6 years ago
ရိုဟင်ဂျာ ၇ ဦးကို အိန္ဒိယနိုင်ငံက မြန်မာကို ပထမဆုံးအကြိမ် ပြန်ပို့
6 years ago
ဓာတ်ပြားအဆိုတော် တေးသံရှင် ဒေါ်မာမာဝေ အသက်(၉၃) နှစ် ကွယ်လွန်
6 years ago
ဒုက္ခသည်စခန်းမှ လုပ်အားပေးဆရာမတစ်ဦး ရခိုင်မှ ရန်ကုန်သို့လာစဉ် လဝကဥပဒေဖြင့် အဖမ်းခံရပြီး ထောင်တစ်နှစ်ကျ
6 years ago
ဦးဇော်ဌေး (ခ) မှူးဇော်အား ဌာနပြောင်းရွှေ့တာဝန်ပေး
6 years ago
NVC ကဒ် လက်ခံရန် ဖိအားပေးခံရမှုကို ငြင်းဆိုသော ကမန်တိုင်းရင်းသားများ စီးပွားရေးပိတ်ဆို့ခံနေရ
6 years ago
ASEAN ထိပ်သီးများ ရိုဟင်ဂျာအရေး ဆွေးနွေး
7 years ago
Drone မှုနဲ့ဖမ်းခံရသူ သတင်းထောက်တွေ မိသားစုနဲ့တွေ့ခွင့်မရသေး
7 years ago
မြန်မာ-ဘင်္ဂလားဒေ့ရှ် သဘောတူညီချက် (၁၀)ချက် လက်မှတ်ရေးထိုး
7 years ago
AA ဒုဗိုလ်မှူးကြီး အပါအ၀င် ၉ ဦးကို ငွေကြေးခ၀ါချမှုနဲ့ အမှုဖွင့်စစ်ဆေး
7 years ago
ဘာသာပေါင်းစုံ ဆုတောင်းပွဲ (ရုပ်သံ)

စက်တင်ဘာ ၄၊ ၂၀၁၅
M-Media

byarn

– ဒုက္ခသည်များကို ကူညီရန်အတွက် ဘွန်ဒစ်လီဂါထိပ်သီး ဘိုင်ယန်မြူးနစ်အသင်းက ကန်ဒေါ်လာ ၁.၁၁ သန်း လှူဒါန်းမည်ဖြစ်ပြီး မြူးနစ်သို့ရောက်ရှိလာသည့် ဒုက္ခသည် ကလေးများအတွက်လည်း ဘောလုံးလေ့ကျင့်ရေးစခန်းများ ဖွင့်လှစ်ပေးသွားမည်ဟု သိရသည်။

အရှေ့အလယ်ပိုင်း ပဋိ့ပက္ခများကြောင့် ခိုးကိုးရာမဲ့နေကြသော ဒုက္ခသည် ထောင်ပေါင်းများစွာမှာ ဟန်ဂေရီနှင့် သြစတြီးနိုင်ငံတို့ကို ဖြတ်၍ ဂျာမနီနိုင်ငံသို့ ၀င်ရောက်လာနေကြသည်။ ဘိုင်ယန်မြူးနစ်အသင်းကမူ အဆိုပါ ဒုက္ခသည်များကို ကူညီရန်မှာ လူမှုရေးတာဝန်ဖြစ်သည်ဟု ဆိုသည်။

“အိုးအိမ်စွန့်ခွာ ထွက်ပြေးရတဲ့၊ ထိခိုက်ခံစားရတဲ့ ကလေးတွေ၊ အမျိုးသားတွေ၊ အမျိုးသမီးတွေကို ကူညီတာ၊ သူတို့ကို ထောက်ပံ့ပေးတာ၊ ဂျာမနီမှာ သူတို့ကို ဖေးမတာဟာ လူမှုရေးတာဝန်လို့ အက်ဖ်စီဘိုင်ယန်က ရှုမြင်ပါတယ်” ဟု အသင်းမှ ထုတ်ပြန်သော ကြေညာချက်တွင် စီအီးအို ကာလ်-ဟိန့်ဇ် ရမ်မီနစ်ဂီက ပြောကြားခဲ့သည်။

ထို့ပြင် ဘိုင်ယန်လူငယ်အကယ်ဒမီမှာ ဒုက္ခသည်ကလေးများအတွက် ဘောလုံးလေ့ကျင့်ရေးစခန်းများကို မြူးနစ်အုပ်ချုပ်ရေးအဖွဲ့နှင့် ချိတ်ဆက်ကာ ဖွင့်လှစ်သွားမည်ဖြစ်ပြီး ပုံမှန် လေ့ကျင်သင်ကြားပေးမှုများအပြင် အစားသောက်များ ကျွေးမွေးခြင်း၊ ဂျာမနီဘာသာစကား သင်ကြားပေးခြင်းတို့ကိုလည်း ဆောင်ရွက်ပေးသွားမည်ဖြစ်သည်။

စက်တင်ဘာ ၁၂ ရက်နေ့တွင် ကစားမည့် အော့စ်ဘာ့ဂ်နှင့် အိမ်ကွင်းပွဲစဉ်တွင် ဘိုင်ယန်အသင်းကြီးမှာ ဒုက္ခသည် ကလေးငယ်များနှင့်အတူ ကွင်းအတွင်းသို့ဝင်ရောက်မည်ဖြစ်သည်။ ထို့ပြင် ကန်ဒေါ်လာ ၁.၁၁ သန်းခန့် အမြတ်အစွန်းရမည့် ချစ်ကြည်ရေးဘောလုံးပွဲတစ်ပွဲကိုလည်း စီစဉ်နေပြီး ထိုငွေများကို ဒုက္ခသည်များအတွက် လှူဒါန်းသွားမည်ဖြစ်သည်။

“ဘိုင်ယန်မြူးနစ်ဟာ မားမားမတ်မတ် ရပ်တည်နေပြီး အသင်းရဲ့ ဒီလိုပါဝင်မှုအတွက် ကျွန်တော် ပျော်ရွှင်ရပါတယ်။ ဒါ့ကြောင့်လည်း ကျွန်တော်ဟာ ၀မ်မြောက်ဝမ်းသာစွာနဲ့ ထောက်ပံ့ပေးဖို့ အတည်ပြုခဲ့တာပေါ့” ဟု မြူးနစ်မြို့တော်ဝန် ဒီတာ ရီတာက ပြောကြားခဲ့သည်။

ဂျာမနီမှာ ယနှစ်အတွက် ဒုက္ခသည် ၈ သိန်းကို လက်ခံရန် စီစဉ်ထားပြီး ၂၀၁၄ ခုနှစ်က လက်ခံသည့် ပမာဏထက် ၄ ဆကျော် ပိုမိုလက်ခံခြင်းလည်း ဖြစ်သည်။

ပြီးခဲ့သည့် တစ်ပတ်က ကစားခဲ့သည့် ဘွန်ဒစ်လီဂါပွဲစဉ်များအားလုံးတွင် “ဒုက္ခသည်များကို ကြိုဆိုသည်” “ဂျာမနီမှ ကြိုဆိုပါ၏” ဟူသော ပိုစတာများကို ပရိတ်သတ်များက လွှင့်ထူခဲ့ကြပြီး အသင်းအများစုမှာလည်း ပြောင်းရွှေ့အခြေချသူများကို ဘောလုံးပွဲ လာရောက်ကြည့်ရှုရန် ဖိတ်ခေါ်ခဲ့သည်။

ဂျာမနီဘောလုံးအဖွဲ့ချုပ် DFB က ဗုဒ္ဓဟူးနေ့တွင် ဗီဒီယိုတစ်ခု ထုတ်ပြန်ခဲ့ပြီး အဆိုပါဗီဒီယိုတွင် ဒုက္ခသည်များနှင့် ၎င်းတို့နေထိုင်ရာနေရာများအား တိုက်ခိုက်မှုများကို ရှုတ်ချကြောင်း၊ နိုင်ငံခြားသားကြောက်ရောဂါကိုလည်း ရှုတ်ချကြောင်း ထည့်သွင်းဖော်ပြထားသည်။

ထို့ပြင် “ဒုက္ခသည် ယူနိုက်တက်” ဟုအမည်ပေးထားပြီး ပြောင်းရွှေ့အခြေချသူများပါဝင်သည့် ဘောလုံးအသင်းနှင့် ဂျာမနီဘောလုံးအဖွဲ့ချုပ်မှ ၀န်ထမ်းများပါဝင်သော အသင်းတို့ ချစ်ကြည်ရေးဘောလုံးပွဲတစ်ခုကို လာမည့်သီတင်းပတ်တွင် ကစားရန်လည်း စီစဉ်ထားသည်။

Ref: Aljazeera

Leave a Reply