6 years ago
ရိုဟင်ဂျာ ၇ ဦးကို အိန္ဒိယနိုင်ငံက မြန်မာကို ပထမဆုံးအကြိမ် ပြန်ပို့
6 years ago
ဓာတ်ပြားအဆိုတော် တေးသံရှင် ဒေါ်မာမာဝေ အသက်(၉၃) နှစ် ကွယ်လွန်
6 years ago
ဒုက္ခသည်စခန်းမှ လုပ်အားပေးဆရာမတစ်ဦး ရခိုင်မှ ရန်ကုန်သို့လာစဉ် လဝကဥပဒေဖြင့် အဖမ်းခံရပြီး ထောင်တစ်နှစ်ကျ
6 years ago
ဦးဇော်ဌေး (ခ) မှူးဇော်အား ဌာနပြောင်းရွှေ့တာဝန်ပေး
6 years ago
NVC ကဒ် လက်ခံရန် ဖိအားပေးခံရမှုကို ငြင်းဆိုသော ကမန်တိုင်းရင်းသားများ စီးပွားရေးပိတ်ဆို့ခံနေရ
6 years ago
ASEAN ထိပ်သီးများ ရိုဟင်ဂျာအရေး ဆွေးနွေး
7 years ago
Drone မှုနဲ့ဖမ်းခံရသူ သတင်းထောက်တွေ မိသားစုနဲ့တွေ့ခွင့်မရသေး
7 years ago
မြန်မာ-ဘင်္ဂလားဒေ့ရှ် သဘောတူညီချက် (၁၀)ချက် လက်မှတ်ရေးထိုး
7 years ago
AA ဒုဗိုလ်မှူးကြီး အပါအ၀င် ၉ ဦးကို ငွေကြေးခ၀ါချမှုနဲ့ အမှုဖွင့်စစ်ဆေး
7 years ago
ဘာသာပေါင်းစုံ ဆုတောင်းပွဲ (ရုပ်သံ)

ဧပြီ ၊ ၁၆၊ ၂၀၁၄
M-Media
KK

Ngazun

ငါန်းဇွန်မြို့တွင် ဧပြီ ၁၃-ရက် သင်္ကြန်အကြိုနေ့ ညနေပိုင်းက ဖြစ်ပွားခဲ့သည့် သာမန်မတော်တဆ ဖြစ်မှုအား မုဒိမ်းကျင့်သည်ဟုဆိုကာ  အကြမ်းဖက်မှု ဖြစ်ပွားစေရန် ဘာသာရေးအသွင်ဆောင် လှုံ့ဆော်မှုတစ်ခု ဖြစ်ပွား ခဲ့သော်လည်း ဒေသခံများနှင့် တာဝန်ရှိသူများ အချိန်မီ ၀ိုင်းဝန်းထိန်းသိမ်းနိုင်ခဲ့ကြောင်း သိရသည်။

ဖြစ်ပွားပုံမှာ ငါန်းဇွန်မြို့ အမှတ်(၁)ရပ်ကွက်ရှိ ဆိုင်ခန်းများဖွင့်ထားသော အဆောက်အဦးတွင် ကုန်စုံဆိုင် ဖွင့်ထားသူ အစ္စလာမ်ဘာသာဝင်တစ်ဦး၏ အသက် ၁၇-နှစ်ခွဲခန့်ရှိ သားနှင့် ဆိုင်ခန်းတစ်ခန်းကျော်ရှိ စက်ချုပ်ဆိုင်တွင် စက်ချုပ်သင် ၀န်ထမ်းဖြစ်သူ အသက် ၁၅-နှစ်အရွယ်ခန့်ရှိ ဗုဒ္ဓဘာသာ မိန်းမလေးတစ်ဦးတို့ ဆိုင်ခန်း နောက်ဖေးလမ်းကြားတွင် အမှတ်မထင် တိုက်မိခဲ့ခြင်းဖြစ်သည်။

ဆိုင်ခန်းတွဲများဖြစ်သည့်အလျောက် အသုံးပြုရန် အိမ်သာသည် ပေါင်းစုအသုံးပြုရပြီး အိမ်သာသို့ သွားရာလမ်းသည် ၃-ပေခန့် အကျယ်ရှိသော လမ်းဖြစ်ကြောင်းသိသည်။ အခင်းဖြစ်ပွားချိန်တွင် အိမ်သာမှ ပြန်လာသော အဆိုပါမိန်းကလေးနှင့် အိမ်သာသွားရန် တံခါးဖွင့်ပြီးထွက်သည့် လူငယ်တို့တိုက်မိပြီး မိန်းကလေးအား နမ်းရှုံ့သကဲ့သို့ဖြစ်သွားကြောင်း၊ မိန်းကလေး၏ အစ်ကိုများမှတဆင့် ၎င်းအကြောင်းအရာကို သိရှိပြီး မကျေမနပ်ဖြစ်သူတချို့က အနီးအနားဝန်းကျင်ရွာများသို့ ပြောဆိုရာမှ ငါန်းဇွန်မြို့ရှိ အစ္စလာမ်ဘာသာဝင်အိမ်များနှင့် ဗလီအား မီးရှို့မည်ဟု သတင်းများ ထွက်ပေါ်လာခဲ့ခြင်းဖြစ်သည်။

ဤဖြစ်ရပ်ကြောင့် ငါန်းဇွန်မြို့ သံဃနာယက ဥက္ကဌ ဆရာတော်မှ ၀င်ရောက် ညှိနှိုင်း ဖျန်ဖြေပေးပြီး SB မှလည်း ၀င်ရောက် ညှိနှိုင်းပေးခဲ့ကြောင်း၊ ဧပြီ ၁၄-ရက် ညနေပိုင်းတွင် မိန်းကလေး၏ အစ်ကိုများထံသို့ လူငယ်မှ သွားရောက်တောင်းပန် ခဲ့ပြီးနောက် လူငယ်မိသားစု၏ လုံခြုံရေးအတွက်ဟုဆိုတာ ငါန်းဇွန်ရဲစခန်းသို့ ခေါ်ဆောင်ခဲ့ပြီး ထိန်းသိမ်းခဲ့ကြောင်း၊ ထို့နောက် လူငယ်အား ငါန်းဇွန်ရဲစခန်းမှတဆင့် မြင်းခြံထောင်သို့ ပို့ဆောင်ထားကြောင်း သိရသည်။

မုဒိမ်းကျင့်ခံခဲ့ရသည်ဟု သတင်းထွက်ပေါ်ခဲ့သည့် ဆိုသည့် အဆိုပါ မိန်းကလေးငယ်မှာလည်း ပုံမှန်အတိုင်း လုပ်ငန်းခွင်တွင် သွားလာနေကြောင်းလည်း သိရသည်။

ဘာသာရေးအသွင်ဆောင် အကြမ်းဖက်မှုများ ဖြစ်အောင် လှုံ့ဆော်ဖန်တီးနေသူများမှ ဤကဲ့သို့သော မတော်တဆဖြစ်မှုများကို အခွင့်ကောင်းယူကာ ဘာသာ လူမျိုးရေး အကြမ်းဖက်မှုဖြစ်အောင် ဖန်တီးမှုများ ရှိသဖြင့် အဆိုပါဖန်တီးလှုံ့ဆော်သူများအား တရားဥပဒေ အတိုင်း အရေးယူမှုများ ပြုလုပ်ရန် လိုအပ်ကြောင်းကြောင်း၊ တရားဥပဒေစိုးမိုးမှုမှာ လုံးဝ ယုံကြည်စိတ်ချဖွယ် မရှိဖြစ်နေရသည့် အခြေအနေဖြစ်နေကြောင်းကို ငါန်းဇွန်ဒေသခံများက ပြောသည်။

အဆိုပါ ဖြစ်စဉ်နှင့် ပတ်သက်ပြီး အစိုးရ ပြန်ကြားရေးနှင့် သက်ဆိုင်ရာ ရဲတပ်ဖွဲ့ သတင်းထုတ်ပြန်ခြင်း မရှိသော်လည်း မန္တလေး မစိုးရမ်ကျောင်းတိုက်မှ ၉၆၉ ဦးဆောင်ဆရာတော် အရှင်ဝီရသူ၏ သတင်းထုတ်ပြန်ရေး FB စာမျက်နှာနှင့် ဘလောဂ်တွင် မုဒိမ်းကျင့်ရန် ကြံစည်မှုအဖြစ် အမုန်းတရားပွားများစေမည့် အသုံးအနှုန်းများဖြင့် ရေးသားထားကြောင်း တွေ့ရှိရသည်။

Leave a Reply