5 years ago
ရိုဟင်ဂျာ ၇ ဦးကို အိန္ဒိယနိုင်ငံက မြန်မာကို ပထမဆုံးအကြိမ် ပြန်ပို့
6 years ago
ဓာတ်ပြားအဆိုတော် တေးသံရှင် ဒေါ်မာမာဝေ အသက်(၉၃) နှစ် ကွယ်လွန်
6 years ago
ဒုက္ခသည်စခန်းမှ လုပ်အားပေးဆရာမတစ်ဦး ရခိုင်မှ ရန်ကုန်သို့လာစဉ် လဝကဥပဒေဖြင့် အဖမ်းခံရပြီး ထောင်တစ်နှစ်ကျ
6 years ago
ဦးဇော်ဌေး (ခ) မှူးဇော်အား ဌာနပြောင်းရွှေ့တာဝန်ပေး
6 years ago
NVC ကဒ် လက်ခံရန် ဖိအားပေးခံရမှုကို ငြင်းဆိုသော ကမန်တိုင်းရင်းသားများ စီးပွားရေးပိတ်ဆို့ခံနေရ
6 years ago
ASEAN ထိပ်သီးများ ရိုဟင်ဂျာအရေး ဆွေးနွေး
6 years ago
Drone မှုနဲ့ဖမ်းခံရသူ သတင်းထောက်တွေ မိသားစုနဲ့တွေ့ခွင့်မရသေး
6 years ago
မြန်မာ-ဘင်္ဂလားဒေ့ရှ် သဘောတူညီချက် (၁၀)ချက် လက်မှတ်ရေးထိုး
6 years ago
AA ဒုဗိုလ်မှူးကြီး အပါအ၀င် ၉ ဦးကို ငွေကြေးခ၀ါချမှုနဲ့ အမှုဖွင့်စစ်ဆေး
6 years ago
ဘာသာပေါင်းစုံ ဆုတောင်းပွဲ (ရုပ်သံ)

အောက်တိုဘာ ၉ ၊ ၂၀၁၅
M-Media
world_0310_P46b_sf_1
– မှိတ်တုတ်မီးတန်း၊ ဥသြဆွဲသံနှင့်အတူ စေတနာ့ဝန်ထမ်း လူနာတင်ယာဉ်မောင်း ဦးမြင့်ဟိန်းတစ်ယောက် စစ်အာဏာရှင်လက်ထက် ဆယ်စုနှစ်ပေါင်းများစွာ ဘက်ဂျက် မလောက်ငှမှုကြောင့် ကျန်းမာရေးစောင့်ရှောက်မှုဆိုးရွားသော အဓိကမြို့တော် ရန်ကုန်၏ ကားပိတ်သည့်လမ်းမများတွင် အလျင်အမြန် မောင်းနေလေ၏။

အရေးပေါ်လူနာတင်ဝန်ဆောင်မှုမှာ အစိုးရက မြန်မာပြည်သူများအတွက် သုံးစွဲမှု ချို့တဲ့ခြင်းကြောင့် ထိခိုက် နစ်နာမှုများထဲမှ တစ်ခုဖြစ်ပြီး၊ အငြိမ်းစား ဘတ်စ် ကားဆရာဖြစ်သူ၎င်းက ယခုအချိန်အထိ စနစ်ကျသော လူနာပို့ဆောင်မှုစနစ် မရှိသေးသည့် မြန်မာနိုင်ငံတွင် ကွက်လပ်တစ်ခုကို ဖြည့်ဆည်းရန် ကူညီနေခြင်းဖြစ်သည်။

“အချိန်မီ မပို့ဆောင်နိုင်တာ ဒါမှမဟုတ် လူနာတင်ယာဉ် မရှိတာကြောင့် တစ်ချို့လူနာတွေဟာ ဆေးရုံမရောက်ခင် အသက်ဆုံးရှုံးရတာကို ကျွန်တော် တွေ့မြင်ခဲ့ပါတယ်” ဟု အသက် ၅၄ နှစ်အရွယ်ရှိ ၎င်းက ရှည်လျားသည့် ရန်ကုန်-မန္တလေး အဝေးပြေးလမ်းပေါ် မကြာခဏကြုံတွေ့ရသည့် မတော်တဆဖြစ်မှုများ အကြောင်းကို ရည်ညွှန်းပြောကြားခဲ့သည်။

ယခုတွင်တော့ ဒေသတွင်း NGO အဖွဲ့ဖြစ်သည့်  Noble Heart က ဇန်န၀ါရီလမှစ၍ ရန်ကုန်၌ စတင်ခဲ့သော အခမဲ့ လူနာတင်ယာဉ် ၀န်ဆောင်မှုတွင် စေတနာ့ဝန်ထမ်းအဖြစ် တာဝန်ယူကာ ကျန်းမာရေးဆိုင်ရာ အရေးပေါ် အခြေအနေများတွင် မိသားစု သို့မဟုတ် မိတ်ဆွေများ၏ အကူအညီကို ရယူကြရသော ပြည်သူများကို ဦးမြင့်ဟိန်းက တတ်နိုင်သလောက် ၀န်ဆောင်မှုပေးနေလေသည်။

အရေးပေါ်အခြေအနေကို ကြုံတွေ့ရသည့်အခါ ကိုယ်ထူကိုယ်ထ ကြံဖန်ရသော ထိုဓလေ့က ပညာရေးနှင့် ကျန်းမာရေးထက် ကာကွယ်ရေးအတွက်သာ ဘဏ္ဏာငွေ ပုံအောသုံးစွဲခဲ့သည့် စစ်တပ်အုပ်ချုပ်မှုခေတ်၏ လက်ကျန်အမွေလည်း ဖြစ်လေသည်။

စစ်အုပ်ချုပ်ရေးစနစ် ၂၀၁၁ ခုနှစ်တွင် အဆုံးသတ်သွားပြီးနောက် ကမ္ဘာ့ စတုတ္ထမြောက် စီးပွားရေးတိုးတက်မှုအမြန်ဆုံး မြန်မာနိုင်ငံတွင် ဘက်ဂျက်သုံးစွဲမှုများ မြင့်တက်လာသော်လည်း ကျန်းမာရေးအတွက် သုံးစွဲမှုမှာ ကမ္ဘာ့အနိမ့်ဆုံးနိုင်ငံများထဲမှ တစ်နိုင်ငံ ဖြစ်နေဆဲပင်ဖြစ်သည်။

ကမ္ဘာ့ဘဏ်က နောက်ဆုံးထုတ်ပြန်ခဲ့သည့် အချက်အလက်များရ မြန်မာနိုင်ငံတွင် ကျန်းမာရေးအတွက် ဘက်ဂျက်သုံးစွဲမှုမှာ ၂၀၀၉ ခုနှစ်မှ ၂၀၁၃ ခုနှစ်အတွင်း ၀.၂ ရာခိုင်နှုန်းမှ ၁ ရာခိုင်နှုန်းကျော်ကျော်အထိသာ တက်လာခဲ့သည်ဟု သိရသည်။

အခြားတစ်ဖက်တွင်မူ ယမန်နှစ် ဂျီဒီပီ၏ ၄.၃ ရာခိုင်နှုန်းမှာ စစ်တပ်သို့ သွားသည်ဟု စတော့ဟုမ်း နိုင်ငံတကာ ငြိမ်းချမ်းရေး သုတေသနအသင်းက ဆိုသည်။

ကျန်းမာရေးဆိုင်ရာ အရေးပေါ်ဝန်ဆောင်မှုအတွက် Noble Heart ကဲ့သို့ အဖွဲ့ငယ်လေးများကသာ ပြည့်ပြည့်၀၀ ၀န်ဆောင်မှုပေးနိုင်လေသည်။ မြန်မာနိုင်ငံ၏လမ်းများတွင် လူးလွန့်နေကြသည့် လူနာတင်ကား အများစုကတော့ မရှိမဖြစ် ကိရိယာအနည်းငယ်နှင့် အခြေခံလေ့ကျင့်မှုအနည်းငယ်သာ ရှိကြပြီး ပြည့်စုံသည့် အရေးပေါ် စောင့်ရှောက်မှုလုပ်ငန်းများထက် ပို့ဆောင်ရေးလုပ်ငန်း သာသာခန့်သာ ၀န်ဆောင်မှု ပေးနိုင်ကြလေသည်။

အရပ်သားတစ်ပိုင်အစိုးရမှာ လက်ရှိအချိန်တွင် နိုဝင်ဘာ ၈ ရက်နေ့တွင်ပြုလုပ်မည့် ရွေးကောက်ပွဲကို အာရုံစိုက်နေသည်။ ထိုရွေးကောက်ပွဲတွင် ဒေါ်အောင်ဆန်းစုကြည်၏ အတိုက်အခံပါတီနှင့် ယှဉ်ပြိုင်ရမည်ဖြစ်ပြီး မျှတသော ရွေးကောက်ပွဲဖြစ်ပါက ဒေါ်စုပင် မဲအများဆုံးရမည်ဟု ခန့်မှန်ကြလေသည်။

“ကျွန်မတို့မှာ လူနာတင်ယာဉ်တွေတော့ရှိပါတယ်။ ဒါပေမယ့် ပစ္စည်းကိရိယာ အပြည့်အစုံ မတပ်ထားပါဘူး။ ဒါတွေကို အသုံးပြုနေတဲ့သူတွေကလည်း လေ့ကျင့်သင်ကြားပေးထားသူတွေ မဟုတ်ပါဘူး။ စနစ်ကျတဲ့ အရေးပေါ်ဝန်ဆောင်မှုလည်း လုံးဝ မရှိပါဘူး” ဟု ရန်ကုန် အထွေထွေရောဂါကုဆေးရုံ အရေးပေါ်ဌာနမှ ပါမောက္ခဖြစ်သူ ဒေါ်မော်မော်ဦးက ပြောကြားခဲ့သည်။

၂၀၁၂ ခုနှစ်အထိ မြန်မာနိုင်ငံတွင် အရေးပေါ်စောင့်ရှောက်မှုမရှိဟု သူမက ထပ်လောင်းပြောကြားခဲ့ပြီး သူမ၏ ဌာန ဖွင့်လှစ်မှု၊ ထိုဘာသာရပ်နှင့်ပတ်သက်၍ ဒီပလိုမာကို မကြာသေးမီကရရှိမှုနှင့် အရေးပေါ်ဝန်ထမ်းနေရာများကို ထောက်ပြ၍ ပြောကြားခဲ့သည်။

နိုင်ငံ၏ အဓိက အဝေးပြေးလမ်း၊ နောက်ပိုင်းတွင် နေပြည်တော်၊ ရန်ကုန်နှင့် မန္တလေးတို့၌ပါ ၀န်ဆောင်မှုပေးနိုင်ရန် ရည်ရွယ်သော အရေးပေါ်လူနာတင်ယာဉ် ၂၃၀ မှ ပထမ အသုတ်ကို ယခုနှစ်တွင် ရရှိတော့မည်ဟု ဒေါ်မော်မော်ဦးက ထည့်သွင်းပြောကြာခဲ့သည်။

Ref: AFP
လေးမောင် ဘာသာပြန်သည်။

Leave a Reply