6 years ago
ရိုဟင်ဂျာ ၇ ဦးကို အိန္ဒိယနိုင်ငံက မြန်မာကို ပထမဆုံးအကြိမ် ပြန်ပို့
6 years ago
ဓာတ်ပြားအဆိုတော် တေးသံရှင် ဒေါ်မာမာဝေ အသက်(၉၃) နှစ် ကွယ်လွန်
6 years ago
ဒုက္ခသည်စခန်းမှ လုပ်အားပေးဆရာမတစ်ဦး ရခိုင်မှ ရန်ကုန်သို့လာစဉ် လဝကဥပဒေဖြင့် အဖမ်းခံရပြီး ထောင်တစ်နှစ်ကျ
6 years ago
ဦးဇော်ဌေး (ခ) မှူးဇော်အား ဌာနပြောင်းရွှေ့တာဝန်ပေး
6 years ago
NVC ကဒ် လက်ခံရန် ဖိအားပေးခံရမှုကို ငြင်းဆိုသော ကမန်တိုင်းရင်းသားများ စီးပွားရေးပိတ်ဆို့ခံနေရ
7 years ago
ASEAN ထိပ်သီးများ ရိုဟင်ဂျာအရေး ဆွေးနွေး
7 years ago
Drone မှုနဲ့ဖမ်းခံရသူ သတင်းထောက်တွေ မိသားစုနဲ့တွေ့ခွင့်မရသေး
7 years ago
မြန်မာ-ဘင်္ဂလားဒေ့ရှ် သဘောတူညီချက် (၁၀)ချက် လက်မှတ်ရေးထိုး
7 years ago
AA ဒုဗိုလ်မှူးကြီး အပါအ၀င် ၉ ဦးကို ငွေကြေးခ၀ါချမှုနဲ့ အမှုဖွင့်စစ်ဆေး
7 years ago
ဘာသာပေါင်းစုံ ဆုတောင်းပွဲ (ရုပ်သံ)

နိုဝင်ဘာ ၄ ၊ ၂၀၁၄
M-Media
Z.Y ရေးသည်။
No Parking    “သတိ… ကားအ၀င်အထွက်ရှိသည် အိမ်ရှေ့ပိတ်မရပ်ရ”

အဆိုပါဆိုင်းဘုတ်ငယ်လေးများသည် ရန်ကုန်မြိုကတော်ကြီး၏ တိုက်ခန်း၊ မြေညီထပ်နှင့် ခြံဝန်းရှေ့တော်တော် များများတွင် နေရာယူနေလေ့ရှိသည်။ တော်ရုံတန်ရုံ သင့်တင့်သောငွေဖြင့် ကား ၀ယ်စီးနိုင်ပြီဖြစ်သော ယနေ့ခေတ်တွင် ရန်ကုန်မြို့တွင် ကားအစီးအရေအတွက် အများအပြား တိုးတက်လာပြီဖြစ်သဖြင့် ယာဉ်ကြော ပိတ်ဆို့မှုပြသာနာ၊ ကားပါကင် ထိုးရန်နေရာရှားပါးမှု ပြသာနာများမှာလည်း တိုးပွားလာရသည်မှာ သဘာဝကျပါသည်။

လူမျှန်လျှင် အတ္တနှင့်မကင်းကြသည်မှာ လူ့သဘာဝပင်ဖြစ်သည်။ ငါ၏ သားသမီး၊ ငါ့ဆွေမျိုး၊ ငါ့ပစ္စည်းဥစ္စာ၊ ငါ့ရာထူး၊ ငါ့နေရာ အစရှိသော အတ္တစွဲများဖြင့်သာ နေ့စဉ် ဘ၀တွေကို လောင်မြိုက်ဖြတ်သန်းနေရသည်။ ထိုသို့သော အတ္တတွေကြားမှာ ကားတစ်စီးတစ်လေက ကိုယ့်အိမ်ရှေ့မှာ ပိတ်ရပ်ထားမှာကို စိုးရိမ်သည့် အတ္တစိတ်ကတော့ အနည်းငယ်ရယ်စရာ ကောင်းနေသည်။

လူဆိုသည့် သတ္တ၀ါတွေသည် အမှန်တကယ်တမ်းတွေးကြည့်လျှင် လူ့ပြည်သို့ခေတ္တလာနေရသော ဧည့်သည်များပင်ဖြစ်သည်။ မွေးဖွားလာချိန်တွင်လည်း ဗလာနတ္တိဖြစ်သလို သေဆုံးသောအခါတွင်လည်း အသက်ရှင်စဉ်က ပိုင်ဆိုင်ခဲ့ပါသည်ဆိုသော မည်သည့်အရာများကိုမှ ယူဆောင်မသွားနိုင်ကြပဲ ဗလာနတ္တိပြန်လည် ထွက်ခွာသွားရပြန်သည်။

ခေတ္တသာနေထိုင်ခွင့်ရသော လူ့ဘ၀တွင် “ငါ” စွဲများဖြင့် ရာထူး၊ အာဏာ၊ နေရာတို့ကို တပ်မက်ရင်းသာ အချိန်ကုန်နေမည် ဆိုပါက နှမြောစရာတော်တော်ကောင်း လ်ိမ့်မည်။

ယနေ့ခေတ်ကဲ့သို့ တိုးတက်ပြောင်းလဲနေသော ခေတ်ကြီးထဲတွင် ကိုယ်ပိုင်ကားဝယ်စီးနိုင်သူ မရှားသော်လည်း မြို့လယ်ခေါင်နှင့် လူစည်ကားရာနေရာများတွင် ကားရပ်ရန်နေရာကတော့ အလွန်တရာ ရှားပါးပေလိမ့်မည်။ အခက်အခဲများကြားမှ နေရာ လွတ်တစ်နေရာတွေ့လို့ ဝင်ရပ်ပြန်တော့လည်း ယခုကဲ့သို့ အိမ်ရှေ့ ဆိုင်းဘုတ်ချိတ်ထားသော အခါ ဘာလုပ်လို့ ဘာလုပ်ရမှန်းမသိဖြစ်ရတော့သည်။

ကျွန်တော်တို့မြန်မာလူမျိုးများသည် အလွန် အားနာတတ်သူများဖြစ်ကြသည်။ ထိုကဲ့သို့ “ကားပိတ်မရပ်ရ” ဆိုင်းဘုတ်ကို မြင်သည်နှင့် ထိုနေရာကို လုံးဝနီးပါးရှောင်ကြဉ်ပေး တတ်ကြသည်။ ထိုကဲ့သို့ဆိုင်းဘုတ် ချိတ်ထားသော အိမ်ရှေ့မျက်နှာစာ လမ်းမကြီးသည် အများပြည်သူပိုင်လမ်းပင်ဖြစ်သည်ဆိုတာကို ထည့်မစဉ်းစား အားနာတတ်သော စိတ်အစဉ်က “သူ့ခမျာ ကားအ၀င်အထွက် ခက်ရှာမှာပဲလေ” ဟူသော အတွေးဖြင့် သူများဒုက္ခကိုသာ စဉ်းစာပေးပြီး လောလောဆယ် ကိုယ်ကြုံနေရသော အခက်အခဲကို မဖြေရှင်းဘဲ ထိုနေရာကရှောင်ထွက်ပေးတတ်ကြသည်။

သို့ပေမယ့် တစ်ခါတစ်လေတော့လည်း အတ္တ မကြီးတတ်သော အိမ်ရှင်များက အိမ်ရှေ့တွင် ဘာဆိုင်းဘုတ်မှ တပ်မထားပြန်တော့လည်း အလိုက် မသိတတ်သော ကားတစ်စီး တစ်လေက အိမ်ရှေ့ ပိတ်ရပ်ထားတတ်ပြန်ရာ ၀င်မရထွက်မရနှင့် ဒုက္ခရောက်ကြရပြန်သည်။

လူတိုင်းလူတိုင်းကတော့ သူများအရေးထက် ကိုယ့်အတွက်ကိုသာ ဦးစားပေးတတ်ကြသည်မှာ မွေးရာပါ အတ္တစိတ်ပင်ဖြစ်လိမ့်မည်။ သို့သော်လည်း တိုးတက်ပြောင်းလဲနေသော ခေတ်ကြီး ထဲတွင် ကားအစီး အရေကလျော့သွားမည် မဟုတ်ဘဲ တိုးတက် ပွားရောလာဖို့သာရှိနေပြန်ရာ အတ္တစွဲသော ထိုဆိုင်းဘုတ်လေးများ အစား အခြားနည်းလမ်း တစ်ခုခုဖြင့် အစားထိုးကြည့်ရန် လိုအပ်နေပြီဖြစ်သည်။

ကျွန်တော်ကြည့်ရူခဲ့ဘူးသော နိုင်ငံခြားရုပ်ရှင် ကားတစ်ခု (အမည်မမှတ်တိတော့ပါ) ထဲတွင် ကျင့်သုံးသွားသော ကား ပါကင်ရပ်နည်းလေးတစ်ခုမှာ စိတ်ဝင်စားစရာကောင်းသည်။ အလျင်လိုနေ၍ ကားကိုမြို့လယ်ခေါင် လမ်းဘေးတစ်နေရာတွင် ရပ်ခဲ့သောလူမှာ ကားရှေ့မှန်ထဲတွင် (ရှေ့မှမြင်သာသောနေရာတွင်)  သူ၏ဖုန်းနံပါတ်ကိုရေးကာထားပေးခဲ့ခြင်းပင်။ သဘောမှာ သူရပ်ထားသောကားကြောင့် အခြား ကားများဝင်ထွက်ရခက်နေပါက သူ့ကိုဖုန်းလှမ်းဆက်ကာ ဖယ်ခိုင်းလို့ရသည် ဆိုသောသဘောပင်ဖြစ်သည်။

ထိုနည်းလေးကို လိုက်နာ ကျင့်သုံးကြည့်လျှင်ဖြင့် ကားပိုင်ရှင်ရော အိမ်ပိုင်ရှင်ပါ အဆင်ပြေချောမွေ့သွားလိမ့်မည်ဟု ထင်မြင်မိပါသည်။

Z.Y

Leave a Reply