5 years ago
ရိုဟင်ဂျာ ၇ ဦးကို အိန္ဒိယနိုင်ငံက မြန်မာကို ပထမဆုံးအကြိမ် ပြန်ပို့
6 years ago
ဓာတ်ပြားအဆိုတော် တေးသံရှင် ဒေါ်မာမာဝေ အသက်(၉၃) နှစ် ကွယ်လွန်
6 years ago
ဒုက္ခသည်စခန်းမှ လုပ်အားပေးဆရာမတစ်ဦး ရခိုင်မှ ရန်ကုန်သို့လာစဉ် လဝကဥပဒေဖြင့် အဖမ်းခံရပြီး ထောင်တစ်နှစ်ကျ
6 years ago
ဦးဇော်ဌေး (ခ) မှူးဇော်အား ဌာနပြောင်းရွှေ့တာဝန်ပေး
6 years ago
NVC ကဒ် လက်ခံရန် ဖိအားပေးခံရမှုကို ငြင်းဆိုသော ကမန်တိုင်းရင်းသားများ စီးပွားရေးပိတ်ဆို့ခံနေရ
6 years ago
ASEAN ထိပ်သီးများ ရိုဟင်ဂျာအရေး ဆွေးနွေး
6 years ago
Drone မှုနဲ့ဖမ်းခံရသူ သတင်းထောက်တွေ မိသားစုနဲ့တွေ့ခွင့်မရသေး
6 years ago
မြန်မာ-ဘင်္ဂလားဒေ့ရှ် သဘောတူညီချက် (၁၀)ချက် လက်မှတ်ရေးထိုး
6 years ago
AA ဒုဗိုလ်မှူးကြီး အပါအ၀င် ၉ ဦးကို ငွေကြေးခ၀ါချမှုနဲ့ အမှုဖွင့်စစ်ဆေး
6 years ago
ဘာသာပေါင်းစုံ ဆုတောင်းပွဲ (ရုပ်သံ)

အောက်တိုဘာ ၄၊ ၂၀၁၅
M-Media

afg

– အာဖဂန်မြောက်ပိုင်း ကန်ဒက်ဇ်မြို့ရှိ ဆေးရုံတစ်ရုံကို အမေရိကန်ဦးဆောင်သည့် တပ်ဖွဲ့က လေကြောင်းမှ တိုက်ခိုက်မှုမှာ ဆင်ခြေပေး၍မရဘဲ၊ ရဇာဝတ်မှုမြောက်သည်ဟု ကုလသမဂ္ဂ လူ့အခွင့်အရေးအကြီးအကဲ ဇီအစ်ဒ် ရာအက်ဒ် အလ်ဟူစိန်က ပြောကြားလိုက်သည်။

တာလီဘန်များကို တိုက်ထုတ်စဉ် ယမန်နေ့မနက်ပိုင်းက ဖြစ်ပွားခဲ့ခြင်းဖြစ်ပြီး နယ်စည်းမခြားဆရာဝန်များအဖွဲ့ MSF မှ အဖွဲ့ဝင် ၁၂ ဦးအပါအ၀င် လူ၁၉ ဦးသေဆုံးခဲ့ကာ ဒဏ်ရာရရှိသူမှာ ၃၇ ဦး ရှိခဲ့သည်။ ဒဏ်ရာရသူများတွင် MSF မှ ၁၉ ဦး၊ လူနာ ၁၈ ဦးတို့ ပါဝင်သည်ဟု အဖွဲ့က ပြောကြားခဲ့သည်။

ထိုတိုက်ခိုက်မှုအတွက် မိမိတို့မှာ စုံစမ်းစစ်ဆေးမှု ပြုလုပ်ရန် အမိန့်ပေးထားသည်ဟု ပင်တဂွန်စစ်ဌာနချုပ်က သတင်းထုတ်ပြန်ခဲ့ပြီး အလ်-ဟူစိန်ကမူ ပြည့်ဝပြီး ပွင့်လင်းမြင်သာမှုရှိသည့် စစ်ဆေးမှုဖြစ်ရန် တောင်းဆိုခဲ့သည်။ ထို့ပြင် ဆေးရုံအား တိုခိုက်မှုမှာ တမင်သက်သက် ရည်ရွယ်၍ တိုက်ခိုက်ခဲ့ခြင်းဖြစ်သည်ဟု တရားရုံး၌ စစ်ဆေးတွေ့ရှိပါက စစ်ရာဇ၀တ်မှုအဖြစ် သတ်မှတ်သွားမည်ဟု ထည့်သွင်းပြောကြားခဲ့သည်။

သေဆုံးသူများထဲတွင် ကလေးငယ် ၃ ဦး ပါဝင်ခဲ့ပြီး MSF ဥက္ကဌ မီနီ နီကိုလိုင်က ထိုတိုက်ခိုက်မှုအား ရှုတ်ချခဲ့ကာ စက်ဆုပ်ဖွယ်ရာကောင်းပြီး နိုင်ငံတကာ လူသားချင်းစာနာထောက်ထားမှုဆိုင်ရာ ဥပဒေကို ဆိုးဆိုးရွားရွား ချိုးဖောက်ခြင်းဖြစ်သည်ဟု ပြောကြားခဲ့သည်။

“မဟာမိတ်တပ်ဖွဲ့တွေဆီက လုံးဝ ပွင့်လင်းမြင်သာမှုကို ကျွန်တော်တို့ တောင်းဆိုပါတယ်။ အသက်တွေ ဒီလို ဆိုးဆိုးဝါးဝါး ဆုံးရှုံးရတာကို သာမန်ပျက်ဆီးမှုမျိုးအဖြစ် သတ်မှတ်လိုက်တာမျိုးကို ကျွန်တော်တို့ လက်ခံမှာ မဟုတ်ပါဘူး”

အမေရိကန်သမ္မတ အိုဘားမားကလည်း ထိုတိုက်ခိုက်မှုအတွင်း သေဆုံးသွားသူ ကျန်းမာရေးဝန်ထမ်းများ၊ အရပ်သားများအတွက် အမေရိကန်ပြည်သူများကိုယ်စား ကြေကွဲဝမ်းနည်းမိသည်ဟု ပြောကြားခဲ့သည်။

အမေရိကန်ကာကွယ်ရေးအကြီးအကဲ အက်ရ်ှကာတာရ်က ထိုအဖြစ်အပျက်မှာ ဆိုးရွားသည့်အဖြစ်အပျက်ဖြစ်ပြီး ဗုံးကြဲခံရသည့် ဆေးရုံအနီးတစ်ဝိုက်တွင် အာဖဂန်စစ်တပ်အတွက် အမေရိကန်စစ်သားများက စစ်ဆင်ရေးများ ပြုလုပ်ခဲ့သည်ဟု ၀န်ခံခဲ့သည်။

အာဖဂန်သမ္မတရုံးမှ ထုတ်ပြန်မှုတွင် အာဖဂန်ရှိ အမေရိကန်ဦးဆောင်သည့် တပ်ဖွဲ့အကြီးအကဲ ကြည်းတပ်ဗိုလ်ချုပ် ဂျွန်ကမ်းဘဲလ်က ထိုအဖြစ်အပျက်အတွက် တောင်းပန်ခဲ့သည်ဟု ဖော်ပြထားသည်။

Ref: Aljazeera

Leave a Reply