21 hours ago
ဦးဝီရသူနဲ့ ရင်းနှီးတဲ့ သီရိလင်္ကာ ဆရာတော် အရေးယူခံရ
4 days ago
ဘာသာရေးကို ခုတုံးလုပ် အမုန်းတရားဟောပြောမှုများအား မန္တလေးမြို့ ဘာသာပေါင်းစုံ အဖွဲ့ ရှုတ်ချ
4 days ago
ရခိုင်ကော်မရှင်အဖွဲ့ ကိုဖီအာနန် နဲ့ တွေ့ဆုံမည်
5 days ago
သီရိလင်္ကာမှာ ဘာသာရေးမုန်းတီးမှု လုပ်ဆောင်သူ ၄ ဦးကို ဖမ်းဆီး
7 days ago
Genius Olympiad ပြိုင်ပွဲတွင် မြန်မာနိုင်ငံမှ ကျောင်းသား/သူများ ရွှေအပါအဝင် ဆုတံဆိပ် ၉ ခု ဆွတ်ခူး
1 week ago
မင်္ဂလာတောင်ညွှန့် ပဋိပက္ခတွင်ပါဝင်သည့် ရဟန်း ၂ ပါးကို တရားခံပြေးအဖြစ် အမိန့်ချ
1 week ago
မိထ္ထီလာတွင် မွတ်စလင်မ်ဥပုသ်လ ဝတ်ပြုခွင့်ရဖို့ တိုင်းအစိုးရကို တရားဝင် တင်ပြထားသော်လည်း အကြောင်းမထူးသေး
3 weeks ago
လွတ်လပ်စွာဝတ်ပြုကိုးကွယ်မှုကန့်သတ်တဲ့ အမိန့်ဥပဒေများပယ်ဖျက်ဖို့ HRW တောင်းဆို
4 weeks ago
အစ္စလာမ်ဘာသာဝင်တို့ရဲ့ ၂၀၁၇ ရမဿွာန် ဥပုသ် ပထမနေ့ ရန်ကုန်မြင်ကွင်း(ဓါတ်ပုံ)
1 month ago
ကျောက်ဖြူဒုက္ခသည်များ နေရပ်ပြန်လို

မေ ၂၅ ၊ ၂၀၁၅
M-Media
Editorial 2

စကတည်းက ယဉ်သကို ဆိုတာလိုပါပဲ။ ၂၀၁၀ ရွေးကောက်ပွဲရဲ့အဖြစ်က အသေ၀နာစ ဗာလာနံဆိုပြီး လူ့ဗာလတွေနဲ့ကင်းဝေးစေဖို့ ဒီမိုကရေစီဂါထာစီးဖြန်း မန်းမှုတ်လာခဲ့တဲ့ ပြည်သူတွေဟာ ကံဆိုးချင်တော့ ဗွီလိန် က မင်းသားဝတ်စုံပြောင်းပြီး ထွက်လာတဲ့အခါ ဗာလာနဉ္စ သေ၀နာရယ်လို့ မင်္ဂလာတရားတော်ကို ကမောက်ကမလုပ်လိုက်ရပါတော့တယ်။ ဒီမှာတင် အမင်္ဂလာနဲ့ ဒီမိုကရေစီ ကင်ပွန်းတပ်ပွဲဟာ အခြေမလှ ဖြစ်ခဲ့ရပါတယ်။

၂၀၀၈ ဖွဲ့စည်းပုံကိုပြင်မှ NLD က ၂၀၁၀ ရွေးကောက်ပွဲကို ၀င်ချင်ပါတယ်။ ဒါကြောင့် ပြင်မပေးရင် ရွေးကောက်ပွဲသပိတ်မှောက်မယ်လို့ ဆိုခဲ့ပါတယ်။ ပြည်သူညီရင် ရွေးကောက်ပွဲပျက်ပါတယ်။ ဒါပေမဲ့ ဧရာဝတီသင်္ဘောကုမ္ပဏီနဲ့ ယှဉ်ပြိုင်ခဲ့တဲ့ ဦးနာအောက်ရဲ့ သနားစဖွယ်အဖြစ်ကို သံဝေဂ မယူမိလေသလားပဲ။ အများ အကျိုးထက် တစ်ကိုယ်ရေ အကျိုးရှာတဲ့ အချောင်သမားက ရာနှုန်းများနေလေတော့ NLD ရဲ့မျှော်လင့်ချက်ဟာ ဦးနာအောက်ရဲ့ အရှုံးမျိုးနဲ့ ပြာကြွေစလို လွင့်ပြယ်ဆုံးပါးခဲ့ရပါတယ်။

ဘောင်းဘီချွတ်များရဲ့ ပြည်ခိုင်ဖြိုးဟာ ပြိုင်ဘက်တော်ရဲ့သပိတ်ကို လူနာမျက်ဖြူဆိုက်လေ ဆရာကြိုက်လေ အပြုံးမျိုးနဲ့ ပီတိဝေနေချိန်ပေါ့။ ချန်ပီယံမပါတဲ့ပွဲမို့ ပွဲချောင်ဝင်တိုးဦးမှဆိုတဲ့ တောကြောင်တွေကလည်း လက်ခမောင်း ထခတ်ကြပါတယ်။ ဒီလိုနဲ့ ၂၀၁၀ ဟာ ပြည်သူမျှော်မှန်းတဲ့ အောင်ပန်းတွေ ခြွေချကြေမွမြေခ သွားရပါတော့တယ်။

အဲဒီကာလမှာ အကျိုးလိုလို့ ညောင်ရေသွန်းတဲ့ ခါတော်မီခင်းတဲ့ တစ်ခြမ်းတစ်ဝက် လမ်းအကွက် အကွက် တွေကို ပြန်မြင်ယောင် မိပါသေးတယ်။ ပြည်သူ့ဘဏ္ဍာတွေကို ပါတီပိုင်လို အလွဲသုံးစားလုပ်ပြီး ထင်တိုင်းသုံး မဲဆွယ်နေတဲ့ အရွေးခံ အမတ်လောင်းများကိုလည်း ပြန်မြင်ယောင်မိပါသေးတယ်။ မဲရုံမှာ မဲရေတုန်းက အနိုင်၊ ကြိုတင်မဲတွေ ထင်သလိုပေါင်းပြီး သတင်းမှာကြေညာတော့ အရှုံးဖြစ်သွားတဲ့ အရွေးခံတချို့ရဲ့ တက်ခေါက်သံ တွေကိုလည်း ကြားယောင်မိပါသေးတယ်။

အစိုးရသစ် လက်ထက်မှာ ဧရာဝတီမြစ်ဆုံရေကာတာကိစ္စဟာ စနက်တံဖြုတ်ထားတဲ့ လက်ပစ်ဗုံးတစ်လုံးကို ဆုပ်ကိုင်ထား မိသလို ဖြစ်ခဲ့ဖူးတယ်။ ကလေးကို အချိုသပ်သလို ပြည်တော်ပြန် ပုဏ္ဏားတို့ရဲ့ မာယာဉာဏ်နဲ့ ရွှေ့ဆိုင်းနှစ်သိမ့်ဖို့ အကြံအတိုင်း အကောင်အထည်ဖော်လိုက်တဲ့ သမ္မတကြီးဟာ နေ့ချင်းညချင်း နာမည်ကောင်း လက်မှတ် အချောင်ရသွားပါတယ်။ ဒီအချိန်မှာ ဒေါ်အောင်ဆန်းစုကြည်ဟာ လူထုခေါင်းဆောင် ဘ၀ကနေ နိုင်ငံရေးသမားဘ၀ကို ပြောင်းလဲခံယူဖို့အတွက် သမ္မတကြီးကို ယုံတယ်ဆိုတဲ့ စကားတစ်ခွန်းနဲ့ သမ္မတကို ကျောသပ်လိုက်ချိန်မှာ ဘုမသိ ဘမသိတွေက သမ္မတကြီးကို ဘုရားတစ်ဆူ ဂူတစ်လုံးလို အကြည်ညို ပိုသွားကြပြန်ပါတယ်။

လျှပ်စစ်မီးတွေ ပိုလျှံနေလို့ နိုင်ငံခြားတောင် ရောင်းစားနေရပါတယ်ဆိုတဲ့ ၀န်ကြီးက နှုတ်သရမ်းထားချိန်မှာ လျှပ်စစ်မီးတွေ ပျက်လွန်းလို့ ဖယောင်းတိုင်ထွန်း ဆုတောင်းပွဲတွေကလည်း မြန်မာပြည်ရဲ့ ထူးခြားတဲ့ မှတ်တိုင် တစ်ခုပါပဲ။

ဦးသိန်းစိန် အစိုးရဟာ အမေရိကန်အပါအ၀င် အနောက်နိုင်ငံတွေရဲ့ ထောက်ခံမှုကို ရလိုပါတယ်။ စီးပွားရေး ပိတ်ဆို့မှုတွေကို ဖြေလျှော့စေ လိုတယ်။ ဧရာဝတီ ကိစ္စမှာ နာမည်ကောင်းရထားတာ၊ ဒေါ်အောင်ဆန်းစုကြည်နဲ့ အဆင်ပြေနေတာတွေ အပြင် နိုင်ငံရေးအကျဉ်းသားတွေ တစ်သုတ်ပြီး တစ်သုတ်လွှတ်ပေးတာတွေဟာ ကမ္ဘာ့အသိုင်းအ၀ိုင်းရဲ့ ထောက်ခံမှုရရေး အတွက် ရင်းနှီးမြှုပ်နှံမှုတွေပါပဲ။ ဒါပေမဲ့ နိုင်ငံရေးအင်အားစုတွေ ထောင်ကလွတ်လို့ အင်အားကောင်းလာရင် ချိန်ခွင်လျှာညှိနိုင်အောင် မိစ္ဆာဘက်တော်သား တချို့ကိုလည်း ရောင်တော်ပြန်နဲ့ ရောလွှတ်ပေးခဲ့ပါတယ်။ အဲဒီအထဲမှာ အထိကရုဏ်းဖန်တီးမှု ၀ိဇ္ဇာတွေလည်း ပါပါတယ်။

၂၀၁၂ ကြားဖြတ်ရွေးကောက်ပွဲမှာ NLD ပါဝင်ယှဉ်ပြိုင်မယ်ဆိုတော့ ပြည်ခိုင်ဖြိုး အစိုးရ မျက်ခုံးလှုပ်ခဲ့ပါတယ်။ ထင်တဲ့အတိုင်းပဲ ၀င်ပြိုင်သမျှ နေရာတိုင်းမှာ NLD အနိုင်ရခဲ့ပါတယ်။ ဒီမှာတင် ၂၀၁၅ အတွက် ကြိုတင်စီမံကိန်း တစ်ခုကို ချရပါတော့တယ်။ ကြားဖြတ်ရွေးကောက်ပွဲဟာ ၂၀၁၂ ဧပြီ ၁ မှာ လုပ်ပါတယ်။ ဧပြီ ၁၂ မှာ ဆိုင်းတောင်၊ ဧပြီ ၁၃ မှာ ကံမ ဘာသာရေး၊လူမျိုးရေးပြဿနာတွေ စပြီးမွှေးပါတယ်။ နောက်တော့ ရခိုင် ပြည်နယ်မှာ အကြီးအကျယ်ဖန်တီးပါတယ်။ အဲဒီကနေ သာကေတ၊ လှိုင်သာယာ၊ မိတ္ထီလာ၊ ပဲခူးမြို့အနောက်ဘက် တစ်လွှား၊ ဥက္ကံ၊ လားရှိုး၊ မန္တလေးစသဖြင့် ပဋိပက္ခတွေ တစ်ခုပြီးတစ်ခု ဖန်တီးခဲ့ပါတယ်။ ဖန်တီးကြောင်းလည်း လက်ရာတွေတူနေပုံအရ ပြည်သူတွေ ရိပ်စားမိလာပါတယ်။

လက်ပံတန်းတောင်ကိစ္စ၊ ကိုပါကြီးကိစ္စ၊ ကချင် ဆရာမလေးနှစ်ဦး ကိစ္စ၊ ဒေါ်ခင်ဝင်း ကိစ္စ၊ မိကျောင်းကန် မြေသိမ်းခံများအပါအ၀င် အရပ်ရပ် အနယ်နယ်က မြေသိမ်းယာသိမ်း ကိစ္စ၊ မြို့တော်ခန်းမရှေ့ ကျောင်းသား တွေကို လက်ပတ်နီတွေနဲ့ အကြမ်းဖက်ဖြိုခွင်းတဲ့ကိစ္စ၊ လှိုင်သာယာ အလုပ်သမား သပိတ်ကို အကြမ်းဖက် ဖြိုခွင်းတဲ့ကိစ္စ၊ လက်ပံတန်းမှာ ကျောင်းသားတွေကို အကြမ်းဖက်ဖြိုခွင်းတဲ့ကိစ္စ အဲဒီလို ကိစ္စမြားမြောင် ပြဿနာ အစုံစုံကို စုံစမ်းစစ်ဆေးရေး ကော်မရှင်ပေါင်းများစွာနဲ့ တစ်ခု အဖြေမထွက်ခင် သည့်ထက်သည့်ထက် ပိုပိုကြီးတဲ့ပြဿနာတွေနဲ့ ဖုံးကွယ် အာရုံပြောင်းပစ်ပါတယ်။ လိုအပ်ရင် ခေါင်းလောင်းထဆယ်ချင်လည်း ဆယ်ခိုင်းလိုက်ပါတယ်။ ဒီမိုကရေစီစနစ်နဲ့ မအပ်စပ်တဲ့ အရည်အသွေး မပြည့်မီတဲ့ ၀န်ကြီးများဖြစ်ကြောင်း ထမင်းတစ်နပ်လျှော့စားခိုင်းတာ၊ တစ်နေ့ ၂၀၀၀ ပဲ သုံးဖို့ပြောတာ၊ တရုတ်ပြည်ကို ရောင်းထားတဲ့ လျှပ်စစ်မီးကို ပြန်ဝယ်ပြီး သုံးရမယ်ဆိုတာ၊ နယ်လှည့် ပါးရိုက်မယ်ဆိုတာတွေက သက်သေပြနေပါတယ်။ ဒီလိုနဲ့ ဒီအစိုးရဟာ စိတ်ပျက်စရာ အကောင်းဆုံးအစိုးရ၊ ပြဿနာ အများဆုံး အစိုးရအဖြစ် ဗိုလ်စွဲနိုင်ခဲ့ပါတယ်။
၂၀၁၂ ကြားဖြတ်ရွေးကောက်ပွဲကနေစပြီး ဖြစ်ပေါ်လာခဲ့တဲ့ ပြဿနာတိုင်းရဲ့ နောက်ကွယ်မှာ အစိုးရရဲ့ လက်မည်းကြီး ရှိနေကြောင်း ပြည်သူတွေက ကောင်းကောင်းသိလာခဲ့ပါပြီ။ အခု ၂၀၁၅ ရွေးကောက်ပွဲ မတိုင်ခင် နောက်ထပ် ဘာ ပြဿနာတွေ ဖန်တီးဦးမလဲဆိုတာသာ ရင်တခုန်ခုန်နဲ့ စောင့်ဆိုင်းကြည့်ကြရဦးမှာပါ။

ဒီလိုပြဿနာတွေဆက်ပြီး မကြုံတွေ့ရတော့မှာကို စိတ်ပူတယ်ဆိုရင်တော့ အကောင်းဆုံး အကြံတစ်ခု ပေးပါ့မယ်။ ၂၀၁၅ ခုနှစ်မှာ ပြည်ခိုင်ဖြိုးကိုသာ မဲပေးလိုက်ကြပါတော့။

Tags:

Leave a Reply