Facebook
သြဂုတ် ၁၃ ၊ ၂၀၁၄
M-Media
– ဆီးဗီးလာအသင်းအား အနိုင်ရဗိုလ်စွဲခဲ့သော စူပါဖလားပြိုင်ပွဲတွင် ၂ ဂိုးသွင်းယူနိုင်ခဲ့သည့် ရီးယဲလ်တိုက်စစ်မှူး ရော်နယ်ဒိုမှာ ဘာစီလိုနာအသင်းမှ ပြိုက်ဘက် မက်ဆီ၏ ဥရောပပြိုင်ပွဲ ဂိုးအရေအတွက်ကို ကျော်ဖြတ်နိုင်ခဲ့ပြီဖြစ်သည်။
ချန်ပီယံလိဂ်ချန်ပီယံ ရီးယဲလ်နှင့် ယူရိုပါလိဂ်ချန်ပီယံ ဆီးဗီးလားတို့ ယမန်နေ့က ယှဉ်ပြိုင်ကစားခဲ့သည့် အဆိုပါပွဲတွင် ရော်နယ်ဒို၏ ခြေစွမ်းပြမှုနှင့် အတူ ရီးယဲလ်က ၂ ဂိုး ဂိုးမရှိဖြင့် အနိုင်ရရှိခဲ့သည်။
၂ ဂိုး စလုံးကို ရော်နယ်ဒိုက သွင်းယူပေးခဲ့ပြီး ဥရောပပြိုင်ပွဲ စုစုပေါင်းသွင်းဂိုးမှာ ၇၀ ရှိလာပြီဖြစ်ကာ မက်ဆီ၏ ဂိုးအရေအတွက်ထက် ၂ ဂိုး သာလွန်ခဲ့သည်။ ထို့ကြောင့်ဥရောပပြိုင်ပွဲ ဂိုးအမျာဆုံးသွင်းသူများ စာရင်းတွင် အေစီမီလန်တိုက်စစ်မှူးဟောင်း အင်ဇာဂီနှင့်အတူ ဒုတိယနေရာတွင်ရှိနေကာ ထိပ်ဆုံးမှ ရီးယဲလ်တိုက်စစ်မှူးဟောင်း ရာအူးလ်ကို မှီရန် ၆ ဂိုးသာ လိုတော့သည်။
ထိုပွဲတွင် အသစ်ခေါ်ယူထားသည့် တိုက်စစ်မှူးများဖြစ်သော ဂျိမ်းစ်ရော်ဒရီဂက်ဇ်နှင့် တိုနီကရုစ်တို့လည်း ပါဝင်ကစားခဲ့ပြီး ကရုစ်၏ ကစားပုံနှင့် ပတ်သက်၍ နည်ပြအန်ဆယ်လော့တီက ချီးကျူးခဲ့သည်။
M-Media on Twitter
M-Media Tube
Comments