5 years ago
ရိုဟင်ဂျာ ၇ ဦးကို အိန္ဒိယနိုင်ငံက မြန်မာကို ပထမဆုံးအကြိမ် ပြန်ပို့
6 years ago
ဓာတ်ပြားအဆိုတော် တေးသံရှင် ဒေါ်မာမာဝေ အသက်(၉၃) နှစ် ကွယ်လွန်
6 years ago
ဒုက္ခသည်စခန်းမှ လုပ်အားပေးဆရာမတစ်ဦး ရခိုင်မှ ရန်ကုန်သို့လာစဉ် လဝကဥပဒေဖြင့် အဖမ်းခံရပြီး ထောင်တစ်နှစ်ကျ
6 years ago
ဦးဇော်ဌေး (ခ) မှူးဇော်အား ဌာနပြောင်းရွှေ့တာဝန်ပေး
6 years ago
NVC ကဒ် လက်ခံရန် ဖိအားပေးခံရမှုကို ငြင်းဆိုသော ကမန်တိုင်းရင်းသားများ စီးပွားရေးပိတ်ဆို့ခံနေရ
6 years ago
ASEAN ထိပ်သီးများ ရိုဟင်ဂျာအရေး ဆွေးနွေး
6 years ago
Drone မှုနဲ့ဖမ်းခံရသူ သတင်းထောက်တွေ မိသားစုနဲ့တွေ့ခွင့်မရသေး
6 years ago
မြန်မာ-ဘင်္ဂလားဒေ့ရှ် သဘောတူညီချက် (၁၀)ချက် လက်မှတ်ရေးထိုး
6 years ago
AA ဒုဗိုလ်မှူးကြီး အပါအ၀င် ၉ ဦးကို ငွေကြေးခ၀ါချမှုနဲ့ အမှုဖွင့်စစ်ဆေး
6 years ago
ဘာသာပေါင်းစုံ ဆုတောင်းပွဲ (ရုပ်သံ)

နိုဝင်ဘာ ၃ ၊ ၂၀၁၅
M-Media
sin-tat-mon-village
– စစ်တွေမြို့မှ လှေဖြင့်သာ သွား၍ရသည့် သီးခြား ကျွန်းတစ်ကျွန်းတွင် ရှိသော ဆင်တပ်မော်ရွာတွင် ထောင်နှင့် ချီသော မြန်မာနိုင်ငံသားများမှာ အလွန်အမင်း ဆင်းရဲမွဲတေသည့် အခြေအနေတွင် နေထိုင်နေရပြီး လာမည့် ရွေးကောက်ပွဲတွင်လည်း မဲပေးခွင့်ကို ငြင်းပယ်ခံထားရလေသည်။

အကြောင်းအရင်းက ၎င်းတို့ကိုးကွယ်သည့် ဘာသာတရားကြောင့် ဖြစ်သည်။ ထိုရွာတွင် မြန်မာအစိုးရက ဘင်္ဂါလီဟုခေါ်ဆိုသည့် ရိုဟင်ဂျာ ၇၀၀၀ ခန့် နေထိုင်ကြပြီး၊ ကမန်တိုင်းရင်းသား ၂၀၀၀ ကျော်ကလည်း ထိုရွာတွင်ရှိသည့် ဒုက္ခသည် စခန်းတွင် နေထိုင်နေကြရလေသည်။  မြန်မာနိုင်ငံမှ မွေးရာပါ နိုင်ငံသားများ ဖြစ်ကြသည့် ကမန်များမှာ ၎င်းတို့၏ ကိုးကွယ်ရာ ဘာသာတရားကြောင့် ၂၀၁၂ ခုနှစ် အကြမ်းဖက်မှုတွင် သားကောင်များ ဖြစ်ခဲ့ရပြီး ၎င်းတို့ မူလနေထိုင်ရာ နေရာများသို့ ယခုအချိန်ထိ ပြန်မရောက်ကြသေး။

ကမန်လူမျိုးများမှာ အစိုးရက အသိအမှတ်ပြုထားသည့် ရခိုင် တိုင်းရင်းသားလူမျိုး ၇ ခုထဲမှ တိုင်းရင်းသား မျိုးနွယ်စုတစ်စုလည်း ဖြစ်သည်။ ထို့ပြင် ၎င်းတို့တွင် ခိုင်မာသည့် သမိုင်း၊ ၎င်းတို့နေထိုင်ရာဒေသနှင့် ယဉ်ကျေးမှုဆိုင်ရာ ရောထွေးယှက်တင်မှုများလည်း ထင်ထင်ရှားရှား ရှိနေသည်။ ၎င်းတို့၏ ဆွေစဉ်မျိုးဆက်ကို ကြည့်လျှင်လည်း လွန်ခဲ့သည့် ရာစုနှစ်များကတည်းက ရခိုင်ပြည်နယ်တွင် နေထိုင် လာကြသူများ ဖြစ်သည်။ ထိုစဉ်ကတည်းက ၎င်းတို့ကို တိုင်းရင်းသား လူမျိုးများ အဖြစ် ကျယ်ကျယ်ပြန့်ပြန့် လက်ခံထားကြလေသည်။

နိုင်ငံသားဖြစ်ကြောင်း အခိုင်မာဆုံး အထောက်အထားဖြစ်သည့် နိုင်ငံသား စီစစ်ရေးကတ်များပြားကိုလည်း ကမန်များက ရရှိကိုင်ဆောင်ထားကြသည်။ သို့သော်လည်း ၂၀၁၂ ခုနှစ် အကြမ်းဖက်တိုက်ခိုက်မှုနောက်ပိုင်း နိုင်ငံသားအခွင့်အရေးများမှာ တစ်ဖြည်းဖြည်းချင်း ချိုးဖောက်ခံလာရသည်ဟု ၎င်းတို့က ဖွင့်ဟပြောကြားခဲ့သည်။

ထိုစဉ်က ဖြစ်ပွားခဲ့သော အကြမ်းဖက်မှုများကြောင့် ကျောက်ဖြူမှ ကမန်တိုင်းရင်းသား ၄၀၀၀ ခန့်မှာ ကြောက်ရွံ့ထိတ်လန့်စွာဖြင့် စစ်တွေသို့ ထွက်ပြေးကြရသည်။ လှေဖြင့် ၂ ရက်ကြာ သွားရောက်ခဲ့ပြီးနောက် စစ်တွေဆိပ်ကမ်းသို့ ဆိုက်ကပ်ခွင့်မရခဲ့။ ထို့ကြောင့် အဆိုပါ ဆင်တပ်မော်ကျွန်းတွင် ရိုဟင်ဂျာများနှင့်အတူ နေထိုင်ခဲ့ရပြီး လအနည်းငယ်ကြာပြီးနောက် ထိုနေရာမှာ ဒုက္ခသည်စခန်း ဖြစ်လာခဲ့သည်။

ယနေ့တွင်တော့ အဆိုပါ ဒုက္ခသည်စခန်းမှာ ပြည်နယ်အစိုးရနှင့် နိုင်ငံတကာ အန်ဂျီအိုများ၏ ထောက်ပံ့မှုများကြောင့် စတင် တည်ထောင်စဉ် အချိန်ကထက် ပို၍ တိုးတက်မှုများ ရှိနေပြီဖြစ်သည်။ တဲများ၏နေရာတွင် သစ်သားအိမ်များ ဖြစ်လာသည်။ ကလေးငယ်များအား နို့ချိုတိုက်ကျွေးရန် အမျိုးသမီးများအတွက် သီးသန့်နေရာများ ရှိလာခဲ့ပြီး ဥနှင့် အသား ရရှိရန် မွေးထားသော ကြက်များကလည်း ကျွန်း၏ ရွံ့ထူသောအပိုင်းတွင် လွတ်လပ်စွာ ပြေးလွှား အစာရှာနေကြပေသည်။

သို့သော်လည်း ရခိုင်ပြည်အပေါ် သစ္စာစောင့်သိမှုအတွက် ဂုဏ်ယူကြသည့် ကမန်တိုင်းရင်းသားများ ၎င်းတို့၏ အိမ်များသို့ ပြန်လည် အခြေချနိုင်ရေးမှာ ရွှေပြည်တော် မျှော်တိုင်းဝေးနေသေးသည်။ ထို့ပြင် ဒုက္ခသည်စခန်း၌ ကျန်းမာရေးစောင့်ရှောက်မှု ချို့တဲ့ခြင်း၊ ၎င်းတို့၏ လူ့အဖွဲ့အစည်းအတွက် နိုင်ငံရေးအရ ပါဝင်ရပ်တည်ခွင့် မရခြင်းတို့ အတွက်လည်း ကမန်တိုင်းရင်းသားများက ဝေဖန်မှုများ ရှိနေသည်။ အာဏာရ ကြံ့ခိုင်ရေးနှင့် ဖွံ့ဖြိုးရေးပါတီ ကိုယ်စားပြု ကိုယ်စာလှယ်လောင်းဖြစ်ခဲ့ဖူးသော ဦးကျော်လှမှာလည်း ယခုတွင်တော့ ကမန်တိုင်းရင်းသားများ မဲပေးခွင့် ပြန်လည်ရရှိရေးအတွက်သာ တိုက်ပွဲဝင်နေရသည်။
myanmar-elex-kaman-pic-2-data
“အရင် ရွေးကောက်ပွဲတွေတုန်းက ကျွန်တော်တို့ လူမျိုးတွေဟာ မဲပေးနိုင်ခဲ့ပါတယ်။ ၁၉၇၄၊ ၁၉၉၀ နဲ့ ၂၀၁၀ ရွေးကောက်ပွဲတွေမှာပေါ့။ အခြားဒုက္ခသည်စခန်းတွေမှာတော့ မဲဆန္ဒရှင်စာရင်းတွေ လာကပ်ပေးတယ်။ ဒါပေမယ့် ကျွန်တော်တို့စခန်းမှာတော့ မရှိဘူး။ ဒါ့ကြောင့် သမ္မတဆီကို ကျွန်တော်တို့ စာရေးတင်ပေမယ့် အခုအချိန်အထိ အစအနတောင် မတွေ့ရသေးပါဘူး” ဟု ဦးကျော်လှက ပြောကြားခဲ့သည်။

တစ်ချိန်တည်းမှာပင် ကမန်တိုင်းရင်းသားများမှာ လွတ်လပ်စွာ လှုပ်ရှားသွားလာခွင့် မရသလို၊ ဒုက္ခသည်စခန်းတွင်လည်း ကန့်သတ်မှုများ ခံနေရသည်။ ဦးကျော်လှကမူ ၎င်းတို့၏ လူ့အဖွဲ့အစည်းအတွက် အဖြေကို လတ်တလောတွင် မျှော်လင့်၍ မရေသေးဟု ဆိုသည်။

“ကျွန်တော်တို့ဟာ ရွေးကောက်ပွဲပြီးနောက်မှာ တက်လာမယ့် အစိုးရကို မျှော်လင့်နေပါတယ်။ ဒါ့ကြောင့် ရွေးကောက်ပွဲကို စောင့်ကြည့်နေပါတယ်” ဟု ၎င်းက ပြောကြားခဲ့သည်။

၎င်း၏ အသက် ၄၉ နှစ်အရွယ် ညီမဖြစ်သူ ဒေါ်ဥမ္မာစော၏ ခင်ပွန်းသည်မှာ ၂၀၁၄ ခုနှစ်တွင် နေမကောင်းဖြစ်ပြီး ကွယ်လွန်သွားခဲ့သည်။ သူမမှာ ကလေးနှစ်ယောက်နှင့်အတူ အဆိုပါ ဒုက္ခသည်စခန်းတွင် နေထိုင်နေရသည်။ သူမ၏ အကိုအကြီးဆုံးက စင်ကာပူရှိ သင်္ဘောလိုင်းတွင် အလုပ်လုပ်နေပြီး သူမက အစ်ကိုဖြစ်သူအား ရခိုင်သို့ ပြန်မလာရန် ပြောထားသည်။

“အစ်ကိုကြီးကို ပြန်မလာဖို့ ကျွန်မ ပြောထားပါတယ်။ ဒီမှာက ဘယ်အချိန်မဆို အဓိကရုဏ်ဖြစ်နိုင်တယ်လေ။ ဒါပေမယ့် ကျွန်မတို့ Viber နဲ့ အဆက်အသွယ် ရှိပါတယ်။ ကျွန်မတို့က ဒီနိုင်ငံသားတွေပါ။ ကျွန်မမှာ နိုင်ငံသားစီစစ်ရေးကဒ်ပြား ရှိပါတယ်။ ဒါပေမယ့် ကျွန်မတို့ စစ်တွေကို သွားလို့မရဘူး။ ကလေးတွေက ပညာသင်ဖို့ လိုတယ်လေ။ လူတွေက ဒီမှာပဲ ဆေးကုသမှုမရဘဲ သေဆုံးနေကြတယ်” ဟု သူမက ပြောကြားခဲ့သည်။

ဥမ္မာစောအပါအ၀င် ဆင်တပ်မော် ဒုက္ခသည်စခန်းတွင် နေထိုင်သူ အများစုအတွက် ကျန်းမာရေးစောင့်ရှောက်မှုက အဓိကပြဿနာ ဖြစ်နေသည်။ သူမက နည်စည်းမခြား ဆရာဝန်များအဖွဲ့ (MSF) တစ်ပတ်တစ်ခါ စခန်းသို့လာသည့်အခါ စကားပြန်အဖြစ် ဆောင်ရွက်သည်။ မိလ္လာစနစ် အကန့်အသတ်ရှိနေသည့် စခန်းအတွင်း နေထိုင်သူများ၏ တစ်ကိုယ်ရေသန့်ရှင်းရေးနှင့် ပတ်သက်၍ အသိပညာပေးသည့် အစီအစဉ်တွင်လည်း ဒေါ်ဥမ္မာစောက ကူညီပေးသည်။

စခန်းတစ်ဝိုက်တွင် ရဲတပ်ဖွဲ့ဝင်များက အမြဲတမ်း ရှိနေကြပြီး စခန်းမှ ၀င်သူ၊ ထွက်သူမျာကို ကြီးကြပ်စစ်ဆေးကာ၊ တရားဥပဒေစိုးမိုးရေးကိုလည်း ဆောင်ရွက်သည်။ စခန်းအတွင်းသို့ လာရောက်သတင်းယူကြသည့် မီဒီယာများ၏ အင်တာဗျူများ၊ မှတ်တမ်းများကိုလည်း ၎င်းတို့က လိုက်ပါကြည့်ရှုလေသည်။

ရဲတပ်ဖွဲ့ဝင်များ တစ်ဝိုက်တွင်တော့ ကလေးမျာက မိုးဖွဲဖွဲလေးတွင် ဆော့ကစားနေကြသည်။ ထိုကလေးအများစုက အဟာရချို့တဲ့မှုနှင့် အရေးပြားယားယံမှု ဝေဒနာများကို ခံစားနေရသည်။ အမျိုးသားများက ထိုင်၍ ငါးဖမ်းပိုက်များကို ချည်နှောင်နေကြသည်။ ၎င်းတို့မှာ တစ်နေ့တာ ငါးဖမ်းရန်အတွက် ရဲကို ငွေပေးရလေသည်။

ကမ်းခြေတစ်လျှောက်တွင် အသုံးမပြုသည့် ၂ ထပ်အဆောက်အဦးတစ်ခု ရှိသည်။ သို့သော်လည်း ဆေးခန်း သို့မဟုတ် စာသင်ကျောင်းအဖြစ် မည်သူကမှ မဖန်တီးကြ။

ဖြစ်သလိုဆောက်လုပ်ထားသည့် ၀တ်ပြုဆောင်တစ်ခုက ဒုက္ခသည်အများစုအတွက် ဂုဏ်ယူစရာ ဖြစ်နေသည်။ ၎င်းတို့၏ ယခင်မူလ နေထိုင်သည့် နေရာများတွင်တော့ ဗလီဝတ်ကျောင်းတော်များမှာ ဖျက်ဆီးခံရပြီး၊ တစ်ချို့မှာ စစ်သားများနှင့် ရဲများ၏ စခန်းအဖြစ် အသုံးပြုခြင်း ခံနေရလေသည်။

အစိုးရက ခရီးသွားလာမှု ကန့်သတ်ချက်ကို ဖယ်ရှားလိုက်လျှင်တောင်မှ မိမိ၏ နေအိမ်များသို့ ပြန်လည်သွားရောက်ရေးတွင် လုံခြုံမှုမရှိခြင်း၊ အနာဂတ်တွင် ထိုကဲ့သို့ အကြမ်းဖက်တိုက်ခိုက်ခံရနိုင်ခြင်း စသည့် အကြောင်းအရင်းများက ကမန်တိုင်းရင်းသားတို့အတွက် စဉ်းစားစရာကိစ္စများ ဖြစ်နေပေသည်။

“ဒီအကြောင်းအရင်းအတွေကြောင့် ကျွန်တော်တို့ ထိခိုက်ခံစားနေရတယ်။ ဒီအကြောင်းအရင်းအတွေကပဲ ကျွန်တော်တို့ရဲ့ ကံကြမ္မာ ဖြစ်နေပါတယ်” ဟု ဦးကျော်လှ ပြောကြားခဲ့လေသည်။

Ref: Channelnewsasia
မိုးဝေ ဘာသာပြန်ဆိုသည်။

Leave a Reply