PFA ၏ တစ်နှစ်တာ အကောင်းဆုံးကစားသမားဆုကို လက်စတာတိုက်စစ်မှူး မဟ်ရက်ဇ် ရရှိ

ဧပြီ ၂၅၊ ၂၀၁၆
M-Media

– ဖရော်ဖက်ရှင်နယ် ဘောလုံးကစားသမားများအဖွဲ့ချုပ် PFA က ရွေးချယ်ချီးမြှင့်သည့် ပရီးမီးယားလိဂ် တစ်နှစ်တာ အကောင်းဆုံး ကစားသမားဆုကို လက်စတာအသင်း၏ အလ်ဂျီးရီးယားတိုက်စစ်မှူး ရီယာ့ဒ် မဟ်ရက်ဇ်က ရရှိခဲ့သည်ဟု သိရသည်။

မဟ်ရက်ဇ်မှာ ဇယားထိပ်ဆုံး၌ ဦးဆောင်နေသည့် လက်စတာအသင်းတွင် အံ့ဖွယ်ခြေစွမ်းများကို ပြသနေသူဖြစ်ပြီး အသင်းအတွက် ၁၇ ဂိုး သွင်းယူပေထားကာ ၁၁ ကြိမ် ဖန်တီးမှု ပြုလုပ်ထားသည်။ ၎င်း၏ အသင်းဖော် ဂျာမီ ဗာဒီကမူ ဒုတိယနေရာ ရရှိခဲ့ပြီး စပါးတိုက်စစ်မှူး ဟယ်ရီကိန်းက တတိယ ချိတ်ခဲ့သည်။

လက်စတာစီးတီးအသင်းမှ ထိုဆုကို ပထမဆုံး ရရှိခဲ့သူ မဟ်ရက်ဇ်က ၎င်းအနေဖြင့် ပျော်ရွှင်မိသည်ဟု ဆိုသည်။

“ကျွန်တော်ဟာ ဒီနှစ်တစ်နှစ်လုံးမှာ အကောင်းဆုံးကစားသမား ဖြစ်တယ်လို့ ရှုမြင်ပြီး ကစားသမားတွေက မဲပေးတာကြောင့် တော်တော်လေးကို ထူးခြားတဲ့ဆုဖြစ်ကာ ကျွန်တော် ပျော်လည်းပျော်ပါတယ်။်ကျွန်တော့်ရဲ့အသင်းဖော်တွေ မရှိဘဲနဲ့ ဒီဆုကို ကျွန်တော် ရမှာမဟုတ်ပါဘူး။ ကွင်းထဲက ဘယ်နေရာမှာပဲဖြစ်ဖြစ် ကျွန်တော်တို့အားလုံးဟာ ညီအစ်ကိုတွေပါ။ ဒါက ကျွန်တော်တို့ရဲ့ အင်အားပါပဲ” ဟု မဟ်ရက်ဇ်က ပြောကြားခဲ့သည်။

စပါးကွင်းလယ်လူ ဒီလီ အလီကမူ PFA ၏ တစ်နှစ်တာ အကောင်းဆုံး လူငယ်ကစားသမားဆုကို ရရှိခဲ့ပြီး ဗာဒီက ပရီးမီးယားလိဂ်တွင် ၁၁ ပွဲဆက်တိုက် ဂိုးသွင်းယူနိုင်ခဲ့သည့်အတွက် အထူးဆုကို ရရှိခဲ့သည်။ မန်ယူလက်ထောက်နည်းပြ ရွိုင်ယန်ဂစ်ကမူ Merit Award ဆုကို ရရှိခဲ့သည်။

Ref: Goal