လက်စတာစီးတီး ပရီးမီးယားလိဂ် ချန်ပီယံဖြစ်ပြီ

မေ ၃၊ ၂၀၁၆
M-Media

– ပရီးမီးယားလိဂ် ပွဲစဉ် ၃၆ အဖြစ် ဒီနေ့မနက်မှာ ကစားခဲ့တဲ့ စပါးအသင်းနဲ့ ချယ်ဆီးတို့ရဲ့ပွဲမှာ ၂ ဂိုးစီ သရေကျသွားခဲ့တာကြောင့် ကစားဖို့ ၂ ပွဲကျန်နေသေးတဲ့အချိန် ဒုတိယနေရာက စပါးကို ၇ မှတ် ဖြတ်ထားနိုင်တဲ့ လက်စတာအသင်းဟာ ပရီးမီးယားလိဂ်ချန်ပီယံ ဖြစ်သွားခဲ့ပါပြီ။

စနေနေ့ပွဲမှာ လက်စတာက မန်ယူကို သရေကျသွားတဲ့အတွက် အမှတ်ကွာဟမှုကို လျော့ချဖို့ ကြိုးစားခဲ့တဲ့ စပါးတို့ စတမ်းဖို့ဒ်ဘရစ်ခ်ျမှာ ပထပိုင်းသွင်းဂိုးတွေနဲ့ ၂ ဂိုးပြတ်နဲ့ ဦးဆောင်နိုင်ခဲ့ပေမယ့် ချယ်ဆီးက ဒုတိယပိုင်းမှာ ချေပဂိုးတွေ ပြန်သွင်းနိုင်ခဲ့တာကြောင့် သရေတစ်မှတ်သာ ရခဲ့ပြီး ချန်ပီယံဖြစ်ရေး မျှော်လင့်ချက်ကို စွန့်လွှတ်ခဲ့ရပါတယ်။

လက်စတာဟာ ပြီးခဲ့တဲ့ နိုဝင်ဘာ ၂၁ ရက်နေ့ နယူးကာဆယ်ကို ၃ ဂိုးပြတ်နဲ့ အနိုင်ရတဲ့ အချိန်ကတည်းက ပရီးမီးယားလိဂ်ကို တောက်လျှောက်ဦးဆောင်ကာ အခုလို ချန်ပီယံဖြစ်ခဲ့တာဖြစ်ပါတယ်။ ဒါဟာ အသင်းရဲ့ နှစ်ပေါင်း ၁၀၀ ကျော်သက်တမ်းမှာ ပထမဆုံးအကြိမ် ပရီးမီးယားလိဂ်ဖလားကို ဆွတ်ခူးနိုင်ခဲ့တာပါ။

နည်းပြ ရာနီယေးရီကတော့ ဒီလိုအောင်ပွဲရဖို့အတွက် အချိန်အကြာကြီး စောင့်ခဲ့ရတယ်လို့ ဆိုပါတယ်။

“ကျွန်တော့်သက် ၆၄ နှစ်ရှိပါပြီ။ ဒီလိုအောင်ပွဲရဖို့ အကြာကြီး တိုက်ပွဲဝင်ခဲ့ရပါတယ်။ ဒါပေမယ့် ကျွန်တော်ဟာ အပြုသဘောဘက်ကပဲ ကြည့်ခဲ့ပြီး အသင်းအပေါ်မှာလည်း အကောင်းမြင်ခဲ့ပါတယ်။ နောက်ဆုံးမှာ ကျွန်တော်ဟာ အမှတ်ပေးဖလား အရယူနိုင်လိမ့်မယ်ဆိုတာကို ကျွန်တော်သိခဲ့ပါတယ်။ လက်ရှိ ကျွန်တော်ဟာ ဂရိလက်ရွေးစဉ်အသင်းက အထုတ်ခံလိုက်ရတဲ့ ကျွန်တော်ပါပဲ” လို့ ပရီးမီယားလိဂ်ချန်ပီယံဖြစ်ပြီးတဲ့နောက်မှာ ရာနီယေးရီက ပြောကြားခဲ့ပါတယ်။

လက်စတာဟာ ပရီးမီးယားလိဂ်ဖလားကို အခုတစ်ပတ် စနေနေ့မှာကစားမယ့် အဲဗာတန်အသင်းနဲ့ အိမ်ကွင်းပွဲစဉ်မှာ ကိုင်မြှောက်ရမှာပါ။

အသင်းက ပရီးမီးယားလိဂ်ချန်ပီယံဖြစ်တဲ့အပြင် လက်စတာတိုက်စစ်မှူး ဗာဒီဟာ လိဂ် ၁၁ ပွဲဆက်တိုက် ဂိုးသွင်းနိုင်တဲ့ ပထမဆုံး စံချိန်ရှင်ဖြစ်ခဲ့သလို ဘောလုံးအားကစား ကလောင်ရှင်များအသင်း FWA က ရွေးချယ်တဲ့ တစ်နှစ်တာ အကောင်းဆုံး ဘောလုံးသမားဆုကိုလည်း ရရှိခဲ့ပါတယ်။

အခြားတိုက်စစ်မှူးတစ်ဦးဖြစ်တဲ့ ရီယာ့ဒ် မဟ်ရက်ဇ်ကလည်း ပရော်ဖက်ရှင်နယ် ဘောလုံးသမားများအသင်း PFA က ပေးအပ်တဲ့အကောင်းဆုံး တစ်နှစ်တာ အကောင်းဆုံး ကစားသမားဆုကို ဆွတ်ခူးနိုင်ပါတယ်။

Ref: premierleague.com, Goal