6 years ago
ရိုဟင်ဂျာ ၇ ဦးကို အိန္ဒိယနိုင်ငံက မြန်မာကို ပထမဆုံးအကြိမ် ပြန်ပို့
6 years ago
ဓာတ်ပြားအဆိုတော် တေးသံရှင် ဒေါ်မာမာဝေ အသက်(၉၃) နှစ် ကွယ်လွန်
6 years ago
ဒုက္ခသည်စခန်းမှ လုပ်အားပေးဆရာမတစ်ဦး ရခိုင်မှ ရန်ကုန်သို့လာစဉ် လဝကဥပဒေဖြင့် အဖမ်းခံရပြီး ထောင်တစ်နှစ်ကျ
6 years ago
ဦးဇော်ဌေး (ခ) မှူးဇော်အား ဌာနပြောင်းရွှေ့တာဝန်ပေး
6 years ago
NVC ကဒ် လက်ခံရန် ဖိအားပေးခံရမှုကို ငြင်းဆိုသော ကမန်တိုင်းရင်းသားများ စီးပွားရေးပိတ်ဆို့ခံနေရ
6 years ago
ASEAN ထိပ်သီးများ ရိုဟင်ဂျာအရေး ဆွေးနွေး
6 years ago
Drone မှုနဲ့ဖမ်းခံရသူ သတင်းထောက်တွေ မိသားစုနဲ့တွေ့ခွင့်မရသေး
6 years ago
မြန်မာ-ဘင်္ဂလားဒေ့ရှ် သဘောတူညီချက် (၁၀)ချက် လက်မှတ်ရေးထိုး
6 years ago
AA ဒုဗိုလ်မှူးကြီး အပါအ၀င် ၉ ဦးကို ငွေကြေးခ၀ါချမှုနဲ့ အမှုဖွင့်စစ်ဆေး
7 years ago
ဘာသာပေါင်းစုံ ဆုတောင်းပွဲ (ရုပ်သံ)

ဇွန် ၂၄၊ ၂၀၁၄
M-Media
လမင်း
Anciennes cités pyu
ရန်ကုန်။      ။ မြန်မာနိုင်ငံတွင် ရှေးဟောင်းမြို့များဖြစ်သည့် သရေခေတ္တရာ၊ ဟန်လင်း၊ ဗိဿနိုး စသည့်မြို့များကို ကမ္ဘာ့ယဉ်ကျေးမှု အမွေအနှစ်မြို့ကြီးများအဖြစ် ကုလသမဂ္ဂပညာရေး၊ သိပ္ပံနှင့်ယဉ်ကျေးမှုအဖွဲ့ UNESCO အဖွဲ့က ဇွန်လ ၂၂ ရက်နေ့တွင် အတည်ပြုပြောကြားခဲ့သည်။

ယင်းမြို့သုံးမြို့အား ကာတာနိုင်ငံ ဒိုဟာမြို့တွင်ကျင်းပသော ကမ္ဘာ့ယဉ်ကျေးမှု အမွေအနှစ် ထိန်းသိမ်းစောင့်ရှောက်ရေး ဗဟိုကော်မတီ၏ ၃၈ ကြိမ်မြောက် အစည်းအဝေးတွင် ယူနက်စကိုမှ အတည်ပြု ဆုံးဖြတ်လိုက်ခြင်းဖြစ်သည်။

“အခုလို စာရင်းဝင်သွားပြီဆိုတော့ ပျော်စရာပါပဲ ။ကျွန်တော်တို့လည်း ဒီသတင်းကိုပဲ စောင့်နေကြတာပါ။ အခုလို ကမ္ဘာ့အသိအမှတ်ပြုတဲ့နေရာဖြစ်သွားတော့ စီးပွားရေး အခွင့်အလမ်းတွေ ပွင့်လန်းလာမယ်လို့ ထင်မိပါတယ်။ ဒေသခံတွေ အတွက်တော့ အရမ်းကို ဂုဏ်ယူစရာဖြစ်ပါတယ်” လို့ ကမ္ဘာ့အမွေအနှစ် စာရင်းဝင်နိုင်ရေး  သရေခေတ္တရာမြို့ဟောင်း လုပ်ငန်းအဖွဲ့ရုံးမှ တာဝန်ရှိသူတစ်ဦးကဆိုသည်။

ကမ္ဘာ့ယဉ်ကျေးမှု အမွေအနှစ် စာရင်းတင်သွင်းရေးကော်မတီမှ ခေါင်းဆောင် ဦးစန်းဦးက ယခုကဲ့သို့ ပထမဆုံး စာရင်းသွင်းနိုင်ခဲ့တဲ့ အတွက် မြန်မာ့ ယဉ်ကျေးမှုတွေကို ထိန်းသိမ်းရာတွင် အကျိုးကျေးဇူး ကြီးမားမည်ဖြစ်သည်ဟု ပြောဆိုခဲ့ကြောင်း သိရသည်။

ရှေးဟောင်းမြို့ နယ်မြေများ အတွင်း အဆောက်အအုံ တိုးချဲ့ဆောက်လုပ်ခြင်း၊ နေအိမ်များ ဆောက်လုပ်ခြင်းနှင့် စိုက်ပျိုးမြေ စသည့် ကိစ္စများအတွက် လိုက်နာရမည့် စည်းကမ်းချက်များကို ဥပဒေနှင့် အညီ ထုတ်ပြန်ကြေညာ သွားမည်ဖြစ်ကြောင်း ယဉ်ကျေးမှုဝန်ကြီးဌာန ဒုတိယ ဝန်ကြီး ဒေါ်စန္ဒာခင်က  ရန်ကုန် အပြည်ပြည်ဆိုင်ရာ လေဆိပ်တွင် မီဒီယာများသို့ ပြောကြားခဲ့သည်။

ပုဂံ၊ မြောက်ဦး၊ အင်းဝ၊ မန္တလေး စသည့်နေရာများကိုလည်း ကမ္ဘာ့ ရှေးဟောင်း အမွေအနှစ် စာရင်းဝင်အဖြစ် ထပ်မံတင်သွင်းသွားရန်ရှိကြောင်း သိရသည်။ ပျူမြို့ဟောင်းသုံးမြို့အား ယဉ်ကျေးမှု အမွေအနှစ် စာရင်းဝင်နိုင်ရန်အတွက် ယဉ်ကျေးမှုဝန်ကြီးဌာန၊ ပညာရှင်များ နှင့် ဒေသခံများပူးပေါင်းကာ ၂၀၀၈ ခုနှစ်မှ စတင်ကာ ဆောင်ရွက်ခဲ့ကြောင်း သိရသည်။

Image Source: Department of Archaeology, National Museum and Library

Leave a Reply