ဟောင်ကောင်အရေး အမေရိကန် ထောက်ခံမှု တရုတ်ရှုတ်ချ

အောက်တိုဘာ ၁၁ ၊ ၂၀၁၄
M-Media

– ဟောင်ကောင်တွင် ပြုလုပ်နေသည့် ဆန္ဒပြမှုများအား ထောက်ခံသော အမေရိကန် ကွန်ဂရက်၏ အစီရင်ခံစာအား မိမိတို့အနေဖြင့် ရှုတ်ချသည်ဟု တရုတ်နိုင်ငံက ယမန်နေ့တွင် ပြောကြားလိုက်သည်။

တရုတ်နိုင်ငံရေးရာ အမေရိကန်ကွန်ဂရက်ကော်မတီမှ ကြာသာပတေးနေ့တွင် ထုတ်ပြန်ခဲ့သော အစီရင်ခံစာ၌ အမေရိကန်အနေဖြင့် ဟောင်ကောင်၏ ဒီမိုကရေစီအရေး လှုပ်ရှားမှုကို ထောက်ခံသင့်ပြီး၊ ဟောင်ကောင်နှင့် အပြန်အလှန်ဆက်သွယ်ကာ အကြီးတန်းအရာရှိများကိုလည်း စေလွှတ်သင့်သည်ဟု ဖော်ပြခဲ့သည်။

တရုတ်နိုင်ငံခြားရေးဝန်ကြီးဌာနမှ ပြောရေးဆိုခွင့်ရှိသူ ဟွန်လီက ထိုအစီရင်ခံစာအား ဝေဖန်ခဲ့ပြီး တရုတ်နိုင်ငံ လူ့အခွင့်အရေး မှတ်တမ်းများနှင့် ဥပဒေများကို တိုက်ခိုက်ခြင်းဖြစ်ကာ၊ တရုတ်နိုင်ငံ၏ ပြည်တွင်းရေးနှင့်ပတ်သက်၍ အချက်အလက်အမှားများကို ဘက်လိုက်ဖော်ပြခြင်းဖြစ်သည်ဟု ပြောကြားခဲ့သည်။

“အဲဒါကို ကျွန်တော်တို့ ပြင်းပြင်းထန်ထန် ဆန့်ကျင်ပါတယ်။ အမေရိကန်-တရုတ် ဆက်ဆံရေးကို ပျက်ဆီးအောင် လုပ်နေတာတွေကို ရပ်တန့်ဖို့ အဲဒီ ကော်မတီကို တောင်းဆိုပါတယ်” ဟု သတင်းစာရှင်းလင်းပွဲတွင် ဟွန်လီက ပြောကြားခဲ့သည်။

ထို့ပြင် ဟောင်ကောင်အရေးတွင် မည်သည့် နိုင်ငံခြားအစိုးရ၊ အဖွဲ့အစည်း၊ လူပုဂ္ဂိုလ်တစ်ဦးချင်း မည်သူမဆို ပါဝင်ပတ်သက်ခွင့်မရှိဘဲ တရုတ်နိုင်ငံ၏ ပြည်တွင်းရေးစစ်စစ်သာဖြစ်သည်ဟုလည်း ၎င်းက ထည့်သွင်းပြောကြားခဲ့သည်။

ဟောင်ကောင်တွင် ဒီမိုကရေစီအရေး ဆန္ဒပြမှုများမှာ သီတင်းပတ် တစ်ပတ်ကျော်လာပြီဖြစ်ပြီး ဆန္ဒပြသူများနှင့် အစိုးရအကြား ဆွေးနွေးမှုများမှာ မအောင်မြင်ဘဲ အစိုးရဆန့်ကျင်မှုများ ဆက်လက်အရှိန်မြင့်လာသည်။

ref_ ဆင်ဟွာ