ရာသီဥတုခန့်မှန်းရေး အထောက်အကူပြု ဂြိုဟ်တု တစ်ခု နာဆာလွှတ်တင်

ဖေဖော်ဝါရီ ၂၊ ၂၀၁၅
M-Media

– ရာသီဥတုကို ခန့်မှန်းရာတွင် အထောက်အကူဖြစ်စေမည့် ကမ္ဘာ့မြေဆီစိုစွတ်မှု မည်မျှရှိနေသည်ကို သိရှိနိုင်စေရန်အတွက် အရည်အသွေးမြင့်ပုံရိပ်များကို ရိုက်ကူးပေးပို့နိုင်သော ကမ္ဘာ့လေ့လာရေး ဂြိုဟ်တုတစ်ခုကို နာဆာက ပြီးခဲ့သည့် စနေနေ့တွင် လွှတ်လိုက်သည်ဟု သိရသည်။

SMAP စူးစမ်းလေ့လာရေးယာဉ်ဟု အမည်ပေးထားသည့် အဆိုပါ ဂြိုဟ်တုကို အမေရိကန်ပြည်ထောင်စု ကယ်လီဖိုးနီးယားရှိ ဗန်ဒန်ဘာ့ဂ် လေတပ်စခန်းမှ စနေနေ့ နံနက်ပိုင်းတွင် လွှတ်တင်ခဲ့ခြင်းဖြစ်သည်။

အဆိုပါဂြိုဟ်တုမှ ပေးပို့သည့် အရည်အသွေးမြင့်မြေပုံများကိုကြည့်၍ သိပ္ပံပညာရှင်များက အနာဂတ်တွင် ဖြစ်ပွားနိုင်သည့် မိုးခေါင်ရေရှားမှုများ၊ မုန်တိုင်းများကဲ့သို့ ဆိုးရွားသောရာသီဥတုများနှင့် ပတ်သက်၍ ပိုမိုပြင်ဆင်ခြင်းလုပ်ငန်းများကို ပိုမိုတိကျစွာ လုပ်ကိုင်နိုင်မည်ဖြစ်သည်။

ထို့ပြင် ကမ္ဘာကြီးပူနွေးလာမှုနှင့်အတူ ကောက်ပဲသီးနှံများနှင့် သစ်တောများ မည်ကဲ့သို့ ပြောင်းလဲလာသည်ဆိုခြင်းနှင့် ပတ်သက်၍ ခန့်မှန်းရာတွင်လည်း သိပ္ပံပညာရှင်များက အဆိုပါ ဓာတ်ပုံများကို အသုံးပြုနိုင်မည်ဖြစ်သည်။

Ref: alarabiya