တောင်အာဖရိကတွင်ပြုလုပ်သည့် အိဂ်ျသေမာသို့ အာဖရိက တစ်ဝှမ်းရှိ ထောင်ပေါင်းများစွာသော မွတ်စလင်များ တက်ရောက်

ဧပြီ ၂၂၊ ၂၀၁၄
M-Media

ဂျိုဟန်နစ္စဘတ်။    ။ မွတ်စလင်များ၏ နာမ်ပိုင်းဆိုင်ရာမြှင့်တင်မှုနှင့် စိတ်နှလုံးအေးချမ်းမှုရရှိရန် ရည်ရွယ်၍ အိဂ်ျသေမာ စုဝေးမှုတစ်ခုကို တောင်အာဖရိကနိုင်ငံ ဂျိုဟန်နစ္စဘတ်တွင် ပြုလုပ်လျက်ရှိပြီး အာဖရိကတစ်ဝှမ်းမှာ အစ္စလာမ်ဘာသာဝင်များ တဖွဲဖွဲလာရောက်နေကြသည်။

“(ဒီပွဲကိုလာရောက်ရတဲ့အတွက်) နာမ်ပိုင်းဆိုင်ရာ မြင့်တက်သွားတယ်လို့ ကျွန်တော်ခံစားရပါတယ်။ နောက်နှစ် အိဂ်ျသေမာကိုလည်း ကျွန်တော်တက်ရောက် သွားမှာပါ” ဟု မာလာဝီမှ မွတ်စလင်တရားဟောဆရာတစ်ဦး၏ တရားဒေသနာကို ကြားနာနေသည့် မာလာဝီနိုင်ငံမှ အစ္စလာမ်ဘာသာဝင် ဂျာဖာရန် ကန်ဒူလူက Anadolu သတင်းဌာနသို့ ပြောကြားခဲ့သည်။

နှစ်စဉ်နှစ်တိုင်း ပြုလုပ်လေ့ရှိသော် အဆိုပါ အိဂ်ျသေမာက မွတ်စလင်များကို ဆွဲဆောင်နိုင်ပြီး နေ့ညမပြတ် တရားဒေသနာဟောကြားခြင်းများကိုလည်း ဆောင်ရွက်ကြသည်။ ယခုနှစ် အိဂ်ျသေမာ ဖွင့်ပွဲအခမ်းအနားကို လူပေါင်း ၁ သောင်းနီးပါး တက်ရောက်ခဲ့ကြသည်။

အိဂ်ျသေမာသို့ မာလာဝီ၊ ဇင်ဘာဘွေ စသည့် အာဖရိကနိုင်ငံများမှ အစ္စလာမ်ဘာသာဝင်များ လာရောက်ကြကာ၊ အိန္ဒိယ၊ ပါကစ္စတန် နိုင်ငံများအပါအ၀င် အာရှနိုင်ငံများမှ မွတ်စလင်ပညာရှင်များ တရားဒေသနာတော်များကို လာရောက်ပို့ချကြသည်။

“ဒီအိဂ်ျသေမာကို တောင်အာဖရိကမှာ နှစ်စဉ်ပြုလုပ်ပါတယ်။ ဒီနှစ်တော့ ဒီနာမ်ပိုင်းဆိုင်ရာမြှင့်တင်ရေး စုဝေးမှုကြီးကို လူ ၂သောင်းနီးပါးလောက် လာမယ်လို့ ကျွန်တော်တို့ မျှော်လင့်ပါတယ်။ ဒီအစီအစဉ်ကို အချို့လူတွေဟာ မာလာဝီ၊ ဇင်ဘာဘွေတို့လို ဝေးတဲ့နေရာတွေနဲ့၊ အိမ်နီးချင်းနိုင်ငံတွေက လာကြတာပါ။ ဒီအစဉ်အစဉ်ဟာ အစ္စလာမ်ရဲ့ စစ်မှန်တဲ့ လမ်းကြောင်းအတွင်းမှာ ဘ၀သက်တမ်းတွေကို အဓိပ္ပါယ်ရှိစွာနဲ့ ရှင်သန်ဖို့အတွက် မွတ်စလင်တွေကို လှုံ့ဆော်ပေးဖို့ ရည်ရွယ်တာပါ” ဟု အိဂ်ျသေမာဖြစ်မြောက်ရေး စီစဉ်သူများမှ တစ်ဦးဖြစ်သည့် တောင်အာဖရိက မွတ်စလင်ပညာရှင်တစ်ဦးက ပြောကြားခဲ့သည်။

အဆိုပါ အိဂ်ျသေမာသို့ လာရောက်ကြသည့် အစ္စလာမ်ဘာသာဝင်များမှာ စီစဉ်ပေးထားသည့် ယာယီတဲများတွင် နေထိုင်ရပြီး ညီရင်းအကိုစိတ်ဓာတ်ကို ဖော်ကျူးရန် ဆင်တူဝတ်စုံအဖြူများကိုဝတ်ဆင်ကြသည်။ တက်ရောက်လာကြသူများ အဆင်ပြေချောမွေ့စေရန် ကိုယ်လက်ဆေးကြောရန် ရေများ၊ ရေအိမ်များနှင့် လျှပ်စစ်မီးများကို စီစဉ်ဆောင်ရွက်ထားရှိသည်။

“နိုင်ငံစုံက အစ္စလာမ်ဘာသာဝင်တွေကို တွေ့မြင်ရတဲ့အတွက် ဒီအိဂ်ျသေမာဟာ ဟဂ်ျဘုရားဖူး ခရီးစဉ်ကို အမှတ်ရစေပါတယ်။ ဒါဟာ ညီရင်းအကိုစစ်စစ်တွေရဲ့ စုစည်းမှုတစ်ခုပါ” ဟု တောင်အာဖရိက နိုင်ငံတွင် ကုန်သွယ်လုပ်ငန်း လုပ်ကိုင်နေသည့် ဆိုမာလီကုန်သည် မဟ်မဒ် အလီက ပြောကြားခဲ့သည်။

ဘင်္ဂလားဒေ့ရ်ှနိုင်ငံတွင်လည်း အစ်ရ်ှဝါအမည်ဖြင့် ထိုကဲ့သို့ အိဂ်ျသေမာတစ်ခုကို ၁၉၆၀ ပြည့်နှစ်များမှ စတင်ကာ နှစ်စဉ်ပြုလုပ်လေ့ရှိသည်။ အိန္ဒိယနိုင်ငံတွင် တဗ်လိဂ်ဂျမတ်အဖွဲ့မှ ဦးဆောင်ကာ ထိုကဲ့သို့ စုဝေးမှုကို နှစ်စဉ်ပြုလုပ်လေ့ရှိသည်။

တဗ်လိဂ်ဂျမတ်အဖွဲ့ကို ၁၉၂၆ ခုနှစ်တွင် ရှိတ် မုဟမ္မဒ် အီလီယက်စ် အလ်-ခန်ဒ်လာဝီ (Sheikh Muhammad Ilyas Al-Kandhlaw) က စတင်ဖွဲ့စည်းခဲ့ခြင်းဖြစ်ပြီး၊ ဒေလီမြို့တွင်အခြေစိုက်ကာ ကမ္ဘာ့တစ်ဝှမ်း အစ္စလာမ်ဘာသာဝင်များအကြား နာမ်ပိုင်းဆိုင်ရာ မြှင့်တင်ပေးသောလုပ်ငန်းများကို လုပ်ဆောင်နေသည့် အဖွဲ့ဖြစ်သည်။ မည်သည့် မွတ်စလင် အမျိုးသား၊ အမျိုးသမီးမဆို ထိုအဖွဲ့မှပြုလုပ်သော စုစည်းလှုပ်ရှားမှုတွင် တက်ရောက်နိုင်ပြီး၊ ထိုအဖွဲ့မှပြုလုပ်သည့် ဒါဝါဟ်လှုပ်ရှားမှု ခရီးစဉ်များတွင် ပါဝင်ဆောင်ရွက်နိုင်သည်။
OnIslam & News Agencies