လိပ်ကျွန်းလူသတ်မှု ထိုင်းရဲတပ်ဖွဲ့ အပေါ် ယုံကြည်မှု ပျက်ပြားစေခဲ့ပြီလား

အောက်တိုဘာ ၉ ၊ ၂၀၁၄
M-Media

လိပ်ကျွန်းမှ လူသတ်မှုအတွက် လွန်ခဲ့သည့် သီတင်းပတ်များအတွင်း အလှည့်အပြောင်းများစွာ ဖြစ်ခဲ့ပြီးနောက် နောက်ဆုံးတွင် ရဲတပ်ဖွဲ့က မြန်မာနိုင်ငံမှ ရွှေ့ပြောင်း လုပ်သား ၂ ဦးအား တရားခံအဖြစ် ဖမ်းဆီးလိုက်၏။ သို့သော်လည်း အများစုကမူ ထိုမြန်မာနှစ်ဦးမှာ ဓားစာခံများသာဖြစ်သည်ဟု ယုံကြည်ကြလေသည်။

ထိုအမှုအတွက် ရဲတပ်ဖွဲ့ဝင်များ ကိုယ်တိုင် အပြစ်တင်ခံကြရသည်။ ရဲတပ်ဖွဲ့အပေါ် ပြည်သူများက ယုံကြည်မှုကင်းမဲ့ခြင်းမှာ နိုင်ငံတကာ မျက်နှာစာတွင် ရုပ်ပျက်ဆင်းပျက် ဖြစ်ခဲ့ရသည့် ထိုအမှုအား ကိုင်တွယ်မူလျော့ရဲခဲ့ခြင်း တစ်ခုတည်းကြောင့်သာ မဟုတ်။ အရာရာကို ငွေဖြင့်ဝယ်ယူ၍ ရနေသည့် ထိုင်းဓနရှင်ရာဇ၀တ်ကောင်များအား ကာကွယ်ပေးရန် အင်အားနည်းသူများကို ထိုင်းရဲတပ်ဖွဲ့က ဓားစားခံအဖြစ် အသုံးချသည်ဟူသော ယခင်ကတည်းက ရှိနေသည့် နာမည်ဆိုးကြောင့်လည်း ဖြစ်လေ၏။

ထိုင်းတရားရေး ဌာနမှ အဆင့်မြင့်အရာရှိတစ်ဦးက ထိုင်းနိုင်ငံအတွင်းရှိ အကျဉ်းထောင်များ ထဲတွင်ရှိသော တရားခံတစ်ဝက်ခန့်မှာ ဓားစားခံများသာ ဖြစ်ကြသည်ဟု တစ်ခါက ထိုင်း TV  တစ်ခုနှင့် အင်တာဗျူးတွင် ဖွင့်ဟခဲ့ဖူးသည်။

လိပ်ကျွန်းမှာ ရေကြိုက်သူများ၏ သုခဘုံဟု တင်စားခြင်းခံရသည့် ကျွန်းဖြစ်သည်။ မြင်မကောင်းအောင် ရိုက်နှက် ထုထောင်းခံရကာ သေဆုံးနေသည့် ဟန်နာ ၀ှိုက်ရစ်ဂ်ျနှင့် ဒေးဗစ်မီလာတို့၏ အလောင်းကို ဆိုင်းရီး ကမ်းခြေတွင် တွေ့ရှိလိုက်သည့် အခါတွင်တော့ ထိုင်းရဲ တပ်ဖွဲ့အနေနှင့် တရားခံကို ဖမ်းမိနိုင်မည်လား၊ ကမ္ဘာ့လှည် ခရီးသွားများ လာရောက်ရာ နေရာတစ်ခုကို ပိုင်ဆိုင်ထားသည့် ထိုင်းနိုင်ငံ အနေဖြင့် နိုင်ငံတကာ အသိုင်းအ၀ိုင်း၏ ယုံကြည်မှုကို ပြန်လည် ရယူနိုင် မလားဆိုသည်ကို တစ်ကမ္ဘာလုံးက မျက်လုံးဒေါက်ထောက်ကြည့်နေတော့၏။

ထိုင်းရဲတပ်ဖွဲ့၏ လုပ်ငန်းပိုင်းဆိုင်ရာ ကျွမ်းကျင်ပိုင်နိုင်မှု မရှိခြင်းကို တစ်ကမ္ဘာလုံး လက်ညှိုးထိုးကြသည်။

ပြဿနာဖြစ်သည့် ပထမဆုံးနေ့ကပင် ရဲတပ်ဖွဲ့က အခင်းဖြစ်ပွားရာနေရာကို ရှုပ်ပွစေခဲ့သည်။ အဓိက အထောက်အထားများကို ဖျက်ဆီးခဲ့သည်။ နောက်ပိုင်းတွင် စိတ်ဝင်စားစရာကောင်းသည့် သံသယရှိသူများကို မီဒီယာများသို့ မိတ်ဆက်ခဲ့၏။ ထိုသူများ၏ လူမှုဘ၀ မည်ကဲ့သို့ ထိခိုက်မည်ကိုတော့ ထည့်သွင်း စဉ်းစားခဲ့ခြင်းမရှိခဲ့။

လူမျိုးရေးဆိုင်ရာ တင်ကူး မှန်းဆမှုနှင့် အကာကွယ်မဲ့မှုတို့ကြောင့် ရွှေ့ပြောင်းလုပ်သားများက ရဲတပ်ဖွဲ့၏ ပစ်မှတ်ဖြစ်လာသည်။ သို့သော်လည်း နောက်ပိုင်းတွင် ပျောက်သွား၏။

ထို့နောက် လိင်တူစိတ်ဝင်စားသူ မီလာ၏ အခန်းဖော်က မနာလိုသည့်အတွက် မီလာတို့ နှစ်ယောက်စလုံးအား သတ်ပစ်ခဲ့သည်ဟူသော ယူဆချက်ကို ရဲတပ်ဖွဲ့ ပွဲထုတ်ခဲ့ပြန်သည်။

မီလာ၏ ခရီးဆောင်အိတ်ထဲတွင် သွေးပေနေသော အင်္ကျီ ၂ ထည် တွေ့ရခြင်းနှင့် ၀ှိုက်ရစ်ခ်ျ၏ လက်တွင် အရောင်ဖျော့သည့် ဆံပင်တစ်ချို့ကို တွေ့ရှိရခြင်းကြောင့် ထိုယူဆချက်က ခိုင်မာလာလေသည်။ သို့သော်လည်း သွေးပေနေသည့် အင်္ကျီက ရွှံ့ပေနေသည့် အင်္ကျီအဖြစ် အသွင်းပြောင်းသွားပြီးနောက် မီလာ၏ အခန်းဖော် လိင်တူ စိတ်ဝင်သူမှာ ပြစ်မှုကျူးလွန်ဖွယ်ရှိသည်ဆိုသည့် ယူဆချက်လည်း ပျောက်သွားသည်။ ၀ှိုက်ရစ်ခ်ျ၏ လက်ထဲမှ ဆံပင် အထွေးလိုက် ကိစ္စကိုတော့ ရဲတပ်ဖွဲ့က ဟပင် မဟခဲ့။

လူသတ်မှုဖြစ်ပွားခဲ့သည့်ညတွင် ၀ှိုက်ရစ်ခ်ျအား ထိုင်းနှစ်ဦးက ဗလက္ကာရပြုခဲ့ပြီး မီလာက ၀င်ရောက်ဟန့်တားခဲ့သည့်အကြောင်းကို စကော့တလန် ခရီးသွားတစ်ဦးက Facebook စာမျက်နှာတွင် ရေးသားခဲ့ပြီးနောက်ပိုင်း ထိုင်းလူမျိုး သံသယရှိသူများ အမှုတွင်ပါလာသည်။ စကောတလန်သားက ထိုင်းနှစ်ဦး၏ ပုံကိုလည်းတင်ခဲ့ပြီး၊ ထိုနှစ်ဦးမှာ ကျွန်းပေါ်တွင် သြဇာရှိသော အ၀န်းအ၀ိုင်းမှ ဖြစ်ပုံရသည်။

မုဒိမ်းမှု မဖြစ်ခဲ့ဟု ကနဦး မှုခင်းဆေးစစ်ချက်ရလဒ်က ဘယ်ရောက်သွားသနည်း? အခင်းဖြစ်ပွားရာနေရာတွင် တွေ့ခဲ့ရသည့် ကွန်ဒုံးကို အဘယ့်ကြောင့် မစစ်ဆေးခဲ့သနည်း? ရွာလူကြီးသား၏ DNA ကို အဘယ့်ကြောင့် မစစ်ဆေးခဲ့သနည်း? သံသယရှိသူဟု ယူဆရသူတစ်ယောက်အား ရိုက်ကူးထားသည့် CCTV တစ်ခု၏ မှတ်တမ်းတွင် အဘယ့်ကြောင့် ၂ မိနစ်စာ ဖြတ်ထားသနည်း?

ထိုလူသတ်မှုတွင် ထိုင်းမာဖီးယားများ ပါဝင်ပတ်သက်နေသည်ဟူသည့် သတင်းကိုတော့ ရဲတပ်ဖွဲ့က ငြင်းခဲ့ပြီး၊ ဓာတ်ပုံပါ ထိုင်း ၂ ယောက်၏ DNA မှာ ၀ှိုက်ရစ်ခ်ျ၏ ကိုယ်ပေါ်မှ ရရှိသည့် DNA နှင့် မတူညီဟုလည်း ရဲတပ်ဖွဲ့က ပြောခဲ့သည်။

အာဏာသိမ်းခေါင်းဆောင် ၀န်ကြီးချုပ် ပရာယွတ်ချန်အိုချာ၏ အငြင်းပွား ဖွယ်မှတ်ချက်၊ ထိုင်းခရီးသွားဝန်ကြီး၏ ကမ္ဘာ့လှည့် ခရီးသွားများအား လက်ပတ် ၀တ်ဆင်ပေးရေးနှင့် လူ ၂၀၀ ကျော်၏ DNA စစ်ဆေးမှုများ ပြီးနောက် ရဲတပ်ဖွဲ့က မြန်မာ ရွှေ့ပြောင်း လုပ်သားနှစ်ဦးဖြစ်သည့် အသက် ၂၁ နှစ်အရွယ် ဇော်လင်းနှင့် ၀င်းဇော်ထွန်းတို့ကို ဖမ်းဆီးခဲ့ကာ ဇာတ်လမ်းတွဲ ဆန်ဆန် စုံစမ်းစစ်ဆေးမှုကြီးမှာ အဆုံးသတ်ခဲ့လေသည်။

မိမိတို့တွင် ခိုင်မာသည့် မှုခင်းဆေးစစ်မှုရလဒ်နှင့် တရားခံများ၏ ဖြောင့်ချက်များ ရှိနေသည်ဟု ရဲတပ်ဖွဲ့ကဆိုသည်။ သို့သော် အများစုကတော့ မယုံကြည်ကြ။ အဖြေမရှိသည့် မေးခွန်းများလည်း တစ်ပုံတစ်ပင်ပေါ်လာ၏။ မုဒိမ်းမှု မဖြစ်ခဲ့ဟု ကနဦး မှုခင်းဆေးစစ်ချက်ရလဒ်က ဘယ်ရောက်သွားသနည်း? အခင်းဖြစ်ပွားရာနေရာတွင် တွေ့ခဲ့ရသည့် ကွန်ဒုံးကို အဘယ့်ကြောင့် မစစ်ဆေးခဲ့သနည်း? ရွာလူကြီးသား၏ DNA ကို အဘယ့်ကြောင့် မစစ်ဆေးခဲ့သနည်း? သံသယရှိသူဟု ယူဆရသူတစ်ယောက်အား ရိုက်ကူးထားသည့် CCTV တစ်ခု၏ မှတ်တမ်းတွင် အဘယ့်ကြောင့် ၂ မိနစ်စာ ဖြတ်ထားသနည်း?

ရဲတပ်ဖွဲ့ကတော့ အဆိုပါ မေးခွန်းများအတွက် ၎င်းတို့၏ ၀ဘ်ဆိုက်များနှင့် အင်တာဗျူးများတွင် ဖြေရှင်းခဲ့လေသည်။ သို့သော်လည်း ထိုဖြေရှင်းချက်များက ကြိုတင်စီစဉ်ထားသည့် သက်သေအထောက်အထားများရှိနေသည်၊ မြန်မာရွှေ့ပြောင်းလုပ်သား ၂ ဦးမှာ နှိပ်စက်မှုကြောင့် ဖြောင့်ချက်ပေးခဲ့ရသည်ဆိုသည့် သံသယများကိုတော့ မဖြေဖျောက်နိုင်ခဲ့ပေ။

ယခုအချိန်တွင် ထိုင်းရဲတပ်ဖွဲ့မှာ ပြည်သူလူထု၏ ယုံကြည်မှု ဆုံးရှုံးခြင်းနှင့် ရင်ဆိုင်နေရသည်။

“ပြုပြင်ပြောင်းလဲရေး၊ ခြစားမှုတိုက်ဖျက်ရေး” စသည့် စကားလုံးများကို ယခုတစ်လောတွင် ထိုင်းအစိုးရက တွင်တွင်သုံးနေသည်။ ဥပဒေစိုးမိုးမှုမရှိဘဲနှင့် မြင့်မားသည့် ထိုရည်ရွယ်ချက်များ မည်ကဲ့သို့ အောင်မြင်မည်နည်း? ရဲတပ်ဖွဲ့၏ နှိပ်စက်မှုများ၊ ခြစားမှုများ အရေးယူမခံရသ၍ ထိုင်းနိုင်ငံ၏ ဥပဒေနှင့် တရားရေးစနစ်ကို ပြည်သူများက မည်ကဲ့သို့ ယုံကြည်နိုင်မည်နည်း? ဓနရှင်များအတွက် ရဲတပ်ဖွဲ့က ဥပဒေကို လက်တစ်လုံးခြားလုပ်နေသမျှ ပြုပြင်ပြောင်းလဲရေးဆိုသော စကားလုံးမှာ အပြောသာ ဖြစ်နေပေဦးမည်။

ခိုတောင်ကျွန်းလူသတ်မှု စုံစမ်းစစ်ဆေးခြင်းတွင် အခင်းဖြစ်ပွားရာနေရာ ပျက်စီးမှု၊ သက်သေအထောက်အထား ကွဲလွဲမှုများ၊ အခင်းဖြစ်ပွားမှုကို မနှစ်မြို့ဖွယ်ရာ ပြန်လည် သရုပ်ပြမှု စသည်တို့က ထိုင်းရဲတပ်ဖွဲ့၏ လုပ်ရည်ကိုင်ရည် မည်မျှ အပြစ်အနာအဆာရှိနေသည်ကို တစ်ကမ္ဘာလုံးအား ပြသလိုက်ခြင်းဖြစ်လေသည်။

သို့သော် ထိုအမှုက ထိုင်းရဲများ လျော့တိလျော့ရဲလုပ်ခြင်းထက်ပိုသည်ကို ထင်ရှားစေသည်။ ထို့ပြင် ရဲတပ်ဖွဲ့အား ချက်ခြင်း ပြုပြင်ပြောင်းလဲရေးလုပ်ရန် လိုအပ်နေသည်ကိုလည်း ပြနေ၏။

ရဲတပ်ဖွဲ့အနေဖြင့် စွမ်းရည်မပြည့်ဝသည်သာမက ယုံကြည်ရမှုပင်မရှိဟု ပြည်သူများက ခံစားနေရလျှင် လူ့အဖွဲ့အစည်းအတွင်း လုံခြုံမှုရှိမည်မဟုတ်တော့ပေ။

** ဘန်ကောက်ပိုစ် သတင်းစာတွင် Sanitsuda Ekachai ရေးသားသည့် ဆောင်းပါးကို လေးမောင် (M-Media) မှ ဆီလျော်အောင် ဘာသာပြန်ဆိုသည်။