ယူရိုပါပြိုင်ပွဲမှာ ပြည်တွင်းလိဂ်ကိုပါ ထိခိုက်မည်ဟု မန်ယူကို စပါး သတိပေး

ဒီဇင်ဘာ ၁၀၊ ၂၀၁၅
M-Media

– ယူရိုပါလိဂ်မှာ ခက်ခဲမည်ဖြစ်ပြီး ပြည်တွင်းအမှတ်ပေးပြိုင်ပွဲကိုပါ ထိခိုက်နိုင်သည်ဟု စပါးနည်းပြ ပိုချက်တီနိုက မန်ယူအား သတိပေး ပြောဆိုလိုက်သည်။

ယမန်နေ့မနက်က ၀ုလ်ဖ်ဘာ့ဂ်အသင်းအား ၃ ဂိုး ၂ ဂိုးဖြင့် ရှုံးနိမ့်ခဲ့သည့် မန်ယူမှာ ချန်ပီယံလိဂ်အုပ်စုအဆင့်မှ ထွက်ခဲ့ရပြီး ဥရောပ၏ ဒုတိယအဆင့်အမြင့်ဆုံးဖြစ်သော ယူရိုပါလိဂ်တွင် ပါဝင်ယှဉ်ပြိုင်ရမည် ဖြစ်သည်။ စပါးမှာ ယူရိုပါလိဂ်ပြိုင်ပွဲ စတင် ကစားခဲ့ပြီးနောက်ပိုင်းတွင် ရှုံးပွဲမရှိခဲ့ပေ။ သို့သော်လည်း ကြာသာပတေးနေ့ည ကစားရမည့် ယူရိုပါပွဲများမှာ ရုပ်ပိုင်းဆိုင်ရာနှင့် စိတ်ပိုင်းဆိုင်ရာ နွမ်းနယ်မှုများ ရှိစေမည်ဟု ပိုချက်တီနိုက ဆိုသည်။

“ဒါဟာ ထိခိုက်နိုင်တဲ့ အကြောင်းအရာတစ်ခုပါ။ ဒါဟာ တော်တော်လေးကို ခြားနားမှုရှိမယ်လို့ ကျွန်တော်ကတော့ ထင်ပါတယ်။ ကြာသာပတေးနေ့နဲ့ တနင်္ဂနွေနေ့တွေမှာ ကစားရတာဟာ စိတ်ပိုင်းဆိုင်ရာနဲ့ အတွေးအခေါ်ပိုင်းဆိုင်ရာကို ထိခိုက်စေပါတယ်။ ကြာသာပတေးနေ့ကျရင် အဝေးကြီးသွားကစားရမယ်၊ တနင်္ဂနွေကျရင်လည်း ထပ်ကစားရအုံးမယ်ဆိုတာ အမြဲတမ်း စဉ်းစားနေရမှာပါ” ဟု ပိုချက်တီနိုက ပြောကြားခဲ့သည်။

ထို့ပြင် ပရီးမီးယားလိဂ်၏ နားချိန်မရှိသော ပြိုင်ဆိုင်မှုနှင့် ဇယားတွင် အမှတ်ကွာဟမှု ကျဉ်းမြောင်းခြင်းတို့က အင်္ဂလိပ်အသင်းများအတွက် အားနည်းချက်ကြီးတစ်ခု ဖြစ်နေသည်ဟုလည်း ၎င်းက ထည့်သွင်းပြောကြားခဲ့သည်။

“ဒါက ခြေစွမ်းကိုထိန်းသိမ်းဖို့ ခက်ခဲပါတယ်။ ဘာစီလိုနာ၊ ရီးယဲလ်နဲ့ ပီအက်စ်ဂျီလိုအသင်းမျိုးတွေရဲ့ လိဂ်မှာ အမှတ်ကွာခြားချက်က ၁၀ မှတ် ဒါမှမဟုတ် ၁၂ မှတ်လောက် ရှိကောင်းရှိနိုင်ပါတယ်။ ပြီးတော့ သူတို့ အသင်းသားတွေကို အနားပေးနိုင်ပြီး ချန်ပီယံလိဂ်မှာ အကောင်းဆုံးအခြေအနေရဖို့ ပြင်ဆင်နိုင်ပါတယ်”

Ref: Goal