တောင်အာဖရိကရှိ စွန့်ပစ်ထားသော ရွှေတွင်းအား ၀င်ရောက် တူးဖော်ရာမှ မိုင်းလုပ်သား ၂၀၀ ကျော် ပိတ်မိနေ

ဖေဖော်ဝါရီ ၁၆၊ ၂၀၁၄
M-Media

– တောင်အာဖရိကနိုင်ငံ ဂျိုဟန်နစ္စဘတ်မြို့အနီး တူးဖော်ရေးလုပ်ငန်းများ လုပ်ဆောင်ခြင်းမရှိတော့သည့် ရွှေတွင်းတစ်ခုတွင် မိုင်းလုပ်သား ၂၀၀ ကျော် ပိတ်မိနေသည်ဟု သိရသည်။

ဂျိုဟန်နစ္စဘတ် အပြင်ဘက် Benoni မြို့ရှိ Gold One ၏ အမည်ရသည့် အဆိုပါ ရွှေတွင်းအား တရားမ၀င်မိုင်းလုပ်သားများက ၀င်ရောက်တူးဖော်ရာတွင် ယမန်နေ့ နေ့လည်ပိုင်းက ပိတ်မိနေခဲ့ခြင်းဖြစ်သည်။

“မိုင်းတွင်းရဲ့ အပေါ်ဘက်ခြမ်းမှာ ပိတ်မိနေတဲ့သူက ၃၀ လောက်ရှိပြီး၊ အောက်ခြေ လှိုဏ်ခေါင်းထဲမှာကတော့ အများကြီး ပိတ်မိနေပါတယ်” ဟု အရေးပေါ်ကယ်ဆယ်ရေး အေဂျင်စီ ER24 မှ ပြောရေးဆိုခွင့်ရှိသူ ၀ါနာဗာမက်က ပြောကြားခဲ့သည်။

ပိတ်မိနေသော မိုင်းလုပ်သားများအား ရှာဖွေရန်အတွက် ကယ်ဆယ်ရေးလုပ်သားများမှာ အခင်းဖြစ်ပွားရာနေရာသို့ ရောက်ရှိနေပြီး၊ သေဆုံးမှုသတင်းများ ထွက်ပေါ်လာခြင်းမရှိသေးပေ။

မိုင်းတွင်းအပေါ်ဘက်တွင် ပိတ်မိနေသူများနှင့် ကယ်ဆယ်ရေးလုပ်သားများစကားပြောဆိုနိုင်ပြီး ၎င်းတို့မှာ ဒဏ်ရာရရှိမှုများ မရှိသော်လည်း၊ မိုင်းတွင်းအောက်ပိုင်းရှိ လုပ်သားများ၏ အခြေအနေကိုမူ သိရှိရခြင်းမရှိဟု ဗာမက်က ထပ်လောင်းပြောခဲ့သည်။
၎င်းတို့မှာ မြေအောက် ၅ မီတာအနက်တွင် ရောက်ရှိနေသည်ဟု ယုံကြည်ရပြီး ရေများကလည်း ၎င်းတို့ရှိရာနေရာသို့ စီဆင်းနေသည်။

ထိုမိုင်းတွင်းမှာ တူးဖော်ခြင်းများမလုပ်တော့ဘဲ အချိန်အတော်ကြာ စွန့်ပစ်ထားခဲ့သည့် မိုင်းတွင်းဖြစ်မည်ဟု ယူဆရပြီး၊ တရားမ၀င် မိုင်းလုပ်သားများက လာရောက်လုပ်ကိုင်ခဲ့ခြင်းဖြစ်သည်။ ပိတ်မိနေသော မိုင်းလုပ်သားများအတွက် ကယ်ဆယ်ရေးလုပ်ငန်းများမှာ နာရီပေါင်း များစွာ ကြာဖွယ်ရှိနေသည်။

ယခုအဖြစ်အပျက်က နိုင်ငံအတွင်း တရားမ၀င် သတ္တုတူးဖော်မှုလုပ်ငန်းနှင့် ပက်သက်၍ စိုးရိမ်စရာမြင့်တက်လာခြင်းကို မီးမောင်းထိုးပြလျက်ရှိနေသည်။ ၂၀၁၂ မတ်လက Gauteng ပြည်နယ်ရှိ ရွှေတွင်းတစ်တွင်းတွင် ကျောက်တုံးများ ပြိုကျခဲ့မှုကြောင့် မိုင်းလုပ်သား အနည်းဆုံး ၂၀ ခန့် ပိတ်မိသေဆုံးခဲ့ရသည်။

Ref: ဆင်ဟွာ

ဓါတ်ပုံ အညွန်း- အရေးပေါ်ကယ်ဆယ်ရေး လုပ်ဆောင်နေပုံ (Photo-EPA)