ပါလက်စတိုင်းလွတ်မြောက်ရေး အနုပညာရှင်များက အစ္စရေးအား သပိတ်မှောက်မည်

ဖေဖော်ဝါရီ ၁၅၊ ၂၀၁၅
M-Media

– ပါလက်စတိုင်းတို့အား ကိုလိုနီဆန်စွာ ဖိနှိပ်ချုပ်ချယ်မှုများကို အဆုံးသတ်ရေး အစ္စရေးအစိုးရအား ဖိအားပေးရန်အတွက်
ကမ္ဘာတစ်ဝှမ်းရှိ အနုပညာရှင်များက သပိတ်မှောက်မည်ဟု ကြေညာလိုက်သည်။

“အခြားသော အနုပညာရှင် ၆၀၀ ကျော်နဲ့အတူ ကနေ့ကျွန်တော်တို့ ကြေညာချင်တာက ကျွန်တော်တို့ဟာ အစ္စရေးနဲ့ စီးပွားရေးဆိုင်ရာ ဆက်ဆံရေးတွေ၊ ယဉ်ကျေးမှုဆိုင်ရာ ဆက်ဆံရေးတွေကို ဆောင်ရွက်တော့မှာ မဟုတ်ဘူး ဆိုတာပါပဲ။ အစ္စရေးရဲ့ ဖိတ်ခေါ်မှုတွေ၊ အစ္စရေးအစိုးရနဲ့ ဆက်သွယ်ထားတဲ့ ဘယ်လိုအဖွဲ့အစည်းမျိုးကမှ ထောက်ပံ့မှုတွေကို ကျွန်တော်တို့ လက်ခံတော့မှာ မဟုတ်ပါဘူး” ဟု သပိတ်မှောက်မည့် အနုပညာရှင်များအဖွဲ့မှ ထုတ်ပြန်သော ကြေညာချက်တွင် ဖော်ပြထားသည်။

သပိတ်မှောက်မည့် အဆိုပါဖွဲ့တွင် Brian Eno၊ Alexei Sayle၊ Richard Ashcroft၊ Riz Ahmed၊ Miriam Margolyes နှင့် Ken Loach ကဲ့သို့ အနုပညာနယ်ပယ်ပေါင်းစုံမှ အဖွဲ့များပါဝင်ပြီး ၎င်းတို့က ၂၀၁၄ ခုနှစ်တွင် လူပေါင်း ၂၁၀၀ ကျော် သေဆုံးခဲ့သည့် ဂါဇာကမ်းမြှောင်အား အစ္စရေးက ကျူးကျော်တိုက်ခိုက်မှုနှင့် ထိုစစ်ပွဲတွင် ပါလက်စတိုင်းတို့၏ ယဉ်ကျေးမှုဆိုင်ရာ အဆောက်အဦးများကို ဖျက်ဆီးမှုတို့ကြောင့် ယခုကဲ့သို့ သပိတ်မှောက်ရခြင်းဖြစ်သည်ဟု ထည့်သွင်းပြောကြားခဲ့သည်။

“အစ္စရေးရဲ့ စစ်ပွဲဟာ ယဉ်ကျေးမှုဆိုင်ရာ တိုက်ခိုက်မှုလည်းဖြစ်ပါတယ်။ သူတို့စစ်တပ်ဟာ ပါလက်စတိုင်း ယဉ်ကျေးမှုအဖွဲ့အစည်း အဆောက်အအုံတွေကို ပစ်မှတ်ထားတိုက်ခိုက်ခဲ့ပါတယ်။ ပြီးတော့ အနုပညာရှင်တွေရဲ့ လှုပ်ရှားမှုကိုလည်း ဟန့်တားခဲ့ပါတယ်။ အစ္စရေးရဲ့ ဇာတ်ရုံထောင်တဲ့ ကုမ္ပဏီတွေဟာ (ကျူးကျော်သိမ်းပိုက်ထားတဲ့) အနောက်ဘက်ကမ်းခြေက ဂျူအခြေချ နေထိုင်သူတွေကို ဖျော်ဖြေနေတယ်။ ပြီးတော့ ဒီကုမ္ပဏီတွေကပဲ ယဉ်ကျေးမှု ကိုယ်စားလှယ်တွေပုံစံနဲ့ ကမ္ဘာပတ်ပြီး အစ္စရေးကို လော်ဘီလုပ်ပေးနေပါတယ်” ဟု အဆိုပါ အနုပညာရှင်များက ပြောကြားခဲ့သည်။

ထို့ပြင် ပါလက်စတိုင်းတို့အား အစ္စရေး၏ ဖိနှိပ်ချုပ်ချယ်မှုကို တောက်အာဖရိက လူဖြူ၊ လူမဲ ခွဲခြားမှုနှင့် ခိုင်းနှိုင်းပြောဆိုခဲ့ပြီး ထိုစဉ်က ထိုစနစ်ကို ဆန့်ကျင်ရန် တောင်အာဖရိကရှိ အနုပညာရှင်များ သပိတ်မှောက်သကဲ့သို့ မိမိတို့လည်း ထိုသို့ ဆောင်ရွက်ခြင်းဖြစ်သည်ဟု ထည့်သွင်းပြောကြားခဲ့သည်။

“တောင်အာဖရိက လူမျိုးရေးခွဲခြားမှုအချိန်အတွင်းက ဂီတပညာရှင်တွေက သူတို့အနေနဲ့ ဆန်းစီးတီးမြို့ (ဖျော်ဖြေရေးနှင့် အပန်းဖြေမြို့တော်) ကို သွားမှာမဟုတ်တော့ဘူးလို့ ကြေညာခဲ့ပါတယ်။ အခုကျွန်တော်တို့လည်း တလ်အဗီး၊ နေတန်ညာ၊ အက်ရ်ှကီလွန် ဒါမှမဟုတ် အေရီယဲလ်မြို့တွေမှာ ဂီတဖျော်ဖြေပွဲတွေ ပြုလုပ်မှာမဟုတ်တော့ပါဘူး။ ပြီးတော့ သူတို့ဆီက ဆုတွေ၊ ပြပွဲနဲ့ အခမ်းအနား ဖိတ်ကြားမှုတွေ ဒါမှမဟုတ် ညီလာခံဖိတ်တာမျိုးတွေကိုလည်း လက်ခံမှာမဟုတ်တော့ပါဘူး။ ပြီးတော့ အစ္စရေးက နိုင်ငံတကာ ဥပဒေတွေကို မလေးစားမချင်း၊ ပါလက်စတိုင်းတွေကို ကိုလိုနီဆန်ဆန် ဖိနှိပ်ချုပ်ချယ်မှုကို အဆုံးမသတ်မချင်း ကျွန်တော်တို့က သင်ကြားရေးတွေ၊ အလုပ်ရုံဆွေးနွေးပွဲကိုလည်း လုပ်တော့မှာ မဟုတ်ပါဘူး”

Ref: alarabiya