6 years ago
ရိုဟင်ဂျာ ၇ ဦးကို အိန္ဒိယနိုင်ငံက မြန်မာကို ပထမဆုံးအကြိမ် ပြန်ပို့
6 years ago
ဓာတ်ပြားအဆိုတော် တေးသံရှင် ဒေါ်မာမာဝေ အသက်(၉၃) နှစ် ကွယ်လွန်
6 years ago
ဒုက္ခသည်စခန်းမှ လုပ်အားပေးဆရာမတစ်ဦး ရခိုင်မှ ရန်ကုန်သို့လာစဉ် လဝကဥပဒေဖြင့် အဖမ်းခံရပြီး ထောင်တစ်နှစ်ကျ
6 years ago
ဦးဇော်ဌေး (ခ) မှူးဇော်အား ဌာနပြောင်းရွှေ့တာဝန်ပေး
6 years ago
NVC ကဒ် လက်ခံရန် ဖိအားပေးခံရမှုကို ငြင်းဆိုသော ကမန်တိုင်းရင်းသားများ စီးပွားရေးပိတ်ဆို့ခံနေရ
6 years ago
ASEAN ထိပ်သီးများ ရိုဟင်ဂျာအရေး ဆွေးနွေး
6 years ago
Drone မှုနဲ့ဖမ်းခံရသူ သတင်းထောက်တွေ မိသားစုနဲ့တွေ့ခွင့်မရသေး
6 years ago
မြန်မာ-ဘင်္ဂလားဒေ့ရှ် သဘောတူညီချက် (၁၀)ချက် လက်မှတ်ရေးထိုး
6 years ago
AA ဒုဗိုလ်မှူးကြီး အပါအ၀င် ၉ ဦးကို ငွေကြေးခ၀ါချမှုနဲ့ အမှုဖွင့်စစ်ဆေး
7 years ago
ဘာသာပေါင်းစုံ ဆုတောင်းပွဲ (ရုပ်သံ)

ဧပြီ ၁၄ ၊ ၂၀၁၅
M-Media
လေးမောင် ရှာဖွေတင်ဆက်သည်။
MexicoWorldMap
၁၅ ရာစုမှာ စပိန်လူမျိုးတွေက အမေရိကတိုက်ကို ရှာဖွေတွေ့ရှိပြီး တဲ့နောက်ပိုင်းမှာ မြောက် အာဖရိကနဲ့ အနောက်အာဖရိကက ကျွန်ရောင်း ကျွန်ဝယ်စနစ်နဲ့ အတူ အစ္စလာမ် သာသနာဟာလည်း အမေရိကတိုက်ကို စတင်ရောက်ရှိ လာခဲ့ပါတယ်။ ဒါပေမယ့် စပိန်ကိုလိုနီလက်ထက် တင်းကျပ်လှတဲ့ ခရစ်ယာန် ဘာသာရေး ဥပဒေအောက်မှာ အခြားဘာသာဝင်တွေကို နည်းမျိုးစုံနဲ့ ညှင်းပန်းသတ်ဖြတ်တာကို အစ္စလာမ် ဘာသာဝင်တွေလည်း ခံစားခဲ့ရပြီး နေရပ် စွန့်ခွာခဲ့ရတာကြောင့် အမေရိကတိုက် နိုင်ငံတွေမှာ အစ္စလာမ် သာသနာဟာ မှေးမှိန်ခဲ့ရပါတယ်။

၁၈၅၀ ခုနှစ်နဲ့ ၁၈၆၀ ခုနှစ်တွေမှာ အာရပ် လူမျိုးတွေ အမေရိကတိုက်ဖက်ကို အုံနဲ့ကျင်းနဲ့ ပြောင်းရွှေ့ အခြေချလာတာ၊ ၁၆ ရာစုအဆုံးမှာ ကျွန်စနစ်ပျက်သုဉ်းခဲ့ပြီး အိန္ဒိယနဲ့ ပါကစ္စတန်က လူတွေ ပြောင်းရွှေ့ အခြေချလာခဲ့တာကြောင့် အစ္စလာမ် သာသနာဟာလည်း သူတို့နဲ့အတူ ပြန်လည်ရောက်ရှိလာခဲ့ပြန်ပါတယ်။ အဲဒီအချိန်ကစလို့ အစ္စလာမ်သာသနာဟာ အမေရိကတိုက်မှာ တစ်စတစ်စတိုးပွားလာခဲ့ပြီး အခုအချိန်မှာ အာရဗ်နဲ့ ဌာနေ လူမျိုးတွေအပါအ၀င် အစ္စလာမ် ဘာသာကို သက်ဝင် ယုံကြည်သူတွေဟာ အမေရိကတိုက်မှာ ၄ သန်းရှိလာခဲ့ပြီလို့ စစ်တမ်းများကဆိုပါတယ်။

မက္ကဆီကိုမှ အစ္စလာမ်သာသနာ

အစ္စလာမ်သာသနာ မက္ကဆီကို ရောက်ရှိလာတဲ့ မူလဘူတနဲ့ပတ်သက်ပြီး သိပ်မသိရပေမယ့် ခရစ်ယာန်သာသနာနည်းတူ စပိန်ကိုလိုနီလက်ထက်မှာ စတင်ရောက်ရှိလာခဲ့တယ်ဆိုတာကိုတော့ သမိုင်းပညာရှင်တွေအားလုံးက လက်ခံထားကြပါတယ်။

နောက်ပိုင်းမှာ ဆီးရီးယား၊ လက်ဘနွန်၊ အီဂျစ်၊ အီရန် လို အရှေ့အလယ်ပိုင်းက ပြောင်းရွှေ့ အခြေချနေထိုင်သူတွေကြောင့် အစ္စလာမ်ဘာသာဝင် ဦးရေ တိုးလာခဲ့ရပြီး ၂၀၁၀ ခုနှစ် အစိုးရက ကောက်ခဲ့တဲ့ စစ်တမ်းအရ မက္ကဆီကိုမှာ အစ္စလာမ်ဘာသာဝင် တစ်သောင်း နီးပါးလောက် ရှိတယ်လို့ ဆိုပေမယ့် ကမ္ဘာ့နိုင်ငံ အသီးသီးက ဘာသာ အယူဝါရေးရာတွေကို လေ့လာနေတဲ့ ၀ါရှင်တန်အခြေစိုက် Pew Forum အဖွဲ့ကတော့ မက္ကဆီကိုမှာ အစ္စလာမ်ဘာသာဝင် ဦးရေ ၁၁၀၀၀၀ လောက်ရှိတယ်လို့ ခန့်မှန်း တွက်ချက်ထားပါတယ်။ အများစုကတော့ စွန်နီတွေဖြစ်ကြပြီး ရှီယာနဲ့ စလဖီအုပ်စု အနည်းငယ်လည်း ရှိပါတယ်။

မက္ကဆီကိုစီးတီး

မြို့တော်ဖြစ်တဲ့ မက္ကဆီကို စီးတီးမှာ အစ္စလာမ် ဘာသာဝင်ဦးရေ အများဆုံးဖြစ်ပြီး အစိုးရရဲ့ ထုတ်ပြန်ချက်အရ ခန့်မှန်းချေ  ၄ ထောင် နီးပါလောက်ရှိပါတယ်။ ၁၉၉၀ ပြည့်နှစ်ပိုင်းတွေက အစ္စလာမ် ဘာသာရေးဆိုင်ရာ ၀တ်ပြုမှုတွေကို အီရန်သံရုံး၊ ပါကစ္စတန် သံရုံးတို့မှာ သွားရောက်ပြုလုပ်ခဲ့ရပေမယ့် ၁၉၉၅ ခုနှစ်မှာ CCIM အဖွဲ့ ပေါ်ပေါက်လာမှုနဲ့ အတူ မက္ကဆီကိုစီးတီမှာ ဗလီဝတ်ကျောင်းတော်များ ပေါ်ပေါက်လာခဲ့ပြီး ဟာလာလ် စားသောက်ဆိုင်တွေလည်း အတော် များများ ဖွင့်လှစ်ခဲ့ကြပါတယ်။

မိုရီလို့စ်ပြည်နယ်က တီကွီစ်ကွီတန်ဂိုမြို့၊ ချီယာပက်စ်ပြည်နယ်က  ဆန်ခရစ္စတိုဘဲလ် ဒီ လက်စ် ကာဆက်မြို့၊ ကိုအာဟီလာပြည်နယ်က တိုရီယွန်မြို့တွေမှာလည်း မွတ်စလင် လူအဖွဲ့အစည်းတွေ သတ်သတ်မှတ်မှတ် ရှိကြပြီး နိုင်ငံရဲ့ အခြားဒေသတွေမှာလည်း အစ္စလာမ်ဘာသာဝင်တွေဟာ ပြန့်ကျဲနေထိုင်ကြပါတယ်။

Mezquita_soraya

ချီယာပက်စ်ပြည်နယ်မှ တိုင်းရင်းမွတ်စလင်များ

နိုင်ငံတောင်ဘက်စွန်းစွန်းက ဒီပြည်နယ်ဟာ တိုင်းရင်းသား ဌာနေလူမျိုးတွေ အစ္စလာမ်ကို အများဆုံး ပြောင်းလဲ သက်ဝင် ယုံကြည်လာကြတဲ့ ပြည်နယ် တစ်ခု ဖြစ်ပါတယ်။ ဒီပြည်နယ်မှာ စပိန်လူမျိုး မွတ်စလင် အသိုင်းအ၀ိုင်းဖြစ်တဲ့ `မူရာဘီတန်´ အသိုင်းအ၀ိုင်း တစ်ခု ရှိပါတယ်။  ဒီအသိုင်းအ၀ိုင်းဟာ စပိန်နိုင်ငံ ဂရာနာဒါ ဒေသအခြေစိုက် အစ္စလာမ့်ရေးရာ အဖွဲ့ဖြစ်တဲ့ Comunidad Islámica en España နဲ့ ခိုင်မာတဲ့ ဆက်ဆံရေးရှိပြီး အစ္စလာမ်ကိုပြောင်းလဲ သက်ဝင်လာတဲ့ စပိန်လူမျိုး မိုဟာမက်နာဖီယာက အဲဒီဒေသက အစ္စလာမ့်ရေးရာအဖွဲ့ဖြစ်တဲ့ Comunidad Islámica en México အဖွဲ့ကို ဦးဆောင်ပါတယ်။

နာဖီယာဦးဆောင်တဲ့ ဒီအဖွဲ့ရဲ့ စွမ်းစွမ်းတမံ သာသနာပြုမှုကြောင့် အဲဒီဒေသက ဌာနေတိုင်းရင်းသား မာယန်လူမျိုးတွေနဲ့ တီဇွတ်ဇီလ်လူမျိုးတွေဟာလည်း အစ္စလာမ်ကို ပြောင်းလဲသက်ဝင်လာကြပါတယ်။ မာယန်တွေဟာ အစ္စလာမ့်ရေးရာ ၀တ်ပြုဆောက်တည်မှုတွေကို အလွယ်တကူလုပ်နိုင်ဖို့အတွက် ဆန်ခရစ္စတိုဘဲလ် ဒီလက်စ် ကာဆက်မြို့မှာ အလ်-ကောက်စရ်အမည်နဲ့ ဗလီဝတ်ကျောင်းတော် တစ်လုံးကို ဆောက်လုပ်ခဲ့ပါတယ်။ ဒီဗလီမှာ ငါးကြိမ်ဆွလာသ်နဲ့ ဂျူမုအဟ် ဆွလာသ်တို့ကို ၀တ်ပြုနိုင်ပြီး အမျိုးသမီးတွေ ၀တ်ပြုဖို့ သီးသန့်အဆောင်တစ်ခုကိုလည်း လုပ်ပေးထားပါတယ်။ မက္ကဆီကို တစ်နိုင်ငံလုံးနည်းတူ ချီယာပက်စ်ဒေသမှာလည်း အစ္စလာမ်ဘာသာကို ပြောင်းလဲ သက်ဝင်ယုံကြည်သူ အရေအတွက်ဟာ တိုးတက်လျက် ရှိနေပါတယ်။

Dar_as_salam

အဖွဲ့အစည်းများ

မက္ကဆီကိုမှာ အစ္စလာမ့်ရေးရာအဖွဲ့တွေ အများအပြားရှိကြပြီး ယနေ့ခေတ် မက္ကဆီကိုမှာ အစ္စလာမ် သာသနာကို ပြောင်းလဲ သက်ဝင် ယုံကြည်သူ အရေအတွက် အလျင်အမြန် မြင့်တက် လာတာဟာ ဒီအဖွဲ့အစည်းတွေရဲ့  စွမ်းစွမ်းတမံ ဆောင်ရွက် မှုကြောင့်ပဲဖြစ်ပါတယ်။
Tequesquitengo2010 046
ဗြိတိန်မှာမွေးဖွားတဲ့ မက္ကဆီ ကို နွယ်ဖွားဖြစ်ပြီး ၁၉၈၈ ခုနှစ်က အစ္စလာမ်ကို ပြောင်းလဲသက်ဝင်လာခဲ့တဲ့ အိုမာ ၀က်စ်တန် တည်ထောင်ထားတဲ့ Cultural Islámico de México (CCIM) (မက္ကဆီကိုအစ္စလာမ့်ယဉ်ကျေးမှုစင်တာ) အဖွဲ့ဟာ မက္ကဆီကိုက အတက်ကြွဆုံး အစ္စလာမ်အဖွဲ့တစ်ခုဖြစ်ပြီး နိုင်ငံမြောက်ပိုင်းနဲ့ အလယ်ပိုင်းတွေမှာ သာသနာပြုလုပ်ငန်းကစလို့ လူမှုရေးလုပ်ငန်း အဆုံး ဆောင်ရွက်နေတဲ့ အဖွဲ့ တစ်ခုလည်းဖြစ်ပါတယ်။ ၀က်စ်တန်ဟာ မဒီနာမြို့က အစ္စလာမ့်တက္ကသိုလ်တစ်ခုမှာ အစ္စလာမ့်ရေးရာနဲ့ ပတ်သက်ပြီး ဘွဲ့ရထားသူလည်း ဖြစ်ပါတယ်။

၁၉၉၅ ခုနှစ် မြို့တော် မက္ကဆီကိုစီးတီးမှာ ဖွဲ့စည်းခဲ့ပြီးနောက် CCIM ဟာ အစ္စလာမ့်ရေးရာ ကိစ္စရပ်တွေကို ဘက်စုံထောင့်စုံအောင် အားကြိုး မာန်တက်ဆောင်ရွက်ခဲ့ပါတယ်။ ၀တ်ပြုမှုတွေကို ဦးဆောင်ပြုလုပ်တာ၊ အစ္စလာမ့်စာပေတွေကို ဘာသာပြန်ပြီး ပုံနှိပ်ထုတ်ဝေတာ၊ မြို့တကာ နယ်တကာလှည့်ပြီး အစ္စလာမ့်အကြောင်း ဟောပြောတင်ပြတာ၊ မက္ကဆီကို တီဗီအစီအစဉ်တွေကနေ တစ်ဆင့် အစ္စလာမ့်ရေးရာအကြောင်းအရာတွေကို ထုတ်လွှင့် တင်ဆက်ပေးတာ စတဲ့လုပ်ငန်းတွေကို ဆောင်ရွက်ပေးပြီး ဒီအဖွဲ့ရဲ့ စွမ်းစွမ်တမံ ကြိုးပမ်းမှုတွေကြောင့် အစ္စလာမ်သာသနာကို သက်ဝင်ယုံကြည်သူ အရေအတွက်ဟာလည်း တိုးလာခဲ့ပါတယ်။ ပြီးတော့ မက္ကဆီကိုစီးတီးမှာ အချိန်ပြည့် အစ္စလာမ့်ရေးရာ သင်တန်းကျောင်း တစ်ခုကိုလည်း MCM က ဦးဆောင်ဖွင့်လှစ်ခဲ့ပြီး မွတ်စလင်လူငယ်တွေကို အစ္စလာမ့်ရေးရာနဲ့ပတ်သက်တဲ့ အဆင့်မြင့်ပညာရပ်တွေကို သင်ကြားပေးနေကာ မက္ကာ၊ မဒီနာတို့မှာ ရှိတဲ့ အစ္စလာမ့်တက္ကသိုလ်တွေဆီကိုလည်း ပို့ဆောင် သင်ကြားပေးလျက်ရှိပါတယ်။

မိုရီလို့စ်ပြည်နယ်မှာဆိုရင် CCIM အဖွဲ့ဟာ `ဒါရွတ်စလာမ်´လို့ခေါ်တဲ့ အစ္စလာမ့်စင်တာ တစ်ခုကို ဖွင့်လှစ်ထားပြီး အဲဒီအစ္စလာမ့်စင်တာမှာ ၀တ်ပြုဆောင်တစ်ခု၊ သင်ကြားရေးနဲ့ အစည်းအဝေးကျင်းပရာနေရာ တစ်ခုတို့ ပါဝင်ပါတယ်။ ဒီစင်တာရဲ့အနီးအနားမှာ `ဟိုတယ်အိုအေစစ်´ ဆိုတဲ့အမည်နဲ့ ဟိုတယ်တစ်ခုကိုလည်း ၀က်စ်တန်က ဖွင့်လှစ်ထားပြီး ဟာလာလ် စားသောက်ဆိုင် မပေါလှတဲ့ အဲဒီဒေသမှာ ဟာလာလ် အစားအသောက်တွေ စီစဉ်ပေးတာ၊ မွတ်စလင်ခရီးသွားတွေအတွက် အဆင်ပြေ လွယ်ကူအောင် စီစဉ်ပေးတာမျိုး စတဲ့ ၀န်ဆောင်မှုတွေကိုလည်း ပေးနေပါတယ်။

နောက်ပိုင်းမှာတော့ အိုမာ ၀က်စ်တန်ဟာ CCIM ရဲ့ ကျောင်းခွဲအဖြစ် မက္ကဆီကို တနံတလျားမှာ အစ္စလာမ့်စင်တာတွေကို ဖွင့်လှစ်ပြီး သာသနာပြု လုပ်ငန်းတွေကို အောင်မြင်စွာ လုပ်ဆောင်နေပါတယ်။

မက္ကဆီကိုစီးတီးမှာ ဆူဖီအဖွဲ့တစ်ခုဖြစ်တဲ့ Nur Ashki Jerrahi Sufi Order အဖွဲ့တစ်ခုလည်းရှိပြီး ဒီအဖွဲ့ကိုတော့ ရှေခါ ဖာတီမာ ဖာရီဟာနဲ့ ရှေခါ အာမေနာ တက်စ်လီမာဆိုတဲ့ အမျိုးသမီးနှစ်ဦးက တည်ထောင်ထားတာ ဖြစ်ပါတယ်။

နောက်ထပ် အဖွဲ့တစ်ခုကတော့ Centro Salafi de México လို့ခေါ်တဲ့ ဆာလာဖီအဖွဲ့ငယ်တစ်ခုဖြစ်ပြီး အစ္စလာမ်ကိုသက်ဝင်ယုံကြည်လာပြီးတဲ့နောက် မဒီနာမြို့မှာ အစ္စလာ့မ်ရေးရာတွေကို သွားရောက်သင်ယူခဲ့တဲ့ မက္ကဆီကိုမွတ်စလင် အီဆာ ရိုဂျာက တည်ထောင်ထားပြီး အရှေ့အလယ်ပိုင်းက မွတ်စလင်အချို့ စီမံခန့်ခွဲနေတဲ့ အစ္စလာမ့်သင်ကြားရေးစင်တာတစ်ခုလည်း မြို့တော် မက္ကဆီကိုစီးတီးမှာ ရှိနေပါတယ်။

ဗလီဝတ်ကျောင်းတော်များ

မက္ကဆီကိုနိုင်ငံတစ်ဝှမ်းမှာ ဗလီဝတ်ကျောင်းတော်ကြီးပေါင်း ၁၄ ခုရှိပြီး ၀တ်ပြုဆောင်တွေလည်း နိုင်ငံ တစ်ဝှမ်း မြောက်များစွာ ရှိနေပါတယ်။

သစ်လွင်မွတ်စလင်များ

အမေရိကတိုက်မှ အခြားသောနိုင်ငံများနည်းတူ မက္ကဆီကိုမှာလည်း အစ္စလာမ် သာသနာကို ပြောင်းလဲသက်ဝင်လာတဲ့ အရေအတွက်ဟာ ၉/၁၁ တိုက်ခိုက်မှု နောက်ပိုင်းမှာ တရှိန်ထိုး မြင့်တက်လာခဲ့ပါတယ်။

အစ္စလာမ်ဘာသာဟာ တကယ်ပဲအကြမ်းဖက်ဝါဒကို အားပေးသလား ဆိုတာနဲ့ပတ်သက်ပြီး လေ့လာကြရာကနေ စစ်မှန်တဲ့ အစ္စလာမ်အကြောင်း နားလည်ပြီး သက်ဝင်လာကြတယ်ဖြစ်တယ်လို့ မက္ကဆီကိုမှာ အစ္စလာမ်သာသနာ ထွန်းကားမှုကို လေ့လာဆန်းစစ်ခဲ့တဲ့ Fox News Latino သတင်းဌာနက  ၂၀၀၁၃ ခုနှစ်မှာ ရေးသားခဲ့တဲ့ Muslim Converts In Mexico Make Up A Diverse, Fast-Growing Community ဆောင်းပါးမှာ ထည့်သွင်းဖော်ပြထားပါတယ်။

အစ္စလာမ်သာသနာကို ပြောင်းလဲသက်ဝင်ယုံကြည်မှု တိုးပွားလာတဲ့ နောက်ထပ် အကြောင်းအရင်းတစ်ခုကတော့ အစ္စလာမ်နဲ့ပတ်သက်တဲ့ အကြောင်းအရာတွေကို စိတ်ကြိုက် မေးမြန်းလေ့လာနိုင်တဲ့ အင်တာနက်ကြောင့်ဖြစ်ပြီး မက္ကဆီကိုက သစ်လွင်မွတ်စလင်အချို့ဟာ အစ္စလာမ့်သင်ခန်းစာတွေကို အင်တာနက်ကနေတစ်ဆင့် သင်ယူ တတ်မြောက်ကြပါတယ်။

Leave a Reply