ကတည်းကစိတ်ဝင်စားခဲ့တာပါလဲ။
ဖြေ။           ။ ကလေးဘ၀ကတည်းကပေါ့ ကျောင်းသားဘ၀ ၆ တန်းလောက်ကတည်းက အရမ်း စိတ်ဝင်စားခဲ့တာ တခြား အားကစားနည်းတွေ စိတ်မ၀င်စားဘူး ဘောက်စင်ပဲစိတ်ဝင်စားတယ်။

M-Media ။          ။ ဘယ်အချိန်မှာ စ ကစားဖြစ်ခဲ့တာပါလဲ၊ အန်ကယ်ကစားခဲ့တဲ့ပွဲတွေမှာရော ဘယ်လိုအောင်မြင်မှုမျိုးတွေ ရခဲ့ပါသလဲ။
ဖြေ။            ။ စ ကစားဖြစ်ခဲ့တာတော့ ၁၉၆၁ ခုနှစ်မှာ ၇ တန်းကျောင်းသားဘ၀မှာပေါ့ စခဲ့တယ်။ ၇ တန်းမှာ  ကျောင်းပွဲမှာစကစားခဲ့တယ်၊ ၈တန်းရောက်တော့ ကျောင်းကချန်ပီယံ ဖြစ်လာတယ်။ နောက်တော့ ၁၉၆၃ခုနှစ်မှာ ရှမ်းပြည်နယ်မှာ သွားရောက်ယှဉ်ပြိုင်ခဲ့တော့ ရှမ်းပြည်နယ်ရဲ့ ချန်ပီယံဖြစ်ခဲ့တယ်။ ၁၉၆၄ မှာ မြန်မာပြည်မှာအားကစားပေါင်းစုံ တိုင်းနှင့်ပြည်နယ်ပွဲကို ပထမဆုံးကျင်းပခဲ့တယ်၊ အဲဒီပွဲမှာ အန်ကယ် ၀င်ပြိုင်ခဲ့တာ ရွှေတံဆိပ်ဆုပေါ့ ချန်ပီယံဖြစ်ခဲ့တယ်။ ၁၉၆၄ မှာပဲ မြန်မာနှင့် ယိုးဒယားချစ်ကြည်ရေးပွဲမှာ ရွှေထပ်ခဲ့ရတယ်။ ၁၉၆၆ မှာ အမျိုးသား တံခွန်စိုက်ပွဲမှာ ယှဉ်ပြိုင်ခဲ့တာ ငွေတံဆိပ်ဆု ရခဲ့တယ်။ ၁၉၆၈ မှာ ရရှား-မြန်မာ ချစ်ကြည်ရေးပွဲမှာ ငွေရခဲ့တယ်။ ၁၉၆၉ မှာ မြန်မာနိုင်ငံက အိမ်ရှင်အဖြစ် လက်ခံကျင်းပတဲ့ အရှေ့တောင်အာရှ ကျွန်းဆွယ်နိုင်ငံ SEAP GAME  ပြိုင်ပွဲမှာ ရွှေရခဲ့တယ်။ အဲဒီနောက်တော့ အန်ကယ် ကစားတာ နားလိုက်တော့တယ်။

M-Media ။        ။ အန်ကယ်ဘယ်အချိန်မှာ နားခဲ့တာလဲ၊ ဘာကြောင့်နားခဲ့တာလဲ။
ဖြေ။          ။ ၁၉၇၁ ခုနှစ် အသက် ၂၄ နှစ်မှာပဲနားခဲ့တယ်၊ အိမ်ကမိဘကလည်း ဘောက်စင်ထိုးနေတာကို သိပ်သဘောမကျဘူး တခြားစီးပွားရေးပဲ လုပ်ရမယ်ဆိုလို့ စောစောပဲနားလိုက်တာပါ။

M-Media ။          ။ အန်ကယ်အနားယူပြီးတဲ့အချိန်ကစပြီး ဘာတွေလုပ်ခဲ့ပါလဲ။
ဖြေ။           ။ အားကစားလောကကအနားယူပြီးချင်း ကုန်သွယ်ရေးမှာ လုပ်ခဲ့တယ်၊ နောက်တော့ မြို့နယ်အားကစားအရာရှိ လုပ်ခဲ့တယ်၊ နှစ်နှစ်လောက် လုပ်ပြီးတော့ သဘောင်္လိုက်ခဲ့တယ်။ ၁၉၉၆ ကစပြီးတော့ ဘာမှမလုပ်တော့ဘူး။

M-Media ။           ။ အန်ကယ် SEA GAME အတွက် နေပြည်တော်မှာ ဘယ်လို မီးရူးတိုင်ကို ကိုင်ဆောင်ခွင့်ရခဲ့ပါသလဲ။
ဖြေ။           ။ သတင်းစာထဲမှာ ကြေငြာပါလာတာတွေ့တော့ လျှောက်လိုက်တယ်၊ နောက်တော့ နေပြည်တော်ကိုခေါ်ပြီး ရွှေရထားတဲ့ အားကစားသမားဟောင်းတွေကို ဂုဏ်ပြုတယ်၊  အဲဒီရောက်မှ မီးရူးတိုင်ကိုနေပြည်တော်ကို လာရောက်ကိုင်ပေးပါလို့ ပြောတော့ ကိုင်ဖြစ်သွားတာပါ။

M-Media – အခုလို ဖြေကြားပေးတဲ့ အန်ကယ်ကို ကျေးဇူးအများကြီးတင်ပါတယ်။

—————————————-
** M-Media ၏ မူပိုင် သတင်း/ဆောင်းပါးများ၊ ဘာသာပြန် များကို အွန်လိုင်းမီဒီယာများတွင် မည်သူမဆို လွတ်လပ်စွာကူးယူဖော်ပြနိုင်ပါသည်။ ကူးယူဖော်ပြသူများအနေဖြင့် M-Media မူရင်းလင့်ခ်ကို ထည့်ပေးဖို့ မေတ္တာရပ်ခံအပ်ပါသည်။

M-Media ၏ ခွင့်ပြုချက်မရှိဘဲ စီးပွားဖြစ် ထုတ်ဝေသော Print Media များတွင် ထည့်သွင်းဖော်ပြခြင်းများ လုံးဝ ခွင့်မပြုပါ။
ဆက်သွယ်ရန် [email protected]

Leave a Reply