အမေရိကန်မှ အီဘိုလာ ကူးစက်သူနှင့် ပတ်သက်ခဲ့သည့် လူ ၈၀ ကို စောင့်ကြည့်နေ

အောက်တိုဘာ ၄ ၊ ၂၀၁၄
M-Media

– ဒဲလက်စ်မြို့တွင် အီဘိုလာ ဗိုင်းရပ်စ်ပိုး ကူးစက်ခံနေရသူ လိုက်ဘေးရီးယား နိုင်ငံသား တစ်ဦးကို တွေ့ရှိခဲ့ရပြီးနောက် ရောဂါပိုး ကူးစက်နိုင်ချေရှိသည့် လူ ၈၀ ကို စောင့်ကြည့်နေသည်ဟု အမေရိကန်ပြည်ထောင်စု တက်က္ကဆက်ပြည်နယ် ကျန်းမာရေး တာဝန်ရှိသူများက ပြောကြားလိုက်သည်။

ကူးစက်ခံရသူမှာ အဲရစ်ဒန်ကန် ဆိုသူဖြစ်ပြီး ၎င်းနှင့် အနီးကပ်နေထိုင်သူမှာ ၁၈ ဦးအထိရှိကာ၊ တိုက်ရိုက် ပတ်သက်သူ၊ သို့မဟုတ် သွယ်ဝိုက် ပတ်သက်သူ စုစုပေါင်း ၈၀ ဦးအား အီဘိုလာ လက္ခဏာများကို တွေ့ရပါက ချက်ခြင်း အကြောင်းကြားရန် တာဝန်ရှိသူများက အသိပေးထားသည်။ ယခုအချိန်အထိ ထို လူ ၈၀ တွင် အီဘိုလာ လက္ခဏာပြသူ တစ်ဦးမှ မရှိသေးပေ။

ထို့ပြင် ဒန်ကန်၏ မိသားစုဝင်လေဦးကို ရောဂါပိုးပေါက်ဖွားနိုင်သည့် ကာလဖြစ်သည့် အောက်တိုဘာ ၁၉ ရက်နေ့အထိ မည်သည့် ဧည့်သည်ကိုမှ မတွေ့ဆုံရန် ညွှန်ကြားထားသည်။

ဒန်ကန်နှင့် အနီးကပ် ဆက်သွယ်မှုရှိသူ ကျောင်းသား ၅ ဦးရှိပြီး ၎င်းတို့မှာ ကျောင်း ၄ ကျောင်းတွင် တက်ရောက်နေသူများဖြစ်သည်ဟု ဗုဒ္ဓဟူးနေ့က သတင်းများ ထွက်ပေါ်လာသောကြောင့် တာဝန်ရှိသူများက ထိုကျောင်းသား ၅ ဦးမှာ ရောဂါပိုး ကူးစက်နိုင်သည့် အလားအလာ မရှိကြောင်း ရှင်းပြခဲ့ရသည်။ မိဘများကမူ သားသမီးများကို ကျောင်းသို့ ပို့ဆောင်ရန် တွန့်ဆုတ်နေသည်ဟုဆိုသည်။

ုအနောက် အာဖရိကနိုင်ငံများတွင် ဆိုးရွားစွာပြန့်နှံ့နေသော အီဘိုလာဗိုင်းရပ်စ်ကြောင့် လူပေါင်း ၃၃၃၈ ဦး သေဆုံးခဲ့ရသည်။ ထိုနိုင်ငံများထဲတွင် ဆီရာလီယွန် နိုင်ငံမှာ ကူးစက်မှု အမြန်ဆုံးဖြစ်ပြီး တစ်နာရီတိုင်းတွင် ၅ ဦးကူးစက်နေကာ ယခုလကုန်ပိုင်းတွင် ကူးစက်သူဦးရေ ၂ ဆခန့်ဖြစ်သွားမည်ဟု နိုင်ငံတကာအဖွဲ့များက သတိပေးထားသည်။

ref_ ဆင်ဟွာ