1 year ago
ရိုဟင်ဂျာ ၇ ဦးကို အိန္ဒိယနိုင်ငံက မြန်မာကို ပထမဆုံးအကြိမ် ပြန်ပို့
1 year ago
ဓာတ်ပြားအဆိုတော် တေးသံရှင် ဒေါ်မာမာဝေ အသက်(၉၃) နှစ် ကွယ်လွန်
1 year ago
ဒုက္ခသည်စခန်းမှ လုပ်အားပေးဆရာမတစ်ဦး ရခိုင်မှ ရန်ကုန်သို့လာစဉ် လဝကဥပဒေဖြင့် အဖမ်းခံရပြီး ထောင်တစ်နှစ်ကျ
2 years ago
ဦးဇော်ဌေး (ခ) မှူးဇော်အား ဌာနပြောင်းရွှေ့တာဝန်ပေး
2 years ago
NVC ကဒ် လက်ခံရန် ဖိအားပေးခံရမှုကို ငြင်းဆိုသော ကမန်တိုင်းရင်းသားများ စီးပွားရေးပိတ်ဆို့ခံနေရ
2 years ago
ASEAN ထိပ်သီးများ ရိုဟင်ဂျာအရေး ဆွေးနွေး
2 years ago
Drone မှုနဲ့ဖမ်းခံရသူ သတင်းထောက်တွေ မိသားစုနဲ့တွေ့ခွင့်မရသေး
2 years ago
မြန်မာ-ဘင်္ဂလားဒေ့ရှ် သဘောတူညီချက် (၁၀)ချက် လက်မှတ်ရေးထိုး
2 years ago
AA ဒုဗိုလ်မှူးကြီး အပါအ၀င် ၉ ဦးကို ငွေကြေးခ၀ါချမှုနဲ့ အမှုဖွင့်စစ်ဆေး
2 years ago
ဘာသာပေါင်းစုံ ဆုတောင်းပွဲ (ရုပ်သံ)

အင်တာနက်မှာ ကမ္ဘာ့ မွတ်စလင်လူဦးရေပျံ့နှံ့မှုများ ရှာဖွေလေ့လာရင်းက ၂၀၁၀-ခုနှစ် အမေရိကန်နိုင်ငံ ဟာဝိုင်အီကျွန်းပြည်နယ် ဟိုနိုလူလူမြို့တော်မှာ ပြုလုပ်ကျင်းပခဲ့တဲ့ (၈) ကြိမ်မြောက် နိုင်ငံတကာ အနုပညာနှင့် လူသားများဆိုင်ရာ ညီလာခံမှာ တင်သွင်းဖတ်ကြားခဲ့တဲ့ စာတမ်းတစ်ခုကို တွေ့ရှိဖတ်မှတ်ခွင့်ရရှိခဲ့ပါတယ်။

World Muslim Population Map (photo-wiki)

အဖွင့်မှာ အကျဉ်းတင်ပြထားချက်အရ အာရှတိုက်တစ်ခုအတွင်းမှာပင် ကမ္ဘာ့ မွတ်စလင်ဦးရေရဲ့ ၆၉-ရာခိုင်နှုန်း တည်ရှိနေထိုင်နေပြီး အာဖရိကတိုက်မှာတော့ ၂၇-ရာခိုင်နှုန်းရှိပါတယ်။ ၂၀၁၀-ခုနှစ်မှာ ကမ္ဘာ့မွတ်စလင်ဦးရေ က ကမ္ဘာ့ စုစုပေါင်းလူဦးရေရဲ့ ၂၄-ရာခိုင်နှုန်းဖြင့် သန်းပေါင်း-၁၆၅၀ (တစ်ထောင့်ခြောက်ရာ့ငါးဆယ်) ကျော်ရှိပါတယ်။ ဆယ်စုနှစ် တစ်ခုတိုင်း တစ်ရာခိုင်နှုန်းတိုးပွါးမှာဖြစ်ပြီး ၂၀၂၀-ခုနှစ်မှာ ကမ္ဘာ့ စုစုပေါင်းလူဦးရေရဲ့ လေးပုံတစ်ပုံ (၁/၄)ရှိလာမှာပါ။ ၂၀၇၅-ခုနှစ်မှာတော့ ကမ္ဘာ့ စုစုပေါင်းလူဦးရေရဲ့ သုံးပုံတစ်ပုံ (၁/၃)အထိ တိုးပွါးလာမှာဖြစ်ပါတယ်လို့ လေ့လာတင်ပြထားပါတယ်။

ထူးခြားတာက ဒီနှစ်အစောပိုင်းမှာ အနောက်တိုင်းကပြုလုပ်တဲ့ စစ်တမ်းနောက်တစ်ခုအရ ကမ္ဘာ့ပေါ်မှာ လူ ၄-ဦးအနက် တစ်ဦးက မွတ်စလင်ဖြစ်ကြောင်း၊ ကမ္ဘာ့ မွတ်စလင်ဦးရေက ကမ္ဘာ့ စုစုပေါင်းလူဦးရေရဲ့ ၂၅-ရာခိုင်နှုန်းဖြစ်ကြောင်း သိလိုက်ရပါတယ်။ (သတင်းအရင်းအမြစ် အတိအကျ မမှတ်မိတော့တာကို ခွင့်လွှတ်ပေးပါ။) မှန်းဆတွက်ချက်မှုတွေထက် ပိုမိုလျင်မြန်စွာ တိုးတက်တိုးပွါးလာမှုဟာ လွန်ခဲ့တဲ့ ဆယ်စုနှစ်တစ်ခုအတွင်း အနောက်တိုင်းမှာ အစ္စလာမ်ဘာသာကိုစိတ်ဝင်စားလာမှုတွေ၊ သက်ဝင် ယုံကြည်လာသူ အသစ်တွေ များပြားလာမှုကြောင့်လို့ ယူဆရင် မှားမယ်မထင်ပါ။

 အာရှ နှင့် အာဖရိက

စာတမ်းရှင်ရဲ့ ၂၀၁၀-ခုနှစ် ကိန်းဂဏန်းများအရ အာရှတိုက်မှာ မွတ်စလင်ဦးရေ သန်းပေါင်း-၁၂၀၀ ခန့်ရှိပြီး ကမ္ဘာ့ မွတ်စလင်ဦးရေးရဲ့ ၇၀-ရာခိုင်နှုန်းနီးပါးဖြစ်ပါတယ်။ အာဖရိကတိုက်မှာ မွတ်စလင်ဦးရေ သန်းပေါင်း-၄၅၀ ခန့်ရှိပြီး ကမ္ဘာ့မွတ်စလင်ဦးရေရဲ့ ၂၇-ရာခိုင်နှုန်းနီးပါး၊ အာဖရိကတိုက် စုစုပေါင်းလူဦးရေရဲ့ ၄၄-ရာခိုင်နှုန်းနီးပါးဖြစ်ပါတယ်။

ဥရောပ

ဥရောပတိုက်မှာ မွတ်စလင်ဦးရေ သန်း-၅၀ ခန့်ရှိပြီး ကမ္ဘာ့ မွတ်စလင်ဦးရေရဲ့ ၃-ရာခိုင်နှုန်းနီးပါး၊ ဥရောပတိုက် စုစုပေါင်းလူဦးရေရဲ့ ၆.၅-ရာခိုင်နှုန်းကျော်ရှိနေပါပြီ။ အခုကိန်းဂဏန်းများဟာ ၂၀၁၀-ခုနှစ်က ကိန်းဂဏန်းများသာဖြစ်ပါတယ်။

တောင်အာရှ

တောင်အာရှဒေသ (အိန္ဓိယ၊ ပါကစ္စတန်၊ ဘင်္ဂလားဒေ့ရှ်၊ သီရိလင်္ကာ၊ နီပေါ၊ ဘူတန်နှင့် မော်လဒိုက်) ကတော့ အထူးပြောနေဖို့တောင် လိုမယ်မထင်တော့ပါဘူး။ နိုင်ငံပေါင်း ၇-နိုင်ငံရှိပြီး စုစုပေါင်းလူဦးရေ သန်းပေါင်း-၁၇၀၀ နီးပါးရှိကာ မွတ်စလင်ဦးရေ သန်း-၅၀၀ ကျော်ရှိနေပါတယ်။ အကြမ်းဖျင်းအားဖြင့် -ဘင်္ဂလားဒေ့ရှ် – ၁၄၅-သန်းကျော်,  ပါကစ္စတန် – ၁၇၅-သန်းကျော်,အိန္ဒိယ – ၁၆၅-သန်းကျော်,  သီရိလင်္ကာ – ၂-သန်းခန့်,  နီပေါ – ၁-သန်းကျော်,  မော်လဒိုက် – ၄-သိန်းခန့်,  ဘူတန် – ၅-သောင်းခန့် တို့အသီးသီးဖြစ်ကြပါတယ်။

အာဆီယံ

အရှေ့တောင်အာရှ (အာဆီယံဒေသ)မှာ နိုင်ငံပေါင်း ၁၁-နိုင်ငံရှိပြီး စုစုပေါင်းလူဦးရေ သန်း-၆၀၀ နီးပါးမှာ ၄၀-ရာခိုင်နှုန်းကျော်ဟာ အစ္စလာမ်ဘာသာဝင်တွေဖြစ်ပါတယ်။ ဒီစာရင်းဟာ အစိုးရများထုတ်ပြန်တဲ့ တရားဝင်စာရင်းဇယားကို အခြေခံထားတာဖြစ်ပြီး မြန်မာနိုင်ငံကဲ့သို့ အချို့နိုင်ငံတွေမှာ အစိုးရတွေအနေနဲ့ မွတ်စလင်ဦးရေကို ထိန်ချန်ထားတာ အများအသိပါပဲ။ အကြမ်းဖျင်းအားဖြင့် –

အင်ဒိုနီးရှား – သန်း-၂၀၀ ကျော်,  မလေးရှား – ၁၈-သန်းခန့်,  ဘရူနိုင်း – ၃-သိန်းကျော်,  ဖီလစ်ပိုင် – ၅-သန်းခန့်,  ထိုင်း – ၃-သန်းကျော်,  ကမ္ဘောဒီးယား – ၃-သိန်းကျော်,  လာအို – ၂၀၀၀-ခန့်,  စင်္ကာပူ – ၁-သန်းခန့်,  ဗီယက်နမ် – ၁-သိန်းခန့်,  အရှေ့တိမော – ၅၀၀၀-ခန့် တို့အသီးသီးဖြစ်ကြပါတယ်။

ကျွန်တော်တို့ ရွှေမြန်မာမှာတော့ တရားဝင်စာရင်းအရ “မွတ်စလင် ၄-ရာခိုင်နှုန်း”သာရှိပါတယ်။

ယခုလက်ရှိ အချို့နိုင်ငံတကာခန့်မှန်းစစ်တမ်းများအရ မွတ်စလင်ဦးရေ အနည်းဆုံး ၆-ရာခိုင်နှုန်းမှ အများဆုံး ၁၀-ရာခိုင်နှုန်းအထိ ရှိတယ်လို့ဆိုကြပါတယ်။ ကမ္ဘာ့ ကုလသမဂ္ဂမှ ကြီးမှူးပြီး ဒေသခံအဖွဲ့အစည်းများ အကူအညီဖြင့် စစ်တမ်းအမှန် ကောက်ယူနေပြီး ၂၀၁၄-ခုနှစ်မှာ တရားဝင်ကြေညာ သိရှိရမယ်လို့တော့ သိထားပါတယ်။

 

လင်းယုန်နက် (ခြင်္သေ့မြို့တော်)

Leave a Reply